སྒོར་མོ་ལས་སྐུ་ཕྱྭ་གལ་ཆེ། མཁྱེན་ནམ། དགེ་འདུན་རབ་གསལ།

སྐུ་ཕྱྭའི་གནད་དོན་དེ། སྐུ་སྒེར་ཡིག་ཚང་དང་། དོན་གཅོད་གཉིས་ལ་ཡོད། ད་ལྟ་ཁོ་གཉིས་ཀྱི་མ་འཇོན་པའི་ངོས་འཛིན་ཡོད། ཕྱིན་ཆད་དེ་འདྲ་མ་ཡོང་བར་གཟབ་དགོས་སོ།།

རྒན་དགེ་འདུན་རབ་གསལ་གྱིས་གསུང་བ་དེ་མིང་བཟུང་དོན་བཟུང་གིས་གསལ་བཤད་བྱེད་རྒྱུ་གལ་ཆེན་རེད ། ས་གནས་དེའི་སྐུ་ཚབ་དོན་གཅོད་དང་༧་གོང་ས་མཆོག་གདན་འདྲེན་ཞུ་མཁན་ཚོས་འགན་ལེན་མ་བྱས་པ་ཡིན་ན་དེ་ཚོ་ལ་གསལ་བཤད་བྱེད་དགོས། སྤྱིར་སྐད་ཆ་འདི་སེམས་སྡུག་གི་སྐད་ཆ་དང་ཡི་ཐང་ཆད་པའི་སྐད་ཆ་ཞིག་ཀྱང་རེད ། ཡིནའང་། ༧་གོང་ས་མཆོག་གི་སྐུ་ཕྱྭ་ལ་གུ་ཡངས་དང་དོགས་ཟོན་ཅི་ཡང་བྱེད་རྒྱུ་མེད་པ་འདི་སྒྲོར་ལོར་རྔམ་དྲགས་པས་ཡིན་པ་རྒན་ལགས་ཀྱིས་ཁག་ཐག་གཙང་བཅད་བྱེད་ཐུབ་ན་གནས་ཚུལ་འདི་ལྟར་འཇོག་འདོད་གཏན་མེད། ཨ་རིའི་དོན་གཅོད་དང་ཐེངས་འདིའི་གདན་འདྲེན་མཁན་ཚོ་ལ་རང་འགར་བསྐྱུར་ཐབས་མེད །

ལགས་རེད། དངོས་གནས་རེད། དངུལ་དང་མཛད་འཕྲིན་གལ་ཆེན་པོ་རེད། འདི་གཉིས་ལས་༧སྐུའི་འཕྲོད་བསྟེན་གལ་ཆེ་བ་རེད། གལ་ཆེ་ཤོས་ནི། ༧སྐུའི་སྐུ་ཕྱྭ་རེད་དོ། དགེའོ། །

ད་གིན་གྱི་མཆན་དེ། ལས་བྲེལ་ཆེན་པོའི་བར་ནས་རབ་གསལ་ལགས་ཀྱི་རྩོམ་དེ་བམ་ཀློག་ཐེངས་ཤིག་བྱས་ཏེ་བྲིས་པ་ཡིན། ད་ལྟ་རབ་གསལ་ལགས་ཀྱིས་གསལ་པོ་གསུངས་པ་ལྟར། ངས་ཞིབ་བལྟ་མ་བྱས་པའི་སྐྱོན་བྱུང་འདུག ཚང་མར་དགོངས་དག་ཞུ།
༡༽ ངས་ཞུས་པ་བཞིན་མང་ཚོགས་ལ་བཀའ་སློབ་གནང་ས་དང་ཤེར་སྙིང་གི་འཁྲིད་གནང་ས་དེར་ལུས་བཤེར་གནང་གི་འདུག རབ་གསལ་ལགས་ཀྱིས་ཀྱང་དེར་གནང་གི་འདུག་གསུངས་འདུག འདི་ལ་རྩོད་པ་མེད་དོ།།

༢༽ རབ་གསལ་ལགས་ཀྱིས་གསུང་ཚོད་གནང་འདུག་ཅེས་པ་དེ་ཡང་བཟང་ཕྱོགས་ནས་བཤད་ཁུལ་ཡིན་གྱི་ལྡོག་ཕྱོགས་ནས་ཞུས་པ་མིན་ནོ།། སྡུག་ག་བསམས་ནས་འབྲི་མཁན་ཡིན་ན། འབྲི་རྒྱུ་མང་པོ་འདུག དེ་ཚོ་འབྲི་ཚོད་གནང་འདུག་ཟེར་བ་ཡིན། ང་རྟོག་དཔྱོད་ཀྱི་མིག་རྩ་རྣོ་བ་ཞིག་གིས། དེ་ཙམ་ནི་ལོས་ཤེས།

༣༽ ད་གནད་དོན་བཤད། སྐུ་ཕྱྭ་གལ་ཆེན་ཡིན་པ་ནི་ཚང་མས་ཁས་ལེན་བྱེད། དེ་བཞིན་ཨ་ཀྱ་རིན་པོ་ཆེའི་ཀུན་སློང་ལའང་སྐྱོན་མེད་པའི་ཡིད་ཆེས་ཡོད། ད་སྐྱོན་གང་ནས་ལྷགས་པ་རེད། ང་རང་གི་ཉམས་མྱོང་ལྟར་ན། སྐྱོན་གཙོ་བོ་དེ། སྐུ་སྒེར་ཡིག་ཚང་དང་བྱང་ཨ་རིའི་དོན་གཅོད། ས་གནས་ཀྱི་སྒྲིག་འཛུགས་བཅས་ཀྱི་བར་ནས་སྐྱོན་བྱུང་འདུག
ན་ནིང་༸གོང་ས་མཆོག་ཁེ་ཎ་ཌའི་ཝན་ཁུ་ཝ་ལ་ཕེབས་དུས་ཀྱང་། རྒྱ་རིགས་ཝིག་ཊོར་གྱིས་འགན་འཁྱེར་ཁུལ་བྱས། ས་གནས་བོད་མི་ཚོར་ཆིབས་སྒྱུར་ཐད་ཐེ་ཇུས་རྩ་བ་ནས་བྱེད་མ་བཅུག སྐུ་ཚབ་དོན་གཅོད་ལ་ཞུས་དུས། སྐུ་སྒེར་ཡིག་ཚང་གིས་ཐག་བཅད་པ་རེད་ཟེར། ས་གནས་བོད་མི་ཚོ་བློ་ཕམ། གནས་ཚུལ་དེ་འདྲ་བྱུང་སོང་།

དོན་དངོས་སུ་མཛད་འཆར་ཞིབ་ཕྲ་སྐུ་སྒེར་ཡིག་ཚང་གིས་གཏན་འབེབས་གནང་གི་ཡོད། མཛད་བྲེལ་ཆེ་དྲགས་པ་མ་ཡིན་པར་སྐུ་ངལ་གསོ་རྒྱུའི་དུས་ཚོད་འདང་ངེས་བཀོད་སྒྲིག་གནང་དགོས་པ་དེ་སྐུ་སྒེར་ཡིག་ཚང་གི་འགན་རེད།

དེ་ནས་ཆིབས་བསྒྱུར་གནང་ཡུལ་དུ། གོ་སྒྲིག་གི་ལས་ཀ་གང་འདྲ་བྱུང་ཡོད་མེད་ནི། སྐུ་ཚབ་དོན་གཅོད་ཀྱིས་སྔོན་ཚུད་ནས་གཟིགས་རྟོག་གནང་དགོས་རེད། གདན་ཞུ་འབུལ་མཁན་ཚོར། མཛད་རིམ་འདི་དང་འདིའི་སྐབས་སུ་གོ་སྒྲིག་འདི་དང་འདི་གནང་ཡོད་དམ། ཆ་རྐྱེན་འདི་དང་འདི་དགོས་ཞེས་གསུངས་དགོས་རེད། དེ་གལ་ཆེན་པོ་རེད།

ཁེ་ཎ་ཌ་ལ་ཆིབས་བསྒྱུར་གནང་དུས། མང་ཚོགས་ལ་བཀའ་སློབ་གནང་སྐབས་ཕུད། དེ་མིན་ཚོགས་ཁང་ནང་གི་གསུང་བཤད་སྐབས་ལ། འཛིན་བྱང་རིན་གོང་ཧ་ཅང་མཐོན་པོ་རེད། དེའི་ཐད་ཁེ་ཎ་ཌའི་ནང་གི་མི་སེར་ཚོར་མཐོང་ཚུལ་ངན་པ་འདུག དངུལ་དེ་ཚོ་༸གོང་ས་མཆོག་དང་བོད་མི་ཚོར་བབས་ཀྱི་མེད། གོ་སྒྲིག་ཞུ་མཁན་ཚོ་ལ་བདག་འགྲོ་བ་འདྲ། གང་ལྟར་༸གོང་ས་མཆོག་ཚོང་རྫས་ལྟ་བུ་ཆགས་ཀྱི་འདུག དེ་ལ་དགོངས་པ་བཞེས་དགོས་འདུག ང་རང་གིས་བརྟག་དཔྱད་བྱས་པ་ལྟར་ན། ༸གོང་ས་མཆོག་གིས་འཛིན་བྱང་ལ་དེ་འདྲའི་གོང་ཆེན་པོ་བྱེད་ཀྱི་ཡོད་པ་མཁྱེན་གྱི་ཡོད་ས་མ་རེད།

སྤྱིར་བཏང་གསུང་བཤད་གནང་སྐབས་འཛིན་བྱང་ངེས་པར་བཙོང་དགོས་རེད། དེ་ནི་ཆོས་ཀྱི་ཆེ་བ་དང་འབྲེལ་བ་ཡོད། འོན་ཀྱང་འཛིན་བྱང་སྤྱིར་བཏང་རེར་ཌོག་ལར་བརྒྱ་ལྷག་གནང་ན་རྦད་དེ་མཐོ་དྲག་གི་འདུག

མདོར་ན། རབ་གསལ་ལགས་ཀྱིས་གནད་དོན་འདི་བཏོན་པར་ཐུགས་རྗེ་ཆེ་ཞུ། ཁྱེད་རང་དེ་ཁུལ་བཞུགས་པ་མ་ཤེས་པ་མ་གཏོགས། ཞོར་དུ་མཇལ་ཙམ་བྱེད་པར་བཅར་ས་རེད། མ་འོངས་མཇལ་བའི་རེ་བ་ཡོད།

ད་ཧ་ལམ་འདི་ཙམ་གྱིས་འཐུས་པ་བྱེད་དགོས་པ་མིན་འགྲོ ད་བཤད་ཚར་སོང་། ད་རྩོམ་ནང་ན་གང་ཡོད་པ་མ་གཟིགས་པར་དགོངས་ཚུལ་བཤད་ཡོང་གི་འདུག དེ་ནས་ཀླན་ཀ་འཚོལ་གྱི་འདུག

ངས་རྩོམ་ཡིག་འདི་འབྲི་སྐབས་ རང་གི་ཀླད་པ་ཆུང་ཆུང་དེ་ཐེངས་མང་བསྐོར་བ་ཡིན། ཁུངས་དགོས་སའི་ཚིག་འབྲུ་རེ་རེ་ཁུངས་རེ་རེ་གཏུགས་ཏེ་བཀོད་པ་ཡིན། ང་རང་སྒེར་གྱི་མྱོང་ཚོར་ཏེ་དཀོན་མཆོག་དཔང་བཙུགས་ཀྱི་ཚུལ་དུ་བྲིས་པ་ཡིན། ཁུངས་སྐྱེལ་མི་ཐུབ་པའི་གཏམ་ཡན་བཤད་མེད། འདི་ལྟར་བཤད་ཀྱང་ཡིད་ཆེས་ཀྱི་མ་རེད། དཔེར་ན། ཁང་གསར་ལགས་ཀྱི་དོན་ཚན་དང་པོ་དེ་ལ་ ངས་ཀྱང་དེ་དེ་བཞིན་རེད་ཅེས་བྲིས་ཡོད། རྩོམ་ནང་ལ་གཟིགས་དང་གསལ་པོར་ཡོད། འདིར་ཡང་ལུང་འདྲེན། “སྐུའི་མཛད་རིམ་ལས་བྱུང་བའི་ཁེ་བཟང་ཨ་སྒོར་འབུམ་གཉིས་ལྷག་ཡོད་པ་དེ་ནས་འགྲོ་སོང་བཏང་སྟེ། གསུང་ཆོས་གནང་སའི་སློབ་གྲྭའི་ཚོགས་ཁང་དུ་མི་མང་ལ་བཀའ་སློབ་གནང་མ་ཆོག་པ་གང་ཡིན་ནམ། ཚོགས་ཁང་དེར་མ་མཐའ་ལ་ཡང་གཟུགས་པོར་བརྟག་དཔྱད་བྱེད་ཀྱི་ཡོད་པ་རེད། ཆར་ཤུགས་ཆེ་ན་ཡང་༧སྐུ་མདུན་གྱི་འཁྲིས་ལ་མི་མང་འཚང་ཁ་རྒྱག་པ་ཞིག་ཡོང་གི་མ་རེད། ཐུགས་རྗེས་གཟིགས། ༧རྒྱལ་བ་རིན་པོ་ཆེའི་སྐུ་ཕྱྭ་ལ་ལྷོད་གཡེང་མ་ཤོར་པ་ཞིག་གནང་རོགས།” ཞེས་བྲིས་ཡོད། འོན་ཀྱང་ད་དུང་འདི་ལྟར་ “མང་ཚོགས་ལ་བཀའ་སློབ་གནང་ས་དེ་དང་། ཤེར་སྙིང་གི་འཁྲིད་གནང་ས་དེར་བཅར་པ་ཡིན། ལུས་བཤེར་ཡག་པོ་བྱེད་ཀི་འདུག དེའི་ཐད་རབ་གསལ་ལགས་དང་མཐོང་ཚུལ་མ་འདྲ་བ་འདྲ་ཞིག་བྱུང་།”ཞེས་གསུངས་ཡོང་གི་འདུག

ད་དེ་ནས་ “རབ་གསལ་ལགས་ཀྱིས་བྲིས་པ་དེ་ཀློག་དུས། ད་དུང་གནས་ཚུལ་མང་པོ་ཞིག་ལ་བཤད་ཚོད་བྱས་པ་འདྲ་ཞིག་འདུག” འདི་ཡང་ཚིག་འདི་དང་དེ་བཤད་ཚོད་བྱས་འདུག་ཅེས་གསུངས་ན་ ངས་ཡིན་མིན་གྱི་ལན་ཞིག་འབྲི་ཐུབ། དེ་མིན་མི་སྒེར་གྱི་མཐོང་ཚུལ་ཞིག་རེད།
ད་སྟབས་ཉེས་པ་ཞིག་ལ། ཁང་རྡོར་གྱིས་བསམ་ཚུལ་བཤད་ཡོང་སྐབས་ བོད་ཀྱི་མཛེས་མ་དེའི་རྗེས་སུ་འབྲངས་ནས་ གཏམ་ཡན་ཞིག་བཤད་འདུག ད་ཅི་བྱེད། གསུང་ཆོས་དང་གསུང་བཤད་གནང་ས་གཉིས་ཀ་ལ་ལུས་པོར་བརྟག་དཔྱད་བྱེད་ཀྱི་འདུག་ཅེས་སྔ་ཕྱིར་བཀོད་ཡོད། གནད་དོན་བྱུང་ས་དེ་ཆོས་ཚོགས་ཀྱི་རྭ་བའི་ནང་རེད་ཅེས་བཀོད་ཡོད།
ད་ཧ་ལམ་སྦྱང་བཤད་ཀྱིས་ཐུབ་པ་རྣམས་བཤད་ཟིན་པ་ཡིན་ལ། མུ་མཐུད་ནས་འདི་ལྟར་ཡོང་ན་དོན་མེད་དཀྲོགས་གཏམ་འགྲོ་གཞི་ཙམ་ལས་མི་འདུག དེ་བས་ “རིག་པ་འདོན་པ་”ཞེས་པའི་རེའུ་མིག་འདི་སྒོ་རྒྱག་རོགས། ཞེས་རེ་སྐུལ་ཞུ་རྒྱུ་ཡིན། ཐུགས་རྗེ་ཆེའོ།

༡༽ མང་ཚོགས་ལ་བཀའ་སློབ་གནང་ས་དེ་དང་། ཤེར་སྙིང་གི་འཁྲིད་གནང་ས་དེར་བཅར་པ་ཡིན། ལུས་བཤེར་ཡག་པོ་བྱེད་ཀི་འདུག དེའི་ཐད་རབ་གསལ་ལགས་དང་མཐོང་ཚུལ་མ་འདྲ་བ་འདྲ་ཞིག་བྱུང་།

༢༽ མཛད་རིམ་མང་དྲགས་པ་དེ་སྐྱོན་ཆེན་པོ་རེད་འདུག སྔོན་མ་ཁེ་ཎ་ཌ་ལ་ཕེབས་དུས་སུའང་ཉིན་གཅིག་ལ་མཛད་རིམ་ཧ་ཅང་མང་པོ་བསྒྲིགས་འདུག འདི་ཚོའི་ཐད་ལ་སྐུ་སྒེར་ཡིག་ཚང་དང་དོན་གཅོད་ཀྱིས་སྟངས་འཛིན་ཡག་པོ་གནང་དགོས་འདུག

༣༽ རབ་གསལ་ལགས་ཀྱིས་བྲིས་པ་དེ་ཀློག་དུས། ད་དུང་གནས་ཚུལ་མང་པོ་ཞིག་ལ་བཤད་ཚོད་བྱས་པ་འདྲ་ཞིག་འདུག

དགེ་འདུན་རབ་གསལ་གྱིས་དངོས་ཡོད་གནས་ཚུལ་དང་སེམས་པ་དམར་རྗེན་དུ་བཤད་འདུག ཧ་ཅང་བདེན་པར་ཚོར་སོང་མིམཐུད་ནས་འདི་ལྟར་ཤོད་དང་། བདེན་པ་ལ་རྒྱལ་ཁ་ཐོབ་པའི་ཡིད་ཆེས་ཡོད།

སྒོར་མོ་ལས་སྐུ་ཕྱྭ་གལ་ཆེ་ཚུལ་གླེང་མཁན་དགེ་འདུན་རབ་གསལ་ལགས་ལ་སྙིང་ཐག་པ་ནས་ཐུགས་རྗེ་ཆེ་ཞུ་ཡག་ཡིན།
གང་ལ་ཟེར་ན། བོད་མི་དམངས་སྤྱི་འཐུས་ལྷན་ཚོགས་ནས་ཆོལ་ཁ་གསུམ་གྱི་སྒྲིག་འཛུགས། ད་དུང་གཞོན་ནུ་བུད་མེད་སོགས་ཀྱི་ཚོགས་འདུའི་སྐབས་ཀྱི་གྲོས་ཆོད་ཡིག་ཆ་དང་པོ་དེར་སྐུ་ཕྱྭའི་སྐོར་འདི་བཀོད་ཡོད། ནམ་རྒྱུན་གྱི་འགྲོ་སྟངས་སུ་གྱུར་པས་ཡིན་མིན་མི་ཤེས། སྐུ་ཕྱྭ་སྲུང་སྐྱོབ་ནི་ལས་ཀ་ཨང་དང་པོ་ཡིན་པའི་ངོས་ནས་འདི་ལྟར་གྲོས་ཆོད་ཡིག་ཆ་མང་པོ་བཞག་ཡོད་པ་རེད། ད་ལྟ་ཡང་འཇོག་གིན་ཡོད་པ་རེད། མ་འོངས་པར་ཡང་འཇོག་པར་འགྱུར་བ་རེད།
ཧ་ལས་དགོས་པ་ཞིག་ལ། ཤེས་ཡོན་པའི་རིགས་ཀྱིས་སྤྱི་ཚོགས་ཀྱི་སྣེ་ཁྲིད་དགོས་ཞེས་ཁོ་པ་ཚོ་བཤད་ཀྱང་བཤད་ལ། དེ་འདྲར་ཁས་འཆེ་བའང་ཡིན་ནའང་། རྒྱལ་བ་རིན་པོ་ཆེའི་སྐུ་ཕྱྭའི་སྐོར་ལ་དོ་སྣང་གནང་དགོས་ཀྱི་འདུག འགན་འཁྱེར་དགོས་ཀྱི་འདུག སྣང་མེད་དུ་གཏོང་མི་རུང་བར་འདུག་ཅེས་གནས་ལུགས་དང་རྒྱུ་མཚན་སྐྱ་སྦྲེལ་གྱིས་བཤད་འོང་ན། དེ་ལ་མི་དགའ་བ་བྱེད་མཁན་འབྱུང་གིན་པ་ལ་ད་ནི་ཧ་ལས་སོང་། རྒྱལ་བ་རིན་པོ་ཆེའི་སྐུ་ཕྱྭ་ལ་འགན་འཁྱེར་བའི་རྩོམ་ཡིག་འདི་ལ་སྙིང་ཚིམ་བྱེད་པའི་བསམ་བློ་འདི་གང་ནས་བྱུང་བར་བསམས་ན། དེ་བས་ཧང་སངས་དགོས་པ་ཞིག་འདུག
དགེ་འདུན་རབ་གསལ་ལགས་ནས་མིག་མཐོང་ལག་ཟིན་གྱི་གནས་ཚུལ་ཡོངས་བསྒྲགས་གནང་བ་འདི་འདྲ། དེ་སྔ་མང་པོ་བྱུང་མེད་པའི་སྨོན་ལམ། སླད་ཕྱིན་མི་འབྱུང་བའི་སྨོན་ལམ།
ཐུགས་རྗེས་གཟིགས། ༧རྒྱལ་བ་རིན་པོ་ཆེའི་སྐུ་ཕྱྭ་ལ་ལྷོད་གཡེང་མ་ཤོར་པ་ཞིག་གནང་རོགས། ཞེས་དགེ་འདུན་རབ་གསལ་ལགས་ཀྱིས་འབོད་སྐུལ་གནང་འདུག་པ་ལྟར། ང་ཚོས་ཀྱང་མཉམ་དུ་འབོད་སྐུལ་ཞུ་དགོས་པ་ཞིག་ལས། འདི་ལ་སྙིང་ཚིམ་བྱེད་དགོས་པ་མི་འདུག་སྙམ།
མཁས་པ་ཚོ། རྩོམ་པ་པོ་ཚོ། ཐུགས་བསམ་རེ་བཞེས་གནང་རོགས།

བཙན་པོ་ལགས།
ཁྱེད་ཀྱི་མཆན་གསུབ་ལུགས་ཀྱི་སྐོར་ལ་ང་ལ་སྐད་ཆ་ངོ་མ་ཞིག་བཤད་རྒྱུ་ཡོད། འོན་ཀྱང་ངས་ཁྱེད་ལ་མི་བཤད། རྒྱུ་མཚན་ནི་ངས་བཤད་ཀྱང་ཁྱོད་ཡིད་མི་ཆེས་པ་དེ་ངས་ཤེས་ཡོད། སྐབས་འབྲེལ་གྱི་དོན་ཚན་འགའ་ལ་ངས་ལན་བཏབ་ཟིན།

བཙན་པོའི་སྐད་ཆ་དེ་ཁ་བརྡའི་ནང་ལན་བཏབ་ཟིན།

ད་རྩོད་པ་་བྱེད་ཡ། རབ་གསལ་ཁྱོས་བསམ་བློ་ཡག་པོ་ཐོངས།

ཐོས་དགའ་གསུང་པ་དེ་ཤིན་ཏུ་བདེན།
ཡག་པོ་ཞིག་བྱུང་ན་ནི་བོད་གཞུང་།
སྐད་ཆ་ཁ་ཐུག་ཞིག་ཞུ་ན་ནི་རྒྱ་མིས་སོ་བ་

ཆོས་ཚོགས་དེ་ལ་ཆོས་བརྒྱུད་གཞན་ཞིག་བཏང་ན་ཡང་ཁོང་ཁག་མེད།
དངོས་གནས་བྱེད་ན་སོག་པོ་དང་ས་སྐྱ་ཆོས་བརྒྱུད་གཉིས་དཔེ་ཡག་ཀི།

བོད་རང་གཙན་གི་དཔང་རྟགས་

དྲ་གྲོགས་དགེ་འདུན་རབ་གསལ་ལགས།
ངོ་མ་ཡག་པོ་བྲིས་འདུག
རྗེས་སུ་ངེས་པར་དུ་ཆོས་ ཚོགས་དེའི་གནས་བབ་དང་ཕན་ཐོགས། ཆོས་ཚོགས་དང་བོད་མིའི་འབྲེལ་བ། ཆོས་ཚོགས་ཀྱི་རྒྱུན་ལྡན་མཛད་རིམ་སོགས་ཀྱི་སྐོར་ལ་བསམ་ཚུལ་འགའ་ཡོད་ཅེས་གསུངས་པ་ལྟར། ངེས་པར་འབྲི་རོགས་གནང།

དང་པོ། ཆོས་ཚོགས་དེའི་མིང་བསྒྱུར་དོན་དགོས་དོན་གང་ཡིན་ནམ།
གཉིས་པ། ང་ཚོ་སྐྱབས་བཅོལ་གྱི་འཚོ་བར་རོལ་མཁན་ཞིག་གིས་སོག་རིགས་རང་བཙན་རྒྱལ་ཁབ་ཡོད་ཟེར་མཁན་ལ་དམིགས་བསལ་མང་པོ་སྤྲོད་བཞིན་ཡོད་ཀྱང། ད་དུང་བསམ་ཤེས་མེད་པའི་གནས་ཚུལ་མང་པོ་ཐོན་དང་ཐོན་བཞིན་པ་རེད། དཔེར་ན། གདན་ས་ཁག་དང། སྨན་རྩིས་ཁང།་ས་རཱ་མཐོ་སློབ་སོགས་ཀྱི་མི་སྣ་ཁག་ལ་སྐད་ཆ་དྲིས་ན་མཁྱེན་ངེས་རེད།

འདི་ནི་གནས་ཚུལ་གསར་བ་ཞིག་ཡིན་རྒྱུ་མ་རེད།ཆོས་ལ་བརྟེན་ནས་དཔལ་འབྱོར་བསྡུ་བའི་བྱེད་ཐབས་འདི་ནི་ང་ཚོའི་ལོ་རྒྱུས་ཀྱི་གྲུབ་ཆ་ཞིག་ཏུ་གྱུར་ཡོདཔས་དེ་ལ་ཡ་མཚན་སྐྱེས་དགོས་པ་ཞིག་མ་རེད།དགོས་དོན་སྙིང་པོ་ནི་སྐུའི་བདེ་ཐང་དང་བདེ་འཇགས་ལ་དོ་སྣང་བྱ་དགོས་པ་དེ་རེད།

བཀྲ་ཤིས་ལགས། ཕྱོགས་རིས་བྱས་པ་མིན། ཆོལ་ཁ་དང་ལུང་ཚན་གྱི་ཕྱོགས་རིས་དབང་དུ་སོང་བའི་སྐད་ཆའི་རིགས་འདིར་མ་འགོད་རོགས། དེ་བཞིན་ཁུངས་སྐྱེལ་ར་སྤྲོད་གསལ་བོ་མེད་པར། སྐུ་སྒེར་དྲུང་ཆེ་མཆོག་ལ་སྐྱོན་འདོགས་བྱས་ན་ཡག་པོ་མ་རེད། ཁུངས་ལུང་ཡོད་ན་དེ་བཞིན་དུ་བྲིས་དང་ང་ཚོས་སྐུ་ཉིད་ཀྱི་སྨྲ་བརྗོད་རང་དབང་ལ་བརྩི་བཀུར་བྱ་ཁོ་ཐག་ཡིན། དགོངས་དག

ཨ་རྒྱ་རིན་པོ་ཆེ་འདི་བཙན་བྱོལ་ལ་ཕེབས་པ་ནས་བཟུང༌། བོད་རྒྱ་ཆེའི་མི་མང་གི་སེམས་ནང་ནས་རིམ་པས་དཀར་པོར་འགྱུར་མགོ་ཚུགས་པ་རེད། བོད་ནང་གི་མང་ཚོགས་ཚོའང་རིམ་པས་ཁོང་ལ་དགའ་ཞེན་ཞིག་ཡོང་མགོ་ཚུགས་ཡོད་པའི་སྐབས་འདིར། ཕྱག་ལས་འདི་འདྲ་ཞིག་གནང་བ་དེར་བློ་ཕམ་ཡོད།
དགེ་འདུན་རབ་གསལ་ལགས་ཀྱིས་གནས་ཚུལ་འདི་གསལ་འདོན་གནང་བ་ལ་རྒྱབ་སྐྱོར་ཡོད། མུ་མཐུད་འདི་རིགས་ཐེར་འདོན་བྱེད་དགོས་ཀྱི་འདུག རྒྱལ་བ་རིན་པོ་ཆེའི་སྐུ་ཕྱྭ་ལ་ཚང་མས་འགན་ཞིག་འཁུར་དགོས་ཀྱི་འདུག སྐུ་སྒེར་ཡིག་ཚང་ཡིན་ནའང་འདྲ། བོད་གཞུང་བདེ་སྲུང་ཡིན་ནའང་འདྲ། དང་པོ་ནས་གདན་ཞུ་བྱེད་མཁན་ཆོས་ཚོགས་སོགས་གང་ཡིན་ནའང་བརྟག་དཔྱད་ཅིག་དང༌། ཡང་ན་ཆ་རྐྱེན་ཞིག་འདོན་པའི་ལམ་སྲོལ་བཟུང་དགོས་ཀྱི་འདུག
ད་རེས་ཨ་རྒྱ་རིན་པོ་ཆེའི་ཆོས་ཚོགས་ནས་གནང་སྟངས་འདིར་བློ་ཕམ་ཚད་མེད་ཡོད། ངོ་རྒོལ་ཡོད། བླ་མ་བླ་ཆེན་ཡིན་མིན་ང་ལ་གསལ་ཆ་གང་ཡང་མེད། མཁྱེན་ཡོན་ཆེན་པོ་ཡོད་མེད་ང་ལ་རྒྱུས་གང་ཡང་མེད། དེ་ཚོ་ད་རེས་ཀྱི་གནང་སྟངས་འདིར་འབྲེལ་བ་ཡོད་པ་མ་རེད། ད་རེས་ཀྱི་གནང་སྟངས་འདི་ཁྱད་མཚར་བོ་ཞིག་མཐོང་སོང༌། ཆེན་པོ་ཡིན་ན་ཆེན་པོའི་ཚོད་ཀྱི་དགོངས་བཞེས་གནང་ཤེས་དགོས་པ་རེད། འདི་འདྲ་གནང་ན་ཡག་པོ་མ་རེད།

རེད་ཡྭ་་་་་་ ང་ཚོ་བོད་པ་ཚང་མས་རྒྱུ་དང་སྙན་གྲགས་ལས་བླ་མའི་སྐུ་ཕྱྭ་གལ་ཆེ་ཡིན་པ་ཤེས་དགོས།

ང་ཚོའི་འདིར་སྐུ་ཕྱ་་སྐུ་ཕྱ་་ཟེར་ནས་ཕན་པ་མེད
དེ་ལས་གནད་དོན་རེད་གསུངས་ན་རེད
ངའི་གོང་དུ་ཞུས་བ་བཞིན་་་་་་་་་་་་་་་་་་་་་་་་་་་་་་་་་་བདེ་སྲུང་བ་སྐད་བཏང་བ་་དང་ཁ་པར་སོགས་ཀྱི་མཐུན་རྐྱེན་ཡག་པོ་དགོས་ན་འགྲོ་སོང་གཏོང་དགོས་བ་རེད
ཆོས་ཚོགས་ཁག་གི་ཁེ་མ་གཏོགས་གྱོང་མི་འདོད་པ་རེད

ཕར་སོང་མེད་ན་ཚུལ་འོང་མེད་ཟེར་བ་རེད་་་་་་་་་་་་་་་ད་ནས་བཟུང་གལ་ཆེས་གཞུང་འབྲེལ་གྱི་ཆོས་ཚོགས་རེ་ཡོན་ན་མ་གཏོགས་་་་་་་ཆོས་ཚོགས་ཁག་ལ་མ་ཕེབས་རོགས་ཞུ་རྒྱུ་ཡིན
ད་ནས་བཟུང་་གཞུང་འབྲེལ་མ་ཡིན་པའི་ཆོས་ཚོགས་སུ་དང་གང་གི་༧གོང་ས་མཆོག་གདན་ཞུ་ཞུས་ཚེ་་ཚོང་གི་ཆེད་ཁོ་ནར་ཡིན་པས་དངོས་འཛིན་ཞུ་རྒྱུ་ཡིན

༄༅།། དགེ་འདུན་རབ་གསལ་ལགས ༡༠༠་་རེད
སྒོར་མོ་ལས་སྐུ་ཕྱ་གལ་ཆེན་རེད། འོན་ཀྱང་དེ་ང་དང་ཁྱོད་ལྟ་བའི་གྲོད་ཆུང་དག་གིའི་བསམ་ཚུལ་རེད། ཆོས་ཚོགས་ཁག་དེ་འདྲ་མ་རེད་་་་སྐུ་ཕྱ་ལས་ཚོང་གལ་ཆེ་བ་རེད
དེ་འདྲ་ཡིན་དུས་་་་དེང་སྐབས་ཆོས་ཚོགས་བརྒྱ་ཆ་དགུ་བཅུ་ཆོས་ཚོང་ཁང་རེད
ཁེ་ཁོ་ན་ལས་གྱོང་གཏད་ནས་མི་འདོད་པའི་ཚོང་ཁང་ཞིག་རེད
མ་འོང་པར་མི་སྐྱ་དག་གི་ཡང་ཚོང་གི་ཁ་ཕྱོགས་ལམ་འདིར་བརྒྱུད་རྒྱུ་རེད་ཡ་
ད་ལྟ་ནས་བླ་མ་དང་དགེ་བཤེས་འགའ་རེས་ཆོས་ཚཽགས་རེད་བསྐྱངས་དེ་རྗེས་སུ་སྡོམ་འགོ་མ་ཐོན་ཡང་ཆོས་ཚོང་རྒྱག་གིན་འདུག་ག

རྒན་དགེ་འདུན་རབ་གསལ་ལགས་ནས་འདི་ལྟར་ཚང་མའི་དོ་སྣང་དང་སྤྱིར་སྒེར་ཚང་མའི་གཟབ་ནན་བྱེད་དགོས་པའི་གནད་དོན་གནད་ལ་ཁེལ་བ་ཞིག་བཏོན་འདུག་པ་ཤིན་ཏུ་བཀའ་དྲིན་ཆེ།
དངོས་གནས་ཡིན་གསུང་བཤད་་གནང་རྒྱུའི་ཁ་པར་ཙམ་ཡང་གྲ་སྒྲིག་ཡག་པོ་ཞིག་བྱེད་མ་ཐུབ་ན་སྐུ་ཕྱྭ་ལ་དེ་བས་ཀྱང་ལྷོད་གཡེང་ཤོར་ངེས། ང་ཚོ་ཚང་མས་མཉམ་རུབ་ཀྱིས་སྤྱིར་སྒེར་ཚང་མ་ལ་གསལ་འདེབས་བྱེད་དགོས་ལ། ལྷག་དོན་༸གོང་ས་མཆོག་ཚོང་གི་བཟོ་ལྟ་ལ་བསྒྱུར་བཞིན་པ་དག་ནི་ང་ཚོའི་དགྲ་བོ་དངོས་གནས་དེ་ཡིན་སྟབས། གཞུང་དང་སྒེར་བཅས་ནས་གཟབ་ནན་གྱིས་ལྟ་དགོས་ལ་གཟབ་ནན་གྱིས་གླེང་ཡང་དགོས།

ཧུར་བརྩོན་ཅན་དགེ་འདུན་རབ་གསལ་ལགས།

སེམས་ཅན་ལས་ཀྱིས་མནར་བ་ལ་ཀུན་དགའ་བོ་མྱ་ངན་མ་བྱེད་ཅིག་་ཅེས་གསུངས་པ་ལྟར།ཁྱེད་རང་མྱ་ངན་མ་བྱེད།དེང་གི་དུས་འདིར་ཡོད་ཚད་དངུལ་གྱིས་བསླུ་ཚར་བ་རེད།་དེ་ལ་མྱ་ངན་བྱས་པ་དང་མ་བྱས་པ་མེད།

དེ་ལས་ཁྱོད་རང་ཡང་་སངས་རྒྱས་དཔའ་རྟུལ་ཞེས་པའི་དེབ་དེ་གནམ་ལ་ཤར་ནས་ཊོ་ལའི་རྗེས་སུ་རྒྱུགས་ཤིག་་་མྱུར་པོ་རྒྱུགས་ཤིག་་་མགྱོགས་ནས་མྱུར་ཏུ་རྒྱུགས་ཤིག་་་་་་་རྗེས་ལུས་མ་ཐེབས།་མདུན་ནས་མདུན་དུ་རྒྱུགས་ཤིག་་་་བྲག་གཡང་དང་མཚོ་ཟབ་ལ་འཇིགས་སྣང་མ་བྱེད་མུ་མཐུད་མཆོང་ཞིག
ཤེས་སོང་ངམ།་ཨ་མའི་བུ།

དྲ་གྲོགས་ཚང་མས་གནས་ལུགས་དང་འགལ་བའི་མཆན་བུ་མི་འདེབས་རྒྱུའི་རེ་བ་ཞུ། རང་ཉིད་སྙུག་མིང་གི་འོག་ན་ཡོད་ཀྱང་། རང་གི་རྩོམ་ཡིག་དང་མཆན་བུ་གང་ཡིན་རུང་རང་གི་དངོས་མིང་གི་ཐོག་ནས་ཀྱང་ཕྱིར་ཕུད་ཐུབ་པ་ལྟ་བུའི་བསམ་བློ་འཛིན་རོགས། ཐུགས་རྗེ་ཆེ།

དགེ་འདུན་རབ་གསལ་གྱིས་དངོས་གནས་སེམས་འཚབ་དྲག་པོ་ཞིག་གནང་འདུག ད་དུང་སེམས་འགུལ་ཐེབས་པའི་བསམ་ཚུལ་ཞིག་གསུང་འདུག འདིའི་བར་ནས་ཆོས་ཚོགས་དེས་ཨ་སྒོར་གྱི་ཆེད་དུ་དེ་འདྲ་གནང་སྲིད་པ་ཡིན་ན། དེ་མ་ཡིན་པའི་རང་རེའི་གཞུང་གི་ཕྱོགས་ན་ལན་པོ་ཡོད་དམ། ཡང་ད་རེའི་འདི་གཅིག་བུ་མ་ཡིན་པར་སྐུ་མདུན་ནུབ་ཕྱོགས་ཀྱི་ཡུལ་གྲུ་གང་ལ་ཕེབས་ནའང་འདི་འདྲ་ཞིག་ཡིན་པ་འདྲ་སྟེ། གདན་འདྲེན་ཞུ་མཁན་རང་གི་ངོས་ནས་སྒོར་མོ་གཅིག་བུ་ཡིན་ཡང་། རང་ཕྱོགས་ནས་ག་རེ་གནང་དགོས་མིན་ལ་གླེང་སློང་རེ་བྱེད་དགོས་པ་འདྲ། མཐར་ཐུགས་རྗེ་ཆེ་ཞུ།

རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱང་། རྒྱ་དམར་གཞུང་དང་མི་དམངས་ལ། ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི། བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད། གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འབར་བའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།