ད་ལོ་ནི་རྒྱལ་སྤྱིའི་དྲང་བདེན་གྱི་ལོ་ཚིགས་གལ་ཆེན་ཞིག་ཡིན་པར་མ་ལྟོས་པར། སྲིད་དོན་སྟོབས་ཤུགས་དག་གི་དབང་གིས་གོ་ལ་རང་བཞིན་ནས་དྲང་བདེན་ལ་སྔར་ལས་ལྷག་པའི་བར་ཐག་ཅིག་ཤོར་ཡོད་ཟེར།
ཕྱི་ཚེས་ ༢༧ ཉིན་རྒྱལ་སྤྱིའི་ཉེས་ཡངས་ཚོགས་པས་ ༢༠༡༠ ལོའི་ལོ་འཁོར་སྙན་ཐོ། འཛམ་གླིང་གི་འགྲོ་བ་མིའི་ཐོབ་ཐང་གནས་སྟངས་ཞེས་པ་འགྲེམ་སྤེལ་གནང་སྟེ། རྒྱལ་ཁབ་ ༡༥༩ ནང་གི་འགྲོ་བ་མིའི་ཐོབ་ཐང་རྡོག་རོལ་གྱི་གནས་སྟངས་སྐོར་གླེང་ཡོད་ལ། ཚོགས་པ་དེས་བཤད་དོན། སྲིད་གཞུང་སྟོབས་ཆེན་དག་ནི་འགྲོ་བ་མིའི་ཐོབ་ཐང་གི་ཁྲིམས་ཀྱི་སྒང་ལ་ལངས་ཤིང་། མཐུན་ཕྱོགས་རྒྱལ་ཁབ་དག་སྐྱོན་བརྗོད་ཀྱི་འོག་ནས་སྲུང་སྐྱོབ་བྱེད་པ་དང་། སྲིད་དོན་གྱི་ཁེ་དབང་ཁོ་ནར་བརྟེན་ནས་ལས་དོན་སྒྲུབ་པ་བཅས་རྒྱལ་སྤྱིའི་དྲང་བདེན་གྱི་ལས་དོན་ལ་མུ་མཐུད་ནས་སྔོན་འགོག་བྱེད་གི་འདུག་ཅེས་བཤད་ཡོད་པ་རེད།
གོ་ལ་རང་བཞིན་ནས་དྲང་བདེན་ལ་བར་ཁྱད་ཤོར་བའི་ནང་དུ་འགོག་རྒོལ་དང་དྲང་བདེན་མིན་པའི་གནས་ཚུལ་ནི་ཇེ་མང་དུ་འགྲོ་གིན་ཡོད་ལ། མི་འབོར་ས་ཡ་མང་པོར་ཚུལ་མིན་བརྙས་བཅོས་དང་། བཙན་གནོན། དབུལ་ཕོངས་བཅས་ཀྱི་ཁྲོད་ནས་དཀའ་སྡུག་ལ་གཏད་གིན་ཡོད་ཅེས་རྒྱལ་སྤྱིའི་ཉེས་ཡངས་ཚོགས་པའི་སྤྱི་ཁྱབ་དྲུང་ཆེས་བཤད་ཡོད།
གཞན་ཡང་ཁོང་གིས། སྲིད་གཞུང་དག་གིས་ངེས་པར་དུ་མི་སུ་ཡང་ཁྲིམས་ལུགས་ཀྱི་གོང་དུ་མེད་པ་གསལ་བོ་བཟོ་དགོས་ལ། འགྲོ་བ་མིའི་ཐོབ་ཐང་རྡོག་རོལ་གྱི་ཐད་ནས་མི་ཚང་མར་དྲང་བདེན་གྱི་བརྒྱུད་ལམ་དགོས། སྲིད་གཞུང་དག་གིས་རང་གི་སྲིད་དོན་གྱི་ཁེ་ཕན་ལ་དམིགས་ཏེ། དྲང་བདེན་ནུས་མེད་དུ་གཏོང་བའི་བྱེད་ལས་འདི་དག་མཚམས་འཇོག་མ་བྱས་བར་དུ། འཇིགས་སྐྲག་ལས་རང་དབང་འཐོབ་པ་དང་། དགོས་འདོད་ལས་རང་དབང་འཐོབ་རྒྱུ་ནི་འགྲོ་བ་མིའི་རིགས་ཚང་མར་མུ་མཐུད་ནས་ཡོང་ཐབས་མེད་པ་ཞིག་ཏུ་གྱུར་ཡོད་ཅེས་བཤད།
རྒྱལ་སྤྱིའི་ཉེས་ཡངས་ཚོགས་པས་སྲིད་གཞུང་ཁག་གིས་སོ་སོའི་སྤྱོད་པ་ལ་ཁག་ཐེག་བྱེད་དགོས་པའི་འབོད་སྐུལ་དང་། སྲིད་གཞུང་ཚང་མས་རྒྱལ་སྤྱིའི་ཉེས་དོན་ཁྲིམས་ཁང་ལ་ཐོ་འགོད་འཐུས་ཚང་བྱེད་དགོས་པར་མ་ཟད། འཛམ་གླིང་གང་ནས་ཀྱང་རྒྱལ་སྤྱིའི་ཁྲིམས་ལུགས་ལ་འགལ་བའི་ནག་ཉེས་ཞུ་གཏུགས་བྱ་ཆོག་པར་གསལ་བོ་བཟོ་དགོས་སྐོར་ཞུས་ཡོད་པ་རེད། དེ་བཞིན་སྟོབས་ཆེན་རྒྱལ་ཁབ་ ༢༠ ཡིས་མཚོན་པའི་ཡར་ཐོན་གྱི་རྒྱལ་ཁབ་ཚང་མས་འདིའི་ཐད་ནས་མིག་དཔེ་རེ་སྟོན་དགོས་པར་བཤད།
རྒྱལ་སྤྱིའི་ཉེས་ཡངས་ཚོགས་པས་བཤད་ན། རྒྱལ་སྤྱིའི་ཉེས་དོན་ཁྲིམས་ཁང་ལ་ངོས་ལེན་ཐོ་འགོད་མི་བྱེད་པའི་གྲས་སུ་རྒྱ་ནག་གཞུང་དང་། ར་ཤི་ཡ། ཨ་རི། ཊར་ཀི། རྒྱ་གར། ཨིན་ཌུ་ནེ་ཤི་ཡ། སུ་ཌེ་ཨ་རབ་ལ་སོགས་པ་ཚུད་ཡོད་པར་བཤད།
གསར་འགྱུར་འབྲི་མཁན། ལུང་རིགས་རྒྱལ།
![This satellite image shows Hurricane Melissa southeast of Jamaica at 12:10 GMT on October 27, 2025 [AFP]](https://tibettimes.net/wp-content/uploads/2025/10/Screenshot-2025-10-28-at-5.13.58-PM-360x180.png)
ཞི་བ་ལྷའི་སེམས་ཅན་ནི་དུད་འགྲོའི་དབང་དུ་བྱས་པ་རེད་སྙམ།
རྒྱལ་སྲས་ཆེན་པོ་ཞི་བ་ལྷས། སེམས་ཅན་རྣམས་ནི་གཅིག་ལ་གཅིག། ཟ་བའི་འཇིགས་དང་བྲལ་བར་ཤོག། ཅེས་ཐུགས་སྨོན་མཛད་པ་ལྟར་ང་དང་ཁྱོད་ཟེར་བ་ཞིག་ཡོད་ཚུན་ཆད་དཀའ་སྡུག་གི་ཁོར་ཡུག་ཅིག་ལ་གཏན་དུ་འཚོ་གནས་བྱེད་དགོས་ཀྱི་ཡོད་རེད། དེས་ན་ད་ཐེངས་ཀྱི་སྙན་ཐོ་འདིར་ཧོན་འཐོར་དགོས་པ་ཅི་ཡང་མེད།
ཐོ་འགོད་མི་བྱེད་པའི་གྲས་སུ་རྒྱ་ནག་གཞུང་དང་། ར་ཤི་ཡ། ཨ་རི། ཊར་ཀི། རྒྱ་གར། ཨིན་ཌུ་ནེ་ཤི་ཡ། སུ་ཌེ་ཨ་རབ་ལ་སོགས་པ་ཚུད་ཡོད་པར་བཤད།
་་རྒྱ་ནག་དང་རྒྱ་གར། ཨ་རི་གསུམ་མེད་དགོས་དོན་གང་ཡིན་ནམ།
་་་མི་སུ་ཡང་ཁྲིམས་ལུགས་ཀྱི་གོང་དུ་མེད་པ་གསལ་བོ་བཟོ་དགོས་་་་། ་་་
རྒྱ་ནག་སྲིད་གཞུང་པ་ཚོས་སློབ་སྦོང་བྱེད་དགོས་པ།
དྲ་བདག་ལུང་རིགས་ལགས། ད་སྐབས་ཁྱོད་ཚོས་གསར་འགྱུར་སུས་མཁོ་སྒྲུབ་གནང་ན་དེའི་མིང་འབྲི་བཞིན་ཡོད་པ་འདི་ཡག་པོ་འདུག འདི་ནི་འགན་ཞིག་འཁུར་གྱི་ཡོད་པའི་རྟགས་རེད། ཐུགས་རྗེ་ཆེ།