བོད་པའི་བདེན་དོན་འཐབ་རྩོད་ཀྱི་སྟོབས་ཤུགས་བརྒྱད།

བརྩེ་བའི་གྲོགས་ཨ་འབྲུག་དཀོན་མཆཽག་ལགས། སྤྱིར་ད་ལྟ་ཕྲན་གྱིས་དྲ་འབུ་ཚོ་ལ་ངོ་རྒོལ་བྱས་ནས་ཟིན་བྲིས་སྤེལ་གི་མེད། འོན་ཀྱང་སྐུ་ཉིད་ཀྱིས་འདི་ལྟར་རླབས་ཆེན་གྱི་ལས་འགུལ་ཞིག་སྤེལ་བ་ཐོས་རྗེས་དགའ་བསུ་ཞུ་ན་འདོད། ཁ་ཡོད་ལག་ཡོད་ཀྱི་ཕན་ངེས་ཀྱི་རིགས་རེད། རྗེས་སུ་ཁ པར་ནང་ནས་ཁ་བརྡ་བྱེད་ཆོག

ཨ་འབྲུག་ལགས་ཀྱིས་༧ གོང་ས་ མཆོག་གིས་བོད་དོན་བདེན་མཐའ་གསལ་རྒྱུར་སྟོབས་ཤུགས་བརྒྱད་གཟིགས་པ།

དང་པོ། བོད་དོན་འཐབ་རྩོད་དེ་བདེན་པ་དང་དྲང་སྙོམ་ཡིན་པ།
གཉིས་པ། འཐབ་རྩོད་བྱེད་སྟངས་དམངས་གཙོ་དང་འཚེ་བ་མེད་པ།
གསུམ་པ། གཞིས་བཞུགས་མི་མང་ཀྱི་སྙིང་སྟོབས་དང་ཆོད་སེམས།
བཞི་བ། བཙན་བྱོལ་བོད་གཞུང་གཙོས་པའི་སྒྲིག་འཛུགས་ཁག
ལྔ་བ། བོད་པའི་ཆོས་དང་རིག་གཞུང་གཙོས་པའི་ཡ་རབས་བཟང་སྤྱོད།
དྲུག་པ། བོད་རྒྱལ་ཁབ་བསྐྱར་འཛུགས་ཆེད་བཙན་བྱོལ་ནང་གི་སློབ་གྲྭ་ཁག
བདུན་པ། བོད་དོན་རྒྱབ་སྐྱོར་བཙལ་བ་དང་། འཚོལ་བཞིན་པ་འདི།
བརྒྱད་པ། བོད་པ་ནང་ཁུལ་གྱི་མཐུན་ལམ་རྡོག་རྩ་གཅིག་སྒྲིལ།

མི་རིགས། ཆོས་དང་རིག་གཞུང་གཉིས་ཀ་བསྲུང་སྐྱོབས་དགོས་པ་ལས་གཅིག་བློས་བཏང་ནས་གཅིག་ཤེས་བསྲུངས་སྐྱོབས་བྱ་བ་ཡིན་ན་དབང་པོ་སྐྱོན་ཅན་མི་ཞིག་གསོ་སྐྱོང་བྱས་པ་ལྟ་བུ་མཐོང༌།

1༽ མི་རིགས་བསྲུང་སྐྱོབས་ཀྱི་ལས་འགན་གཙོ་བོ་ནི་སྐྱ་བོ་དག་ལ་ཡོད་པ་ཡིན། ང་ཚོའི་མི་རིགས་ནི་གོ་ལ་འདིའི་ནང་ཆེས་གྲངས་ཉུང་མི་རིགས་ཞིག་ཡིན་པ་མ་ཟད་རྒྱ་དམར་གྱི་དངོས་ཤུགས་རྒྱུད་གསུམ་ནས་མི་རིགས་རྩ་སྟོང་གི་ཐབས་བཀོད་ལུ་གུ་རྒྱུད་སྤེལ་བཞིན་པ་མ་ཟད་ང་ཚོ་རང་ངོས་ནས་མི་རིགས་རྩ་སྟོང་དུ་གྱུར་རྒྱུའི་ལས་ཀ་མངོན་མེད་ངང་སྒྲུབ་དང་སྒྲུབ་བཞིན་ཡོད་ཀྱང་དེ་ལ་སུ་གང་གི་དོ་གནང་སྤྲོད་མཁན་མེད་པ་ནི་ཆེས་ཉེན་ཁ་ཅན་དུ་མཐོང༌།
དེ་བས་དགོན་པ་གྲྭ་ཚང་དག་ཏུ་དེ་སྔ་སློབ་གཉེར་ནང་ནས་ཆོས་ལས་མི་རིགས་བསྲུང་སྐྱོབས་བྱ་རྒྱུ་གལ་ཆེ་མཐོང་བའི་གྲྭ་ལོག་ཨ་ལོག་དག་ནས་མི་རིགས་དར་སྤེལ་གཏོང་རྒྱུར་རང་རང་སོ་སོའི་དམིགས་འབེན་ཇི་བཞིན་སྒྲུབ་པར་རེམས།
2༽ ཆོས་ཀྱི་བསྲུང་སྐྱོབས་ནི་དགོན་པ་གྲྭ་ཚང་དག་ན་འཚོ་ཞིང་གནས་པའི་སྐྱབས་ཡུལ་སེར་མོ་དག་གི་ལས་འགན་ཞིག་ཡིན། ད་ཡོད་དགོན་པ་གྲྭ་ཚང་དེ་དག་གི་བསླབས་པ་སློབ་གཉེར་བསྲ་བརྟན་ཆགས་ཚུད་ཡོངས་ཐབས་ཀྱི་འཆར་གཞི་བསྒྲིགས་ནས་མི་དོན་མཚུངས་པའི་དགེ་བཤེས་སམ་མཁན་པོ་རབས་འབྱམས་བསྐྲུན་ཐབས་དང་རང་རིགས་སྤྱི་ཚོགས་འཁྲོད་དུ་ནང་ཆོས་ངོ་སྤྲོད་ཀྱི་ལས་རིམ་མང་ཙམ་སྤེལ་ཐུབ་པའི་འགན་ལེན་དགོས། སྤྱི་ཚོགས་སྟེང་གི་གྲྭ་རྫུན་དང་སྤྲུལ་རྫུན་རྣམས་ནས་སངས་རྒྱས་ཀྱི་བསྟན་པར་དམའ་སྦྱིན་ལས་དང་ཁྱིམ་པ་བསུན་སྦྱིན་པའི་ལས་གསོག་པ་པོ་དག་ཐེར་འདོན་དང་ལས་ངན་གསོག་རྒྱུ་འགོག་སྡོམས་ངེས་པར་གནང་དགོས།
3༽ རིག་གཞུང་བསྲུང་སྐྱོབས་ཀྱི་འགན་ནི་སྐྱ་སེར་ཚང་མར་མགོ་ཐོག་ཏུ་ལྷུང་བའི་འདོགས་མེད་ཀྱི་ལས་འགན་ཞིག་ཡིན་པ་མ་ཟད་དེ་བས་ཀྱང་ཤེས་ཡོན་ཅན་ཟེར་བའི་མི་སྣ་དེ་དག་གི་དེ་བས་ཀྱང་འགན་ལེན་དགོས། མདོར་ན་ང་ཚོ་ཚང་མས་འགན་རེ་བླངས་པ་ཡིན་ན་དོན་རྣམས་བདེ་བླག་ཏུ་སྒྲུབ་ཐུབ་པ་ཆོས་ཉིད་རེད། དེ་མིན་སོ་སོའི་འགན་གང་ཡང་མ་བླངས་པ་བོད་གཞུང་གི་བལྟ་གིས་མེད་ལུགས་དང་བཙན་བྱོལ་གཞུང་གི་མ་འཇོན་རབ་ལུང་པ་གང་བཤད་སྡད་ན་ལ་ཕར་རྒྱབ་ཀྱི་སྡང་དགྲར་བལྟ་མོ་བལྟས་སྡད་ཡོད་པ་ངེས་པར་མཁྱེན་པ་དགོས༎
4༽ མི་རིགས། ཆོས་དང་རིག་གཞུང་གང་འདོད་གདམ་ཁ་སྤྲོད་མཁན་ད་བར་ལོ་རྒྱུས་ནང་བྱུང་མྱོང་མེད་ལའང་ད་དུང་ཡང་བྱུང་མི་སྲིད་པ་ཞིག་རེད། མི་རིགས། ཆོས་དང་རིག་གཞུང་བསྲུང་བྱ་རྒྱུ་ནི་འགྲོ་བ་མིའི་ཐོབ་ཐང་ཡིན། རྐང་པ་དགོས་ལ་ལག་པ་ཡང་དགོས།
ཐུགས་ལ་གནོད་ན་དགོངས་དག་བཞུ༎

ཨ་འབྲུག་དཀོན་མཆོག་ལགས་དང་སྡེ་དགེ་འཇིཌ་མེད་ཡེ་ཤེས་རྡོ་རྗེ་ལགས་གཉིས་ཀྱིས་ལམ་སྟོན་འདི་འདྲ་གནང་བ་ཐུགས་རྗེ་ཆེ་ཞུ། རང་ནུས་གང་གིས་ཞབས་ཞུ་ངེས་ཡིན།
ཁྱད་པར་དུ་ʼགཙོ་བོ་གཞུང་འཛིན་བཀའ་ཤག་གི་ལས་འགན་གལ་ཆེན་ཞིག་ཡིན་པར་བརྟེན། གཞུང་འཛིན་བཀའ་ཤག་གི་སྒྲོམ་གཞིའི་ནང་དུ་“མཉམ་འབྲེལ་ཆིག་སྒྲིལ་གྱི་ལས་ཁང་” མ་ལག་ཆ་ཚང་བ་ཞིག་གང་མྱུར་གསར་འཛུགས་བྱས་ཏེ། ཕྱོགས་ཡོངས་ནས་མཉམ་འབྲེལ་ཆིག་སྒྲིལ་གྱི་ལས་འགུལ་སྤེལ་ནས་བོད་དོན་འཐབ་རྩོད་ཀྱི་ནུས་ཤུགས་ཆེ་རུ་བཏང་དགོས།ʼགསུང་བ་དེ་ལ་མོས་མཐུན་སྙིང་ཁུང་ནས་ཡོད།
ཐུགས་རྗེ་ཆེ་ཞུ།

གོ་ལ་གཅིག་གྱུར་གྱི་ལྟ་ཚུལ་འདི་ནི་མི་རིགས་ཆེན་པོ་དང་སྐད་རིགས་ཆེན་པོ་ཚོར་མ་གཏོགས་མི་རིགས་གྲངས་ཉུང་དང་སྐད་རིགས་གཉོམ་པོ་ཚོའི་ཉེན་ཁ་ཞིག་མ་རེད་པས།

མཛད་རྣམ་རིགས་གཅིག་རྐང་འཛིན་པ་ཨ་འབྲུག་དཀོན་མཆོག་ལགས་ཀྱིས། ༧གོང་ས་མཆོག་གི་ཆབ་སྲིད་དགོངས་པ་བཞེས་ཕྱོགས་དང་འབྲེལ་བོད་དོན་བདེན་མཐའ་གསལ་ཐབས་ལ་སྟོབས་ཤུགས་ཀྱི་འབྱུང་ཁུངས་བརྒྱད་ངོ་སྤྲོད་གནང་བ་མཐོང་བས། རང་སེམས་ཧ་ཅང་དགའ་མོས་བྱུང་།
གོ་སྐབས་འདི་དང་བསྟུན་ཏེ་འབྲེལ་ཡོད་བསམ་ཚུལ་ཞིག་ཞུས་ན།
བོད་གངས་ཅན་པའི་རྒྱལ་དམངས་ཀྱི་གནས་སྟངས་ཤིན་ཏུ་སྐྱོ་བའི་དུས་རབས་འདིར། མཁས་མཛངས་ལྡན་པའི་བོད་རིགས་རྣམས་ཀྱིས་གཞུང་སྒེར་གྱིས་མགྲོན་འབོད་བྱེད་པ་ལ་ནམ་ཡང་མི་སྒུག་པར། མ་བསྐུལ་དང་ལེན་གྱིས་བཙན་བྱོལ་བོད་གཞུང་གི་ལས་རིགས་ཁག་གི་ནང་དུ་གང་འགྱོགས་ཨུ་ཚུགས་སྒོས་ཞུགས་ཐུབ་པ་བྱས་ནས། རང་གི་ཤེས་འཇོན་ལྟར་བོད་དོན་རླབས་ཆེན་སྒྲུབ་དགོས་པ་ནི། རྒྱལ་སྤྱིའི་དུས་བབ་ཀྱིས་སྤྲད་པའི་སོ་སོ་མི་ཚེའི་ལས་འགན་རེད་ལ་ཤི་གསོན་བོད་འབངས་ཡོངས་ཀྱི་རེ་བ་ངོ་མ་ཡང་འདི་རེད།

ང་ཚོའི་བོད་གཞུང་འདི་ང་ཚོས་བདག་པོ་བྱེད་དགོས་པ་ལས། བོད་གཞུང་གི་མགྲོན་འབོད་དང་རོགས་སྐྱོར་ཁོ་ན་ལ་སྒུག་ནས་བསྡད་པས་ཕན་པ་ཅི་ཡང་མེད

དེར་བརྟེན་བདག་གིས་ཀྱང་མ་བསྐུལ་དང་བླང་གིས་འབད་བརྩོན་ཆེན་པོས་བོད་གཞུང་གི་ལས་རིགས་སུ་ཞུགས་ཏེ། དངོས་ཤུགས་བརྒྱུད་གསུམ་ནས་ཞབས་འདེགས་གང་ནུས་ཉིན་ལྟར་ཞུ་བཞིན་ཡོད།

བདག་གི་ཤེས་རྟོགས་ལྟར་ན་ད་དུང་བཙན་བྱོལ་བོད་གཞུང་གི་ལས་ཁང་ཁག་ལ་ངེས་པར་དུ་ཐབས་ཇུས་ལ་མཁས་པའི་ཤེས་འཇོན་ཅན་གྱི་བོད་མི་མང་པོ་ཡོད་དགོས་པ་འདི་གལ་གནད་ཤིན་ཏུ་ཆེ་བའི་ཛ་དྲག་གི་འོས་འགན་ཞིག་ཏུ་མཐོང་།

གལ་ཏེ་བཙན་བྱོལ་བོད་གཞུང་གི་ལས་བྱེད་ཚོས་རྙིང་ཞེན་ཕྱོགས་རིས་ཀྱིས། ཐབས་ཇུས་ལ་མཁས་པའི་ཤེས་འཇོན་ཅན་གྱི་བོད་མི་རྣམས་ལ། མཐོང་ཆུང་གིས་མཐོ་གནོན་དང་འབུར་འཇོམས་བྱས་ནས། ལས་གནས་མི་སྤྲད་པ་དང་། ཐབས་ཇུས་གོང་འཕེལ་ཀྱི་བྱ་འགུལ་སྣ་ཚོགས་པ་ཞིག་སྤེལ་མ་བཅུག་ན། ང་ཚོའི་བོད་གཞུང་འདི་སྔར་གྱི་ལོ་རྒྱུས་རྙིང་པ་བཞིན་འཕེལ་མེད་སོར་གནས་དང་། ནུས་མེད་ཉམས་རྒུད་ནས་རྩ་མེད་དུ་འགྲོ་ངེས་ཡིན་པ་ཀུན་གྱི་ཤེས་གསལ་རེད།

ད་ལྟ་བཙན་བྱོལ་བོད་གཞུང་གིས་ཛ་དྲག་གིས་བསྒྲུབ་དགོས་པའི་བྱ་བ་གལ་ཆེན་ཞིག་ནི། ༼བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས༽ ཚད་ལྡན་ཕུན་སུམ་ཚོགས་པ་ཞིག་མྱུར་དུ་གསར་འཛུགས་བྱེད་རྒྱུ་འདི་རེད།

ཤེས་རབ་གསལ་ཞིང་ཉམས་མྱོང་ཆེ་བའི་བོད་རིགས་ལྷག་བསམ་ཅན་རྣམས། བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིར་གང་འགྱོགས་ཕྱོགས་གཅིག་ཏུ་བསྡུས་ནས། འཆར་གཞི་ཡོད་པའི་སྒོ་ནས་ཉམས་ཞིབ་སྡེ་ཚན་དུ་མ་རྩ་འཛུགས་བྱས་ཏེ། ཞིབ་འཇུག་པ་རྣམས་ཀྱིས་ཉིན་ལྟར་ཆུ་ཚོད་བརྒྱད་རེ། བློ་དང་རིག་པ་སྣ་ཚོགས་པས་བོད་ཀྱི་རྒྱ་ཆེའི་ལས་དོན་སྤྱི་ལ་ཞིབ་དཔྱོད་བྱེད་རྒྱུ་དང་། ཡང་སྐབས་རེ་བློ་སེམས་རྩེ་གཅིག་གིས་ཟབ་མོའི་ལས་དོན་དམིགས་བསལ་ལ་ཞིབ་འཇུག་མཐར་ཕྱིན་པ་བྱས་ནས་ཐབས་ཇུས་ཀྱི་བསྡོམས་རྩིས་ཐོབ་པར་བྱེད་བཅུག་དགོས།

བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིའི་ལས་འགན་ནི། བོད་དོན་ལེགས་འགྲུབ་ཀྱི་ཐབས་ཇུས་ལ་གནའ་དེང་ཟུང་འབྲེལ་གྱིས་ཞིབ་འཇུག་ལེགས་པར་བྱས་ནས། བོད་གངས་ཅན་ལྗོངས་ཀྱི་རྒྱལ་ཁབ་དང་མི་རིགས་འདིའི། གནས་སྐབས་དང་མཐར་ཐུག་གི་དམིགས་ཡུལ་རྣམས་སྒྲུབ་ཐུབ་པའི་མཐུན་རྐྱེན་དུ། གོ་རིམ་ཡོད་པའི་འཆར་གཞི་དང་། ཕན་ནུས་ཆེ་བའི་ཐབས་ཇུས། སྣ་ཚོགས་མཉམ་འབྲེལ་ཀྱི་ལས་འགུལ་སོགས་དུས་ཐོག་ཏུ་བོད་གཞུང་གི་ལས་རིགས་སོ་སོའི་ལས་བྱེད་པ་རྣམས་ལ་ཐབས་ཇུས་བསླབ་སྟོན་དང་གནས་ཚུལ་མཁོ་འདོན་བྱེད་རྒྱུ་དེ་ཡིན།

བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིའི་མེད་ན་མི་རུང་བའི་འབྲེལ་ཡོད་ལས་ཁང་གལ་ཆེན་ཞིག་ནི། ཕྱི་ནང་གི་དགོས་ངེས་གནས་ཚུལ་རྣམས་འཚོལ་སྡུད་ཐུབ་པའི་༼བོད་ཀྱི་ཆེས་མཐོའི་གསང་བའི་ལས་ཁང༽ ཞིག་ཡོད་དགོས་ལ། བོད་ཀྱི་ཆེས་མཐོའི་གསང་བའི་ལས་ཁང་འདིས་ངེས་པར་དུ་གནས་ཚུལ་མཁོ་སྤྲོད་བྱེད་ཐུབ་པའི་མི་སྣ་སྤྱང་གྲུང་འཛོམས་པ་མང་པོ་སྦྱོང་བརྡར་བྱས་ནས། རྒྱལ་ཁབ་ཕྱི་ནང་གི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པའམ་སྒེར་བ་རྣམས་དང་། འབྲེལ་བ་མངོན་ལྐོག་གཉིས་ནས་བྱས་ཏེ་འབྲེལ་ཡོད་དགོས་ངེས་ཀྱི་གནས་ཚུལ་རྣམས་དུས་ཐོག་ཏུ་རག་ཐུབ་པ་བྱེད་དགོས།

ཁྱད་པར་བོད་དོན་འཐབ་རྩོད་ཀྱི་ནུས་ཤུགས་གཅིག་སྒྲིལ་བྱེད་རྒྱུ་ནི། གཙོ་བོ་གཞུང་འཛིན་བཀའ་ཤག་གི་ལས་འགན་གལ་ཆེན་ཞིག་ཡིན་པར་བརྟེན། གཞུང་འཛིན་བཀའ་ཤག་གི་སྒྲོམ་གཞིའི་ནང་དུ་“མཉམ་འབྲེལ་ཆིག་སྒྲིལ་གྱི་ལས་ཁང་” མ་ལག་ཆ་ཚང་བ་ཞིག་གང་མྱུར་གསར་འཛུགས་བྱས་ཏེ། ཕྱོགས་ཡོངས་ནས་མཉམ་འབྲེལ་ཆིག་སྒྲིལ་གྱི་ལས་འགུལ་སྤེལ་ནས་བོད་དོན་འཐབ་རྩོད་ཀྱི་ནུས་ཤུགས་ཆེ་རུ་བཏང་དགོས། མཉམ་འབྲེལ་ཆིག་སྒྲིལ་གྱི་ལས་ཁང་འདིས་ཤེས་ཡོན་ཅན་གྱིས་གཙོས་པའི་བོད་མི་ཡོད་དོ་ཅོག་ལ་བདག་སྐྱོང་དང་། རྒྱུན་དུ་འབྲེལ་བ་ཟབ་མོ་བྱེད་ཐབས་ཀྱི་སྲིད་ཇུས་གསར་བ་ཞིག་གང་འགྱོགས་ཅི་འགྱོགས་ཀྱིས་གཏན་འབེབས་གསལ་པོར་བྱེད་དགོས་པ་དེ་བོད་ཀྱི་སྤྱི་ཚོགས་ལ་མཁོ་བའི་འགན་འཁྲི་གལ་ཆེན་ཞིག་མ་རེད་དམ ?

ཀྱེ་མ་ད་ལྟ་བོད་གཞུང་ལ་༼ཐབས་ཇུས་ཞིབ་འཇུག་ལས་ཁང་༽ ཞིག་མི་འདུག་ལ་༼མཉམ་འབྲེལ་ཆིག་སྒྲིལ་གྱི་ལས་ཁང་༽ ཡང་མི་འདུག་པས་བོད་དོན་གྱི་་བྱ་བ་ཕན་ནུས་ལྡན་པ་ཞིག་སྒྲུབ་དཀའ།

དེས་ན་ང་ཚོས་ཞུམ་པ་མེད་པའི་སྙིང་སྟོབས་དང་ལྷག་བསམ་རྣམ་དག་གིས་བོད་གཞུང་ལ་རྒྱབ་སྐྱོར་བྱས་ཏེ་སྔར་ལས་ལྷག་པའི་ཞིབ་འཇུག་དང་། སྔར་ལས་ལྷག་པའི་འཆར་གཞི་དང་། སྔར་ལས་ལྷག་པའི་ཐབས་ཇུས་དང་། སྔར་ལས་ལྷག་པའི་ལས་འགུལ་སྣ་ཚོགས་ཞིག་བོད་འབངས་ཡོངས་ཀྱི་མངོན་འདོད་མ་འགྲུ་བར་དུ་ཕྱོགས་ཀུན་ནས་གཏིང་ཟབ་སྤེལ་དགོས་སོ།