བོད་ཀྱི་མཛངས་མ་ཡོད་ན་བཟང་ངམ།

སྤྱིར་བཏང་བོད་ཀྱི་མཛངས་མ་ཟེར་བའི་ལས་གཞི་འདི་འགོ་བཙུགས་མ་ཐག བཀའ་བློན་ཁྲི་བས་ཀྱང་སྐྱོན་

བརྗོད་ཤུགས་ཆེན་བྱས་ཡོད་ལ། མི་མང་གིས་ཀྱང་གཏན་ནས་འདོད་བློ་མེད་ཚུལ་ཤུགས་ཆེན་གླེང་བ་ལ་བརྟེན་ནས་ད་ལྟའི་ བར་དུ་བློ་བཟང་དབང་རྒྱལ་ལགས་ཀྱི་ལས་གཞི་འདི་ལ་ལམ་ལྷོངས་ཡག་པོ་ཞིག་གཏན་ནས་ བྱུང་མེད།

རྒྱུ་མཚན་ནི་ཆ་ཤས་ལེན་མཁན་གྱི་བོད་ཀྱི་བུད་མེད་ཀྱི་གྲངས་ཀ་ཉུང་བ་ནས་དེ་ཡང་ སྤུས་ཀ་ཡོད་པ་ཞིག་གཏན་ནས་བྱུང་མེད་པ་ཡིན།

གལ་སྲིད། ལས་གཞི་གང་ཞིག་ཡིན་ཡང་བཟང་ངན་དང་ལེགས་པའི་ཆ་གང་ཡོད་དེ་ལ་ལས་གཞི་དེ་རྩོམ་ མཁན་གྱི་འགན་ཡོངས་རྫོགས་འཁུར་དགོས་པ་དང་དེ་ལ་སྔོན་དཔག་གི་བསམ་བློ་ཞིག་ཀྱང་ མེད་དུ་མི་རུང་བ་ཡིན་ལ། བློ་བཟང་དབང་རྒྱལ་ཁོ་རང་ལ་ཡང་བསམ་བློའི་སྔོན་དཔག་དང་ལས་གཞི་དེ་འགན་ཡོངས་སུ་ འཁུར་བའི་སྤོབས་པ་ཞིག་ཏན་ཏན་ཡོད་ངེས་ཡིན། དེ་འདྲ་ཞིག་མིན་ན་ལས་གཞི་འདི་ད་ལྟའི་བར་དུ་གནས་ཐུབ་མི་ཡོང་།

ང་ཚོས་གསལ་བོ་ཞིག་ཤེས་དགོས་པ་དེ་ནི་བོད་ཀྱི་མཛངས་མ་འཚོལ་གྱི་ཡོད་པ་ ལས། མི་རིགས་གཞན་གྱི་མཛངས་མ་ཞིག་གཏན་ནས་འཚོལ་གྱི་མེད་ངེས་ཡིན། དེ་ཡིན་དུས་མི་རིགས་གང་ཞིག་གི་མཛངས་མ་འཚོལ་བ་མ་མཐའི་ཆ་རྐྱེན་དང་བོ་དེ་ནི་ མི་རིགས་དེ་ཡི་སྐད་ལ་བྱང་ཆ་ཡོད་པ་ཞིག་ཡིན་དགོས་ལ། དེ་མེད་པ་ཡིན་ན་མི་རིགས་དེ་ཡི་མཛངས་མའི་འགྲན་བསྡུར་གྱི་ཆ་ཤས་གཏན་ནས་ཐོབ་མི་ རུང་བར་འདོད། དེ་ཡིན་དུས་བོད་སྐད་མི་ཤེས་པའི་མཛངས་མ་ཞིག་ལ་བོད་ཀྱི་མཛངས་མའི་མིང་ཞིག་གཏན་ ནས་སྟེར་མི་རུང་བ་ཡིན་ལ། དེ་རིགས་ནི་ལས་གཞི་འདི་སྤེལ་མཁན་གྱི་འགན་འཁུར་དགོས་པ་ཡིན།

བོད་ཀྱི་མཛངས་མའི་འགྲན་བསྡུར་ཡིན་པ་ལས། བོད་ཀྱི་མཛེས་མའི་འགྲན་བསྡུར་ཡང་མིན་པ་དང་བོད་ཀྱི་མཛངས་མ་ཞིག་ལ་བོད་ཀྱི་རང་ གི་སྐད་ཡིག་རྨིང་གཞི་དངོས་ནས་མེད་དུ་མི་རུང་བ་དེ་ནི་ཅིས་ཀྱང་མེད་དུ་མི་རུང་ བ་དང་ཅིས་ཀྱང་ཤེས་དགོས་པའི་གནད་འགག་དུ་ངེས་འཛིན་བྱེད་རྒྱུར་བོད་རིགས་སྤུན་ ཟླ་ཡོངས་ལ་འབོད་སྐུལ་ཞུས་པ་ཡིན།