ཡ་མཚན་དང་། བློ་ཕམ། བསྟན་འཛིན་དགེ་ལེགས།

“བླུན་པོའི་ཁ་ན་ལེགས་བཤད་ཡོད་”ཅེས་པ་ལྟར་ཟམ་དོང་གི་གྲོགས་རྒྱ་གར་བ་དེ་ཚོ།
༸གོང་ས་མཆོག་ལ་ལྟོས་ན་བླུན་པོ་ཞིག་ཡིན་སྲིད་ཀྱང་ལེགས་བཤད་ཀྱང་ཡོད་རུང་བས་ལུང་འདྲེན་བྱས་པར་དགག་བྱ་མེད།
དགག་བྱ་ཡོད་ངོ་མ་དེ་ཁྱེད་ཀྱིས་མི་ཞིག་བཀའ་སློབ་གཅིག་གནང་ཚེ་ངེས་པར་༸གོང་ས་མཆོག་གི་ལུང་འདྲེན་ཡོད་དགོས་ཟོར་འདྲ་ཞིག་བཤད་པ་དེར་ཡིན།
དེ་ལ་རྒྱུ་མཚན་གཉིས་བཤད་འདོད་བྱུང་།
དང་པོ། དེང་སང་འུ་ཚོའི་སྤྱི་ཚོགས་ནང་ཕལ་རོལ་པོས་སྐད་ཆ་ཞིག་བཤད་ཚེ་དེ་ལ་ངེས་པར་སྐྱོན་འདོག་ཀྱིས་ཕམ་པར་རྒྱག་འདོད་ཀྱིས།
༸གོང་ས་མཆོག་གི་ལུང་འདྲེན་ཆེ་ལྕི་བ་ཁ་ཤས་བཟུང་ཏེ་བཞུས་ཆོག་ཆོག་བྱས་ཀྱིས་ངང་སྒུག་བྱེད་པའི་སྲོལ་ངན་འདིར་མི་འདོད་པས་ཡིན་ལ།
གཉིས་པ།
ང་ཚོ་བོད་མི་སུ་ཞིག་གཏམ་བཤད་གཅིག་སྤེལ་ནའང་༸གོང་མཆོག་གི་བཀའ་ལུང་རྐྱང་རྐྱང་དྲང་བསྡད་ན།
༸གོང་ས་མཆོག་གི་བཀའ་བརྒྱུད་བསྒྲགས་ཙམ་མམ་བསྐྱར་ཟློས་ཙམ་ལས་ང་ཚོར་བློ་འབྱེད་ཀྱི་ལེགས་བཤད་གསར་བ་ཅི་ཡང་རག་གི་མ་རེད།
ད་དུང་འདི་ལ་འཕྲོད་ན་ཧ་ཅང་མང་ཡང་སྤྲོས་པར་མ་སྤྲོ།

དྲགས་གྲོགས་ཕལ་ཆེ་བས་བདེན་པའི་གནས་ལུགས་བཤད་འདུག་།

དོན་མེད་སེམས་ཁྲིས་མ་བྱེད་ལོ། ཟམ་གདོང་བླ་མའི་༸གོང་ས་མཆོག་ལུང་འདྲེན་གནང་མ་གནང་གིས་དད་པ་དམ་ཚིག་ལོག་མ་ལོག་བཤད་ན། རང་རང་གི་མཚང་རྟགས་ཕྱི་ལ་ངོམ་པ་རེད། དེ་ལས་ཕྱི་རྒྱལ་བ་ཚོས་གཡོག་ཡག་པོ་རྒྱུག བློ་བདེ་པོ་གྱིས་དང་རང་རང་སྐྱིད་པོ་ཡོང་གི་རེད།

ཟམ་གདོང་བླ་མས་བོད་དོན་ཟུར་ནས་བརྗེད།།
ཟུར་ཟ་མཁན་པོས་ཟ་དང་ཟུར་གྱིས་སྡིག།
ཟ་ས་འཐུང་ས་མེད་པའི་སྐྱབས་བཅོལ་བ།།
ཟ་ངེ་ཟང་ངེར་མི་ཚེ་སྡུག་གིས་བསྐྱར།།

དེ་ཡ་མཚན་དགོས་པའི་གནས་མ་རེད། སྐུ་ངོ་བཀའ་ཁྲིར་ཞི་བདེ་རྟགས་མ་ཞིག་རེག་པ་ཡིན་ན། བོད་མི་གཉིས་ལ་རེག་པ་ཡིན་པས། དེ་ནི་ལོ་རྒྱུས་ཀྱི་གོ་སྐབས་འཚོལ་ཕྱོགས་ཤིག་ཀྱང་རེད་ལ། བོད་མི་མ་འདྲ་བ་མང་བོ་བྱོན་ཆོག་པ་སུས་ཀྱང་འགོག་ཐབས་མེད་པ་ཞིག་མ་ཡིན་ནམ།

བསམ་ཚུལ་འདོན་པོ་བསྟན་འཛིན་རྣམ་རྒྱལ་ལགས། ཟམ་གདོང་པཎ་ཆེན་ལ་སྐྱོན་རྐྱང་རྐྱང་འཚོལ་ནས་དུས་ཚོད་སྐྱེལ་གང་ཐུབ་མ་བྱེད་པར་དེ་ལས་ཁྱེད་རང་ནུབ་ཕྱོགས་སུ་འཕུར་དགོས་པའི་དམིགས་ཡུལ་ལྟར་ཌོ་ལར་དང་དབྱིན་མོ་འཚོལ་བར་རྒྱུགས་ཤིག་ཅེས་ལབ་འདོད་བྱུང༌།

ཉིད་ཀྱི་བསམ་ཚུལ་ཟིན་བྲིས་དེ་བཀླགས་པ་ཙམ་ནས་ཁྱེད་རང་ཟམ་གདོང་པཎ་ཆེན་ལ་མི་དགའ་མཁན་ཞིག་ཡིནཔ་དེ་མུར་ཤེས་རྟོགས་བྱུང༌། རང་རེའི་སྤྱི་ཚོགས་ཆུང་ཆུང་འདིའི་ནང་རང་ཉིད་ཀྱི་གནས་བབ་གང་དུ་ཡོད་པ་མི་ཤེས་པར་གཞན་ལ་མཚང་འབྲུ་རྒྱུའི་ན་ཚ་ཞིག་ཁྱབ་ནས་ཡོད། ན་ཚ་དེ་ཡོད་མཁན་རྣམས་ནམ་ཡང་གཞན་གྱི་ཡོན་ཏན་མཐོང་མི་ཐུབ། དེ་ཚོའི་གྲས་དེ་ཉིན་གཅིག་སངས་རྒྱས་ལའང་སྐྱོན་འདི་དང་འདི་ཞེས་བརྗོད་སྲིད་པ་ཞིག་རེད།

ཁྱེད་དང་པོ་ཉིད་ནས་ཟམ་གདོང་པཎ་ཆེན་ལ་སྐྱོན་འཚོལ་བར་ཡོང་ཡང་མཐར་སྐྱོན་གང་ཡང་མ་རག་པར་ཁོང་གིས་ལུང་འདྲེན་བྱེད་སྟངས་ཐད་སྐྱོན་བརྗོད་པ་ངོ་མ་གོད་ཤོར་རྒྱུ་རང་རེད། ཟམ་གདོང་པཎ་ཆེན་གྱི་རྒྱ་གར་གྲོགས་པོ་ཕེལ་ཁྱེར་བ་ནི་གྷན་དྷིའི་དངོས་སློབ་དང་མཁས་པ་རྐྱང་རྐྱང་རེད། ཁོང་གིས་དུས་ནམ་ཡང་ྋགོང་ས་མཆོག་བློས་གཏོང་མི་སྲིད། ཁོང་གིས་སངས་རྒྱས་ཀྱི་བསྟན་པ་དང་ྋགོང་ས་མཆོག་གི་དོན་དུ་རང་གི་སྲོག་བློས་གཏོང་ཟིན་པ་བོད་རིགས་སྐྱེ་བོ་གནམ་བསྟན་ཚང་མས་ཤེས་གསལ་རེད། དཔེར་ན་ཉིས་སྟོང་བརྒྱད་ལོར་ལྷོ་ཕྱོགས་འབྲས་སྤུངས་ཚོམས་ཆེན་དུ་ཤུགས་ལྡན་དང་འབྲེལ་བའི་གསུང་བཤད་གནང་སྐབས་སྐྱེས་ཐེངས་གཅིག་ལ་ཤི་ཐེངས་གཅིག་རེད། བསྐྱར་ལྡབ་ཡང་ལྡབ་བྱས་ནས་འཆི་འགྲོ་བ་ཞིག་མེད་ཅེས་གསུངས་ཡོད་པ་ཁྱེད་ཀྱིས་གོ་ཡོད་ཚོད་རེད།

ྋགོང་ས་མཆོག་གིས་ཀྱང་མཚམས་མཚམས་མང་ཚོགས་ལ་བཀའ་སློབ་གནང་སྐབས་གྷན་དྷི་དང་ཡུལ་ཤུ་ཆོས་ལུགས་པ་ཡུམ་ཆེན་ཌེ་ས་ལྟ་བུའི་རླབས་ཆེན་གྱི་མི་སྣ་ཚོའི་བཀའ་སློབ་ལ་ཁུངས་བཅོས་ནས་ལམ་སྟོན་མཛད་ཀྱིན་ཡོད། འོ་ན་ཁྱེད་ཀྱིས་དེ་ལའང་འགྲིག་མི་འདུག། རྗེ་ཡབ་སྲས་གསུམ་དང་བོད་གངས་ཅན་ལྗོངས་ཀྱི་མཁས་གྲུབ་ཚོའི་ལུང་བགྲང་མི་འདུག་ཅེས་སྐྱོན་བརྗོད་བྱེད་ཀྱི་ཡིན་ནམ། ངོ་མ་གོད་ཤོར་དགོས་པར་རང་རེད།

ངས་ཁྱེད་དང་ཁྱེད་ཀྱི་རིགས་མཐུན་གྱི་སྐྱེ་བོ་རྣམས་ལ་གདངས་ངག་ཅིག་ཤོད། ལེགས་པར་ཉན་ལ། ཡིད་ལ་ཟུངས་ཤིག ད་དུང་སྔར་བྱས་ལ་འགྱོད་སེམས་དང༌། ཕྱིན་ཆད་སྡོམ་སེམས་བྱོས། སྡིགས་ཅན། ཤེས་སོང་ངམ། ཉོན་ཨཱ། ཤོད་ཀྱིན་ཡིན།

བྱང་སེམས་བདག་ཉིད་ཆེན་པོ་འབྲོམ་སྟོན་རྒྱལ་བའི་འབྱུང་གནས་མཆོག་གིས།
རང་མཚང་རང་གིས་བྲུས་དང་མཁས་པ་ཡིན།
གཞན་མཚང་ལྷད་ལ་ཞོག་དང་དགེ་བ་ཡིན།
གདངས་ངག་འདི་ཁྱེད་ཀྱིས་ད་ནས་བཟུང་ཉིན་ལེན་གསུམ་དང་མཚན་ལེན་གསུམ་འདོན་རྒྱུ་མ་བརྗེད་པ་གནང་རོགས།