ཆོས་ལུགས་རིས་མེད་དང་ཆོལ་ཁ་རིས་མེད་ཀྱི་བསམ་པའི་འཁྱེར་སོ་འདི་དུས་གཏན་དུ་གནས་ན་བསམ་ནས་མྱ་ངན་ཆེད་དེབ་འདི་བཀྲམས་པ་ཡིན་ཟེར།
མྱ་ངན་ཆེད་དེབ་ཀྱི་རྩོམ་སྒྲིག་པ་རྟ་ནག་སྐལ་བཟང་ལུང་རིགས་ཀྱིས་འདི་གར་བཏང་གནས་ལྟར་ན། སྤྱི་ཟླ་བཞི་བའི་ཚེས་བཅུ་བཞིར་རྫ་སྐྱེ་རྒུ་མདོར་བསམ་གྱིས་མི་ཁྱབ་པའི་ཆག་སྒོ་བྱུང་རྗེས་རང་རེ་བ་རྣམས་ཀྱིས་ཕྱོགས་སོ་སོ་ནས་འབྱོར་བའི་རྒྱབ་སྐྱོར་དང་གདུང་སེམས་མཉམ་སྐྱེད་ཀྱི་སྒོ་ནས་ཆག་སྒོ་བྱུང་ཡུལ་དང་སེམས་པ་གཅིག་ཏུ་སྦྲེལ་ཡོད། ཆོས་ལུགས་རིས་མེད་དང་ཆོལ་ཁ་རིས་མེད་ཀྱི་བསམ་པའི་འཁྱེར་སོ་འདི་དུས་གཏན་དུ་གནས་ན་བསམ་པ་དང་། ཆག་སྒོ་འདི་བོད་ཕྲེང་འཛིན་པ་ཡོངས་ཀྱི་ཉམ་ཆག་ཅིག་ཏུ་བསམ་ཏེ་ ༤་༡༤ མྱ་ངན་ལ་ཞུ་བ་ཞེས་པའི་མྱ་ངན་ཆེད་དེབ་འདི་འགྲེམ་སྤེལ་བྱས་པ་ཡིན་ཟེར་ལ། མྱ་ངན་ཆེད་དེབ་འདི་ལ་རང་མོས་སྙན་རྩོམ་ཁག་བཅུ་དང་། ཚིགས་བཅད་མ་བཞི། ལྷུག་མ་གཉིས། འབོལ་རྩོམ་བདུན། ༸གོང་ས་མཆོག་གཙོས་སྐྱེས་ཆེན་དག་གི་ཐུག་གསོའི་མཚམས་འཕྲིན་གསུམ། ཉེ་བའི་ལོ་བརྒྱའི་ནང་གི་འཛམ་གླིང་གི་ཆེས་ཆེ་བའི་ས་ཡོམ་གནོད་འཚེ་སྒྱུར་འགོད་ བྱས་པ་བཅས་བརྩམས་ཆོས་ཉེར་བདུན་བཀོད་ཡོད། བརྩམས་ཆོས་བདམས་བཀོད་ཀྱི་དུས་སུ་བོད་ཕྱི་ནང་རིས་མེད་དང་ཆོལ་ཁ་རིས་མེས་ཀྱི་རྣམ་པས་རྩོམ་ཡིག་བསྡུ་སྒྲིག་བྱས་ཡོད་ཟེར།
དཔེ་དེབ་འདི་འགྲེམ་སྤེལ་གྱི་མཛད་སྒོར་བོད་མི་མང་སྤྱི་འཐུས་ཚེ་བརྟན་ནོར་བུ་དང་། རྒྱལ་ནོར་ཚེ་དབང་། འཕེལ་རྒྱས་སྒྲོལ་མ་མཚོ་མོ། བལ་ཡུལ་མཆོད་འཇོར་ས་གནས་མགོ་འཛིན་ཚེ་རིང་དོན་གྲུབ་བཅས་ཕེབས་ཡོད་ལ། སྤྱི་འཐུས་ཚེ་བརྟན་ནོར་བུ་ལགས་ཀྱིས་དཔེ་དེབ་དབུ་འབྱེད་གནང་ཡོད་པ་རེད།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
རྟ་ནག་པ་ཧ་ཅིང་ཡག་པོ་འདུག
རིགས་ཞེན་གྱི་སྐུ་ཞབས་རྟ་ནག་པ་ལགས། དེབ་གཟུགས་དང་རྒྱབ་སོགས་ཧ་ཡག་པོ་འདུག་རྗེས་སུ་ཡི་རངས་ཞུ། ལས་འགུལ་འདིའི་རིགས་མི་མཐུད་དུ་སྤེལ་རོགས།
ཆོས་ལུགས་རིས་མེད་དང་། ཆོལ་ཁ་རིས་མེད་ཞེས་པའི་མིང་ཚིག་འདི་ནི། ང་ལ་མཚོན་ན་རྣ་བར་བསྙན་ཞིང་ཡིད་དུ་འོང་བའི་མིང་ཚིག་གཅིག་རེད། མིང་ཚིག་འདི་ནི་མིང་ཚིག་ཙམ་ཏུ་མ་བཞགས་པར་བོད་མི་ཚངས་མས་ངེས་པར་དུ་ཉམས་ལེན་བྱེད་དགོས་པ་ཞིག་ཡིན་པར་མདོད་དོ།
རྟ་ནག་གིས་སྐུར་བ་ཡིན་ནའང་འདྲ་དུས་བབ་དྲ་རྒྱའི་དོ་དམ་པས་བྲིས་པ་ཡིན་ནའང་འདྲ་༼རྫ་སྐྱེ་རྒུ་༽ཞེས་པའི་ཐ་སྙད་ཅིག་བེད་སྤྱོད་བྱས་འདུག་པ་འདི་ལ་གོ་ཡ་ག་རེ་ཡོད་མེད་ལན་ཞིག་ངེས་པར་དུ་གནང་རོགས།
རྟ་ནག་པ་དེབ་འདི་དུས་བབས་ཚང་ནས་གློག་ཐུབ་ན་སྤྲོ་བ་ལ། དེབ་གཟུགས་དང་རྒྱབ་ཤ་གཉིས་ནི་ངོ་མ་ཡག་པོ་ཞིག་འདུག དོན་དངོས་ཐོགས་སློབ་སྦྱོང་ཅན་གྱི་མི་ལ་འདྲ་ས་ཞིག་མེད་ཡ། ཨ་མའི་བུ་ངོ་མའི་ཡག་པོ་འདུག་ཡ་ཐུགས་རྗེ་ཆེ།
མཐོ་ལ་གཉའ་གུང་སྒུར་སྒུར་མེད་ལ་དམའ་བར་མཐོང་ཆུང་ཁྱད་གསོད་དབེན་པའི་བར་ལམ་ན་འཁྱར་ཁྱོར་དུ་བགྲོད་ཞོར། མི་རིགས་འདིའི་ཆ་ཀུན་ལ་ཕྱོགས་པ་ནི་རྟ་ནག་པའི་རང་གཤིས་སུ་གྲུབ་འདུག ཨ་རོགས་ རྩྭ་ཉལ་ལེ་བོའི་ནང་གི་དུག་ལངས་ལེ་བོ་ཁྱོད་རེད་ཀོ
རྟ་ནག་པའི་སྨྱུག་རྩེ་རྣོན་པོ་དེ་ད་བར་རིག་རྒྱུ་དེ་འདྲ་མེད་ནོ་་་་་་་་་་་་་་་ ཀི་ཨ་རོ་ཁྱོད་གང་ན་ཡོད་་་་་་་་་་་
ཆོས་ལུགས་དང་ཆོལ་ཁ་རིས་མེད་ནི་བོད་མི་རིགས་ལྡོག་རྩ་ཆིག་སྒྲིལ་གྱི་སྲུང་མདུད་དེ། སེམས་པ་གཅིག་མཐུན་གྱི་ལྕགས་ཐག་སྤྲེལ་མ་དང་སྐྱིད་སྡུག་མཉམ་འདེག་གི་ལ་རྒྱའི་དར་ཆ་ཡིན་པས། བུ་རྒོད་པོ་མདུན་དུ་བསྐྱོད་དང་རྒྱབ་སྐྱོར་གཙང་མ་ཡོད། རིང་ཉིད་ཀྱི་སྟེང་ནས་འགོ་བཙུགས་ཏེ་མི་རིགས་ཀྱི་ལས་དོན་ལ་གང་ཐུབ་ཀྱིས་ཧུར་བརྩོན་བྱས་པར་ངས་སྙིང་ནས་རྗེས་སུ་ཡི་རང་ཞུ།
ཨ་རོག་རྟ་ནག་པ་ལགས་གུས་ནི་ཁྱེད་ཀྱི་སྙན་རྩོམ་ཀློག་རྒྱུ་དགའ་
བའི་ཁ་མདགོ་མེད་པའི་གངས་ཕྲུག་ཞིག་ཡིན།
དེ་རིང་གོ་སྐབས་འདི་བཟུང་ནས་སྐུ་ཉིད་ལ་ཐུགས་རྗེ་ལན་གྲངས་ཞུ་བ་
དང་བསྔགས་བརྗོད་ཡོད་ཆབ་གཅིག་སྐུ་ཉིད་ཀྱིས་བརྩམས་གནང་བའི་མྱ་ངན་ཆེ་དེབ་དེ་མགྱོགས་མྱུར་
ཀླག་རྒྱུ་ཡོང་བའི་རེ་སྨོན་བཅས།།
ཁ་དྲོ་བཀྲ་ཤིས་བདེ་ལེགས།།
མྱ་ངན་ལ་ཞུ་བ་ཞེས་པའི་ལ་དེ་མེད་ན་མཛེས་སོ།
དེ་རིང་འདིའི་ནང་དུ་རྫ་སྐྱེ་རྒུ་ཞེས་པའི་ཐ་སྙད་གསར་པ་ཞིག་བྲིས་འདུག་འདི་ལ་གོ་ཡ་ག་རེ་ཡོད་་་་ངེས་པར་དུ་ལན་ཞིག་གནང་རོག།
།རིགས་ཞེན་དང་ལ་ཞེན་ཆེ་བའི་རྟ་ནག་པ་ལགས།ས་ཕྱོགས་གང་དུ་སོང་ཀྱང་མི་རིགས་ཀྱི་ལས་དོན་ལ་ཧུར་བརྩོན་བྱས་པ་ལ།ངས་རྗེས་སུ་ཡི་རངས་ཞུ།
རྟ་ནག་པ་ལ་རྗེས་སུ་ཡི་རངས་ཡོད། མུ་མཐུད་ཧུར་གྱིས་བགྲོད་རོགས།
ཆོས་ལུགས་རིས་མེད་དང་ཆོལ་ཁ་རིས་མེད་ལ་འབད་བརྩོན་དགོས་ངེས་འདུག་གོ །
རྗེས་སུ་ཡི་རངས་ཡོད།