བལ་ཡུལ་ས་མཚམས་ཀྱི་ཇག་པས་བོད་མི་སྐྱབས་བཅོལ་བའི་རྒྱུ་ནོར་འཕྲོག་བཅོམ་བྱས་ཡོད་འདུག
ཕྱི་ཚེས་ ༦ ཉིན་བལ་ཡུལ་གྱི་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ཉེ་ཆར་བོད་མི་སྐྱབས་བཅོལ་བ་ཁག་ཅིག་བལ་བོད་ས་མཚམས་རྡོ་ལ་ཁ་རྫོང་བརྒྱུད་བལ་ཁོངས་སུ་འཛུལ་སྐབས་ས་གནས་ཇག་པས་ཁོང་ཚོའི་རྒྱུ་དངོས་ཚང་མ་འཕྲོག་ཡོད་འདུག་ལ། ལོ་རེར་བོད་ནས་བོད་མི་སྐྱབས་བཅོལ་བ་བལ་ཁོངས་སུ་འཛུལ་རྒྱུའི་གྲངས་འབོར་མང་དུ་སོང་བ་དང་བསྟུན་ནས། ས་གནས་ཇག་པས་བོད་མིར་འཕྲོག་བཅོམ་བྱ་རྒྱུའི་གནས་སྟངས་ཀྱང་སྔོན་མ་ལས་ཛ་དྲག་རང་བཞིན་ཞིག་ཏུ་གྱུར་འདུག བོད་མི་སྐྱབས་བཅོལ་བ་ ༨ དེ་ཚོ་བླ་མ་བྷ་སྒར་ Lamabagar ས་གནས་ནས་ཆ་རི་ཁོ་ཊིར་ Charikot ཞེས་པའི་ལམ་བར་གྱི་ཤིང་ནགས་ཞིག་ཏུ་སླེབས་མཚམས་ཇག་པས་ཁོང་ཚོར་འཕྲོག་བཅོམ་བྱས་ཡོད་པ་རེད། འདིའི་ཐད་བལ་ཡུལ་ཉེན་རྟོག་པས་བརྗོད་དོན། ཚེས་ ༢༦ ཉིན་བོད་མི་ ༡༠ ཙམ་ཁྲིམས་འགལ་གྱིས་བལ་ཡུལ་ནང་འཛུལ་ཡོད་པར་མ་ཟད། ཡུལ་དེའི་ཇག་པས་ཉུང་མཐར་ཁོང་ཚོའི་ལག་ནས་ཧིན་སྒོར་སྟོང་ཕྲག་ ༤༤ ཙམ་འཕྲོག་འདུག་ལ། ང་ཚོས་བོད་མི་དེ་ཚོ་བལ་ཡུལ་གཞིས་སྤོ་ལས་ཁུངས་སུ་རྩིས་སྤྲོད་བྱས་ཡོད་ཅེས་བརྗོད་ཡོད།
འདས་པའི་ཟླ་འགའི་ནང་བོད་མི་ ༦༢ ཙམ་ཞིག་བླ་མ་བྷ་སྒར་ Lamabagar གྱི་ས་གནས་ཁག་ནས་བལ་ཡུལ་གྱི་ས་ཁོངས་སུ་འཛུལ་ཡོད་ལ། དེ་མིན་རྫོང་གཞན་པའི་ས་གནས་ཁག་ཏུའང་ཉུང་མཐར་བོད་མི་བརྒྱ་ཕྲག་དུ་མ་ཞིག་ནང་འཛུལ་བྱས་ཡོད་སྐོར་བརྗོད་ཡོད། རྫོང་དེའི་ཉེན་རྟོག་པའི་མགོ་བས་བརྗོད་ན། བོད་མི་དེ་ཚོ་ཉིན་གྲངས་ ༥ རིང་གོམ་པ་བརྒྱབ་རྗེས་རྡོ་ལ་ཁར་སླེབས་ཐུབ་ཡོད་ལ། ལམ་ཐག་རིང་པོར་གོམ་པ་བརྒྱབ་པ་དང་མཚན་མོར་ཡང་ཤིང་ནགས་སུ་སྡོད་དགོས་དུས། ཁོང་ཚོ་ཚང་མའི་ལུས་ཟུངས་ཟད་ཡོད་ལ་དེ་དག་ལས་ཁ་ཤས་ཤིག་ནད་པར་གྱུར་ཡོད། ལྷག་པར་དུ་ཁོང་ཚོས་བལ་ཡུལ་གྱི་སྐད་ཤེས་ཀྱི་མེད་སྟབས་ལས་སླ་མོར་ཇག་པས་འཕྲོག་བཅོམ་བྱེད་ཐུབ་བྱུང་བ་རེད་ཅེས་འགྲེལ་བརྗོད་བྱས་ཡོད་འདུག
གསར་འགོད་པ། དཔལ་ལྡན་རྒྱ་མཚོ།
བ་ཡུལ་ནང་གི་ཇག་པ་དེ་དག་ལ་དུས་བརྟན་དུ་རྒྱལ་བའི་རྒྱལ་ཁ་ཞིག་
ནམ་ཡང་འབྱུང་མི་སྲིད།།
དྲ་གྲོགས་ཤེེལ་དཀར་བློ་བཟང་ལགས་ད་ལམ་བ་ཡུལ་གཞུང་དང་
མི་དམངས་གཉིས་ནས་མཉམ་ཆུང་བོད་མི་རྣམས་ལ་ཐུབ་ཚོད་གཏོང་བའི་
གནས་ཚུལ་བདེན་ཡང་དེའི་སྐབས་ཀྱི་གནས་ཚུལ་དེ་དཀོན་མཆོག་གིས་དྲང་པོ་མ་གནང་བའི་དབང་གིས་བྱུང་ཞིག་མིན་པས་
དཀོན་མཆོག་གིས་དྲང་པོ་གནང་གི་མི་འདུག་ཟེར་བ་དེ་རྨོངས་དད་ཙམ་ལས་རིག་པ་དང་ལྡན་པའི་སྐད་ཆ་ཞིག་མིན་ལགས།།
ཨ་ཁ་བློ་ཕམ་པོ་རེད།
བོད་རང་བཙན་ཐོབ་པའི་ཉིན་མོ་ང་ཇོ་མོ་གླང་མའི་དབུ་རྩེར་བུད་དེ་བལ་ཡུལ་གྱི་ཡུལ་ཁམས་འདི་འུར་རྡོ་ཡིས་རློག་རྒྱུ་ཡིན། ཉིན་མོ་དེར་ཁྱོད་ཚོའང་འུར་རྡོ་ཁྱེར་ཏེ་ང་དང་མཉམ་དུ་ཤོག་ཨཱ། ང་ཚོས་ཕར་ཤོར་བ་ཡོད་ཚད་དེ་དུས་ཚུར་ལེན་ངེས་ཡིན།
བོད་མི་ཉམ་ཆུང་ཚོ་ནི་ས་ག་པ་སོང་ཡང་བཅོམ་མཁན་ཡོད་ལ་བཙན་ནོན་བྱེད་མཁན་ཡོད། སྤུན་གྲོགས་ཚོ། རྡུག་རྩ་གཅིག་སྒྲིལ་དང་ཉམ་ཆུང་ཚོས་ཤུགས་རྒྱབ་་་་ངོ་ཚ་མེད་པའི་འཛམ་གླིང་འདིས་གསོད་བྱ་དང་རྡུང་བྱ་བྱས་ནས་མི་རབ་ག་ཚོད་མགོ་སྒུར་ནས་བསྡད་ཀྱིས་ཡིན་ནམ།
མགོ་ཡར་ཀྱོར།
མགོ་ཡར་ཀྱོར།
མགོ་ཡར་ཀྱོར།
ཤི་ན་ཤི་རོགས་རག་དགོས། བྲོས་ནས་ཐར་པ་མི་འདུག
བལ་ཡུལ་གཞུང་འདིས་བོད་མི་སྐྱབས་བཅོལ་བར་སྡོད་ཆོག་པའི་ལག་འཁྱེར་མི་སྟེར་ན་ཡང་ལམ་ཁ་ཞིག་གཡར་ན་མི་ཆོག་རྒྱུ་མེད་མོད། འདི་དག་ཐམས་ཅད་བལ་ཡུལ་ཇག་པ་ཡིན་ནམ་རྒྱ་འདྲེ་དེ་ཚོའི་འཕྲུལ་ཡིན་ན་གང་ལྟར་བོད་མི་ཚོ་ལ་དཀའ་ངལ་མི་ཉུང་བ་ཞིག་འཕྲད་བཞིན་འདུག
ད་ང་ཚོའི་གཞུང་ལ་ཐབས་ཤེས་ཆུང་ཆུང་རེ་མེད་དམ། ངོ་མ་ཅི་ཞིག་བྱ།
ད་ལྟའི་གནས་སྐབས་སུ་ང་ཚོ་བོད་མིར་བལ་ཡུལ་རྒྱལ་ཁབ་ཆུང་ཆུང་དེ་ཡི་ཡུལ་མི་དང་གཞུང་ཕྱོགས་གཉིས་ཀས་ཐུབ་ཚོད་གཏོང་གི་འདུག ནམ་མཁའི་བླ་མ་དཀོན་མཁྱེན། ཁྱེད་ཀྱིས་དྲང་པོ་གནང་གི་མི་འདུག ང་ཚོས་མི་ལོ་ལྔ་བཅུའི་རིང་སྡུག་པོ་མྱང་ཡིན། ད་དུང་ཡང་ག་ཚོད་བར་དུ་མི་ཡིས་གཉའ་གནོན་འོག་ལ་སྡོད་དགོས་སམ། མདོར་དོན་ང་ཚོར་ཡ་ང་སྙིང་རྗེ་བྱེད་མཁན་དང་། བདེན་པའི་རྒྱབ་ལང་བྱེད་མཁན་ཡོད་དམ། བདེན་པར་བདེན་སྟོབས་ཨེ་ཡོད།
ད་ང་ཚོས་ཅི་འདྲ་ཞིག་བྱས་ན་བཟང་ངམ།
ལས་བསགས་པ་ཞིག་མ་འགྲིག་པ་ཡིན་རྒྱུ་རེད་གོ། བོད་སྤྱི་ཡོངས་ཀྱི་ཆ་ནས་བལྟས་ན་འདི་འདྲ་མི་འབབ་ནི་ཞིག་སྣང་གི། ཡིན་ནའང་། གང་ཟག་སྒེར་སོ་སོའི་ངོས་ནས་ལས་ཅི་ཞིག་བསྒྲུབས་ཡོད་པ་ང་ཚོས་བཤད་ཚོད་དཀའ་བ་ཞིག་རེད།
འོ་ད་དཀོན་མཆོག་གསུམ།
དུས་དེང་སང་བོད་པའི་དཀའ་སྡུག་འདི་སུས་དྲན་ཕོད་ཨང་།
ནམ་ཡིན་ནའང་། གྱོང་རེག་མཁན་ང་ཚོ་རེད། འདི་ཅི་ཞྀག་མ་འགྲིག་པ་ཡིན་ནམ།