རྒྱ་ནག་སྒེའུ་ཁུང་།

འདས་པའི་དུས་ཡུན་རིང་པོའི་ནང་རྒྱ་ནག་ཏུ་ལས་དོན་སྒྲུབ་དེ་བསྡད་མྱོང་ཞིང་། ད་ལྟ་རྒན་ཡོལ་བྱས་ཟིན་པའི་དབྱིན་ཇའི་ཕྱི་འབྲེལ་དཔོན་རིགས་ཁྲེམ་ཁའོ་ལེར་(Tim. Collard) གྱིས་ཕྱི་ཚེས་ ༧ ཉིན་དབྱིན་ཇིའི་ཉིན་རེའི་བརྡ་འཕྲིན་གསར་ཤོག་སྟེང་རྩོམ་ཡིག་ཅིག་སྤེལ་ཏེ། རྒྱ་ནག་གི་ཁྲུང་ཆིན་ས་ཁུལ་གྱི་ཆུ་འགག་རགས་བརྒྱུད་ལ་གས་ཁ་ཤོར་བཞིན་པར་མ་ཟད། ཁུལ་དེའི་སྐྱེས་ཁམས་ཁོར་ཡུག་ལ་གནོད་ཚབས་ཆེན་པོ་འབྱུང་བཞིན་ཡོད་པ་དང་། ད་ལྟའི་བར་ཆུ་འགག་འབབ་བརྒྱུད་ཁུལ་གྱི་མང་ཚོགས་ཁྲི་ ༡༤༠ གནས་སྤོ་བྱས་ཟིན་པ་དང་། ད་དུང་ཡང་མང་ཚོགས་ཁྲི་ ༣༠ ལྷག་གནས་སྤོ་བྱ་དགོས་ཐུག་ཡོད་མོད། ཁུལ་དེའི་མང་ཚོགས་ཀྱི་འཚོ་བའི་གནས་སྟངས་ཞན་པས་རྐྱེན་གྱིས་གནས་སྤོའི་མ་དངུལ་མེད་པར་ཉེན་ཁའི་ཁྲོད་བསྡད་ཡོད་པ་བརྗོད་ཡོད། 
   
ཆུ་འགག་རགས་གསུམ་ནི་རྒྱ་ནག་གི་སྲིད་བློན་ཟུར་བ་ལི་ཕིན་གྱིས་དོ་ཁུར་བྱ་ཡུལ་ཅིག་ཡིན་ལ།  དེ་ནི་རྒྱ་ནག་གི་དཔོན་རིགས་དག་གིས་དཔལ་འབྱོར་གྱི་ཁེ་ཕན་ཁོ་ནར་མགོ་འཁོར་ཏེ། བཟོ་བསྐྲུན་ལས་གཞི་དེ་ཚད་ལྡན་ལས་གཞིའི་ཚད་ཐིག་ལ་སླེབས་ཐུབ་མེད་པ་རེད། 
   
རྒྱ་ནག་ཟི་ཁྲོན་ས་གཏེར་བསྔོགས་འདོན་ཁང་གི་ས་གཤིས་ཉམས་ཞིབ་རུ་ཁག་གི་བཟོ་བསྐྲུན་པ་དང་རྒྱ་ནག་གི་འབྲི་ཆུར་ཉམས་ཞིབ་ཆེད་མཁས་པ་ཧྥན་ཞའོ་ཡིས་བརྗོད་རྒྱུར།  ཉེན་ཚབས་འབྱུང་རྐྱེན་གཙོ་བོ་ནི་ཆུ་འགག་ཁུལ་དུ་ས་རིལ་བརྒྱབ་པ་དང་།  ཆུ་ལོག་བརྒྱུགས་པ་སོགས་ས་གཤིས་ཉམས་པའི་རྐྱེན་གྱིས་ཡིན་པ་དང་། རྒྱ་ནག་གཞུང་གིས་ཆེད་དུ་ས་གཤིས་སླར་གསོའི་ལས་གཞི་སྤེལ་བཞིན་ཡོད་ལ། ད་ལྟ་མ་དངུལ་དུང་ཕྱུར་ ༢༠༠ བཏང་སྟེ་ལས་གཞི་ཐེངས་གསུམ་པ་དེ་སྤེལ་བཞིན་པའི་སྒང་ཡིན་ཚུལ་བརྗོད་ཡོད།

ཕྱི་ཟླ་ ༦ ཚེས་ ༡ ཉིན་གྱི་སྔ་དྲོར། རྒྱ་ནག་ཧའོ་ནན་ཞིང་ཆེན་ཡུང་ཀྲིག་གྲོང་ཁྱེར་ལིན་ལེན་ས་ཁུལ་སྦྲགས་སྲིད་ལས་ཁུངས་ཀྱི་ཀྲོའུ་ཅོན་ས་གནས་ཁྲིམས་ཞིབ་ཁང་དུ་སོང་ནས་མེ་མདས་བརྒྱབ་སྟེ་ཁྲིམས་དཔོན་གསུམ་བསད་པ་དང་ཁྲིམས་དཔོན་གཞན་གསུམ་རྨས་རྗེས་རང་ཤི་བརྒྱབ་ཡོད་པ་རེད། ཕྱི་ཚེས་ ༢ ཉིན་གྱི་ཕྱི་དྲོར་ཁོ་ལ་གདུང་སེམས་མཉམ་བསྐྱེད་བྱེད་མཁན་དང་ས་གནས་ཁྲིམས་ཞིབ་ཁང་ལ་ཞུ་གཏུགས་ལ་ཡོང་མཁན་གྱི་མང་ཚོགས་བརྒྱ་ཁྲག་འགའ་ས་གནས་ཁྲིམས་ཁང་གི་ར་སྐོར་དུ་འདུ་འཛོམས་ཀྱིས། ཀྲུའོ་ཅོན་ལ་མྱ་ངན་མེ་ཏོག་བཤམས་པ་དང་། “ཀྲུའོ་ཅོན་བདེ་བར་གཟིམ” སོགས་བཀོད་པའི་འཕྲེད་བྱང་ཕྱར་དེ་ “ཀྲུའོ་ཅོན་ནི་མི་དམངས་ཀྱི་དཔའ་རྒོད་རེད”  སོགས་ཀྱི་སྐད་འབོད་བྱས་ཡོད་འདུག   ས་གནས་མང་ཚོགས་ཀྱིས་གསར་འགོད་པར་བརྗོད་པ་ལྟར་ན། དོན་རྐྱེན་དེའི་འབྱུང་རྐྱེན་ནི་ས་གནས་ཁྲིམས་ཞིབ་ཁང་གི་དཔོན་རིགས་དག་གིས་གྱོད་གཞི་སྒྲུབ་སྐབས་དུས་རྒྱུན་ལྐོག་དངུལ་དང་དཔོན་ཤུགས་ཀྱི་ངོ་སོ་ལྟ