མཱ་སུ་རི་བོད་ཁྱིམ་དུ་སློབ་ཕྲུག་བུ་མོ་གཅིག་དང་སློབ་ཕྲུག་བུ་ ༩ ཡི་བར་འཁྲིག་སྤྱོད་ཀྱི་གནས་ཚུལ་བྱུང་སྟེ་ཁྱོན་སློབ་མ་བཅུ་དང། ཁྱིམ་ཚང་གི་ཕ་ཚབ་མ་ཚབ་གཉིས་བཅས་ཕྱིར་ཕུད་བཏང་ཡོད་འདུག
མཱ་སུ་རི་བོད་ཁྱིམ་གྱི་སློབ་མ་ཟུར་པ་ཞིག་གིས་འདི་གའི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། ཟླ་སྔོན་མའི་ཕྱི་ཚེས་ ༢༣ ཉིན་མཱ་སུ་རི་བོད་ཁྱིམ་སློབ་གྲྭའི་འཛིན་རིམ་ ༣ པའི་བུ་ཞིག་དང་འཛིན་རིམ་ ༦ པའི་བུ་མོ་ཞིག་གིས་འཛིན་གྲྭ་གྲོལ་བ་དང་སློབ་གྲོགས་རྣམས་འཛིན་ཁང་ནས་ཕྱིར་ལོག་རྗེས། འཛིན་གྲྭ་ ༤ པའི་སློབ་ཁང་དུ་ཚུལ་མིན་འཁྲིག་སྤྱོད་བྱེད་བཞིན་པ་དེར་ཡོད་སློབ་མ་མང་པོ་ཞིག་གིས་མཐོང་ཡོད་འདུག་ལ། ཕྱིས་སུ་སློབ་མ་ཚོས་སློབ་གྲྭའི་སྒྲིག་སྲོལ་དགེ་རྒན་སྐད་བཏང་སྟེ་ཁོ་གཉིས་འཇུས་ཡོད་པ་དང་། འབྲེལ་ཡོད་དགེ་རྒན་གྱིས་བུ་མོར་གནས་ཚུལ་དེའི་ཐད་འདྲི་གཅོད་བྱས་རྗེས་གོང་གསལ་བུ་དེ་གཅིག་པུ་མིན་པར། མོའི་མཉམ་དུ་འཁྲིག་སྤྱོད་བྱེད་མཁན་ཁྱོན་སློབ་ཕྲུག་བུ་ ༩ བྱུང་ཡོད་འདུག དེ་དག་ནི་འཛིན་གྲྭ་ ༡༡ ཡིན་པའི་བུ་ཞིག་དང་འཛིན་གྲྭ་ ༦ པ་ཡིན་པའི་བུ་གསུམ། འཛིན་གྲྭ་ ༣ པ་ཡིན་པའི་བུ་གཅིག། འཛིན་གྲྭ་ ༡༢ ཡིན་པའི་བུ་ཞིག འཛིན་གྲྭ་ ༣ པའི་བུ་ཞིག་དང་འཛིན་གྲྭ་གསལ་ཁ་མེད་པའི་བུ་གཉིས་བཅས་ཁྱོན་བུ་ ༩ ཡོད་འདུག
སློབ་གྲྭའི་ངོས་ནས་བུ་མོ་མོ་རང་དང་མོའི་མཉམ་དུ་འཁྲིག་སྤྱོད་བརྟེན་རོགས་བུ་ ༩། གཞན་ཡང་བུ་མོ་དེ་སྡོད་སའི་ཁྱིམ་ཚང་གི་ཕ་ཚབ་མ་ཚབ་བཅས་མི་ ༡༢ ཕྱིར་འབུད་བཏང་ཡོད་འདུག
གོང་གསལ་གྱི་གནས་ཚུལ་ཐད་འདི་གའི་གསར་འགོད་པས་ཁ་པར་བརྒྱུད་མཱ་སུ་རི་བོད་ཁྱིམ་གྱི་དྲུང་ཆེ་ལས་ཚབ་རྒན་དགེ་འདུན་རིན་ཆེན་ལགས་སུ་བཀའ་འདྲི་ཞུས་པར་ཁོང་གིས། ཁྱེད་རང་ཚོས་གོ་ཟིན་པའི་གནས་ཚུལ་དེ་བདེན་པ་རེད། སློབ་མ་རྩ་དགོངས་ལ་གཏོང་དགོས་དོན་དེ། ང་ཚོ་སློབ་གྲྭ་ཞིག་ཡིན་པ་དང་སློབ་མའི་སྒྲིག་སྲོལ་ནང་ཆོག་དང་མ་ཆོག་གི་ལས་ཀ་ཡོད་པ་ལྟར། ཐེངས་འདིའི་སློབ་མའི་བྱེད་སྟངས་དེ་མ་ཆོག་པ་ཞིག་ཆགས་ཡོད་པ་དང་། ཁ་ཐུག་ཏུ་འགན་འཁུར་མཁན་ཁྱིམ་ཚང་གི་ཕ་ཚབ་མ་ཚབ་ལ་མཚོན་ནའང་ཕྲུ་གུར་ལྟ་རྟོག་བྱས་པ་མ་འདང་བའི་དབང་གིས་རྩ་དགོངས་ལ་གཏོང་དགོས་བྱུང་བ་རེད་ཅེས་བརྗོད་བྱུང་ལ། གལ་སྲིད། སྤྱི་ཚོགས་ནང་བཙན་གཡེམ་གྱི་དོན་རྐྱེན་བྱུང་ཚུལ་བརྗོད་ཀྱིན་ཡོད་པ་ཡིན་ན་དེ་བདེན་པ་མ་རེད། ཐེངས་འདིའི་འཁྲིག་སྤྱོད་དེ་ལོ་མང་རིང་ནས་བྱུང་བསྡད་པ་ཞིག་འདུག་ལ། དེ་ཡང་གཙོ་བོ་ཕོ་མོ་ཁོ་མོར་བུ་གཅིག་དང་གཉིས་བྱས་ཏེ་རིམ་པའི་འཁྲིག་སྤྱོད་བྱས་ཡོད་པའི་གནས་ཚུལ་བརྒྱུད་དེ། ད་ལྟའི་བར་དུས་ཡུན་གང་འཚམ་ཞིག་ལ་བུ་མང་པོ་དང་མཉམ་དུ་འབྲེལ་བ་བྱུང་བ་དེ་འདྲ་ཡིན་སྟབས། དེའི་དབང་གིས་ང་ཚོས་ཐེངས་འདིར་མོ་དང་འབྲེལ་ཡོད་ཀྱི་བུ་དགུ་རྩ་དགོངས་བཏང་བར་མ་ཟད། དེ་བཞིན་ཁྱིམ་ཚང་གི་ཕ་ཚབ་མ་ཚབ་གཉིས་ཀྱིས་ཀྱང་རྒྱུན་རིང་པར་ཁྱིམ་ཚང་དེའི་ནང་བུ་ཕྲུག་ཕན་ཚུན་བར་འབྲེལ་བ་བྱུང་ཡང་འགན་མ་འཁུར་བའི་རྒྱུ་མཚན་གྱིས་རྩ་དགོངས་གཏོང་དགོས་བྱུང་བ་རེད་ལ། གནས་ཚུལ་འདི་དགེ་རྒན་གྱི་སློབ་གསོ་དང་ཕ་མའི་བདག་སྐྱོང་སོགས་འདི་རེད་ཅེས་ང་རང་གིས་བཤད་ཐུབ་མ་སོང་ཅེས་བརྗོད་བྱུང་།
ཡང་ཁོང་གིས། སློབ་གྲྭའི་ནང་སློབ་མ་སུ་སྒྲིག་སྲོལ་དང་འགལ་ཡོད་མེད་ལྟ་རྒྱུ་ལས། བོད་ནས་ཡོང་བ་དང་རྒྱ་གར་ནས་སྐྱེས་པ་སོགས་ཀྱི་དབྱེ་བ་རྩ་བ་ནས་མེད་སྟབས། ཉེ་ཆར་རྩ་དགོངས་བཏང་རྗེས་སློབ་གྲྭའི་ངོས་ནས་བལ་ཡུལ་སྣེ་ལེན་ཁང་ལ་འབྲེལ་བ་ཞུས་རྗེས་ལས་བྱེད་མངགས་གཏོང་བྱས་ཏེ་ཁོང་ཚོ་བལ་ཡུལ་ཏུ་བསྐྱལ་ཡོད། ང་རང་བོད་ཁྱིམ་གྱི་འགན་ཆ་ཚང་འཁུར་མཁན་ཞིག་མིན་ཡང་། ང་རང་ལས་བྱེད་རྒན་པ་ཞིག་དང་དྲུང་ཆེའི་ལས་ཚབ་ཡིན་པའི་ཆ་ནས་ང་ཚོའི་དགེ་རྒན་དང་ཕ་ཚབ་མ་ཚབ་ཚང་མས་མ་འོངས་པར་གཟབ་དགོས་པའི་སྐོར་བརྗོད་རྒྱུ་དང་། སློབ་མ་ཚོར་ཡང་དེའི་ཕྱོགས་ལ་སློབ་གསོ་རྒྱག་རྒྱུ་དེ་ད་ལྟའི་བར་བྱས་པ་རེད་ལ། མ་འོངས་པར་ཡང་བྱ་ངེས་ཡིན། དེ་མ་གཏོགས་པའི་རྒྱ་གར་ཉེན་རྟོག་མི་སྣ་སྐད་བཏང་སྟེ་གནས་ཚུལ་ཐག་གཅོད་བྱས་པ་དེ་འདྲ་ཡོད་པ་མ་རེད་ཅེས་དང་། ད་ལྟའི་བར་མཱ་སུ་རི་བོད་ཁྱིམ་གྱི་དགེ་ལས་ཡར་འཇུག་མར་ལེན་དང་གླ་ཆ་སྤྲོད་རྒྱུ་སོགས་བོད་ཁྱིམ་རང་གིས་ལས་ཀྱིན་ཡོད་པ་ལས། ད་ལྟའི་བར་ཡུལ་མིའི་ཁྲིམས་ཀྱིས་ལག་བསྟར་བྱེད་དགོས་པ་དེ་འདྲ་བྱུང་མེད། གལ་སྲིད་མི་མང་གི་ངོས་ནས་ཁྲིམས་ལ་སྦྱར་དགོས་པའི་རེ་བ་དེ་འདྲ་བཏོན་པ་ཡིན་ན་ང་ཚོས་གནས་སྟངས་ལ་ཕབ་པའི་ལས་ཀ་བྱ་དགོས་པ་རེད། ཅེས་གསུངས་བྱུང།
འདི་གའི་གསར་འགོད་པས་གནས་ཚུལ་རྒྱུས་ལོན་བྱས་ཏེ་ཤེས་རྟོགས་བྱུང་བ་ལྟར་ན། མཱ་སུ་རི་བོད་ཁྱིམ་ནང་ད་ལྟའི་བར་དགེ་རྒན་དང་སློབ་མ། ཕ་ཚབ་དང་སློབ་མ། སློབ་མ་དང་སློབ་མའི་དབར་བཙན་གཡེམ་དང་འཁྲིག་སྤྱོད་ཀྱི་དོན་རྐྱེན་གང་འཚམ་བྱུང་ཡོད་འདུག་ལ། ཐེངས་འདིའི་འཁྲིག་སྤྱོད་ཀྱི་གནད་དོན་ནི་སློབ་ཕྲུག་རྩ་དགོས་བཏང་བ་མང་ཤོས་དེ་ཆགས་ཡོད་པ་དང་། བོད་ནས་འབྱོར་བའི་སློབ་མ་དགུ་དང་བཞུགས་སྒར་གྱི་ལས་བྱེད་ཞིག་གི་བུ་ཕྲུག་གཅིག་བཅས་ཡོད་འདུག
གསར་འགོད་པ། དོན་གོ།
དྲ་གྲོགས་རྣམས་པ་ལགས།
འཁྲིག་སྤྱོད་བྱས་པའི་རྒྱུ་མཚན་ལ་བརྟེན་ནས་སློབ་ཕྲུག་ཕྱིར་ཕུད་གཏང་ན་ནོར་འཁྲུལ་རེད
ད་རིང་ནོར་འདུག་པས་ དྲུང་ཚབ་ལགས་ རང་གི་ལུས་ལ་དཔེ་བླངས་ནས་ གཞན་ལ་གནོད་པ་མ་བྱེད་ཅིག་ ངོས་པ་ཤེས་གྱིས་
བློ་ཕམ་ཚད་མེད་བྱུང་། བོད་ནང་གི་ཕ་མ་ཚོས་རང་གི་ཤ་ཁྲག་ལས་ཆད་པའི་བུ་ཕྲུག་དེ་དག་གི་གཅེས་པའི་སྲོག་དང་མི་ཚེ་གཅིག་གི་མདུན་ལམ་གྱི་སྐྱིད་སྡུག་ཚང་མ་མ་སུ་རིའི་དགེ་ལས་ཚོ་ལ་བཅོལ་ཡོད་རེད། འོན་ཀྱང་ཁྱེད་ཚོས་སྒྲིག་གཞི་ཕྲན་བུ་ཞིག་འགལ་མིན་ལ་ཁ་གཡར་ཏེ་རྒྱ་དམར་ལ་རྩེས་སྤྲོད་བྱ་ཚུལ་དེ་ཧ་ཅང་གི་བློ་ཕམ་དང་ངོ་རྒོལ་ཡོད་ ག་རེ་བྱས་ནས་རྒྱ་དམར་ལ་རྩེས་སྤྲོད་རེད་དམ།།
བུ་མོ་དེར་ཕ་ཚབ་མ་ཚབ་གཉིས་ཀྱིས་སློབ་གསོ་སྤྲད་རྒྱུ་མ་འདང་བའི་རྒྱུ་མཚན་གྱིས་གནས་དབྱུང་བཏང་བའི་དབང་དུ་བྱས་ན་དགེ་རྒན་རྣམས་དང་ལྷག་པར་སློབ་སྤྱི་ཁོ་རང་ཡང་སློབ་མར་སློབ་གསོ་སྤྲོད་མཁན་གཙོ་བོའི་གྲས་
ལོས་ཐེ་ཡོད་པས་ཁོང་རྣམ་པས་རང་འཁྲིའི་ལས་འགན་མ་འགྲུབ་པ་ཡིན་སྟབས་བཟང་སྤྱོད་ཀྱི་སྒོ་ནས་ལས་གནས་ནས་རང་འགུལ་གྱིས་རྩ་དགོངས་ཞུ་དགོས་ལ་དེ་མིན་འཛིན་སྐྱོང་ཤེས་རིག་བཀའ་བློན་མཆོག་ནས་ཁོང་རྣམ་གནས་དབྱུང་བཏང་དགོས་པ་རང་བཞིན་གྱིས་ཆགས་ཀྱི་འདུག འདི་འདྲ་ཞིག་མ་རེད་དམ།
འདི་ལོའི་ས་ཡོམ་གནོད་འཚེ་ལ་ཡང་བོད་གཞུང་ནས་བློ་ཡིད་ཚིམས་པའི་རྒྱབ་སྐྱོར་དང་གདུང་སེམས་མཉམ་སྐྱེས་མ་བྱུང་བའི་གླེང་ཕྱོགས་བོད་ནས་ཡར་ཐོས་རྒྱུ་འདུག ད་རེས་ཡང་སློབ་ཕྲུག་རྣམས་རྒྱ་མི་ལ་ཕྱིར་སྤྲོད་བྱས་ན་གཞིས་བྱེས་བར་ལ་་་་་་་་་་་་་་ཡོང་མི་སྲིད་པ་མ་རེད།
དྲྭ་གྲོགས་ཡོངས་ལ་ཞུ་རྒྱུ་ངས་མ་སུ་རི་སློབ་གྲྭའི་དྲུང་ཆེའི་ལས་ཚབ་པ་དགེ་འདུན་རིན་ཆེན་ལགས་སུ་ཞལ་པར་ཕུལ་ནས་འབྲེལ་བ་བྱུང་ཀྱང་། ཁོང་གིས་གསུང་དོན་གཟའ་ཟླ་བ་ཉིན་མོ་ལས་ཁུང་སུ་ཁ་པར་གཏང་ཤོག་གསུང་གིས་འདུག དེའི་སྔོན་ལ་དབུས་སྣེ་ལེན་ཁང་དང་བལ་ཡུལ་ཡན་ལག་སྣེ་ལེན་ཁང་སོགས་ལ་འབྲེལ་བ་གནང་ཐུབ་ན་གནང་རོགས་ཞུ།
ན་མ་སྨིན་ན་འདོད་པ་སྤྱད་ག་བར་ཐུབ། དེ་ངོ་མཚར་མི་ཆེ་རུང་། ཕྲུག་གུ་ཆགས་པ་སོགས་ཀྱི་གནས་ཚུལ་མེད་བཞིན། འཁྲིགས་སྦྱོར་བྱས་པས་སློབ་གྲྭ་ནས་ཕྱིར་འབུད་གཏོང་བ་ནི་ཤིན་ཏུ་ངོ་མཚར་ཆེ། རྒྱ་བལ་གང་རུང་དུ་ནང་མི་ཡོད་པ་ཞིག་ཕྱིར་འབུད་བྱས་ན་ད་དུང་ཐུགས་ཁག་མེད་རུང་། བོད་ནས་གསར་དུ་འབྱོར་བའི་ན་མ་སྨིན་པ་རྣམས་བལ་ཡུལ་དུ་བརྫངས་ནས་རྒྱ་ལག་ཏུ་བརྩིས་སྤྲད་བྱེད་བརྩིས་བྱེད་པ་འདི་ནི་ཧང་སང་དགོས་པའི་གནས་ཚུལ་ཞིག་རེད།
རྩ་དགོངས་གནང་དགོས་རྒྱུ་དེ་ཕྲུག་གུ་དེ་རྣམས་བལ་ཡུལ་དུ་བརྫངས་བའི་ཆགས་གཞི་བཞག་མཁན་དེ་རྣམས་རེད། ཕྲུག་གུ་ལ་ཕྲུག་གུ་བྱུང་ན་སློབ་གྲྭ་ལས་རྒྱང་འབུད་གཏོང་བ་ལུགས་དང་མཐུན་ཀྱང་། འཁྲིག་སྤྱོད་བྱས་པ་ཙམ་གྱིས་སློབ་གྲྭ་ལས་རྒྱང་འབུད་གཏོང་དགོས་ན། སློབ་གྲྭ་རེ་ལས་སློབ་ཕྲུག་བརྒྱ་ཆ་བཅུ་རེ་མི་རིང་རྒྱང་འབུད་གཏོང་དགོས་ཐུག་པ་ལག་མཐིལ་རེད།
དེ་རིང་གི་གནས་ཚུལ་འདིས་སེམས་པ་གཏིང་ནས་སྐྱོ། བོད་ནས་ཡོངས་པའི་གཞོན་ནུ་དེ་རྣམས། ཉེས་ཁ་ཆེ་བའི་རྒྱ་དམར་གྱི་ཁ་རུ་འཁྲིགས་སྤྱོད་བྱས་པར་རྒྱུ་མཚན་གྱིས་སྤྲད་པ་འདི་ལས་ནག་ཉེས་ཆེ་བ་བཟོ་རྒྱུ་མེད།
དེ་དང་ད་ལྟར་དངོས་སུ་མཐོང་བའི་བུ་དེ་རྒྱང་འབུད་བཏང་དགོས་ཀྱི་ཡོད་པ་ཡིན་ནའང་། བུ་གཞན་བརྒྱད་དེ་རྣམས་ཀྱིས་འཁྲིགས་སྤྱོད་བྱས་ཡོད་པའི་དཔང་རྟགས་གསལ་པོ་གང་ཡོད་དམ། བུ་མོ་དེས་བཤད་པ་ཡིན་ན། དེ་བདེན་པའི་དཔང་རྟགས་གང་ཡོད། ང་ཚོའི་བོད་ཀྱི་ཆེས་མཐོའི་ཁྲིམས་ཁང་ཆེན་པོ་དེ་ལས་ཀ་ཕལ་ཆེར་མེད་ནས་སྡད་ཡོད། གལ་སྲིད་ང་ཕྲུག་དེ་རྣམས་ཀྱི་གང་ཡང་རུང་བའི་སྤུན་ཉེ་ཡིན་ན་ཁྲིམས་གཏུགས་བྱེད་ཐག་ཆོད་ཡིན།
ད་ལྟའི་སྐབས་སུ་གནས་ཚུལ་འདིས་བོད་ནས་ཡོངས་པའི་ཕྲུག་གུ་རྣམས་ཕ་མས་ཉེས་ཁར་མ་འཛེམས་ནས་རྒྱ་གར་དུ་རྒྱལ་སློབས་གྲྭ་གཏང་གནང་བ་དེ་རྣམས་ལ་ཁྱད་གསོད་ཇི་ཙམ་ཡོད་པ་གསལ་བོར་མཚོན་གྱི་ཡོད་རེད།
བཙན་བྱོལ་གྱི་བོད་པ་ཡོངས་དང་། བོད་ཀྱི་གཞུང་མང་གཉིས་ལ། ཕྲུག་གུ་དེ་རྣམས་བསླབ་བྱ་དང་སྒྲིགས་འཛུགས་ཡག་པོ་ཡོད་ས་ཞིག་ཏུ་མི་ཚེ་ཆུད་ཟོས་སུ་མ་གཏོང་ནས་བཙུད་རོགས་གྱིས་ཟེར་འབོད་སྐུལ་ཞུ་རྒྱུ་ཡིན།
བོད་མི་ཉམ་ཐག་རྣམས་ལ་བསམ་གཞི་ཡོད་པའི་དྲ་གྲོགས་ཚོ་དང་ལྷག་པ་ཏུ་བཙན་བྱོལ་གཞུང་གི་ལས་བྱེད་ཡིན་པའི་དྲ་གྲོགས་རྣམས་ཀྱིས་ངེས་པ་ཏུ་ཕྲུ་གུ་འདི་དག་བདག་པོ་རྒྱག་ཐུབ་པ་བྱེད་རོགས།
བཙན་བྱོལ་བོད་གཞུང་ལ་སྙན་ཞུ་རྒྱབ་དགོས་ནའང་འདྲ་རྡ་ས་བསྡད་ཡོད་མཁན་ཚོ་ཞུ་གཏུགས་རྒྱབ་མཁན་ཕེབས་རོགས་ཞེས་རེ་བ་ཞུ་རྒྱུ་ཡིན།
བཙན་བྱོལ་གཞུང་ལ་སྙན་ཞུ་ཕུལ་ན་ཡ་ལན་མི་བྱེད་པ་དེ་འདྲ་ཡོང་མདོག་ཁག་པོ་མ་རེད་སྙམ། སྡེ་དགེ་བ་འཇིགས་མེད་ཡེ་ཤེས་རྡོ་རྗེ་ལགས་ཁྱེད་ནི་བོད་མི་རིགས་ལ་ཤ་ཚ་ཡོད་པའི་མི་བུ་ཞིག་ཡིན་པས་ཕྲུ་གུ་དེ་ཚོ་བཙན་བྱོལ་གཞུང་གི་བདག་པོ་རྒྱབ་ཀྱི་འདུག་དང་མི་འདུག་གཅིག་ལྟ་རོགས།
གལ་སྲིད་བཙན་བྱོལ་གཞུང་གི་བདག་པོ་རྒྱབ་ཀྱི་མེད་ན་ང་རང་ཚོས་ཐབས་ཤེས་གཞན་པ་གཅིག་བཙལ་ཆོག་གི་རེད་སྙམ། ང་ཡང་གཟའ་ཟླ་བའི་ཉིན་མོར་སུད་སི་རྒྱ་གྲམ་དམར་པོའི་ཁྲིམས་རྩོད་པ་ངོ་ཤེས་པ་གཅིག་ཡོད་པས་ཁོའི་རྩ་ལ་སྐད་ཆ་ཞིག་དྲི་མཁན་འགྲོ་རྩིས་ཡོད།
ཕྲུ་གུ་དེ་དག་ལ་འཁྲིག་པའི་དོན་དག་གིས་ཁྲིམས་ཆོད་དེ་འདྲ་གཏོང་ན་འགྲིག་གི་ཡོད་མེད་དང་བདག་པོ་མེད་པའི་ཁྱི་འཁྱོམ་བཞིན་དུ་ལྷག་པའི་བོད་ཕྲུག་ཚོ་ལ་སྐྱབས་རེ་ས་འདྲ་ཨེ་རག་ལྟ་གི་ཡིན།
དྲ་གྲོགས་ཚང་མས་ཕྲུ་གུ་དེ་དག་གི་མི་ཚེ་ཆེད་དུ་དགྲ་བོ་རྒྱ་དམར་ལ་རྩིས་སྤྲོད་མི་དགོས་པས་ཐབས་ཤེས་གཏོང་རོགས་ཞེས་རེ་བ་ཞུ་རྒྱུ་ཡིན།
Boy and girl of class 2 asked teacher:
“can kids of our age have kids?”
Teacher replied ” NO Never!!”
Boy said to girl :
“see i told you not to worry!!!!”.
འོ་དེ་འདྲ་མ་རེད་་་སྤྱིར་འཁྲེག་སྤྱོད་བྱས་པ་རྒྱུན་མཚན་དུ་བྱས་ནས་ཧང་སང་འདོག་གི་སྐད་ཆ་ཤོད་ཀྱིས་མེད་ཀྱང་།ང་ཚོའིོ་སློབ་གྲྭའི་སྒྲིག་འཛུག་ལ་རྩི་ཀུར་མ་བྱས་པ་དང་ལྷག་དོན་དུ་འཛིན་ཁང་དུ་དེའི་རིགས་བྱས་པ་ནི་ཆེས་མ་བོ་པའི་བྱ་བཞག་ཅིག་མ་ཡིན་ནམ། འོན་ཀྱང་ལོ་ན་ཆུང་བའི་རིགས་དེ་ཚོ་ལ་གཞུང་གི་ངོས་ནས་ངེས་པར་དུ་བསམ་བློ་གཏོང་དགོས་ཀྱི་འདུག་དྲན་གྱིས་ཡོད།ཕྱོགས་ཅིག་ནས་ཕ་ཚབ་དང་མ་ཚབ་དེ་དག་གི་ཉེས་པ་རེད་མ་གཏོགས་ཁྲུ་གུ་ལ་ཁག་མེད་འདོག་འདོག་འདྲ་བྱས་འདུག། གལ་ཏེ་ཕྲུ་གུར་དགེ་རྒན་དང་ཕ་མས་སློབ་གསོའི་མ་འདངས་བ་རྩི་ཡིས་ཡོད་ན་ཕྲུ་གུ་དེ་དག་ལ་ད་དུང་གོ་སྐབས་ཤིག་ངེས་པར་དུ་སྤྲད་དགོས་ཀྱི་འདོད་དོ།
ད་ལྟ་སློབ་ཕྲུག་དགུ་ནང་ནས་བརྒྱད་བལ་ཡུལ་ན་ཡོད་ཀྱི་རེད་དེ་ཚོ་བོད་ལ་ལོག་མི་དགོས་པ་བཙན་བྱོལ་ནང་གི་སློབ་གྲྭ་ཞིག་ཏུ་འཛུལ་ཐུབ་ཐབས་དེ་ང་ཚོ་དྲྭ་གྲོགས་ཡོངས་ཀྱི་ལས་འགན་ཞིག་ཡིན་ཙམ་མ་སུ་རིའི་སློབ་གྲྭ་དང་བཙན་བྱོལ་གཞུང་ལ་ཁོང་རྣམས་ཀྱི་སྐྱིད་སྡུག་ཞིག་ན་ཚང་མའི་འདོད་པ་ཨེ་ཡོད་ན། འདོད་པ་བྱུང་ཚེ་ཁ་པར་ཨང་གྲངས་འདི་ཐོག་ནས་འབྲེལ་བ་གནང་རོགས།0_9805634232
ཐུགས་རྗེ་ཆེ།
དྲ་གྲོགས་རྣམས་པ་ལགས། ཁྱོད་ཚོས་མ་སུ་རིའི་སློབ་གྲྭའི་འཁྲིག་སྤྱོད་ཀྱི་གནས་ཚུལ་ཐོས་སྐབས་ཧ་ལས་མདོག་བྱས་ཀྱི་་འདུག་བྱས་དགོས་དོན་གང་ཡང་ཡོད་མ་རེད། གང་ཡིན་ཟེར་ན་གནས་ཚུལ་དེ་འདྲ་ཧ་ལས་དགོས་པའི་གནས་ཚུལ་མ་རེད་སྤྱིར་
གཏང་གི་གནས་ཚུལ་ཆུང་ངུ་ཞིག་རེད། ཡིན་ན་ཡང། སློབ་ཕྲུག་ཀྱི་འཁྲིག་སྤྱོད་བྱས་པའི་རྒྱུ་མཚན་ལ་བརྟེན་ནས་སློབ་ཕྲུག་ཕྱིར་ཕུད་
གཏང་བ་ཡིན་ན་ཤིན་ཏུ་ནས་ཀྱང་ནོར་འཁྲུལ་ཆེན་པོ་རེད། དེ་ཙམ་གྱི་པྱིར་ཕུད་གཏང་བ་ཡིན་ན་ཕྱི་གླིང་ཡུལ་གྱི་སློབ་གྲྭ་ཕལ་ཆེ་བ་རྣམས་
སློབ་གྲྭ་ནས་ཕྱིར་ཕུད་གཏང་དགོས་ཀྱི་རེད། དེ་འདྲའི་རིགས་ཧ་ཅང་མང་པོ་ཡོད་ལ་ཕྱིར་ཕུད་གཏང་པའི་གནས་ཚུལ་མེད། ད་དུང་ཕྱིམ་ཚང་གི་ཕ་མ་གཉིས་ཕྱིར་ཕུད་གཏང་བ་དེ་ཡང་སློབ་ཕྲུག་ལ་སློབ་གསོ་ཡག་པོ་མ་རྒྱག་པ་ལ་བརྟེན་ནས་ཕྱིར་ཕུད་གཏང་བ་ཡིན་ན་རྒན་ལགས་ཀྱང་
ཕྱིར་ཕུད་གཏང་དགོས་པ་རེད། གང་ཡིན་ཟེར་ན་རྒྱུ་མཚན་ཅིག་མཚུངས་ཡིན་པའི་ཕྱིར།
གསར་འགོད་པ་དོན་གོ་ལགས། །ཁྱེད་ཀྱིས་དྲ་གྲོགས་ཅོ་རི་ལགས་ཀྱིས་རེ་བསྐུལ་བཞིན་སློབ་མ་དེ་ཚོའི་ལོ་གྲངས་རྣམས་ཤེས་ཐབས་ཤིག་གནང་རོགས་ སྤྱིར་གསར་འགྱུར་རྒྱས་པོ་འདུག་ཀྱང་ལོ་གྲངས་མེད་ན་གཅིག་མ་ཚང་བ་འདྲ་པོ་འདུག་ལ་གནད་འགགས་ཤིག་ཀྱང་རེད་འདུག་། །
རྒན་ཟ་ལེ་ལགས།
།བུད་མེད་ལོ་ན་༡༢ ནས ༥༠་བར་ཟླ་ཚན་བབ་ཀྱི་ཡོད་འདུག་། ཟླ་ཚན་བབ་འགོ་ཚུགས་ནས་བཟུང་ནུ་མ་དང་འདོད་པ་རྒྱས་ནས་ན་ཚོད་སྨིན་པའི་ཚད་ལ་སླེབས་ཀྱི་ཡོད་འདུག་།
བཀུར་འོས་སྡེ་དགེ་ལགས། །ཁྱེད་གཞུང་ཞབས་པ་ཞིག་ཡིན་འདུག་པས་ རང་གཞུང་ལ་སློབ་མ་དགུ་པོ་དེ་དག་གི་མི་ཚེའི་མདུན་ལམ་སྐོར་སྐྱིད་སྡུག་གཅིག་ཞུ་ཨེ་ཐུབ།
དེ་ལྟར་བྱུང་བ་ནི་ཁྱོད་ཚོས་འགོ་དབུ་འཛིན་དང་དགེ་ལས་རྣམས་པས་སློབ་གསོ་ཡག་པོ་མ་བྱུང་བ་ལས།སློབ་ཕྲུག་གིས་ནོརབ་ག་ལ་ཡིན།ས་ཐག་རིང་པོ་དེ་འདྲ་ནས་ཁོང་ཚོས་ཕ་མས་ཡིད་ཆེས་དང་རེ་བ་ཐམས་ཅད་ཁྱོད་ཚོ་ལ་བཅོལ་ནས་རང་ལུས་ནས་ཆད་པའི་བུ་ཕྲུག་ཁྱོད་ཚོའི་ལག་ཏུ་བཞག་པ་རེད།དེ་ལ་ལྟ་རྟོག་ཡག་པོ་མ་བྱས་པར་ད་དུང་ཁོང་ཚོས་ནོར་ཟེར་བ་ནི་ཧ་ཅང་གི་བློ་ཕམ་རེད།དགོན་པ་གྲྭ་ཚང་འདྲ་ཡིན་ན་གནས་ཚུལ་ཁ་ཁ་རེད།དྲངས་ལྡན་མེད་པའི་ཉེས་ཆད།ངོ་མ་བློ་ཕམ་ཡོད།ལྷག་པར་དུ་བོད་ལ་ལོག་ཆུགས་པ་དེ་དགྲ་དགའ་གཉེན་སྡུག་གི་ལས་རང་རེད།
དྲུང་ཆེ་ལགས་ཁྱོད་ཀྱིས་སློབ་གསོ་གཏོང་མཁན་གྱི་དགེ་རྒན་གཅིག་ཀྱང་བཏང་མི་འདུག་པས་དེ་ག་འདྲ་ཡིན་ནམ།ལ་ཁྱོད་ཀྱི་སྤྲེལ་ལུད་ཡིན་རྒྱུ་རེད་མ་ཟད།ཁྱོད་ཀྱིས་བོད་ཕྲུག་༩་ལ་མི་ཚེ་མདུན་ལམ་མེད་པ་བཟོས་བ་ནི་ཁྱོད་ཀྱི་ནག་ཉེས་ཤིག་ཡིན་པ་ཤེས་སམ།
སྤྱིར་ཡུལ་ཁྲིམས་དང་ནང་ཁྲིམས་ཡོད་པ་རེད་ལ་དགོས་པའང་རེད།ཡིན་ནའང་འཁྲིག་སྤྱོད་ཙམ་གྱི་ཉེས་ཆད་དེ་འདྲ་ངོས་ལེན་མེད།དཔེ་ན་སློབ་གྲྭ་གཞན་དུ་གཏང་བ་དང་འཛིན་གྲྭ་ལོ་གཅིག་ཕབ་པ་སོགས་སློབ་ཕྲུག་ལ་བལྟས་ནས་ཉེས་ཆད་བཏང་དགོས་པ་ལས་དགོན་པ་གྲྭ་ཚང་ཞིག་གི་ཉེས་ཆད་དེ་ཁྱོད་གྲྭ་བའི་ཁོར་ཡུག་ནང་མཚར་ལོང་བྱུང་བ་ཞིག་མ་རེད་དམ།
བོད་མི་ཚོས་བོད་མི་ལ་་བྱམས་བརྩེ་བྱས་ནས་ཉེས་ཡངས་བཏང་རྒྱུ་ཕར་བཞག
སྐྱབས་ཡུལ་བོད་གཞུང་གི་བོད་མི་ཤེས་ཡོན་ཡོད་མཁན་ཚོས་ཀྱང་། སྐྱབས་བཅོལ་བ་བོད་མི་སློབ་ཕྲུག་འདི་དག་ལ་སྙིང་རྗེ་མེད་པར། བོད་རྩ་མེད་གཏོང་མཁན་གྱི་རྒྱ་མིའི་ལག་ཏུ་སྤྲད་པ་ནི།
ཅི་འདྲའི་ཡ་ང་བ་དང་སེམས་པ་སྐྱོ་དགོས་པའི་ལྟས་ངན་ཞིག་རེད།
དེས་ན་དགྲ་དགའ་གཉེན་སྡུག་གི་ཐག་གཅོད་ངན་པ་འདི། འཕྲལ་དུ་འབྲེལ་ཡོད་བཙན་བྱོལ་བོད་གཞུང་གིས་ཛ་དྲག་གིས་མེད་པར་བྱེད་རོགས་ཞུ།
ལུང་རིགས་རྒྱལ་ལགས། སྐད་ཆ་བཤད་དུས་ཡིན་ཅིག་གཟབ་དགོས། བོད་ནས་ཡོང་བའི་ལོ་གཞན་ཚང་མ་སློབ་སྦྱོང་གི་གོ་སྐབས་ཞིག་ཨེ་རག་བསམ་ནས་ཡོང་བ་ཡིན་དུས་ལོ་ཚོད་ཐོག་གསང་བ་བྱེད་དགོས་པ་སྨོས་མེད་རེད། དེ་ལྟར་ཁྱེད་ནས་མ་ཉེས་ཁ་གཡོགས་ཀྱིས་གནས་ཚུལ་སྡུག་པ་ཐམས་བཅད་བོད་ནས་ཡོང་བ་རྣམས་ལ་ཁག་དཀྲིས་ན་གཏན་ནས་མི་འདོད།
གནས་ཚུལ་མ་ལེགས་པ་གོ་ཐོས་བྱུང་བར་ཧ་ཅང་བློ་ཕམ་བྱུང༌། གཅིག་ནི་དེང་སང་བོད་པའི་མ་འོངས་པའི་སོན་རྩ་ཚོའི་སྒོ་གསུམ་གྱི་བྱ་སྤྱོད་ཉིན་རེ་བཞིན་ཇེ་ཞན་ཇེ་སྡུག་ཏུ་འགྲོ་བ་འདི་རེད།
གཉིས་ནི་ཕྱོགས་དང་མཚམས་རྒྱབ་དང་མདུན་གྱི་གནས་སྟངས་མང་པོ་ཞིག་ལ་བསམ་ལོངས་བྱ་ལོངས་མེད་པར་འཚབ་འཚུབ་ངང་འཁྲིད་སྤྱོད་ཀྱི་བྱ་བ་ལ་བསྙད་བཏགས་ནས་བོད་ཕྲུག་གྲངས་དགུ་ཙམ་ཕྱིར་འབུད་བྱས་པ་འདི་ཡིན།
ང་རང་སེམས་ཁྲེལ་ཆེ་ཤོས་གཅིག་ནི་ཕྱིར་འབུད་ཟིན་པའི་བོད་ཕྲུག་དེ་དག་གི་ཁྲོད་ནས་རེ་བ་རྒྱག་ཆོག་པའི་བག་ཆགས་ཅན་གྱི་སློབ་ཕྲུག་རེ་གཉིས་ཀྱང་ཡོད་སྲིད། གང་ལྟར་སློབ་ཕྲུག་དགུ་པོའི་མ་འོངས་པའི་མདུན་ལམ་ག་འདྲ་ཆགས་མེད་སེམས་འཚབ་དང་བློ་བསམ་མི་གཏོང་ཀ་མེད་རེད།
དོན་དག་གཉིས་ནི་ད་ཆ་ཁོང་ཚོ་བལ་ཡུལ་དུ་འབྱོར་ཟིན་པའི་གནས་ཚུལ་གོ་ཐོས་ལྟར་ན་མི་རིང་བར་བོད་དུ་བསླེབ་ཚེ་རྒྱ་གཞུང་གིས་བེད་སྤྱོད་ག་འདྲ་གཏོང་མིན་དང༌། ལྷག་དོན་ཁོང་ཚོའི་ཕ་མ་གཉེན་མཚན་ཚོས་ཐག་གཅོད་ཚུལ་མཐུན་མ་བྱས་པའི་གནས་ཚུལ་འདིའི་ཐོག་ནས་བཙན་བྱོལ་གཞུང་ལ་ལྟ་སྟངས་ངན་པ་མི་ཡོང་བའི་ངེས་པ་སྟབས་རང་གཞུང་ནས་མ་ལེན་མ་འགྱོད་པའི་ཞིབ་དཔྱོད་བྱ་དགོས་སྙམ་པ་བྱུང༌།
བོད་མི་ཚོས་བོད་མི་ལ་་བྱམས་བརྩེ་བྱས་ནས་ཉེས་ཡངས་བཏང་རྒྱུ་ཕར་བཞག
བོད་གཞུང་གི་བོད་མི་ཚོས་བོད་མི་སློབ་ཕྲུག་འདི་དག་ལ་སྙིང་རྗེ་མེད་པར་རྒྱ་མིའི་ལག་ཏུ་སྤྲད་པ་ནི་སེམས་སྐྱོ་པའི་ལྟས་ངན་ཞིག་རེད།
ཕྲུ་གུ་དེ་ཚོ་ཕྱི་འབུད་བཏང་བ་ནི་ངོ་ཕམ་པོ་བྱས་འདུག
དེའི་ཚབ་ཏུ་ཕྱི་ཆད་མི་ཡོང་བའི་ཆེད་དུ་སློབ་ཚོགས་ཁྲོད་ནས་ངོ་ཚར་དགོས་པའི་ཉེས་ཆད་རེ་བཀབ་ཏེ་དེ་སྔོན་དགེ་རྒན་དང་ཁྱིམ་སྡེ་ཕ་མའི་སློབ་གསོའི་མ་འདང་བའི་ཆ་དེ་དག་ཁ་ཚབ་རེ་བཟོས་ན་ག་འདྲའི་ཡོད་ས་རེད།
སློ་སྤྱི་དང་དགེ་རྒན་དེ་དག་ནི་རང་གི་ནག་ཉེས་ལ་གུ་ཡང་རེ་བྱས་ཏེ་རྒྱབ་སྐྱོབ་མེད་པའི་སློབ་ཕྲུག་གི་ུ་མི་ཚེའི་འདུན་ལམ་ལ་དེ་འདྲའི་རྒོལ་རྔུང་ཚར་ཆེ་དེ་ཧང་སང་བྱུང།
གལ་ཏེ་ངེས་པ་དུ་དེ་འདྲ་གནང་དགོས་ན་སློབ་སྤྱི་དང་དགེ་རྒན་ལ་ཡང་ཁྱི་སྡེའི་ཕ་མ་བཞིན་དུ་ཉེས་པ་མཚུངས་སོ
མཚུངས་སོ།།
བོད་མི་ཚོས་བོད་མི་ལ་་བྱམས་བརྩེ་བྱས་ནས་ཉེས་ཡངས་བཏང་རྒྱུ་ཕར་བཞག
བོད་གཞུང་གི་བོད་མི་ཚོས་བོད་མི་སློབ་ཕྲུག་འདི་དག་ལ་སྙིང་རྗེ་མེད་པར་རྒྱ་མིའི་ལག་ཏུ་སྤྲད་པ་ནི་སེམས་སྐྱོ་པའི་ལྟས་ངན་ཞིག་རེད།
འཁྲིག་པ་སྤྱོད་པ་དེ་རྩ་དགོངས་ཞུ་དགོས་པའི་གནད་དོན་ཞིག་མ་རེད། གནད་དོན་མ་ཤེས་པའི་དབང་གིས་སློབ་ཕྲུག་ཚོའི་མི་ཚེ་མདུན་ལམ་ལ་བསམ་ཤེས་མ་བྱས་པ་ལ་ངོ་རྒོ་ནམ་ཡང་བྱེད་ངེས་ཡིན། སོ་སོས་ཉི་རེ་ལ་འཁྲིག་པ་ག་ཚོད་སྤྱོད་ཀྱི་ཡོད།མགོ་ལ་སྡད་མཁན་ཚོས་འགྲོ་མིའི་ཐོབ་ཐང་ལ་བརྩི་བཀུར་ཚུ་རོགས།
གནས་ཚུལ་འདི་སློབ་ཕྲུག་ཞིག་ལ་མཚོན་ན་དེ་ལས་སྡུག་བ་ཞིག་ཡོད་མ་རེད། མ་ཚད་མ་སུ་རིའི་སློབ་གྲྭར་བྱུང་བ་ཐེངས་དང་པོ་མ་རེད། འོན་ཀྱང་གནས་ཚུལ་འདི་བཞིན་མ་འོང་པ་ལ་སློབ་གྲྭ་ཁག་ལ་མི་འབྱུང་བའི་ཕྱིར་དུ་འགན་ཆ་ཚང་སློབ་གྲྭའི་དགེ་རྒན་དང་ཕ་ཚབ་མ་ཚབ་བཅས་ལ་ཡོད་པས་ཚང་མའི་ཐུགས་གཟབ་གནང་རྒྱུ་དང། ད་དུང་མ་སུ་རི་སློབ་གྲྭའི་ཁྱིམ་ཚང་༼༢༠༽༼༤༽༼༡༢༽སོག་སློབ་གྲྭ་ནས་ཐག་རིང་ཙམ་བསྐྱོད་དགོས་སྐབས་ལམ་ཟུར་དུ་ཆང་རག་བཏུང་ས་ཡོད་པ་ཁོ་བའི་མཐོང་སོང་དེའི་སྐོར་ལ་ཡང་འབྲེལ་ཡོད་ཚང་མའི་གཟིགས་སྐྱོངས་དགོས་པ་ཞུ་མཁྱེན།
མ་སུ་རིའི་སློབ་ཕྲུག་བཅུའི་སྐོར་ལ་མང་པོ་ཞིག་གིས་ཐག་གཅོད་དྲང་པོ་བྱུང་ཡོད་མེད་ཙམ་ལས་དཀའ་ངལ་གྱི་མགོ་ཁུངས་རྩད་གཅོད་བྱེད་གི་མི་འདུག དཀའ་ངལ་གྱི་ཁུངས་རྙེད་སོང་ན། ཐག་གཅོད་དང་རྗེས་ཕྱོགས་ཀྱི་ལམ་ལུགས་གཏན་འབེབས་བྱ་ཕྱོགས་ལ་ཡང་ཕན་གི་རེད།
༡། ངས་བལྟས་ན་སློབ་མ་བསྡུ་དུས་ལོ་ཚོད་ལ་ཞིབ་འཇུག་ནན་མོ་བྱེད་མ་ཐུབ་པའི་དབང་གིས་གནས་ཚུལ་འདི་བྱུང་བ་རེད་འདོད། སྤྱིར་བཏང་བཙན་བྱོལ་གྱི་ཕྲུ་གུ་ཚོ་སློབ་གྲྭར་འཇུག་ཚད་ལྟར་ན། འཛིན་རིམ་དྲུག་པའི་བུ་མོ་དེ་ལོ་ ༡༢ ཡིན་དགོས་པ་རེད། ཡིན་ཡང་། བོད་ནས་ཡོང་བའི་སློབ་ཕྲུག་ཕལ་ཆེ་བས་སོ་སོའི་ལོ་གསང་བ་བྱས་ཡོད་སྟབས་གནས་སྟངས་འདི་བྱུང་བ་རེད། བུ་མོ་དེ་དོན་དངོས་སུ་ལོ་ ༢༠ ཡིན་སྲིད་ལ། ལོ་ ༡༥ དང་ ༡༨ སོགས་གང་རུང་ཡིན་སྲིད་པ་རེད། སྨན་ཤར་ཅིག་བྱིས་པར་བརྫུས་ནས་བསྡད་ཀྱང་། ཐེངས་མར་པོར་རང་དབང་མེད་པར་གསང་སྟབས་ཀྱིས་ག་ས་གང་དུ་རིལ་བ་དང་། མཐའ་མ་དེར་ལངས་ཚོའི་སྟོབས་ཤུགས་ཀྱིས་གསང་བ་ཕྱིར་བརྟོལ་བ་རེད།
གསོག་སྒར་དང་སུ་ཇཱ་གཉིས་ལ་ལོ་ ༡༨ ཀྱི་མཚམས་ནས་ཁྱད་པར་ཕྱེ་ཡོད་པ་བཞིན། རྗེས་ཕྱོགས་ལོ་ ༦ ནས་ལོ་ ༡༨ བར་གྱི་ལོ་ཚོད་ལ་ཡང་ཞིབ་འཇུག་ནན་མོ་བྱ་དགོས་པ་དང་། དེ་དག་ལ་དཔག་པའི་འཛིན་རིམ་དང་སློབ་གྲྭ་ཡང་བགར་ཐུབ་ན་འཛིན་སྐྱོང་ལ་སྟབས་བདེ་བོ་ཡོང་གི་རེད། སློབ་མ་ཚོའི་ནང་དུའང་ཕན་ཚུན་བར་དུས་ལ་རན་མིན་གྱི་མིག་ལྟོས་འཇོག་སྟངས་དང་བསམ་བློ་གཏོང་སྟངས་ལ་ཁྱད་པར་འགྲོ་གི་རེད།
༢། ཐག་གཅོད་ཀྱི་ཆ་ནས་སྤྱིར་བཏང་འགྲིག་འདུག་སྙམ། མ་སུ་རི་སློབ་གྲྭར་དོན་དག་འདི་འདྲ་བ་མང་པོ་འབྱུང་གི་ཡོད་པ་བདེན་ན། ཐག་གཅོད་འདི་འོས་འཚམ་ཞིག་རེད། ཐག་གཅོད་ནན་མོ་འདི་བྱས་ཚར་བའི་རྗེས་ལ་སློབ་གྲྭ་གཞན་དང་སྤྱི་ཚོགས་ཀྱིས་གསལ་བོ་གོ་རྒྱུ་གལ་ཆེན་པོ་རེད། ཕ་མ་ཚོས་ཀྱང་གོ་དགོས་པ་རེད། ད་ཡོད་སློབ་ཕྲུག་ཚོ་དང་ཁྱིམ་ཚང་གི་ཕ་མ་ཚང་མས་གཟབ་གི་རེད།
འདི་ལྟའི་ཐག་གཅོད་ནན་མོ་བྱེད་ཐུབ་མཁན་གྱི་སློབ་སྤྱི་དང་དགེ་ཆེ་སོགས་ནི་ཕྱིར་འབུད་བྱེད་པ་ལས་བསྡད་ན་ཡག་གི་རེད། མུ་མཐུད་ནས་བསྡད་ནས་ཕྱིན་ཆད་ཅི་དགའ་གང་དྲག་ལ་འབད་དགོས་པ་རེད།
སློབ་གྲྭ་རང་ལ་མཚོན་ན་ཡང་། མ་སུ་རི་སློབ་གྲྭའི་སྙན་གྲགས་གསོ་གི་རེད་མ་གཏོགས་ཉམས་གི་མ་རེད་འདོད། ཐག་གཅོད་དང་མཉམ་དུ་ད་ནི་སློབ་གསོ་ལ་སྔར་ལས་ལྷག་པའི་ཤུགས་རྒྱག་རྒྱུ་གལ་ཆེན་པོ་རེད། འདིའི་སྐོར་སྔོན་མ་ཞིག་ལ་ཡང་ཟིན་བྲིས་ཤིག་སྤེལ་ཡོད། སློབ་གྲྭ་ཁག་གི་ནང་འཁྲིག་སྤྱོད་ཀྱི་སློབ་གསོ་གལ་ཆེན་པོ་རེད་ལབ་ཡོད།
ཐག་གཅོད་ཀྱི་ཕྱོགས་ལ་ད་དུང་གདམ་ག་གཅིག་འདུག བུ་མོ་དེས་རང་འདོད་ཀྱིས་བུ་ ༩ མཉམ་དུ་བསྡད་སྟབས། མོ་རང་སྒྲིག་འཛུགས་ཤིག་གི་འོག་ན་ཡོད་སྟབས་བྱེད་སྟངས་ཅུང་ཐལ་དྲག་འདུག འདི་ལྟ་བུ་ནི་སློབ་གྲྭ་ཙམ་དུ་མ་ཟད། སྤྱི་ཚོགས་ནང་ནས་ཀྱང་འཆལ་མོའི་རིགས་ལ་རྩི་གི་རེད། དེར་བརྟེན། མོ་རང་གཅིག་པུ་ཕྱིར་འབུད་བྱེད་པ་དང་། ཕ་ཚབ་མ་ཚབ་གཉིས་ལ་ཉེས་ཆད་ནན་པོ་གཅོད་པ། སློབ་ཕྲུག་བུ་ ༩ ཡི་ཕ་མ་རྣམས་སྐོང་འགུག་དང་བཅས་ཆད་པ་དང་སློབ་གསོ་མཉམ་དུ་འགྲོ་ཐུབ་ཡོད་ནའང་འགྲིག་གི་རེད་འདོད།
༣། མ་གཞི་ནས་འཁྲིག་སྤྱོད་ནི་མི་སྒེར་སོ་སོའི་གསང་བའི་ལས་འགུལ་ལྟ་བུ་ཞིག་རེད། རང་རང་གི་དགའ་ས་འདོད་ས་དེར་མིག་གི་ལྐོག་མདའ་ག་ས་གང་ནས་འཕེན་གི་ཡོད་པ་རེད། དུས་དང་གནས་ཀྱི་གོ་སྐབས་རྒྱུན་དུ་འཚོལ་གིན་ཡོད་པ་རེད། འདི་ལ་བཀག་འགོག་བྱ་རྒྱུ་ཁག་པོ་རེད། དབྱིན་ཡུལ་དུ་ལོ་སྔོན་མ་ནས་བཟུང་ལོ་ ༡༤ ནས་བཟུང་བའི་བུ་རྣམས་ལ་དམིགས་ཏེ། སློབ་གྲྭའི་ར་སྐོར་ནང་དུ་འགྱིག་ཤུབ་བཞག་ཡོད་པ་རེད། དེའི་རྒྱུ་མཚན་ནི་བྱིས་པ་ཚོ་ཚོང་ཁང་ནང་དུ་སོང་ནས་འགྱིག་ཤུབ་ཉོ་བར་ངོ་ཚ་གི་ཡོད་སྟབས། སློབ་གྲྭའི་ངོས་ནས་གསང་བའི་ཚུལ་གྱིས་འགྱིག་ཤུབ་དེ་དག་ཁོ་ཚོའི་ཆེད་དུ་བཞག་ཡོད་པ་རེད། འདིའི་ཤུགས་རྐྱེན་ནི་བུ་མོ་ཚོར་བྱིས་པ་མི་འཁོར་བ། སློབ་གྲྭའི་ནང་དུ་ན་ཚ་སྔོན་འགོག་བྱེད་ཐུབ་པ། ཞོར་དུ་བཀག་ན་མི་ཁོག་པའི་དབང་ཤུགས་བཙན་པོ་དེའི་འདོད་པ་ཡང་སྐོང་ཐུབ་པ་ཞིག་བཟོས་པ་རེད། འདིའི་རིགས་ལ་ཡང་བསམ་བློ་གཏོང་མི་ཆོག་པ་མ་རེད་སྙམ།
ཁ་ཐུག་ཏུ་བྲིས་སྟབས་ཡིག་ནོར་རེ་ཡོད་ན་དགོངས་དག་ཞུ།
བསམ་ཡུལ་ལས་འདས་སོང་་་་་དགེ་རྒན་དང་ཕ་མའི་ཚབ་དེ་དག་གི་དངོས་ནས་སློབ་ཕྲུག་ལ་ཤ་ཚའི་ངང་ནས་སློབ་གསོ་མ་བྱས་པའི་ཉེར་ལེན་ལས་བྱུང་བ་རེད་ལྷག་པར་དུ་ལོ་ན་ཆུང་བའི་རིགས་དེ་ཚོ་དགེ་རྒན་དང་ཕ་ཚབ་མ་ཚབ་ཀྱི་སློབ་བྱས་མ་འདངས་བ་གསལ་པོ་རེད། ད་ལྟའི་སློབ་གྲའི་དབང་འཛིན་པ་དག་གིས་ནུས་ཤུག་མ་འདངས་པའམ་ནུས་ཤུག་རྩལ་དུ་མ་སྟོན་བའི་རྐྱེན་གྱིས་སློབ་ཕྲུག་ལ་ཤེས་ཡོན་སྤྲད་ཐུབ་ཀྱིས་མེད་མ་ཟད་ཀུན་སྤྱོད་ཀྱང་ཆེས་ཐ་ཤལ་ལས་མེད་པ་སྒྱུར་བཞིན་འདུག་པས་འདི་ནི་ཆེས་བློ་ཕམ་སྐྱེ་སའི་གནས་རེད།
མ་སུ་རིའི་སློབ་གྲྭར་གནས་ཚུལ་འདི་འདྲ་བྱུང་བ་ཉུང་ཉུང་གཏན་ནས་མིན། ཆུ་ངནལམ་ཤོར་གྱི་རུལ་དྲི་ཁ་བའི་གནས་ཚུལ་འདི་ཚོ་གཙང་མ་མ་བཟོས་ན་བོད་མི་རིགས་ལ་གྱོང་གུད་འགྲོ་ཡི་ཡོད་རེད།
མ་རུ་རི་གཅིག་པུར་ཡང་གནས་ཚུལ་འདི་གཅིག་པུ་མིན་ལ། ཐོག་མ་ཡང་མིན། ད་དུང་གོ་པལ་པུར། འབིར་ཅོང་དྷ་རའི་བོད་ཁྱིམ་སློབ་གྲྭ་སོགས་ཀྱི་དགེ་རྒན་དང་། སློབ་མ་རྙིང་པ་ཚོར་སྐད་ཆ་རེ་བྲིས་དང་། གནས་ཚུལ་འདི་འདྲའི་རིགས་གང་འཚམས་བྱུང་འདུག།
འདི་རིགས་ཚང་མ་གཙོ་བོ་འཛིན་སྐྱོང་གིས་ལྟ་རྟོག་ཡག་པོ་མ་ཐུབ་པས་ལན་པ་རེད། ཐག་རིང་བོད་ནས་ཕ་མ་དང་སྤུན་མཆེད་ཚོས། རྒྱུ་ནོར་དང་དྲན་སེམས་ཡོད་ཚད་བློས་བཏང་ནས། རེ་བ་དང་ཡིད་ཆེས་ཀྱིས་བསླུས་ཏེ། ས་འདིར་གར་བཏང་བ་རེད། འོན་ཀྱང་ད་ལྟ་དེ་དང་དེ་རིགས་རྣམས་གནས་བབ་དང་། ཁོ་ཚོའི་འབྱུང་འགྱུར་གང་དུ་སོང་ཟིན་ནམ།
ད་དུང་རྡ་སའི་གཡས་གཡོན་གྱི་ཤིང་ནགས་གསེབ་དང་། བག་བསུ་ནག་སོགས་སུ་ཉལ་ཐ་དང་། དཀར་བསུབ་རྔུབ་ནས་ཉིན་མཚན་སྐྱེལ་མཁན་གྱི་བོད་ཕྲུག་གི་ཚོགས་སྡེ་དེ་ཚོ་ས་གང་ནས་སླེབས་པ་དང་། འབྱུང་འགྱུར་གང་དུ་འགྲོ་འམ།
སློབ་ཕྲུག་ཕན་ཚུན་ཚུལ་མིན་གྱི་བྱ་སྤྱོད་བྱེད་པ་འདི་ལྟ་བུ་བྱེད་པ་དེ་ཉེས་ཆད་ནན་པོ་བཏང་དགོས་པ་ཞིག་ལས་བོད་དུ་ཕྱིར་སློག་པ་དེ་ཡག་པོ་མ་རེད། དམིགས་བསལ་འཛིན་རིམ་༡༢གྱི་སློབ་བུ་སྤྱི་བཏང་ཁྲིམས་ལུགས་ལྟར་ན་ལོ་ན་དར་བའི་ཕྲུག་གུ་ཞིག་ཡིན་དགོས་པ་དང་དེས་འཛིན་གྲྭ་༦པའི་བུ་མོར་འཁྲིག་སྤྱོད་བྱེད་པ་དེ་རྒྱ་གར་ཉེས་ཁྲིམས་འོག་ཚུད་རྒྱུའི་གནས་ཚུལ་ཆེན་པོ་ཞིག་ཡིན་པས་འཛིན་སྐྱོང་ནས་དེ་ལྟ་བུས་གནས་ཚུལ་འགྲེལ་བརྗོད་གནང་སྐབས་ཅུང་གཟབ་གཟབ་གནང་དགོས་པ་ཡིན། འཁྲིག་སྤྱོད་དེ་ཡང་འཛིན་གྲྭའི་ནང་བྱེད་པ་མང་པོས་མཐོང་ཡོད་སྟབས་ཁྱིམ་ཚང་ཕ་མ་གཉིས་གཅིག་པུར་ཉེས་པ་བཏང་བས་ལ་དག་ཀྱི་མ་རེད། སློབ་གྲྭའི་སྒྲིག་ཁྲིམས་སྤྱི་ཡོངས་ནས་བསྐྱར་ཞིབ་ནན་པོ་བྱེད་དགོས། འདི་ལྟ་བུའི་སློབ་གྲྭར་འཁྲིག་སྤྱོད་དང་འབྲེལ་བའི་གནས་ཚུལ་མང་པོ་ཞིག་ནི་བོད་ནས་ལོ་ན་དར་ཡང་སུ་ཇ་སོགས་སུ་ཚུད་རྒྱུའི་ཆེད་ལོ་ན་ཆུང་ཆུང་རྒྱབ་པ་དེ་རྒྱུ་རྐྱེན་ཆེན་པོ་ཞིག་ཏུ་བརྩི་དགོས། ལོ་ན་དར་བ་དང་འཁྲིག་པའི་འདོད་ཆགས་ཡོང་རྒྱུ་ནི་ཆོས་ཉིད་རེད། ཁྱིམ་ཚང་དུ་ཕ་མ་དང་ཕྲུག་གུ་མང་པོ་ཡོད་ན་འཛིན་གྲྭ་མ་གཏོགས་ད་འདོད་པའི་སྲེད་པ་ཕྱིར་འདོན་ས་གང་དུ་ལྷག་འདུག
ངོ་མ་གནས་ཚུལ་འདི་རིགས་བོད་ནང་གི་ཕ་མ་ཚོས་གོ་ན་སེམས་ཤུགས་ཆག་ངེས་རེད། སྤྱིར་བཏང་མ་སུ་རིའི་སློབ་གྲ་འདིར་གནས་ཚུལ་ངན་པ་མང་པོ་ཞིག་ད་བར་ཆུ་ངན་ལམ་ཤོར་ལྟ་བུར་གྱུར་བསྡད་པ་མི་ཉུང་བ་ཞིག་འདུག ལོ་ཤས་སྔོན་ངའི་ངོ་ཤེས་ཤིག་གི་ཚ་མོ་ཞིག་མ་སུ་རིར་འཛིན་རིམ་བཅུ་པ་བར་དུ་བསྡད་ནས་བོད་དུ་ཕྱིར་ལོག་དགོས་པའི་གནས་ཚུལ་ཞིག་བྱུང་བ་རེད། དེ་ནི་འཛིན་རིམ་བཅུ་པ་ཡན་ཁྱིམ་ཚང་དུ་སྡོད་དགོས་པ་དང་འཛིན་རིམ་བཅུ་པ་ནས་བུ་དང་བུ་མོ་སོ་སོར་ཉལ་ཁང་དུ་སྡོད་དགོས་དུས་བུ་མོ་ཉལ་ཁང་གྱི་སྒོ་དེ་རྟག་པར་གཏོར་གྱི་ཡོད་པ་མ་ཟད་དེ་རིང་བསྐྱར་བཟོ་བྱས་ན་སང་ཉིན་ཞོགས་པ་ནས་གཏོར་ཚར་བསྡད་པ་དེ་འདྲའི་གནས་ཚུལ་ཞིག་མུ་མཐུད་ནས་བྱུང་ཏེ་མཐར་བུ་མོ་དེ་སློབ་གྲར་བསྡད་མ་ཐུབ་པར་ཕྱིར་རང་ཡུལ་དུ་ལོག་དགོས་བྱུང་བ་རེད། དེའི་སྐོར་གནས་ཚུལ་འདྲི་རྩེད་བྱས་པར་བུ་མོའི་ཉལ་ཁང་དུ་ཡོང་མཁན་གྱི་བུ་དེ་ཚོ་བུ་མོ་སུ་ཞིག་གིས་ཕྱིར་བསྒྲགས་བྱས་ན་དེ་ལ་ཉེས་རྡུང་ཚད་མེད་གཏོང་རྒྱའི་ཐ་ཚིག་བསྒྲགས་ཀྱི་ཡོད་པའི་གནས་ཚུལ་འདུག དེར་རྟེན་བུ་མོ་དེ་ཚོ་རིགས་གཅིག་ནི་འདོད་མོས་ཡོད་མཁན་དང་། རིགས་གཅིག་ནི་འདོད་མོད་མེད་ཀྱང་འཇིགས་བསྐུལ་དང་བཙན་མནོན་འོག་མི་སྨྲ་བའི་རྟུལ་ཞུགས་འཛིན་དགོས་པའི་གནས་ཚུལ་དེ་ད་ལྟའང་མུ་མཐུད་བཞིན་ཡོད་ཚོད་འདུག
སྤྱིར་བཏང་སློབ་མའི་ལོ་ཚད་དང་མཐུན་པའི་སྒོ་ནས་འཁྲིག་སྤྱོད་ཀྱི་རིགས་འདིར་ཚད་བཀག་ཅིག་ཡོད་པ་ནི་འོས་འཚམ་ཞིག་ཡིན་མོད།འཁྲིག་སྤྱོད་བསྟེན་པ་ཙམ་གྱིས་སློབ་སྦྱོང་གི་གོ་སྐབས་ཀྱང་ཕྲོགས་ཟིན་པའི་ཁྲིམས་ཆད་འདི་དངོས་གནས་དྲང་བདེན་ཞིག་མ་རེད།བུ་མོ་དེས་བུ་དགུ་ལ་ལུས་འབྲེལ་བྱས་པའི་བར་དུ་འབྲེལ་ཡོད་དགེ་རྒན་ཚོས་ཅི་ཞིག་བྱས་ནས་བསྡད་པ་ཡིན།འབྲེལ་ཡོད་སློབ་སྤྱི་དང་དྲུང་ཆེ་དག་གིས་ཅི་ཞིག་བྱས་ནས་བསྡད་པ་ཡིན།ཉེས་སྐྱོན་ཚང་མ་གཞན་སྟེང་དུ་འགེལ་མཁན་གྱི་མ་སུ་རཱིའི་སློབ་སྤྱི་དང་དྲུང་ཆེ་དག་ཀྱང་ཕྱིར་འབུད་གཏོང་དགོས་ཚོད་འདུག
གཞན་ལ་དབང་ཡོད་ཀྱིས་ཐ་ན་ཁྱིམ་ཚང་གི་ཕ་ཚབ་དང་མ་ཚབ་ཕྱིར་ཕུད་བཏང་བ་འདི་ལས་ལྷག་པའི་ཉེས་སྐྱོན་ཞིག་གང་ན་ཡོད།ཁོང་ཚོར་འགན་ཁུར་ཡོད་ན་ཁྱོད་ཚོར་ཅིའི་ཕྱིར་མེད་པ་རེད།ཡང་ན་དེ་ལས་ལྷག་པའི་ཁྲིམས་ཆད་གཞན་ཞིག་གཏོང་རྒྱུ་མེད་སོང་བ་རེད་དམ།རང་འཐད་ཀྱིས་འཁྲིག་སྤྱོད་ཀྱི་བདེ་བར་རོལ་བ་རེད་མ་གཏོགས་བཙན་གཡེམ་བྱས་པ་ནི་མ་རེད།ལྷག་པར་དུ་ཁྱིམ་ཚང་གི་ཕ་ཚབ་མ་ཚབ་དང་ངན་འབྲེལ་གྱི་ལུས་འབྲེལ་གྱི་ལམ་དུ་ཞུགས་པ་དེ་བས་ཀྱང་མ་རེད།
ཐག་གཅོད་འདིར་ང་ཚོས་ངེས་པར་དུ་ངོ་རྒོལ་རྒྱག་དགོས།
མིའི་ཆེད་དུ་ཁྲིམས་བཟོས་པ་རེད་དམ།ཡང་ན་ཁྲིམས་ཀྱི་ཆེད་དུ་མི་སྤྱོད་པ་རེད།
གནས་ལུགས་དང་མི་མཐུན་པའི་ཐག་ཆོད་འདི་ང་ཚོས་ངེས་པར་དུ་འགན་རྐང་ལེན་གྱིས་འདི་ལྟར་འཆོར་དུ་འཇུག་མི་ཉན།
དྲ་གྲོགས་རྣམ་པ་ལགས། ཐེངས་འདིའི་ཕྱིར་ཕུད་བཏང་བའི་སློབ་མ་ཆུང་ཤོས་རང་ལོ་ ༡༡ ཡིན་འདུག དེ་ནི་འཛིན་རིམ་གསུམ་པའི་སློབ་མ་དེ་རེད། ཆེ་ཤོས་འཛིན་གྲྭ་ ༡༢ ཡིན་པའི་སློབ་མ་གཅིག་དང་ ༡༡ ཡིན་པའི་སློབ་མ་གཅིག་བཅས་གཉིས་པོ་དེ་རེད། ཁོང་གཉིས་རང་ལོ་རང་ལོ་ཉི་ཤུའི་ཡན་ཡིན་འདུག གཞན་ཕོ་མོ་མོ་རང་དང་བུ་དེ་དག་རང་ལོ་ཉི་ཤུའི་མན་ཡིན་ཚུལ་བརྗོད་བྱུང་། དོན་དངོས་ཀྱི་ལོ་ཚོད་རག་ཚེ་ཁྱེད་རྣམ་ལ་མཁོ་སྤྲོད་བྱ་ངེས་ཡིན།
གང་ལྟར། རྣམ་པ་ཚོས་གསར་འགྱུར་འདིར་གཟིགས་ཏེ་འབྱུར་འགྱུར་སློབ་གྲྭ་འདི་གཙོས་སློབ་གྲྭ་གཞན་དུ་གནས་ཚུལ་འདིའི་རིགས་མི་འབྱུང་བའི་ཐབས་ལམ་དང་། གནས་ཚུལ་འདི་ལྟ་བུའི་རིགས་འབྱུང་སའི་གནད་སོགས་ལ་གཞིགས་ཏེ་བགྲོ་གླེང་དང་བསམ་ཚུལ་སྤེལ་གྱུར་གལ་ཆེན་དུ་མཐོང་།
ཚེ་རིང་ལགས་ཀྱིས་བཟོ་གྲྭའི་ཐོན་སྐྱེད་ཀྱི་སྤུས་ཚད་དང་འབྲེལ་ནས་གསུངས་པ་དེ་དངོས་འབྲེལ་རེད། སློབ་གྲྭ་ཞིག་གི་ནང་སློབ་ཕྲུག་ཚོའི་སྦྱང་འབྲས་ཡག་པོ་བྱུང་དང་མ་བྱུང་ནི་གཙོ་བོ་སློབ་གྲྭའི་སློབ་གསོ་དང་། སྒྲིག་གཞི། སློབ་མའི་འབད་བརྩོན་དང་། ཀུན་སྤྱོད་བཅས་ལ་རག་ལས་ཡོད།
མའོ་ཙེ་ཏུ་གིས་ཆབ་སྲིད་དང་འཐབ་ཇུས་ནི་ཏང་གི་སྲོག་རྩ་ཡིན། རིམ་པ་ཁག་གི་མགོ་འཁྲིད་ཀྱི་དེ་ལ་ནན་ཏན་ལག་བསྟར་བྱེད་དགོས་པའི་བླངས་བྱ་བསྟན་པ་ལྟར་སློབ་གྲྭའི་སློབ་གསོ་དང་། སྒྲིག་ལམ། ཀུན་སྤྱོད་བཅས་ལ་རིམ་པ་ཁག་གི་དབུ་འཛིན་དང། སློབ་སྤྱི། དགེ་རྒན། ཕ་ཚབ་མ་ཚབ་བཅས་ཀྱི་ནན་ཏན་གྱི་འགན་འཁུར་བླངས་དགོས།
འགན་འཁུར་བླངས་ནས་སློབ་གསོ། སྒྲིག་ལམ། ཀུན་སྤྱོད་བཅས་ཀྱི་གཏན་འབེབས་ལས་གཞི་རྩའི་སློབ་གྲྭའི་སྒྲིག་ལམ་དང་འགལ་ཕྱིན་ཕྱིར་འབུད་ཀྱང་བྱེད་དགོས།
སུན་རྩེའི་དམག་དོན་བསྟན་བཅོས་ལས་དམག་དཔུང་བྱམས་བརྩེས་སྐྱོང་དགོས་ལ་ཁྲིམས་ཀྱི་ཀྱང་གཅུན་དགོས་ཞེས་པ་ལྟར་སློབ་མ་ཚོ་བྱམས་བརྩེས་སྐྱོང་དགོས་ལ་ཁྲིམས་དང་སྒྲིག་གཞི་ལས་སགལ་ཕྱིན་ངེས་པར་ཕྱིར་འབུད་ཀྱང་བྱེད་དགོས།
དེ་ནི་རྒྱལ་ཁབ་དང་། ཚོགས་པ། སློབ་གྲྭ། དགོན་སྡེ་སོགས་ཚང་མའི་གཞི་རྩའི་སྲོག་རྩར་ཐུག་ཡོད།
གསར་འགྱུར་འདིའི་ཁ་བྱང་དེ་ངས་གོ་བ་ཁྱོན་ནས་ལེན་ཐུབ་མ་སོང་། ན་ཚོད་མ་སྨིན་ན་འཁྲིག་སྤྱོད་ག་འདྲ་བྱེད་དགོས་རེད། ལོ་བཅུ་བདུན་བཅོ་བརྒྱད་ཟེར་དུས་ལང་ཚོ་རྒྱས་པའི་སྒང་ཡིན་པས་སློབ་མ་དེ་ཚོར་ཁག་ཅི་ཡོད།
སློབ་གྲྭ་ནས་རྩ་དགོངས་བཏང་བ་ནི་སློབ་གྲྭའི་སྒྲིག་འཛུགས་ཀྱི་འགན་འཁུར་བ་ཞིག་ཡིན་གྱི་རེད། དེ་ལ་ང་ཚོས་བཤད་རྒྱུ་ཞིག་ཡོད་མ་རེད། འོན་ཀྱང་གསར་འབྱོར་སློབ་མ་དེ་ཚོ་ད་གར་འགྲོ་འདིར་འགྲོ་མེད་ནས་དཀའ་ངལ་ཆེན་པོ་འཕྲད་བསྡད་ཡོད་པ་གཏན་ཁེལ།
གོང་དུ་བྱམས་རྒྱལ་ལགས་ཀྱིས་བཤད་པ་བཞིན་ཕྱིར་འབུད་བཏང་བའི་གནས་ཚུལ་དེའི་ཐད་ནས་ཁྱིམ་ཚང་ཕ་མ་རྩ་དགོངས་ལ་གཏོང་དགོས་ན། སློབ་སྤྱི་ཡང་གཏོང་དགོས་པ་རེད། དེ་ནི་དྲང་བདེན་གྱི་སྐད་ཆ་ཞིག་རེད། མ་རི་རུ་ནས་འདི་འདྲའི་གནས་ཚུལ་བྱུང་རྒྱུ་མང་མེད་ན་ཉུང་མེད།
ད་དུང་ཟ་ལེ་ཡིས་བཤད་པ་བཞིན་གསར་འགྱུར་འདིའི་ཁ་བྱང་གི་སྟེང་ནའང་གནད་དོན་ཞིག་ཡོད་པར་མཐོང་། ན་ཚོད་མ་སྨིན་པ་ཟེར་ས་མི་འདུག་གི
དེས་ན་དགྲ་དགའ་གཉེན་སྡུག་གི་ཐག་གཅོད་ངན་པ་འདི། འཕྲལ་དུ་འབྲེལ་ཡོད་བཙན་བྱོལ་བོད་གཞུང་གིས་ཛ་དྲག་གིས་མེད་པར་བྱེད་རོགས་ཞུ།
མིའི་རིགས་ཀྱི་སྤྱི་ཚོགས་ཡོད་ན་ཕོ་མོའི་འཁྲིག་སྤྱོད་ཡོད་པ་ཆོས་ཉིད་རེད། དེ་ནི་མི་སྤྱོད་ལས་འདས་པའི་ཁྲིམས་འགལ་གྱི་བྱ་བ་ཚབས་ཆེན་ཞིག་གཏན་ནས་མ་རེད།
སྤྱི་བཏང་འཁྲིག་སྤྱོད་གནས་ཚུལ་ཞིག་གིས་བོད་ཕྲུག་དགུའི་མི་ཚེའི་མདུན་ལམ་བརླག་ཏུ་འཇུག་པ་ནི་ཧ་ཅང་བློ་ཕམ་དགོས་པའི་དྲང་བདེན་མ་ཡིན་པའི་ཁྲིམས་ཆད་ཞིག་རེད།
ལྷག་པར་ང་ཚོ་བཙན་བྱོལ་བོད་པར་མཚོན་ན། བོད་ཕྲུག་གཅིག་གི་མདུན་ལམ་འཕྲོ་བརླག་བཏང་ནའང་བསབ་ཏུ་མི་གཏུབ་པའི་ཕམ་ཁ་ཆེན་པོ་ཞིག་རེད།
ཁྱོད་ཚོས་སློབ་ཕྲུགའདི་དག་གི་མི་ཚེ་འདུན་ལམ་ལ་བསམ་བློ་དང་ཤ་ཚ་ཅི་ཡང་མེད་པའི་ཐོག་ནས། ཕྱིར་རྒྱ་ལག་ཏུ་བསྐྱེལ་བ་ནི་རྒྱ་དམར་གྱི་བྱེད་སྟངས་བཞིན་མི་ཆོས་ལས་འདས་པའི་མནར་གཅོད་ཚབས་ཆེན་བྱས་པའི་ཉེས་པ་བསགས་ཡོད་པར་ཤེས་དགོས།
འཁྲིག་སྤྱོད་ཀྱི་གནས་ཚུལ་འདི་འདྲ་བའམ་འདི་ལས་སྡུག་པའི་གནས་ཚུལ་འཛམ་གླིང་སློབ་གྲྭ་གཞན་དག་ལ་རྟག་ཏུ་བྱུང་དང་བྱུང་བཞིན་ཡོད་ཀྱང་། སློབ་ཕྲུག་རྒྱངས་འབུད་བཏང་ནས་དཔའ་གཏམ་བཤད་མཁན་ཁ་ཆེ་དྲག་སྤྱོད་པ་ཙམ་ལས་བྱུང་མྱོང་མེད། ད་དུང་འཁྲིག་སྤྱོད་ལ་དགའ་བའི་སློབ་ཕྲུག་ལ་དམིགས་བསལ་གྱིས་བལྟ་རྟོག་དང་སློབ་གསོ་ཆེན་པོ་སྤྲད་པ་ལས་ཆད་ལས་ངན་པ་བྱེད་སྲོལ་མེད།
སྙིང་རྗེ་དང་བཟོད་པ་ཡོད་མདོག་བྱེད་མཁན་བོད་མི་ཤེས་ཡོན་པ་རློམ་མཁན་འདི་ཚོས། ཉམ་ཆུང་བོད་པའི་སློབ་ཕྲུག་འདི་དག་རྒྱ་དམར་གྱི་ལག་ཏུ་བཞག་ནས་མནར་གཅོད་བཏང་བཅུག་ཕོད་པ་ནི། ཅི་འདྲའི་ངོ་ཚ་འོས་པའི་བྱ་བ་ངན་པ་བཟང་སྤྱོད་དང་ཡོངས་སུ་འགལ་བ་ཞིག་རེད་ཨང་། བལ་ཡུལ་དཔོན་ངན་འགའ་རེས་བོད་མི་སྐྱབས་བཅོལ་བ་རྣམས་རྒྱ་གཞུང་གི་ལག་པར་སྤྲད་པ་ལས་ཀྱང་ཡ་ང་བ་་ཞིག་རེད།
བོད་ཕྲུག་གསར་འབྱོར་བ་དགུ་སློབ་གྲྭ་ནས་ཕུད་ནས་བོད་ནང་ལ་བཏང་བ་འདི་ལ། བོད་གཞུང་དམངས་གཉིས་ནས་ངོས་ལེན་གཏན་ནས་བྱེད་མི་འོས།
གཞིས་ལུས་བོད་མི་རྣམས་ལ་ཤ་ཚ་སྙིང་རྗེ་སྤུ་ཙམ་མེད་པའི་སྒེར་གཅོད་འདི་ལྟ་བུས་བཙན་བྱོལ་བོད་གཞུང་གི་ཆེ་མཐོང་ཉམས་ཉེས་སུ་བཏང་བར་མ་ཟད་རྒྱ་དགའ་བོད་སྡུག་གི་གནས་ཚུལ་ངན་པ་འབྱུང་བའི་རྐྱེན་རྩ་བཞག་འདུག གནས་ཚུལ་འདི་ཚོ་བོད་ནང་གི་བོད་མི་ཚོས་གོ་ཚེ་ཡིད་ཐང་གཏིང་ནས་ཆད་ཀྱི་རེད།
བོད་ནས་བསླེབས་པའི་གསར་འབྱོར་སློབ་མ་དགུ་བོ་བལ་ཡུལ་སྣེ་ལེན་ཁང་དུ་གཏོང་ལུགས་ལ་ལྟོས་དང་། ཁོ་ཚོ་ལ་རྒྱབ་རྩ་མེད་པར་གསལ་པོ་རེད། ཉམ་ཆུང་སློབ་མ་འདི་ཚོས་སློབ་སྦྱོང་གི་གོ་སྐབས་ཤོར་བ་དང་མི་ཚེའི་མདུན་ལམ་བརླག་ཏུ་འཇུག་པ་ནི། བོད་པས་བོད་པ་ལ་བྱེད་མི་རུང་བའི་རྒྱ་དམར་གྱི་ཀླ་ཀློའི་ངན་སྤྱོད་ངོ་མ་དེ་རེད།
གལ་ཏེ་ཁྲིམས་ལྟར་ཆད་ལས་གཅོད་དགོས་ན་མ་སོ་རི་སློབ་གྲྭའི་སློབ་སྤྱི་དང་དགེ་རྒན་ཚོ་ཅིའི་ཕྱིར་ན་ཕྱིར་འབུད་མ་བྱས་པ་རེད།
གཞིས་ལུས་བོད་པ་ཚོས་ལུས་སྲོག་འབེན་དུ་བཙུགས་ཏེ་དཀའ་བ་བརྒྱ་ཕྲག་སྤྱད་ནས། སོ་སོའི་སྙིང་དང་འདྲ་བའི་བུ་དང་བུ་མོ་རྣམས་ས་མཐར་འདིར་བསྐྱལ་བ་ནི། སྐྱབས་མགོན་རྒྱལ་བ་རིན་པོ་ཆེས་བཙུགས་པའི་བོད་གཞུང་སློབ་གྲྭ་ལ་དད་པ་དང་ཡིད་ཆེས་ཆེན་པོ་བྱས་པ་ལས་གཞན་མེད།
གལ་ཏེ་སློབ་མ་འདི་དག་བཙན་དབང་གིས་བོད་ལ་ཕྱིར་སློག་ན་གཞིས་ལུས་བོད་འབངས་རྣམས་སེམས་ཕམ་ཚད་མེད་ཡོང་བ་མ་ཟད་རྒྱ་དམར་གྱིས་བཤད་པའི་སྐྱག་རྫུན་ལ་རྒྱབ་སྐྱོར་ཆེན་པོ་བྱས་པ་ཞིག་མ་རེད་དམ།
དེས་ན་དགྲ་དགའ་གཉེན་སྡུག་གི་ཐག་གཅོད་ངན་པ་འདི། འཕྲལ་དུ་འབྲེལ་ཡོད་བཙན་བྱོལ་་བོད་གཞུང་གིས་ཛ་དྲག་གིས་མེད་པར་བྱེད་རོགས་ཞུ།
ཁག་མེད། ངོ་ནས་ཁག་མེད། དཔེ་སྐྱིད་པོ་ཡོད། བསྲན་ཁག་པོ་ཡོད།
ཨ་ལ་ལ། ན་ཚོད་མ་སྨིན་ཟེར། བོད་ཕྲུག་ཚོའི་ན་ཚོད་སྨིན་ཡོད་མེད་དེའི་ཚད་བཀག་སུ་ཞིག་གིས་གང་ཞིག་ན་ཐག་གཅོད་བྱས་འདུག
ང་རང་སློབ་མའི་དུས་སུ་དགེ་རྒན་ཚོས་རང་ཉིད་ཀྱིས་ཅི་ཡང་མི་ཤེས་ནའང་སློབ་ཕྲུག་ཚོའི་མདུན་ནས་ཡིན་མདོག་གིས་ཁོག་སྟོད་ལྟོར་རྒྱས་གོང་ཁོག་སྨད་རྩར་རྒྱས་ཞེས་བཀའ་བཀྱོན་བཏང་ཡང་རང་ཉིད་སློབ་མ་ཞིག་ཡིན་པའི་ངོས་ནས་གནས་ལུགས་ཡོད་ཀྱང་བཤད་པའི་ཐོབ་ཐངས་མེད་པས་ཡོད་ཚད་ལ་ལེགས་སོ་ཞེས་བ་ཡིན། ཡིན་ནའང་མ་སི་རེའི་དགེ་རྒན་ཁྱོད་ལ་དེ་རིང་ལེགས་སོ་ཟེར་ཐུབ་ས་མ་རེད།
བོད་པའི་བུ་དང་བུ་མོ་ཚོའི་ན་ཚོད་སྨིན་དང་མ་སྨིན་དང་ལྷག་པར་ཏུ་མ་སི་རིའི་སློབ་ཕྲུག་ཚོའི་ན་ཚོད་སྨིན་ཡོད་མེད་དེའི་ཚད་གཞི་གང་ན་ཡོད། ངས་ཤེས་ཚོད་ལྟར་ན་བུ་མོ་ཚོར་ཟླ་མཚན་བབས་ནས་ནུ་མ་རྒྱས་བ་དང་ཆགས་སྲེད་ཀྱི་ཚོར་བ་དེ་ཡོང་གིན་འདུག་པས་ཕྱི་གླིང་བ་ཚོས་དུས་དེ་ནས་བཟུང་ན་ཚོད་སྨིན་པར་བཤད། ཨོ་ན། བོད་མི་ཚོས་ན་ཚོད་སྨིན་དང་མ་སྨིན་གྱི་སྐད་ཆ་དེ་ཚད་གང་ནས་བཤད་ཀྱིན་ཡོད། སྟོན་པ་བཅོམ་ལྡན་འདས་ཀྱི་རྗེས་འཇུག་པ་ཚོས་རང་གིས་སྲུང་མ་ཐུབ་པའི་དམ་བཅའ་དེ་སློབ་མ་ཚོའི་མགོ་ལ་བཙན་གྱིས་འཇོག་ག་ལ་རུང་།
དེ་རིང་འདི་ཙམ་ཡིན། སང་ཉིན་ང་རང་སློབ་ཕྲུག་དེ་དག་གི་རྒྱབ་རྩར་ལང་ནས་རང་གི་ཚོད་ཀྱི་གནས་ལུགས་དེ་བཤད་ཀྱི་ཡིན། དེ་རིང་ཁོམ་པ་མེད།
དྲྭ་གྲོགས་ཚོས་རྣོ་བསམ་རེ་གཏོང་དང་དངོས་གནས་བློ་ཕམ་དགོས་པའི་ཕྲུག་གི་དགུ་པོ་འདི་ཚོའི་འདུན་ལམ་ག་འདྲ་ཆགས་རྒྱུ་རེད་་་་་སློབ་སྤྱི་དེ་སློབ་ཕྲུག་ལ་སེམས་ཁུར་བྱེད་མཁན་ཞིག་ཕལ་ཆེ་མིན་པ་འདྲྲ
ཁོང་རང་གི་ཕྲུག་ཞིག་དེའི་ནང་དུ་ཡོད་ན་བསམ་བློ་གཞན་པ་ཞིག་གཏོང་མདོགས་ཁ་བོ་རེད་་་་་སྙིང་རྗེ་་་་བོད་དུ་ཡོད་པའི་ཕ་མ་དག་གིས་བོད་གཞུང་ལ་རེ་བ་དང་ཡིད་ཆེས་གཙང་མ་ཞིག་བྱས་ཏེ་ཨ་ཉོག་འདི་ཚོར་འགྲོ་སོང་ཆེན་པོ་ཐོག་རྒྱ་གར་གཏོངས་ཡོང་དུས་འདི་ཕྱོགས་ནས་མི་ངན་འགས་བྱེད་སྟངས་འདི་ཕ་ཡུལ་དུ་གོ་སོང་ན་འདྲ་དྲན་རྒྱུ་རེད།
དྲང་པོ་ཡིན་གནས་ཚུལ་འདི་ཐོས་མ་ཐག་སེམས་ཕམ་ཞེ་དྲགས་བྱང་།
སློབ་གྲྭའི་སྒྲིགས་འཛུགས་དང་སློབ་གསོའི་ཚད་གཞི་འདོང་ན་སློབ་ཕྲུག་དེ་དག་ཀྱིས་ལས་ངན་དེ་འདྲ་བྱེད་པ་དཀའ་ལ་དེ་དག་སློབ་སྦྱོང་གི་གོ་སྐབས་ཀྱང་ཤོར་རམ། ལྷས་རྭ་བཙན་ན་སྤྱང་ཀི་འཛུལ་ཐབས་དཀའ་ཞེས་པས་དཔེ་ལྟར་གནས་ཚུལ་དེ་དག་བྱུང་སྲིད་དམ། འོན་ཀྱང་་་་་་
བློ་ཕམ་གྱི་གནས་ཚུལ་འདི་གང་དྲག། ཨ་ཁ་ཁ་་་་་་་་༸གོང་ས་མཆོག་ལ་བརྟན་བཞུགས་ཤིག་ཕུལ་རྒྱུའི་ཚབ་ཏུ་འདི་འདྲའི་ཐུགས་ཕམ་ཞིག སློབ་གྲྭ་གཞན་དང་གཞན་ལ་ཉམས་མྱོང་འདི་ཁྱབ་སྤེལ་བྱེད་དགོས་ཀྱི་འདུག། ད་དུང་འདི་དང་འདི་འདྲ་བའི་གནས་ཚུལ་སློབ་གྲྭ་གཞན་དུ་མེད་པའི་གདེང་ཚོད་སུ་ལ་ཡོད། གནས་ཚུལ་འདི་ཚོ་བོད་ནང་གི་ཕ་མའི་གོ་ཚེ། ཡིད་ཐང་ཆད་ཀྱི་མ་རེད་པས། དགྲ་དགའ་གཉེན་སྐྱོའི་གསར་འགྱུར་འདིའི་རིགས་ཕྱིན་ཆད་མི་ཡོང་བའི་ལྟ་རྟོག་ཡག་པོ་དགོས་པ་དང་། བོད་པའི་སློབ་གྲྭ་གཞན་ཚང་མའི་ནང་འགན་ཁྱེར་མཁན་ཡོངས་ཀྱིས་ངེས་པར་དུ་གཟབ་གཟབ་གཟིགས་གཟིགས་གནང་རོགས།
སེམས་པ་གཅིག་ཏུ་བསྡུ་མི་བཏུབ་པའི་བཀག་རྒྱ་ནི་
བརྕེ་དུང་གི་ངར་ཤུགས་རེད།
སྤྱི་བཏང་ནས་ཕོ་མོའི་འཁྲིག་སྤྱོད་ཀྱི་གནས་ཚུལ་ཞིག་གི་དབང་གིས་བོད་ཕྲུག་དགུའི་མི་ཚེའི་མདུན་ལམ་བརླག་ཏུ་འཇུག་པ་ནི་བློ་ཕམ་དགོས་པ་ཞིག་རེད། མིའི་རིགས་ཀྱི་སྤྱི་ཚོགས་དར་འགོ་བརྩམས་པ་ནས་ཕོ་མོའི་འཁྲིག་སྤྱོད་ནི་ཡོད་ཡོད་པ་ཞིག་རེད་ལ། དེ་ནི་མི་སྤྱོད་ལས་འདས་པའི་བྱ་བ་ཞིག་ཀྱང་གཏན་ནས་མ་རེད་སྙམ། ལྷག་པར་ང་ཚོ་བོད་པར་མཚོན་ན། བོད་ཕྲུག་རེ་རེའི་མདུན་ལམ་འཕྲོ་བརླགས་སུ་སོང་ནའང་ཕམ་པོ་རེད་ལ། དེ་ནི་སུས་ཀྱང་གོན་གསབ་ཐུག་པ་ཞིག་མ་རེད།
བཀུར་འོས་གསར་འགོད་པ་དོན་གོ་ལགས།
ང་ཚོང་ཀློག་པ་པོས་དོན་ཞིག་གསར་འགྱུར་འདིར་ལྟ་དུས་གོ་དགོས་པ་ནི་རྩ་དགོངས་གཏོང་བའི་སློབ་མ་རྣམས་ཀྱི་ལོ་ཚོད་ཧ་གོ་དགོས་པ་འདུག
འཁྲིག་སྤྱོད་ལ་དགའ་བའི་སློབ་མ་དགུ་བལ་ཡུལ་སྣེ་ལེན་ཁང་དུ་གཏོང་ལུགས་ལ་ལྟས་ན་བོད་ནས་བསླེབས་པའི་གསར་འབྱོར་བ་ཡིན་པར་འདྲ། རྒྱབ་རྩ་མེད་པར་གསལ་པོ་རེད།
བོད་ནས་བསླེབས་པའི་གསར་འབྱོར་བ་སློབ་མ་འཛིན་གྲྭ་བཅུ་གཉིས་པ་ཞིག་ཡིན་དུས་རང་ལོ་ཅོ་བརྒྱད་བརྒལ་ཡོད་ཀྱི་རེད། འཛམ་གླིང་རྒྱལ་སྤྱིའི་ཁྲིམས་ལུགས་ཐོག་ཏུ་རང་ལོ་ཅོ་བརྒྱད་བརྒལ་ཚར་དུས་ཕར་ཕྱོགས་ཚུར་ཕྱོགས་གཉིས་ཀའི་འདོད་མོས་ཐོག་ནས་འཁྲིག་པ་སྤྱོད་ཆོག་པ་ལས་མི་ཆོག་པའི་ཁྲིམས་ལུགས་ཤིག་གིས་སློབ་གྲྭ་ནས་སློབ་མ་རྩ་དགོངས་གཏོང་དགོས་པ་དེ་འདྲ་མཐོང་ཡ་མེད།
སློབ་མ་དེ་ཚོས་འཁྲིག་པ་སྤྱོད་པ་ཙམ་གྱི་སློབ་གྲྭ་ནས་རྩ་དགོངས་གཏོང་ཡོད་པས་ཕྲུ་གུ་དེ་ཚོའི་མི་ཚེའི་མདུན་ལམ་ལ་དཀའ་ངལ་ག་འདྲ་འཕྲོད་ཀྱི་ཡོད་མེད་ལ་བསམ་གཞི་མ་བྱས་པ་འདིར་ཧ་ཅང་ཡག་པོ་མ་རེད་སྙམ།
དགོན་པ་གྲྭ་ཚང་ནང་དུ་འཁྲིག་པ་སྤྱོད་ན་རྩ་དགོངས་གཏོང་བ་ཡིན་ན་ལུགས་མཐུན་དང་ཁྲིམས་མཐུན་ཡིན་པ་ལས་སློབ་གྲྭ་ནང་དུ་སློབ་མས་འཁྲིག་པ་སྤྱོད་ན་རྩ་དགོས་གཏོང་དགོས་པས་ཁྲིམས་ལུགས་ཅིག་ཡོད་པར་འདི་འདྲ་ནུབ་ཕྱོགས་རྒྱལ་ཁབ་ཁག་ཏུ་ལུགས་སྲོལ་མེད། གལ་སྲིད་དེ་འདྲའི་ཁྲིམས་ལུགས་ཤིག་ཡོད་ན་ནུབ་ཕྱོགས་པའི་སློབ་མ་བརྒྱ་ཆ་༥༠་རྩ་དགོངས་གཏོང་དགོས་ལུས་ཡོང།
ཅི་ནས་ཀྱང་བོད་ཕྲུག་གསར་འབྱོར་བ་དགུ་སློབ་གྲྭ་ནས་རྩ་དགོངས་གཏོང་བ་འདིར་ངེས་ལེན་མེད། དུས་བབ་ཚང་གིས་ཕྲུ་གུ་ཚོའི་ལོ་ཚོད་ག་ཚོད་ཡིན་མིན་ལན་ཞིག་གནང་རོགས་ཞུ།
གནས་ཚུལ་འདི་འདྲ་སྔོན་མ་ནས་བྱུང་དང་བྱུང་བཞིན་པ་རེད།
ཡིན་ཡང་སློབ་ཕྲུག་ལུང་རྟ་མ་རྒྱུག་པ་འདི་དག་མགོ་ལ་སློང་བ་རེད། འདི་དག་མི་ཚེ་འདུན་ལམ་ལ་བསམ་བློ་དང་ཤ་ཚ་ཅི་ཡང་མེད་པའི་ཐོག་ཕྱིར་བལ་ཡུལ་དུ་བསྐྱེལ་བ་དེ་དག་དག་ཞིག་ཨེ་ཡིན་ནམ།
ངས་ལྟོས་ན་མ་སོ་རི་སློབ་གྲྭས་སློབ་སྤྱི་དང་དགེ་འདུན་རིན་ཆེན་ཟེར་བ་དེ་གཉིས་དངོས་པར་དུ་ཕྱིར་ཕུལ་དགོས་པ་དེ་རེད།
གནས་ཚུལ་འདི་ངས་ལྷོ་ཕྱོགས་ནས་ཐོས་མ་ཐག་དུས་བབ་དྲ་ཚིགས་སུ་མཆན་ཞིག་བཏབ་ཡིན། དེའི་ཉིན་སློབ་ཕྲུག་དེ་ཚོ་ལྡི་ལི་སྣེ་ལེན་ཁང་དུ་འདུག་ཟེར། སྙིང་ཆགས་པ་ལ་ས་མཚམས་ཡོད་མ་རེད།
སློབ་གྲྭའི་སྒྲིག་ཁྲིམས་ལ་བརྩི་སྲུང་མ་བྱས་པ་བྱ་ལ་ངན་ལ་འཇུག་ཚེ། ཉེས་ཆད་ཀྱི་ལག་སྟར་གནང་བ་ཐུགས་རྗེ་ཆེ། འོན་ཀྱང་དེ་ལས་ཚབ་ཆེ་བའི་ཐོན་རྫས་རིགས་ལ་བག་མེད་ཀྱི་ལོངས་སྤྱོད་པའི་ཕྲུག་མང་དག་ཡོང་བཞིན་པ་སྤྱི་ཚོགས་ནང་གླེང་སློང་སྣ་ཚོགས་ཡོང་བཞིན་རེད། དེར་བརྟེན་བསྐུར་འོས་སྐབས་བབ་ཀྱི་འགན་ཁྲིམས་ཡོད་པའི་ལས་བྱེད་ཚང་མའི་ངེས་པར་དུ་ཐུགས་ཟབ་ཅི་ནས་ཀྱང་གནང་རོགས་ཞུ།
གནས་ཚུལ་འདིའི་ཐད་འབྲེལ་ཡོད་ཤེས་རིག་ལས་ཁུངས་ནས་ཀྱང་འགན་གཙང་ལེན་བྱས་ན་རེད། མ་གཞི་གནས་ཚུལ་དེ་བྱུང་ས་ནི་སློབ་གྲྭ་བྱེ་བྲག་པ་ཞིག་དང་། ཁྱིམ་ཚང་བྱེ་བྲག་པ། སློབ་མ་བྱེ་བྲག་པ་འགའི་གནད་དོན་ལྟ་བུར་སྣང་མོད། མིའི་རིགས་ཀྱི་སློབ་གསོའི་ལས་དོན་ཐད་ལྟ་རྟོག་འཆར་འགོད་བྱེད་མཁན་གྱི་སློབ་གསོ་ཆེད་གཉེར་གྱི་སྒྲིག་འཛུགས་ཤིག་གམ། སློབ་མ་སྐྱེད་སྲིང་བྱ་སའི་སློབ་གྲྭའི་སྡེ་ཁག་ཅིག་ངོས་ནས་བལྟས་ན་གནད་དོན་འདིའི་རིགས་ཆུང་ཆུང་ཞིག་གཏན་ནས་མ་རེད། ལོ་ཆུང་བྱིས་པ་མང་པོ་ཞིག་གི་སྐྱེད་སྲིང་གི་བརྒྱུད་རིམ་ལ་སྔར་ནས་ནོར་འཁྲུལ་ཤོར་ཟིན་པ་དང་། སློབ་གྲྭའི་སློབ་གསོའི་འཆར་འགོད་དང་སྒྲིག་འཛུགས་གང་རུང་ཐད་ཚགས་ཚུད་དོ་དམ་མ་བྱུང་བར་ཐུག་ཡོད། སློབ་མ་རེ་འགའ་དང་ཁྱིམ་ཚང་ཨ་མ་རེ་འགའ་ཕྱིར་ཕུད་བཏང་བ་ཙམ་གྱིས་ནོར་འཁྲུལ་ཡོད་ཚད་རྩ་བ་ནས་དག་སེལ་བྱས་ཟིན་ཞིག་མ་རེད། ཉི་མ་རེ་རེར་སློབ་མའི་མྱོང་གིན་པའི་སློབ་གསོའི་སྤུས་ཚད་དང་། སློབ་མ་འཚར་ལོངས་འབྱུང་སའི་སློབ་གྲྭ་དེའི་དུས་རྒྱུན་གྱི་སློབ་གསོའི་མཁའ་དབུགས་བཅས་ལ་ཞིབ་ཚགས་པོའི་སྒོ་ནས་གཙང་བཤེར་བྱེད་དགོས་པ་ཞིག་རེད། དཔེར་ན། བཟོ་གྲྭ་ཞིག་གི་ཐོན་རྫས་ལ་སྐྱོན་བུད་པ་དེ་ནི་བཟོ་གྲྭ་དེའི་འཕྲུལ་ཆས་དང་། ལག་རྩལ་བ། བཟོ་བསྐྲུན་རྒྱུ་ཆ་བཅས་ཕྱོགས་ཡོངས་ལ་རག་ལས་ཡོད་པས་ན། ཐོན་རྫས་མེར་བསྲེགས་བཏང་བ་ཙམ་གྱིས་གནད་དོན་ཡོངས་སུ་ལེགས་བཅོས་ཟིན་པ་ཞིག་ག་ལ་ཡིན། སློབ་གྲྭ་འདིར་གནད་དོན་འདིའི་རིགས་བྱུང་བ་ཐེངས་དང་པོ་དང་གཉིས་པ་ཙམ་མ་རེད། དེར་བརྟེན། འབྲེལ་ཡོད་སྡེ་ཁག་དང་འགན་ཡོད་མི་སྣ་དག་གིས་ཐུགས་ཁུར་ཆེ་བཞེས་གནང་སྟེ། ཐག་ཉེ་རིང་ཀུན་ན་ཡོད་པའི་ཕ་མ་དག་གིས་རང་ཉིད་ཀྱི་བུ་ཕྲུག་བདེ་ལེགས་ངང་འཚར་ལོངས་འབྱུང་བར་ཡིད་ཆེས་བློ་གཏད་བྱ་ཆོག་པའི་སློབ་གསོའི་ཁོར་ཡུག་ཅིག་བསྐྲུན་རྒྱུ་མཁྱེན་མཁྱེན་ཞུ།
ལགས་རེད་ཤེལ་དཀར་ལགས་ སློབ་སྤྱི་ཡང་ཕྱིར་འབུད་གཏང་དགོས་རེད་ སློབ་ཕྲུག་མང་པོ་སྡེབས་གཅིག་ལ་ ཕྱིར་འབུད་གཏང་ཡ་དེ་ འགྲིག་ཨ་ཡོད་བསམ་གྱི་འདུག་།
འོ་ད་དེ་དྲངས་བདེན་གྱི་ཁྲིམས་ལུགས་མ་རེད་ ཐེངས་འདིར་གཙོ་བོ་ སློབ་སྤྱི་དང་ འཛིན་གྲའི་འབྲེལ་ཡོད དགེ་རྒན་ ཕ་ཚབ་དང་ མ་ཚབ་བཅས་སློབ་གྲ་ནས་ཕྱིར་འབུད་གཏང་དགོས་ཡ་རེད་། ཁོང་ཚོས་ལྟ་གཏོགས་ ཡག་པོ་མ་བྱས་པའི་སྐྱོན་རེད་།
དངོས་གནས་ཐབས་སྐྱོ་བོ་རེད། དགོས་པའི་སློབ་སྦྱོང་མི་བྱེད་པར་མི་དགོས་པའི་འཁྲིག་སྤྱོད་ལ་བྲེལ་ཚུབ།
དྲང་པོར་བཤད་ན། ཕ་ཚབ་མ་ཚབ་ཕྱིར་ཕུད་བཏང་བ་ནང་བཞིན་འབྲེལ་ཡོད་དགེ་རྒན་ཡང་གཏོང་དགོས་པ་རེད། རྒྱུ་མཚན་མཚུངས་པ་རེད།
མ་འོངས་བོད་ཀྱི་སོན་རྩ་རྣམས་ཀྱིས་སྐྱུ་བྲོ་བའི་གནས་ཚུལ་དེའི་རིགས་ཇེ་མང་ཇེ་མང་རེད། ངས་གོ་ཐོས་ལ་རྡ་ས་བོད་ཁྱིམས་ཀྱི་བུ་མོ་ལོ་ཆུང་ཞིག་ལ་ཡང་ཕྲུག་གུ་ཆགས་ནས་ལག་ཤེས་བཟོ་གྲྭ་ཞིག་ལ་བཏང་སྐད་འདུག