རྒྱལ་མཚམས་གྱི་བོད་རིགས་བྱིས་པ་ཚོ།

བཀུར་འོས་སྤྱི་མཐུས་གསེར་རྟ་ཚུལ་ཁྲིམས་འོད་ཟེར་མཆོག་ནས་དེའི་སྐོར་ལ་ཕྱག་ལས་གནང་བར་ཐུགས་རྗེ་ཆེ་ཞུ་ཡ་དང་ད་དུང་མི་མཐད་ང་ཚོ་ཚང་མས་ཤུག་རྒྱག།
གྲུས་འབྲས་ཡོང་གི་རེད་ཡོང་དགོས་ཀྱིས་ཀྱང་རེད་བསམ་གྱི་ཡོད།

སྤྱི་ཡོངས་ནས་བཀུར་འོས་སྐུ་ངོ་། སྐབས་འགར་སྨད་འོས་པའི་སྐུ་ངོ་སྤྱི་འཐུས་རྣམ་ཀྱི་ཕྱག་དེར་ཡིག་དོན། ད་ལྟའི་གནས་ཚུལ་འདི་བསྟུན། སྤྱི་འཐུས་ལྷན་ཚོགས་ཀྱིས་ངེས་པར་ཅན་དུ་ཞིབ་གཤེར་དགོས་པའི་གནས་ཚུལ་ཞིག་འདུག་རྒྱུ་དེ། རང་རེའི་བཙན་བྱོལ་གྱི་སློབ་གྲྭའི་སློབ་ཕྲུག་ནམ་རྒྱུན་ཨང་རིམ་དང་པོ་ཤ་སྟག་ཐོབ་ཀྱང་། མཐའ་མའི་གྲུབ་འབྲས་སྐབས་ཨང་རིམ་དང་པོ་ཐོབ་པའི་རེ་བ་ཆག་ཀྱི་ཡོད་པའི་གསར་འབྱོར་སློབ་ཕྲུག་དེ་རྣམས་རྒྱུ་མཚན་གང་ལ་བརྟེན་ནས་སེམས་ཤུག་ཆག་ཀྱི་ཡོད་པ་དང་གཅིག། གྲུབ་འབྲས་ལེགས་པ་ཐོབ་པའི་སློབ་ཕྲུག་ལེགས་ཤོས་ཕྱི་རྒྱལ་དུ་གཏང་སྲོལ་ཡོད་པ་ཤེས་བཞིན། གོ་སྐབས་དེ་འདྲ་གསར་འབྱོར་ཕྲུག་གུ་ལ་རེག་པ་ཁག་པོ་རེད་ཟེར་སེམས་ཤུག་ཆག་ཅིང་འདུག་པ་འདིའི་རྒྱུ་མཚན་གང་ཡིན་གཉིས་ཡིན་ཡིན།
སློབ་གྲྭ་གཅིག་ཙམ་མ་རེད། གྷོ་བར་པུར། མ་སོར་རིས་གཉིས་ཀྱི་སློབ་གྲྭ་གཉིས་ཀྱི་་གཙོ་བྱས་པའི་སློབ་གྲྭའི་སློབ་ཕྲུག་ལེགས་ཤོས་ཕ་ཆེ་བར་སློབ་གྲྭ་ལས་དོན་རན་པའི་སེམས་ཤུག་ལྷག་པར་ཞུམ་གྱི་འདུག་པ་འདི་བསལ་མ་ཐུབ་ན། མི་རབས་ཤེས་ཡོན་ཅན་གྱིས་འབྱུང་འགྱུར་གྱི་བོད་དོན་ཇི་ལྟར་འཛིན་སྐྱོངས་ཐུབ་བམ

གངས་བུ་ལྷག་བསམ་ཅན་ལགས་
གཟའ་ཟླ་བའི་ཉིན་མ་སུ་རི་དྲུང་ཆེ་ལས་ཚབ་དགེ་འདུན་རིན་ཆེན་ལགས་སུ་འབྲེལ་བ་བྱུང་ཡོད་ན་ལགས།

བཀུར་འོས་སྤྱི་འཐུས་གསེར་རྟ་ལགས།
ཁྱེད་ཀྱིས་ཤུགས་རྒྱག་ན་འབྲས་བུ་ཏན་ཏན་ཐོན་པའི་རེ་བ་ཡོད་།

བཀུར་འོས་གཞུང་ཞབས་པ་ སྡེ་དགེ་ལགས།
ཁྱེད་ཀྱིས་གང་ཐུབ་གཅིག་གནང་འདུག་པས་སྙིང་ནས་དགའ་ཡོད་།

མ་སུ་རིའི་སློབ་གྲྭའི་དབུ་འཛིན་ལས་སྣེ་ཡོངས་ལ་ཡིག་དོན། ༡ ད་ལྟའི་སྐབས་སློབ་གྲྭ་གསར་འབྱོར་དགུས་འཁྲིགས་སྤྱོད་བྱས་པའི་ཉེས་པའི་འོག་བཙན་བྱོལ་གྱི་སྤྱི་ཚོགས་ལས་གཏོན་ནས་དམྱལ་བ་མི་ཡུལ་དུ་ཕོས་པ་ལྟ་བུའི་རྒྱ་བལ་གྱི་བཙོན་ཁང་དུ་བརྩིས་སྤྲད་བྱེད་པའི་སྒྲིགས་གཞི་དེ། གང་ཟག་སུས། གནས་སྐབས་གང་དུ་བཟོས་པ་ཡིན་པའི་ངོ་སྤྲོད་གསལ་པོ་ཞིག་དྲྭ་ཐོག་དང་གསར་འགྱུར་བརྒྱུད་ལམ་ཁག་ཏུ་བཀོད་ཐུབ་པའི་རེ་བ་ཞུ་རྒྱུ་དང་། ༢ དངོས་སུ་མཐོང་པ་དེ་ཕུད། གཞན་རྣམས་ཀྱིས་འཁྲིགས་སྤྱོད་བྱས་པའི་དཔང་རྟགས་གང་ཡོད། ༣ གལ་སྲིད་སློབ་གྲྭ་ལས་ཕུད་དགོས་ཀྱི་སྒྲིགས་གཞི་ཉེས་འགལ་བྱས་ཀྱང་། བལ་ཡུལ་དུ་སྐྱེལ་དགོས་པའི་རྒྱུ་མཚན་གང་།
༤ སློབ་ཕྲུགས་རྣམས་རང་ལོ་བཅོ་བརྒྱད་མན་ཡིན་ཚེ། སློབ་གྲྭ་ལས་གཏོན་དགོས་ཚེ། སོ་སོའི་ཕ་མ་དང་། ཕ་མ་དངོས་སུ་མེད་ན། ཕ་མ་དང་འདྲ་བའི་རྗེ་བཙུན་པད་མ་སོགས་ལ་སྔོན་བརྡ་བཏང་དགོས་པ་དེ་འཛམ་གླིང་སྤྱི་འགྲོས་ཡིན་པ་འདྲ་པས་དེ་ལྟར་བྱུང་ངམ།
༥ དགེ་རྒན་དང་སློབ་གྲྭའི་འགན་ཁུར་བ་རྣམས་ལས་ཕ་ཚབ་དང་མ་ཚབ་ཉེས་པ་ཆེ་བའི་རྒྱུ་མཚན་གང་།
ཁྱེད་རྣམ་པ་སློབ་གྲྭ་ཞིག་གི་དབུ་འཛིན་དང་། ལས་སྣེ་བ་ཞིག་ཡིན་པས། བོད་ཡིག་འདྲི་ཀློག་ཤེས་ཚོད་ལ། དྲི་བ་འདི་དག་ལས་གསལ་ཞིག་ཡོང་བའི་རེ་བ་ཞུ
མདོར་ན། ཕྲུག་གུ་དགུ་དེའི་མི་ཚེའི་འགན་དེ་སློབ་གྲྭའི་དབུན་འཛིན་ལས་སྣེ་རྣམས་ལ་ཡོད་པ་ལོས་མཁྱེན། དེ་རིང་དེ་ཙམ་ཡིན

དེ་རིང་གཞི་ནས་གསར་འགྱུར་འདི་ཀློག་པའི་གོ་སྐབས་བྱུང་། གསར་འགྱུར་འདི་ཀློག་བཞིན་ངའི་སྙིང་ལ་ན་ཟུག་དང་། སྐྱོ་སྣང་ཧ་ཅང་ཆེན་པོ་བྱུང་། ང་ཚོ་བོད་གཞིས་བྱེས་གཉིས་ཀྱི་འབྲེལ་ལམ་ད་ལྟ་གང་འདྲ་ཞིག་ཡོད་པ་ཤེས་གསལ་རེད། ད་དུང་གཞིས་བྱེས་གཉིས་ཀྱི་འབྲེལ་ལམ་ཇེ་སྡུག་ཏུ་གཏོང་རྒྱུ་ཡིན་ནམ། ད་ལྟ་བོད་གཞིས་བྱེས་གཉིས་ཀྱི་འབྲེལ་བ་དེ་༸གོང་ས་མཆོག་དང་། ཆོས་བརྒྱུད་ཁག་གི་སློབ་གཉེར་གྱི་འབྲེལ་བ་དེ་རེད། སྔར་ནས་བཙན་བྱོལ་དུ་འབྱོར་བའི་མི་མང་དང་། གཞིས་ལུས་མི་མང་གི་བར་གྱི་འབྲེལ་བ་དེ་གང་འདྲ་ཞིག་ཡོད་པ་ང་ཚོས་ཤེས་གསལ་རེད།

ཐེངས་འདི་དང་འདི་འདྲ་བའི་བྱེད་སྤྱོད་མང་དག་ལ་བརྟེན་ནས་བོད་གཞིས་གཉིས་ཀྱི་འབྲེལ་ལམ་གྱི་སྐུད་པ་དེ་ཆད་མི་ཡོང་ངམ་བསམ་གྱི་འདུག

དྲྭ་གྲོགས་ཡོངས་ལ་ཐུགས་རྗེ་ཆེ་ཞུ།

ཉེ་ཆར་བོད་ཡུལ་ཤུལ་མངའ་སྡེའི་ཁུལ་དུ་སློབ་གྲྭ་ཞིག་གི་ནང་བོད་ཕྲུག་བུ་ལོ་༢༠ཅན་ཞིག་གིས་བུ་མོ་ལོ་༡༣ཅན་ཞིག་ལ་བཙན་དབང་གིས་ལུས་འབྲེལ་བྱེད་འདུག་ཀྱང་བོད་མི་རིགས་ཀྱི་དགྲ་བོ་འབོད་པའི་རྒྱ་མི་གུང་ཁྲན་དམག་གིས་ཀྱང་སློབ་ཕྲུག་གཉིས་པོ་སློབ་གྲྭ་ནས་ཕུད་མེད་པ་མ་ཚད་མ་འོང་པ་ལ་དེ་འདྲ་བྱེད་མི་ཆོག་པའི་སླབ་བྱ་གནང་ནས་ཡིག་ཚད་ཀྱང་གཏང་ཆོག་པའི་ཁྲིམས་ཐག་བཅད་འདུག།ང་ཚོའི་མ་འོང་པའི་སོན་རྩ་ན་གཞོན་ཚོ་ཡིན་ཞེས་གླེང་བཞིན་དུ་ཁོང་ཚོ་རྒྱ་དམག་གི་ལག་ཏུ་སྤྲོད་པ་དེ་བོད་ཕྱི་ནང་གཉིས་ཀྱི་བར་དུ་མི་མཐུན་པ་བཟོ་ཡ་གི་ལག་ཆ་ཞིག་ཡིན་ལས་ཆེ། མཐའ་དོན། ངས་ཁོང་ཚོ་ངོ་མི་ཤེས་ལ་ད་དུང་སྐྱེས་ཡུལ་གང་ནས་ཡིན་པ་ཡང་ཤེས་མ་སོང། འོན་ཀྱང་སློབ་ཕྲུག་དེ་དག་གི་མི་ཚེ་འི་མདུན་ལམ་དང་བོད་ཕྱི་ནང་གཉིས་པོ་ཆིག་སྒྲིལ་ཡོང་ཡ་གི་ཆེད་དུ་བསམ་ནས་དཀའ་ལས་རྒྱོབ་པ་ཡིན། དཔལ་ལྡན་རང་གཞུང་མཆོག་ལ་ཞུ་རྒྱུ་ཁོང་ཚོ་ཕྱིར་འབུད་མ་གཏང་རོགས་ཐུགས་རྗེ་གཟིགས།

མ་སུ་རི་སློབ་གྲྭ་ནས་ཕྱིར་འབུད་བཏང་ཡང་བྱི་པ་ཚོ་རྒྱ་ལག་ཏུ་བཞག་པ་ནོར་འཁྲུད་ཚབས་ཆེན་རེད། གལ་ཏེ་འདི་འདྲའི་དོན་དག་ཆེན་པོ་ཞིག་མ་སུ་རི་སློབ་གྲྭའི་དགེ་རྒན་ཚོས་ཐག་གཅོད་བྱེད་ཐུབ་ཚེ། མ་སུ་རིའི་སློབ་གྲྭའི་མིང་འདི་བཅོས་སྒྱུར་བྱས་དེ་མ་སུ་རི་སྲིད་གཞུང་ཟེར་ཚེ་འོས་པར་སྙམ།

དངོས་གནས་སློབ་ཕྲུག་དེ་ཚོ་ངེས་པར་དུ་བསྐྱབ་དགོས་འདུག

བཀུར་འོས་བྱམས་རྒྱལ་དང་ཅོ་རི་ཉི་མ་སོགས་ཀྱིས་ལྷག་བསམ་གྱིས་རེ་བསྐུལ་ལྟར་རང་གཞུང་འབྲེལ་ཡོད་ལས་ཁང་ཁག་ལ་སྙན་གསོན་ཞུས་ཡོད། དེ་ཡང་༼གལ་ཏེ་བོད་ཕྲུག་སློབ་མ་འདི་དག་་སློབ་གྲྭ་ནས་ཕུད་དགོས་ཀྱང་སྐྱབས་བཅོལ་སྤྱི་ཚོགས་འདི་ལས་ཕྱིར་འབུད་གཏོང་དགོས་པའི་རྒྱུ་མཚན་གཏན་ནས་མི་འདུག་༽ཅེས་སོགས་གསལ་་པོར་ཞུས་ཡོད་པས། འདིའི་སྐོར་ཞིབ་འཇུག་བྱེད་ཡོང་ཞེས་གསུངས་བྱུང་། དེ་མ་གཏོགས་ད་ལྟ་་བར་ཐག་གཅོད་འདི་བྱས་ཀྱི་ལན་གོ་མ་བྱུང་ལགས།

སྤྱིར་མ་སུ་རིའི་སློབ་གྲྭ་ལ་སྒྲིག་ཁྲིམས་བཞག་མི་ཐུབ་པའི་དཀའ་ངལ་་རིམ་པ་བྱུང་བས་ད་ལྟའི་སློབ་སྤྱི་འདི་མི་གཞི་བརྟན་ཅིང་དྲང་པོ་ཡིན་པས་ཆེད་དུ་བསྐོས་པ་རེད་ཅེས་གསུངས་བྱུང་།
ངས་བལྟས་ན་ད་དུང་་འབྲེལ་ཡོད་བོད་གཞུང་ལས་ཁང་ཁག་ལ། ཁོང་ཁྲོ་མེད་པར་གུས་པས་རེ་བསྐུལ་ཞུས་ན་ཕན་པ་ལས་གནོད་པ་མི་འདུག་སྙམ།

བོད་གཞུང་ལས་བྱེད་ཀྱི་སྐོར།
མ་གཞི་བོད་གཞུང་གི་་ལས་བྱེད་ཚོས་ལས་ཁང་དུ་ཉིན་ལྟར་ཧུར་བརྩོན་གྱིས་ལས་ཀ་ཇི་ཙམ་བྱས་ཀྱང་། ཕལ་ཆེར་ངོ་སོ་བསྟོད་མཁན་མེད་པར་མ་ཟད་སྐྱོན་བརྗོད་བྱེད་མང་བས། མཚམས་རེ་ཁོ་བོའི་ལས་གྲོགས་ཁ་ཤས་ལ་སེམས་ཕམ་བྱུང་ནས་ངུ་མཁན་དང་ལས་ཀའི་སེམས་ཤུགས་ཆག་མཁན་ཡང་སོང་བས། མ་འོངས་པ་བོད་གཞུང་གི་ལས་བྱེད་ལ་རྟག་ཏུ་སྐྱོན་བརྗོད་ཁོ་ནར་མི་བྱེད་པར། རང་གཞུང་གི་ལས་བྱེད་ཚོའི་སེམས་ཤུགས་འཕེལ་ཕྱིར་དོན་གནས་ཀྱི་བསྟོད་བསྔགས་དང་བཀའ་དྲིན་རྗེས་དྲན་གྱིས་གུས་བཀུར་ཞུས་འོས་པ་འདུག
ཡིན་དང་ཡིན། གཞུང་གི་ལས་བྱེད་ཀྱིས་ཉེས་མཛོལ་བྱས་ན་དུས་ཐོག་ཏུ་སོ་སོའི་བསམ་ཚུལ་་ཐད་ཀར་དྲང་པོ་བཤད་ཐུབ་དགོས་ལ་རྒྱུ་མཚན་ཡང་དག་ལྡན་པའི་་ཐབས་ལམ་ཡག་ཤོས་རྣམས་གསལ་སྟོན་གནང་འོས་པ་ཞིག་རེད།

སྐབས་རེ་རང་གཞུང་ལ་འབོད་བསྐུལ་ཇི་ཙམ་བྱས་ཀྱང་ཕན་ཐོག་མེད་པར་འབོད་བསྐུལ་བྱེད་མཁན་ཚོ་འབུར་འཇོམས་བཏང་བ་ལྟ་བུའི་གནས་ཚུལ་ཉུང་ཙམ་བྱུང་ཡོད་ཀྱང་། རྩ་བའི་ཆ་ནས་བོད་གཞུང་གི་ལས་བྱེད་བརྒྱ་ཆ%90་ནི་ཤེས་འབྱོན་དང་ལྷག་བསམ་ཡོད་མཁན་གྱི་བོད་བཙན་པོའི་གདུང་བརྒྱུད་ངོ་མ་རེད་འདུག་པས་དགའ་གུས་ཞུ་འོས་པ་ཞིག་མཐོང་སོང་།

སྒེར་གྱི་རེ་བསྐུལ།
བདག་གིས་རིམ་བཞིན་བོད་ནས་སློབ་ཆུང་ནས་སློབ་ཆེན་མཐར་ཕྱིན་བར་ཁྱོན་མི་ལོ་བཅུ་བདུན་ལ་སློབ་སྦྱོང་དང་ཞིབ་འཇུག་བྱས་པ་ཡིན། དེ་རྗེས་རྒྱ་གར་དང་བལ་ཡུལ་དུ་མི་ལོ་བཅུའི་རིང་ནང་ཆོས་ལ་་ཟབ་སྦྱོང་བྱས་རྗེས་ཨ་རི་ལ་ལོ་དགུའི་རིང་དུ་ནུབ་ཕྱོགས་པའི་མནའ་དེང་གི་ལྟ་གྲུབ་དང་རིག་གནས་བཅས་་ལ་སློབ་སྦྱོང་བྱས་པས། ད་གཟོད་ནང་ཆོས་ཀྱི་ལྟ་སྒོམ་སྤྱོད་པ་ནི། ཚན་རིག་དང་མཚན་ཉིད་རིག་པ་སུས་ཀྱང་འགྲན་མི་ནུས་པའི་རིན་ཐང་ཡོད་པ་ཤེས་རྟོགས་དང་ཉམས་མྱོང་བྱུང་ཞིང་། དེ་བཞིན་བོད་ཀྱི་རིག་གཞུང་ལ་སྔར་ལས་ལྷག་པའི་གུས་བཀུར་ཞུ་ནུས་པ་བྱུང་སོང་།

དེ་རྗེས་མཐོ་སློབ་ཁག་གཅིག་ལ་་འཆད་ཉན་དང་ཞིབ་འཇུག་གི་ལས་རོགས་ལོ་འགའ་བྱས་ནས་བསྡད་སྐབས། རྒྱ་གཞུང་གིས་བོད་མི་རྣམས་ལ་མི་ཆོས་ལས་འདས་པའི་ངན་སྤྱོད་སྣ་དགུ་བྱས་དང་བྱེད་བཞིན་པའི་སྐོར་ལ་་བསམ་བློ་ཡང་ཡང་འཁོར་བ་དང་།
གོང་ས་རྒྱལ་བ་རིན་པོ་ཆེས་འཛམ་གླིང་གང་སར་སྐུ་ངལ་་ལ་མི་འཛེམས་པར་ཕེབས་ནས་བོད་དོན་གྱི་ཕྱག་ལས་ཉིན་ལྟར་མཛད་བཞིན་པ་དང་།
ཁྱད་པར་ཆོས་ལྡན་བོད་མི་རྣམས་ཀྱི་་གནས་སྟངས་ནི་ཤིན་ཏུ་ཉམས་དམའ་བ་མཐོང་ནས།
ང་རང་དགའ་བའི་ལས་ཀ་དང་ལོ་ཟླའི་དཔལ་འབྱོར་གྱི་ཡོང་སྒོ་སོགས་གནས་སྐབས་བློས་བཏང་ནས། ལོ་ཤས་རིང་བཙན་བྱོལ་བོད་གཞུང་དང་མི་དམངས་ལ་ཕན་པའི་བྱ་བ་རང་ནུས་གང་ཡོད་ཀྱིས་བྱས་པས་ཕན་ཐོག་བྱུང་སོང་བསམ་པ་བྱུང་བས། བོད་མི་ལྷག་བསམ་ཡོད་མཁན་ཚོས། མ་འོངས་པ་དང་བླང་གིས་བཙན་བྱོལ་བོད་གཞུང་གི་བྱ་བ་ལ་རོགས་པ་རེ་བྱེད་ཐུབ་ན་གཞི་བྱེས་བོད་འབངས་ཀུན་ལ་ཕན་པ་ཤིན་ཏུ་ཆེ་སྙམ།

བོད་གཞུང་མང་གཉིས་ཀྱི་ངོས་ནས་བོད་ཀྱི་ཕྲུ་གུ་ལ་བདག་སྐྱོངས་གནང་རོགས།

༄༅༅།།དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་བོས་དབུས་རྒྱུན་ལས་རྣམ་པ་ལྷན་རྒྱས་གང་དེའི་ཞབས་དྲུང་དུ།
ཆེད་འབུལ། ཉེ་སྔོན་མ་སུ་རིའི་སློབ་གྲྭའི་ནང་སློབ་ཕྲུག་ནང་ཁུལ་ལུས་འབྲེལ་བྱུང་བའི་རྐྱེན་བྱས་སློབ་ཕྲུག་བརྒྱད་དགུ་ཞིག་སློབ་གྲྭ་ནས་ཕྱིར་ཕུད་ཀྱིས་ད་ལྟ་བལ་ཡུལ་སྣེ་ལེན་ཁང་དུ་བསྐྱལ་ཡོད་འདུག་པ་དང་། གསལ་ལམ་དུ་ཐོན་གསལ་ལྟར་ན་སློབ་ཕྲུག་དེ་དག་བོད་དུ་ཕྱིར་སློག་བྱེད་རྒྱུ་ཡིན་འདུག་སྟབས་ཐག་གཅོད་ཀྱི་གནས་ཚུལ་འདི་ནི་ང་ཚོས་བསམ་བློ་མ་བཏང་ཐབས་མེད་ཀྱི་གནས་སྟངས་ཤིག་ཆགས་འདུག་པ་ལས་དཀའ་བ་ཁྱད་བསད་ཀྱིས་བོད་ནས་འདིར་སླེབས་པའི་ཕྲུ་གུ་ལོ་ཆུང་གང་བྱུང་ཕྱིར་ཕུད་དང་། བོད་ལ་ཕྱིར་སློག་བྱེད་ཆོག་ཆོག་ཅིག་ཡིན་མིན་ལྷན་རྒྱས་ཚོས་མཁྱེན་གསལ་ལྟར་ལགས། ༡ ཕྲུ་གུ་དེ་དག་བོད་ལ་འགྲོ་ཆོག་པའི་ཡིག་ཆ་སློབ་གྲྭའི་དབུ་འཛིན་གྱིས་གོ་སྒྲིག་བྱེད་རྒྱུ་རེད་དམ། སུས་གོ་སྒྲིག་བྱེད་རྒྱུ་རེད། ཕྲུ་གུ་དེ་དག་དམྱལ་སྲུང་ལྟ་བུའི་རྒྱ་མིའི་ཉེན་རྟོག་པའི་ལག་ཏུ་མི་ཐེབས་པར་སུས་འགན་ལེན་བྱེད་རྒྱུ་རེད་དམ། ༣ ཁོང་ཚིའི་ཕ་མ་བོད་ལ་ཡོད་པ་རེད། ཅེས་ཕྱིར་སློག་བྱས་པས། ཕྲུ་གུ་ཕ་མའི་སར་བདེ་འབྱོར་ཐུབ་པའི་གདངས་ཚོད་སུ་ལ་ཡོད་དམ། ༤ ཕྲུ་གུ་དེ་དག་གི་ཁྲོད་བོད་མིའི་རྩ་དོན་ལ་ཕན་ཐོགས་མཁན་རྐང་གཅིག་ཡོད་པ་མ་རེད། ཅེས་སུས་ཐག་གཅད་ཐུབ་བམ། ༥ ཁོང་ཚོ་བོད་ནས་ཡོང་སྐབས་ཕ་མ་གཉེན་ཉེ་ཡོངས་ཀྱིས་༧གོང་ས་སྐྱབས་མགོན་ཆེན་པོ་མཆོག་དང། དཔལ་ལྡན་རང་གཞུང་ལ་བློ་སྙིང་བྲང་གསུམ་གཏད་དེ་མངག་པ་འབའ་ཞིག་ཡིན་ཕྱིར་ང་ཚོས་ཁོང་ཚོ་ཕྱིར་སློག་བྱས་ཏེ། འདི་དག་གི་ལུས་སྲོག་ལ་གནོད་སྐྱོན་བྱུང་ན་འབྲེལ་ཡོད་ཕ་མ་སོགས་ཀྱིས་གང་ཞིག་དགོངས་ངེས་རེད་དམ། ཕྲུ་གུ་དེ་དག་གི་ཕ་མ་ང་ཚོ་ཡིན་ན་གང་ཞིག་དྲན་ས་རེད་དམ། ༦ སློབ་གྲྭ་དེའི་དྲུང་ཆེའི་ལས་ཚབ་རྒན་དགེ་འདུན་རིན་ཆེན་གྱིས་བོད་ཀྱི་དུས་བབ་ཀྱི་གསལ་འགོད་པར་གནས་ཚུལ་འདི་རྒྱུན་རིང་དུ་ཁྱིམ་ཚང་གི་ཕ་ཚབ་མ་ཚབ་ཀྱིས་འགན་མ་ཁྱེར་བ་དང། སློབ་ཕྲུག་ཚོར་ལྟ་རྟོག་གིས་མ་འདང་བས་ཡིན་སྐོར་གསལ་བོ་བཤད་འདུག་པར་བརྟེན། དེ་ལྟར་ཡིན་ན་ཉེས་པ་ཆེ་ཆུང་ལ་དཔག་ནས་ཕ་ཚབ་མ་ཚབ་ཕྱིར་ཕུད་བཏང་སྟེ། སློབ་ཕྲུག་ཚོར་ཉེས་ཆད་དེ་ལས་ཆུང་ཞིག་གཅོད་རྒྱུ་ལས་སློབ་ཕྲུག་ཚོར་ལྟ་རྟོག་གིས་མ་འདང་བས་ཡིན་པ་ཤེས་བཞིན་ཏུ་ཕྲུ་གུ་འདི་དག་སློབ་གྲྭ་ནས་ཕྱིར་ཕུད་གཏང་རྒྱུ་འདི་གནས་ཡུལ་རྒྱ་གར་གཞུང་གི་ཁྲིམས་དང་ཡང་མཐུན་གྱི་མེད། དེའི་ཕྱིར་གནས་སྟངས་འདི་དྲང་པོ་རྩ་བ་ནས་བྱུང་མི་འདུག ང་ཚོས་རྒྱ་དམར་དྲང་པོ་མི་འདུག ཅེས་སྐྱོན་བརྗོད་བྱེད་ཞོར་ཚུར་ཕྱོགས་དེར་ང་ཚོས་དྲང་པོ་མ་བྱས་ན་མ་འོངས་པར་བདེན་དོན་རྩོད་མཁན་ང་ཚོ་ལ་རྒྱབ་སྐྱོར་བྱེད་མཁན་ཞིག་གང་ནས་ཡོང་རྒྱུ་རེད་དམ།
དེའི་ཕྱིར་ཐེངས་འདིར་བོད་མི་མང་སྤྱི་འཐུས་རྒྱུན་ལས་ཀྱིས་བཀའ་ཤག་ལ་ཡིག་ཆུང་ཕུལ་ཙམ་དང། བཀའ་ཤག་གིས་ཀྱང་དེ་དག་སློབ་གྲྭའི་ནང་ཁུལ་གྱི་གནས་ཚུལ་ཡིན་སྐོར་དང། ད་ལྟ་ཐག་བཅད་ཚར་རབས་སོགས་འཁོད་པའི་བཀའ་ལན་འབྱོར་ཙམ་མིན་པར། དཔལ་ལྡན་བོད་མི་མང་སྤྱི་འཐུས་རྒྱུན་ལས་ཀྱིས་འགན་ཁུར་རྐང་བཞེས་ཀྱིས་སློབ་ཕྲུག་དེ་དག་གི་མི་ཚེ་འཕྲོ་བརླག་ཏུ་འགྲོ་མི་དགོས་པ་ཞིག་དང། གནས་ཡུལ་རྒྱ་གར་གཞུང་གི་ཁྲིམས་དང་མཐུན་པ་ཞིག་དང། གཞིས་ལུས་རྒྱ་ཆེའི་མང་ཚོགས་བློ་ཕམ་གནང་མི་དགོས་སོགས་ཀྱི་ཆེད། འོས་འཚམས་ཀྱི་ལམ་སྟོན་ནུས་ལྡན་ཞིག་དཔལ་ལྡན་བཀའ་ཤག་དང། གོང་གསལ་སློབ་གྲྭའི་ཡིག་ཚང་བཅས་ལ་མ་གནང་ཐབས་མེད་བྱུང་འདུག་ན་དུས་ཚོད་ནར་འགྱངས་སུ་མ་སོང་བར་དེ་ལྟར་གནང་སྐྱོང་ཡོང་བར་ཞུ་ཞུ་ཞུ། །
ཞེས་ཕྲན་སྤྱི་འཐུས་གསེར་རྟ་ཚུལ་ཁྲིམས་འོད་ཟེར་གྱིས་ཕྱི་ལོ་༢༠༡༠ཟླ་༦ཚེས་༡༩ཉིན་གུས་ཕུལ།། །།

སློབ་མ་དེ་དག་གི་གནས་སྟངས་ལ་བལྟས་ན་དེང་སང་སློབ་གྲྭ་དང་དགོན་པ་གཉིས་ཀྱི་ནང་ནས་ཀྱང་སློབ་གྲྭ་བ་དག་གིས་སྡོམ་པ་བསྲུང་དགོས་པའི་ཁྲིམས་ལུགས་དེ་ཧ་ཅང་འཛའ་དྲག་ཤིག་ཡིན་ས་རེད།་དངོས་ནས་ཞེད་སྣང་སྐྱེད་ནི་ཞིག་རེད།

སློབ་ཕྲུག་དེ་ཚོ་སློབ་གྲྭ་ནས་ཕྱིར་ཕུད་པ་མ་ཟད་ད་དུང་བཙན་བྱོལ་ནས་ཀྱང་ཕྱིར་ཕུལ་སོང་བ་རེད་ཟེར་གྱི་འདུག ངོ་མ་ཡིད་ཕམ་པ་ཞིག་རེད་མོད། འོན་ཀྱང་དགེ་སྡུག་དེ་ཚོ་རྒྱ་དམར་ལས་ཀྱང་ངན་པ་འདུག་ཟེར་བ་ལས་གཞན་ཐབས་ཤེས་ཅི་ཡང་རྙེད་མ་སོང་། ཨ་ཤུ་རེ་གོ མ་འོངས་པ་ང་ཚོ་ཇི་ལྟར་འཚོལ།

ད་རེས་རང་མི་རིགས་ཀྱི་སློབ་ཕྲུག་འགའ་ཕྱིར་དགྲ་ལག་བཞག་པ་ལ་ངོ་རྒོལ་མཐའ་གཅིག་ཏུ་ཡོད། གལ་སྲིད་སློབ་ཕྲུག་འདི་དག་རྒྱ་མིའི་བཙོན་འོག་དུ་ཚུད་པ་སོགས་གོ་རྒྱུ་བྱུང་ན། ངོ་རྒོལ་གྱི་ལས་འགུལ་ཞིག་སྤེལ་ངེས་ཡིན།
ང་ཚོས་བསམ་བློ་ལེགས་པོ་ཞིག་ཐོངས་དང་། ད་ལྟ་བལ་ཡུལ་དུ་ཕྱིར་བོད་ཡུལ་ལ་ལོག་འདོད་ཡོད་པའི་བོད་མི་ག་ཚད་ཡོད་རེད། ངའི་ངོ་ཤེས་པ་གསུམ་ཕྱིར་ཕ་ཡུལ་ལ་ལོག་འདོད་ནས་ལོ་འཁོར་གསུམ་ལྷག་འགྲོ་གི་ཡོད། འོན་ཀྱང་ད་རུང་འགྲོ་ཐུབ་མེད།
ཨ་ཁ་ཁ། ད་རེས་སློབ་གྲྭའི་འགན་འཛིན་པས་སེམས་ཁང་ནས་མིག་ཆུ་བཏང་དགོས་པའི་ཐག་གཅོད་གཅིག་བྱས་འདུག འགན་འཛིན་པ་ཁོ་ཚོ་གཏན་གཏན་དཀའ་སྡུག་མྱོང་ནས་ཡོང་བའི་བོད་མི་ཞིག་མིན་ཐག་ཆོད། ཨ་ཁ་ཁ། ཨ་ཁ་ཁ

ད་ལན་མ་སུ་རི་སློབ་གྲའི་དགེ་ལས་རྣམས་ལ་ངོ་རྒོལ་མཐའ་ཅིག་དུ་ཡོད།
འདི་རིག་ལ་ང་ཚོས་ངོ་རྒོལ་གྱི་ལས་འགུལ་སྤེལ་དགོས། སློབ་གྲ་ནས་ཕུད་རུང་
རྒྱ་མི་ལ་རྩིས་སྤྲོད་དགོས་དོན་གང་རེད།

སློབ་ཕྲུག་ཚོས་འཁྲིག་སྤྱོད་བྱས་པ་དེ་སློབ་གྲྭའི་སྒྲིག་གཞི་དང་འགལ་བ་བདེན་ནའང་། ཕྲུ་གུ་དེ་རང་དབང་གི་ལུང་བར་སྲོག་བཏང་ནས་ཐར་ཟིན་པའི་རྗེས་ལ་སླར་རྒྱ་ནག་ལ་རྩིས་སྤྲོད་བྱེད་པ་རྒྱལ་སྤྱིའི་སྐྱབས་བཅོལ་བའི་ཁྲིགས་ལུགས་དང་འགལ་ཡོད་པ་རེད། ད་བར་ཨ་རི་དང་ཡོ་རབ་རྒྱ་གར་སོགས་ནས་བོད་པ་སྐྱབས་བཅོལ་བ་ཕྱིར་རྒྱ་ནག་ལ་རྩིས་སྤྲད་པ་གཅིག་ཀྱང་བྱུང་ཡོད་པ་མ་རེད། དེ་འདྲ་བྱེད་ཀྱང་ཆོག་གི་ཡོད་པ་མ་རེད། འོན་ཀྱང་བོད་གཞུང་དང་ནེ་པ་ལེ་གཉིས་ནས་བོད་ཕྲུག་ཚོར་ནག་ཉེས་བཙུགས་ནས་ཕྱིར་རྒྱ་ནག་ལ་རྩིས་སྤྲོད་བཞིན་པ་མཐའ་གཅིག་ཏུ་ངོ་རྒོལ་དང་འགོག་དགོས་པའི་གནས་ཚུལ་ཚབ་ཆེན་ཞིག་རེད། བོད་ཕྲུག་སྐྱབས་བཅོལ་བ་ཕྱིར་རྒྱ་ནག་ལ་རྩིས་སྤྲོད་མཁན་བཙལ་བྱོལ་བོད་གཞུང་དང་ནེ་པ་ལེ་གཞུང་གཉིས་དང་ད་བར་བྱུང་མི་འདུག

བྱམས་དང་སྙིང་རྗེ་བདག་པོ་ཡིན་ཟེར་མཁན་ཞིག་གིས་མ་གཏོགས་སྐྱབས་ཐུབ་ཀྱི་མ་རེད་ལ། དེ་ལྟར་སྐྱབས་མ་ཐུབ་པ་ཡིན་འཆི་ལྟོས་རང་རེད། སྐྱེ་བ་རྗེས་མར་རྒྱ་ནག་ནས་ཐུག་ཅེས་པའི་ཁ་ཆེམས་འཇོག་ཀྱང་སྲིད།

༄༅།། སྤྱིར་སློབ་མ་དེ་དག་གི་ཚུལ་མིན་གྱི་བྱ་སྤྱོད་བྱས་པ་དང་ལྷག་དོན་བུ་མོ་དེ་ཅུང་ཚད་ལས་བརྒལ་འདུག་སེམས། དེའི་ཕྱིར་སློབ་གྲྭ་དེ་ནས་ཕྱིར་ཕུད་བཏང་བ་དེ་སློབ་གྲྭ་དེའི་འབྱུང་འགྱུར་སོགས་གང་ཐད་ནས་མ་འགྲིག་པ་མི་འདུག་བསམ།
འོན་ཀྱང་སློབ་མ་དེ་དག་སྦད་དེ་སྐྱབས་བཅོལ་ནས་ཕྱིར་ཕུད་བཏང་འདུག་པར་རྒོལ་རྒྱུ་ཡིན
གོ་སྐབས་གཞན་ཞིག་གི་ཐོག་ལག་པ་འཆང་མི་བདེ་བ་མེད་ན་ངེས་པར་དུa་གོ་སྐབས་ཞིག་སྤྲོད་དགོས་ངེས་རེད
གཞན་ཁོ་བ་ཚོ་རྒྱ་མིའི་ལག་གཡོག་དུ་འགྱུར་མིན་མི་བུ་རང་གི་སྒེར་ཚུགས་ལ་རག་ལས་ཡོད་

ད་ལྟའི་ང་ཚོའི་གནས་བབ་ལ་གཞིགས་ན།སློབ་གྲྭའི་སྒྲིག་ལམ་ལས་ཀྱང་གཞིས་བྱིས་གཉིས་ཀྱི་མཛའ་བརྩེ་དམ་སྦྲེལ་གི་སྒྲིག་ལམ་གལ་ཆེ་བར་མཐོང་བས།གནས་ཚུལ་གང་ཡིན་ཡང་ཡིད་གཟབ་བྱེད་དགོས་པའི་དུས་སུ་སླེབས་ཡོད།

ཕོ་མོ་སོ་སོས་རང་དབང་གི་ཐོག་ནས་འཁྲིག་སྤྱོད་བྱས་པར་ཁྲིམས་འགལ་གྱི་ཉེས་མིང་བཀལ་ཏེ་སློབ་ཕྲུག་དགུ་ཙམ་ཕྱིར་ཕུད་བྱས་པ་མ་ཟད། ཡ་ང་སྙིང་རྗེ་མེད་པར་རྒྱ་གཞུང་ལ་རྩིས་སྤྲོད་བྱས་པ་འདི་ནི་ངོ་ཚ་དགོས་པ་དང་ཡིད་སྐྱོ་དགོས་པའི་གནས་ཤིག་རེད། འདི་ནི་བལ་གཞུང་གིས་བོད་མི་སྐྱབས་བཅོལ་བ་རྒྱ་གཞུང་ལ་རྩིས་སྤྲོད་བྱས་པ་ལས་ཀྱང་ནག་ཉེས་ཆེ་བ་བསགས་འདུག་སྙམ།

མ་སུ་རི་སློབ་གྲྭས་སློབ་ཕྲུག་དགུ་ཕྱིར་ཕུད་བྱས་པ་འདི་ཁྱིམ་ཚང་ཞིག་གིས་སོ་སོའི་ནང་མི་ཁག་ཅིག་ཁྱིམ་ཚང་ནས་ཕྱིར་ཕུད་ཀྱིས་རྒྱང་འབུད་བྱས་པ་དང་ཅི་མི་མཚུངས། ད་དུང་སློབ་ཕྲུག་དེ་དག་རྒྱ་གཞུང་ལ་རྩིས་སྤྲོད་བྱས་ལུགས་འདི་ཕ་མས་རང་གི་བུ་ཕྲུག་ཁག་ཅིག་བསམ་བཞིན་དགྲ་བོར་རྩིས་སྤྲོད་བྱས་པ་དང་མཚུངས་པ་རེད་འདུག་ཅེས་བཤད་འདོད་བྱུང༌།

ངས་ད་དུང་ཡང་ཡང་མནོ་བསམ་བྱས་སྐབས་ཁྱིམ་ཚང་གི་ཕ་ཚབ་མ་ཚབ་ཕྱིར་ཕུད་བྱེད་དགོས་པ་མ་མཐོང་ཞིང༌། ཁྱིམ་ཚང་གི་ཕ་ཚབ་མ་ཚབ་དག་གིས་ལྟ་རྟོག་ཡག་པོ་བྱས་རྐྱེན་བུ་མོ་དེས་རང་དགར་འཁྲིད་སྤྱོད་བྱེད་མ་ཕོད་པར་འཛིན་གྲྭ་གྲོལ་རྗེས་འཛིན་ཁང་ཞིག་ནང་འདོད་པ་སྤྱོད་ཡོད་སྟབས་སྒྲིག་འཛུགས་དགེ་རྒན་ལ་ཉེས་པ་ཡོད་པ་ལས་ཕ་ཚབ་མ་ཚབ་ལ་ཉེས་པ་མེད་པ་གསལ་པོ་རེད་འདུག

ངས་ཚོར་ཤུགས་ཆེན་པོའི་ཐོག་ནས་ཞུ་རྒྱུར། སློབ་གྲྭ་དེའི་སློབ་སྤྱི་དང༌། སྒྲིག་འཛུགས་དགེ་རྒན། ཁྱིམ་ཚང་གི་ཕ་ཚབ་མ་ཚབ་བཅས་འབྲེལ་ཡོད་ཡིན་ནོ་ཅོག་ལ་ནག་ཉེས་ཡོད་ན་ཡོད་མཉམ་དང་མེད་ན་མེད་སྙམ་ཡིན་པ་གསལ་རེད་འདུག་སྟབས་ཡང་བསྐྱར་ཞིབ་འཇུག་མཐིལ་ཕྱིན་གནང་སྟེ་ཁྲིམས་གཅོད་འདྲ་མཉམ་གཅོད་རྒྱུའི་རེ་བསྐུལ་ཨུ་ནན་ཞུ་རྒྱུ་ཡིན།

འབྱུང་འགྱུར་བཀའ་བློན་ཁྲི་པའི་འོས་མི་ནི། བོད་ནས་གཞོན་སྐྱེས་རྒྱ་གར་སོགས་སློབ་སྦྱོང་ཆེད་དུ་ཡོང་མི་དགོས་པར་བོད་རང་ལ་མཐུན་རྐྱེན་ཆ་ཚང་སྒྲུབ་ཐུབ་མཁན་ཅིགདང་། གལ་སྲིད་སློབ་སྦྱོང་བྱེད་ས་རྡ་ས་སོགས་འདེམས་ན་རྒྱ་གཞུང་དང་བཙན་བྱོལ་སྲིད་བྱུས་ཀྱིས་བར་ཆད་མེད་པ་བྱེད་ཐུབ་པ་མི་དགོས་སམ།

འཁྲུག་སྤྱོད་བྱས་པ་དེ་དེ་འདྲའི་ཚབས་ཆེན་ཞིག་ཨེ་ཡིན་ན།
སྤྱིར་བཏང་སློབ་མའི་ནང་ཁུལ་ནས་ལས་དོན་དེ་འདྲ་བྱུང་གི་ཡོད་པ་སྤྱིར་བཏང་ཞིག་མ་ཡིན་ནམ།
གང་ལྟར་ཁོང་ཚོ་བལ་ཡུལ་སྣེ་ལེན་ཁང་དུ་བསྐྱལ་བ་དེས་རྒྱབ་ལྗོངས་མང་བོ་ཞིག་བསྟན་འདུག སྤྱི་ཚོགས་འདིས་ལས་ཀ་བྱེད་སྟངས་རེ་འགའ་དངོས་གནས་ཁེན་ཚ་རེད་འདུག གཅིག་བྱས་ན་ངས་ནོར་ཡོད་ཀྱི་རེད།

ཐེངས་འདིར་མ་སུ་རི་ནས་འཁྲིག་སྤྱོད་ཀྱི་དོན་རྐྱེན་ལས་སློབ་ཕྲུག་འགའ་བལ་ཡུལ་ཏུ་གནས་དབྱུང་བཏང་བ་གོ་ཐོས་བྱུང༌། དེ་ནི་ཧ་ཅང་ཐལ་ཆེ་བ་ཞིག་མ་ཡིན་ནམ།

གོང་གསལ་གྱི་པར་དེ་དག་ལ་གཟིགས་ནས་སློབ་ཕྲུག་རྣམས་ཕྱིར་ལོག་མ་གཏང་རོགས་ཐུགས་རྗེ་གཟིགས།