རྒྱ་ནག་ལྷོ་ཕྱོགས་ཀྱི་ཞིང་ཆེན་ཁག་ཅིག་ལ་ཆུ་ལོག་གི་གནོད་སྐྱོན་བྱུང་སྟེ་ཡུལ་དེའི་མི་སེར་ཚོར་མི་རྒྱུ་གཉིས་ལ་གྱོང་གུད་ཚབས་ཆེན་བྱུང་ཡོད་འདུག
ཕྱི་ཚེས་ ༢༠ ཉིན་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཚེས་ ༡༣ ཉིན་ནས་བཟུང་རྒྱ་ནག་ལྷོ་ཕྱོགས་ཀྱི་ཞིང་ཆེན་ཁག་ཅིག་ལ་བསྟུད་མར་བདུན་ཕྲག་ཅིག་རིང་དྲག་ཆར་བབས་པའི་རྐྱེན་གྱིས་ཉུང་མཐར་མི་ ༡༧༥ ལ་སྲོག་སྐྱོན་དང་མི་ ༩༣ བོར་བརླག་ཏུ་སོང་ཡོད་ལ། ཐེངས་འདིར་ཆུ་ལོག་གི་གནོད་སྐྱོན་ཐེབས་ཡུལ་གཙོ་བོ་ཀོས་ཀྲོའུ་དང་ཧུའུ་ནན། ཅང་ཞི། ཨན་ཝེ། ཀྲུའུ་ཅང་། ཧྲང་ཧེ། ཀོང་ཏུང་དང་ཀོང་ཞི། ཡུན་ནན་བཅས་རེད། དྲག་ཆར་གྱི་རྐྱེན་པས་འདམ་བག་བཞུར་བ་དང་ས་རྡོ་ཉིལ་བ་སོགས་བྱས་ཏེ་ཁང་པ་གང་མང་ཞིག་ལ་གཏོར་བཤིག་ཐེབས་ཡོད་པར་མ་ཟད། ལྷག་པར་དུ་མི་སེར་ཁྲི་ ༨༠ ལྷག་ས་གནས་གཞན་དུ་གནས་སྤོ་བྱ་དགོས་བྱུང་ཡོད། ཁ་སྔོན་གྱི་གནས་ཚུལ་ནང་བཀོད་དོན། མཚོ་འགྲམ་དང་ས་བབ་དམའ་སར་སྡོད་མཁན་མི་ཁྲི་ ༡༤༠ ཙམ་ཞེད་སྣང་གིས་རང་ཁྱིམ་ནས་སྡོད་མ་ཐུབ་པར་ཉེན་གཡོལ་དུ་སོང་ཡོད་ཚུལ་བརྗོད་ཡོད། ཤེས་རྟོགས་བྱུང་བ་ལྟར་ན། ད་ལྟའི་ཆར་སྡོད་ཁང་ཁྲི་ ༦༌༨ ཙམ་ལ་གཏོར་བཤིག་དང་མི་སེར་གྱི་ཞིང་ཁར་ཡང་བསྣུབས་སྐྱོན་ཚབས་ཆེན་བྱུང་འདུག་ལ། རོབ་རྩིས་བརྒྱབ་ན་ཐེངས་འདིར་རྒྱ་སྒོར་དུང་ཕྱུར་ ༡༤༥ ལྷག་གི་གྱོང་གུད་བྱུང་ཡོད་འདུག གནམ་གཤིས་སྔོན་བརྡའི་ལེ་ཚན་གྱིས་བརྗོད་ན། ད་དུང་ཡང་ཉིན་ཤས་སུ་ཆར་བ་འབབ་མཚམས་འཇོག་རྒྱུ་མིན་པའི་གནས་ཚུལ་ཐོན་ཡོད་པ་རེད།
གསར་འགོད་པ། དཔལ་ལྡན་རྒྱ་མཚོ།
ད་ཡིན་ན་རྒྱ་དང་བོད་གཉིས་ལ་ཡོངས་ཀྱིན་འདུག་ག
ཨོ་ཧ་བོ་སྙིང་མ་རྗེ་རྒྱ་ནག་གིས་ཡང་ཅི་བྱས་ཡོད་སུས་ཤེས།
ཨ་ཁ་ཁ་་་་སྙིང་རྗེ། ཁུལ་དེ་ཚོའི་གནས་སྟངས་བཤད་པ་ཙམ་ལས་བརྒལ་སྲིད་ཀྱི་རེད་ལ། བཤད་པ་ལྟར་མི་བདེན་པའང་སྲིད་ཀྱི་རེད། དངོས་སུ་གྱོང་གུད་ཕོགས་མཁན་ཚོར་སྨོན་ལམ་རེ་རྒྱག་རྒྱུ་མ་གཏོགས་གཞན་ཅང་བྱེད་རྒྱུ་མེད། གནས་ཚུལ་འདིའི་རིགས་ཀྱིས་ཉིས་སྟོང་བཅུ་གཉིས་བསམ་པའི་ནང་བཙུད་ཡོང་གི་འདུག ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཧཱ། ཨོཾ་མུ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
སྙིང་རྗེ། འབྱུང་བའི་གོད་ཆག་ལ་སུ་ཡང་གཡོལ་ཐབས་མི་འདུག གཞུང་གིས་རོགས་སྐྱོར་ཡག་པོ་ཞིག་དང་ཁྱབ་མཉམ་ཞིག་བྱེད་པར་སྨོན། འདི་འདྲའི་སྐབས་སུ་རྒྱ་གཞུང་གི་རང་མདོག་སྟོན་བཞིན་ཡོད་ལ་ཉམས་ཆུང་ཚོར་རྡོག་བརྗི་ཡང་འཐེབ་བཞིན་ཡོད།