བོད་གནའ་མིའི་གཏམ་དཔེར། མིའུ་རྟེའུ་ཁྱིའུ་གསུམ༎ ལས་བྱས་པ་མེད་ཀྱང་ཀུན་གྱིས་གཅེས༎ ཟེར་བ་ལོས་བདེན། ད་ཐེངས་མ་སུའུ་རིའི་སྒྲིག་འགལ་སློབ་ཕྲུག་ཕྱིར་འབུད་བཏང་བ་དེར་རྒྱབ་རྩ་བྱེད་མཁན་འདི་འདྲ་མང་པོ་ཞིག་ཡིད་པ་དེ་ཡ་མཚན་དགོས་པ་ཞིག་རེད། ཚོགས་པ་སྒྲིག་འཛུགས་གང་ཡིན་ན་ཡང་ཕྱིར་འབུད་བྱེད་འོས་པའི་སྒྲིགས་གཞི་ཞིག་དང་འགལ་ན་ཕྱིར་འབུད་བྱེད་པ་དེ་རྒྱུན་ལྡན་རེད། དེ་ཧ་ལས་དགོས་པ་ཞིག་མ་རེད། བཙན་བྱོལ་ནང་ནས་ཚོགས་པ་སྒྲིག་འཛུགས་གང་རུང་ནས་ཕྱིར་ཐོན་ཚེ་བོད་དུ་འགྲོ་མཁན་ཚོར་ལམ་གྲོན་ཁ་གསབ་ཞིག་ཀྱང་སྣེ་ལེན་ཁང་བརྒྱུད་ནས་ཐོབ་ཀྱིན་ཡོད་པ་རེད། དེ་ཡང་ང་ཚོའི་ཚོགས་པ་སྒྲིག་འཛུགས་ཚོའི་བཀའ་དྲིན་ཡིན་པ་ལས་སློབ་གྲྭ་གཞན་ནས་སྒྲིག་འགལ་མཁན་ཕྱིར་ཕུད་སྐབས་ལམ་གྲོན་སྟེར་མཁན་ཞིག་དཀོན་པོ་རེད། བོད་དུ་འགྲོ་མཁན་ཡིན་རུང་མིན་རུང་ཁེ་བཟང་ལ་བསམ་ནས་ལམ་གྲོན་དེ་ལེན་མཁན་མང་པོ་རེད། འདི་ནས་མི་ཁ་ཤས་ཤིག་གིས་ཐོག་མར་སློབ་ཕྲུག་རྒྱ་ལག་ལ་རྩིས་སྤྲད་སོང་ཟེར་བའི་འུར་སློང་བ་དེ་ཚོད་མེད་ཀྱི་ཉེས་འགེལ་ཧམ་བཤད་རི་འདྲ་བ་ཞིག་རེད། ཁྱོད་ཚོས་ལན་གསལ་བོ་ཞིག་ཐོབ་དང་། རྒྱ་ལག་ལ་ག་འདྲ་བྱས་ནས་རྩིས་སྤྲད་པ་རེད། རྒྱ་གར་པུ་ལི་སི་བརྒྱུད་ནས་རྩིས་སྤྲད་པ་རེད་དམ་བལ་བོའི་པུ་ལི་སི་བརྒྱུད་ནས་རྩིས་སྤྲོད་བྱས་འདུག ཡང་ན་མ་སུའུ་རི་བོད་ཁྱིམ་ལས་བྱེད་རང་གིས་རྒྱ་ལག་ལ་བཞག་འདུག འདི་ལྟར་འུར་སློང་མཁན་དང་། འདི་ལྟར་འུར་བསླངས་བའི་རྗེས་སུ་འབྲངས་མཁན་ཚོས་གནད་དོན་འདི་ཚོ་གླེང་རྒྱུ་མེད་བཞིན་དུ་འུར་དེ་ལྟར་རྒྱག་ཕོད་པ་ཡ་མཚན། ཕལ་ཆེར་ཐོག་མར་རྒྱ་མིའི་ལག་ལ་རྩིས་སྤྲོད་བྱས་སོང་ཟེར་མཁན་དེས་ཧ་མ་གོ་བར་དེ་ལྟར་ལབ་པ་ཞིག་མ་རེད། མི་དེ་ལ་དམིགས་ཡུལ་གཞན་ཞིག་འདུག དམིགས་ཡུལ་དེ་ཡག་པོ་ཞིག་མ་རེད། མི་དེས་མ་སུའུ་རི་སློབ་གྲྭའམ་ཡང་ན་བཙན་བྱོལ་བོད་གཞུང་ལ་ནག་ཐིག་ཅིག་བགོ་བསམ་ནས་དེ་ལྟར་ལབ་པ་རེད། དེའི་རྗེས་སུ་རི་བོང་ཅལ་འགྲོགས་ལྟ་བུའི་མི་མང་པོ་ཞིག་ཧ་ལས་མདོག་གིས་གཏམ་དེ་གཅིག་རྗེས་གཉིས་ཟློས་བྱས་སོང་། ངས་བསམ་ན་གླེང་གཞི་འདི་རྒྱ་ཆེན་པོ་བཟོ་མཁན་དེ་སློབ་ཕྲུག་དེ་ཚོའི་སྤུན་ཉེ་གྲོགས་པོ་ལྟ་བུའམ་ས་ཕྱོགས་གཅིག་པ་སོགས་གང་ལྟར་འབྲེལ་ཡོད་ཅིག་གིས་མ་སུའུ་རི་བོད་ཁྱིམ་ལ་འཁོན་ལན་སློག་གིན་མེད་དམ་སྙམ་པ་ཞིག་འདུག དུས་བབ་དྲ་རྒྱའི་བསམ་ཚུལ་འདེམས་ས་དེར་གཅིག་ལྟོས་དང་། ཐལ་དྲགས་འདུག་ཟེར་ས་དེ་འདེམས་མཁན་སྟོང་ཕྲག་ལས་བརྒལ་བ་རེད། ནམ་རྒྱུན་བོད་རྒྱལ་ཁབ་ཀྱི་གནད་དོན་ཞིག་ཡིན་ན་ཡང་བསམ་ཚུལ་འདེམས་མཁན་དེ་འདྲ་མང་པོ་མི་འདུག ད་ཐེངས་མི་ཁ་ཤས་ཤིག་གིས་ཅིག་འཁྲབས་བཞིན་ཡོད་པ་སེམས་ཐག་ཆོད་བྱུང་། སྔོན་མ་གྲག་འགུལ་མེད་པའི་མི་ཚོ་གཅིག་ཐེངས་འདིར་གསར་དུ་འབྱོར་སོང་། དེ་ཚོས་ང་ཚོའི་དྲ་རྒྱ་ཁག་ཚང་མར་སོ་ལྟ་བྱས་ནས་བསྡད་འདུག བསམ་ཚུལ་མི་མཐུན་པ་འདོན་མཁན་རེ་བྱུང་མ་ཐག་ཏུ་འབུར་འཇོམས་བྱེད་ཀྱིན་འདུག ནམ་རྒྱུན་བོད་མི་རིགས་སྤྱིའི་དོན་གླེང་དུས་གྲག་འགུལ་མེད་ལ་ད་ཐེངས་སྒྲིག་འགལ་སློབ་མ་ཁ་ཤས་གནས་དབྱུངས་བཏང་བ་དེར་དེ་ཙམ་སེམས་འགུལ་ཞིག་སླེབས་ཟེར་ན་ཡིད་ཆེས་ཐུབ་པ་ཞིག་མ་རེད། ངས་བསམ་ན་ད་ཐེངས་སྐད་ཆེན་པོ་རྒྱག་མཁན་དེའི་གྲས་ཁག་གཅིག་སློབ་ཕྲུག་དེ་ཚོའི་འབྲེལ་ཡོད་རེ་རེད་སྙམ །ཕོ་གཡོ་ཅན་ཉི་མ་ནུབ་ནས་ཤར༎དེ་སྨིན་དྲུག་མེད་ན་ཤར་ནུབ་ནོར༎ ཟེར་བ་བཞིན་མང་པོ་ཞིག་ལ་རང་སྟོབས་ཀྱིས་བསམ་བློ་གཏོང་བའི་ནུས་པ་མེད་སྟབས་མི་གཞན་གྱིས་གང་བཤད་ལ་རྗེས་ཟློས་བྱས་ནས་འུར་ཆེན་པོ་རྒྱག་ཁུལ་བྱེད་པ་མཐོང་དུས་སེམས་སྐྱོ་དུང་ངེ་བ་ཞིག་ཀྱང་བྱུང་་། ངས་འདི་ནས་རེ་སྐུལ་ཞུ་བཞིན་པ་ནི་རང་རང་གིས་བསམ་གཞིག་བྱེད་རོགས། མི་གཡོ་སྒྱུ་ཅན་གྱིས་གང་བཤད་ལ་རྗེས་ཟློས་ཀྱིས་གང་བྱུང་འུར་སྒྲོགས་མ་བྱེད་རོགས་ཞུ།
སྤྱིའི་གནད་དོན་དང་འབྲེལ་བའི་ལས་དོན་ཞིག་གི་ཐོག་ལ་སྐད་ཆ་བཤད་དུས། ལས་དོན་དེའི་ཕྱོགས་ཡོངས་ནས་བརྟ་ཞུབ་དང་ཉན་ཞུབ། བརྟག་ཞུབ་བྱ་རྒྱུ་གལ་ཆེ། ལྷག་པར་དུ། རང་སེམས་ལ་བརྟག་དཔྱོད་གཏོང་རྒྱུ་དེ་སྔོནའགྲོ་ཡིན་པ་ཤེས་དགོས།
ཉིད་ཀྱིས༿ད་ཐེངས་མ་སུའུ་རིའི་སྒྲིག་འགལ་སློབ་ཕྲུག་ཕྱིར་འབུད་བཏང་བ་དེར་རྒྱབ་རྩ་བྱེད་མཁན་འདི་འདྲ་མང་པོ་ཞིག་ཡིད་པ་དེ་ཡ་མཚན་དགོས་པ་ཞིག་རེད། ཚོགས་པ་སྒྲིག་འཛུགས་གང་ཡིན་ན་ཡང་ཕྱིར་འབུད་བྱེད་འོས་པའི་སྒྲིགས་གཞི་ཞིག་དང་འགལ་ན་ཕྱིར་འབུད་བྱེད་པ་དེ་རྒྱུན་ལྡན་རེད། ༾ མ་སུའུ་རིའི་སློབ་གྲྭ་ལ་སློབ་མའི་ཆགས་སྤྱོད་བྱས་ན། སློབ་གྲྭ་དང་གནས་ཡུལ་རྒྱལ་ཁབ་ནས་ཕྱིད་འབུད་གཏོང་ཀི་ཡིན་ཤེས། སྒྲིག་གཞི་དང་སྒྲིག་ཁྲིམས་ཀྱི་ཡིག་ཆ་ཞིག་མེད་པ་གསལ་བོ་རེད། གལ་དེ་ཡོད་པ་ཡིན་ན། ཁྲིམས་དེ་དོན་རྐྱེན་འདིའི་བསྔོན་ལ་ལག་ལྟར་བྱས་མྱོང་ཡོད་པ་རེད་དམ། དྲངས་བདེན་གྱི་སྐད་ཆ་བཤད་མཁན་མང་བ་དེ་ཡ་མཚན་དགོས་པ་ཞིག་མ་རེད་ལ་རྒྱབ་རྩ་བྱས་པའང་མ་རེད།
འདུལ་ཁྲིམས་་་་ཅིས་ནོར་བཅོས་དགོས།
༄༅། སློབ་གྲྭའི་ལས་བྱེད་དང་དྲྭ་གྲོགས་ཁ་ཤས་ལ་གདམས་པ་བཞུགས་སོ།
མཛེས་སྡུག་འབུམ་གྱི་ཕྱུག་པའི་སློབ་གླིང་ནས།
མི་རིགས་ལང་ཚོ་གསོ་བའི་སློབ་བུ་འགའ།
ཐ་ཤལ་ཁྱི་སྨྱོན་ཁ་རུ་ཤོར་བའི་ཚེ།
བདེ་དགའི་དབྱིངས་སུ་བཞུགས་མཁན་ཁྱེད་ལས་སུ།
ཡོད་ཚད་ཆ་མི་མཉམ་པའི་འཇིག་རྟེན་འདིར།
རྐང་གཉིས་མི་ཞིག་ཡིན་ཕྱིན་འཚོ་སྟང་དང།
བསམ་པའི་འཁྱེར་སོ་ཐ་དད་ཡོད་ན་ཡང་།
རང་བུ་སེམས་ཁོངས་མེད་པ་ཁྱེད་ལས་སུ།
དགེ་རྒན་དམ་པའི་བྱམས་བརྩེ་བདུད་རྩི་ལས།
ཞིམ་ཞིང་ཟེར་བའི་སྐད་ཆ་ཡོད་ན་ཡང།
ལོག་རྟོག་འཐོར་རླུང་བཙན་པོའི་ཐལ་དོང་དུ།
འཕང་ཀྱང་འགྱོད་པ་མེད་མཁན་ཁྱེད་ལས་སུ།
གངས་ཕྲུག་བློ་ཤེད་ཅན་ཚོའི་སེམས་ཁོངས་སུ།
ཧ་ལའི་དུག་གི་ཆབ་རྒྱུན་འདི་དྲངས་ན།
ནུབ་གླིང་རིག་སྨྲ་མང་པོའི་མདུན་ས་རུ།
མཐའ་མེད་ངོ་ཚ་ཉོས་མཁན་ཁྱེད་ལས་སུ།
མི་ཚེའི་ཕྱེད་ཀ་སློབ་སྦྱོང་ལ་གཟད་ཀྱང།
སེམས་པའི་མཐོང་སྣེ་མུན་པ་ཡིས་བསྒྲིབས་ཤིང།
ཀླད་ཆེན་ཚ་བའི་ནད་ཀྱི་ཟིན་པའི་ཁྱེད།
རིགས་རྒྱུད་ཚེ་སྲོག་དགུམ་པའི་འཕུང་འདྲི་ཡིན།
གནས་ལུགས་ངོ་མའི་རང་ཞལ་མ་མཐོང་ཀྱང།
ཨ་གསར་ཅལ་འགྲོག་ཞིག་གི་རི་རྩེ་ནས།
ཀུ་སྒྲ་རླུང་ལས་བསྐུར་བའི་ཤེས་མེད་ཁྱེད།
རང་ཁྱིམ་གྲུ་བཞི་བཀྲུག་པའི་དཔའ་རྒོད་ཞིག།
འདུལ་ཁྱིམས་བཟང་པོར་བཤད་པའི་གྲྭ་ལོག་འགས།
ཉོག་གཏམ་ལུང་བ་གང་གི་རྒྱང་འབོད་བྱེད།
བླང་དོར་གནས་ལ་སྤྱོད་པའི་བློ་མེད་པས།
གདོང་ཕྱེད་སྤུ་ཡིས་ཁེབས་པའི་རང་མདངས་ངོམ།
ཞེས་པ་འདི་མ་སུ་རིའི་སློབ་གྲྭ་ནས་ཕྱིར་འབུད་བྱེད་པའི་སློབ་ཕྲུག་དེ་དག་གི་དོན་རྐྱིན་གྱི་བསམ་ཚུལ་མང་པོ་ཞིག་གླེང་བཞིན་པ་ལས་ཁོ་བོས་ཀྱང་སློབ་གྲྭའི་དགེ་རྒན་དང་དྲྭ་གྲོགས་འགའ་ཞིག་འདི་གདམས་པའོ།
ད་འབའ་ཐང་གི་བུ་འདིས་ཅི་ཤོད་གྱིན་ཡོད་རེད། སྒྲིག་ཁྲིམས་ཟེར་དུས་མ་སུའུ་རིའི་སློབ་གྲྭའི་སྒྲིག་ཁྲིམས་ལོས་ཡིན། མ་སུའུ་རི་སློབ་གྲྭའི་སྒྲིག་ཁྲིམས་ཡིན་ན་བཙན་བྱོལ་བོད་མིའི་སྒྲིག་ཁྲིམས་མ་རེད་ཟེར་མི་རུང་དེ་མ་སུསུ་རི་སློབ་གྲྭ་ཡང་བཙན་བྱོལ་བོད་མིའི་སློབ་གྲྭ་ཡིན་པས་སོ༎ སྒྲིག་ཁྲིམས་དེའི་ལུང་ངས་འདྲེན་མི་ཤེས། ལུང་ཞུ་འདོད་ན་མ་སུསུ་རིའི་སློབ་གྲྭ་ལ་འབྲེལ་བ་བྱས་ན་ལུང་དེ་ཁྱོད་ལ་ཐོབ་ཐག་ཆོད་རེད། སློབ་ཕྲུག་གཉིས་ཀྱིས་འཛིན་ཁང་ནང་དུ་སྤྱོད་པ་ངན་པ་བྱས་ན་དགེ་རྒན་དང་སློབ་སྤྱི་ཚང་མ་ལ་ཆད་པ་གཅོད་དགོས་ཟེར་ན་ཁྱེད་རང་ཐལ་དྲགས་སོང་བ་རེད། སློབ་ཕྲུག་འཛིན་གྲྭ་འཚོགས་སར་ཡོང་དུས་དགེ་རྒན་གྱིས་འགན་འཁུར་དགོས་པ་རེད། དུས་རྒྱུན་དུ་ཕ་ཚབ་མ་ཚབ་ཀྱིས་འགན་འཁུར་དགོས་པ་རེད། རང་རང་གི་དུས་ཚོད་དེར་སུས་འཐུས་ཤོར་སོང་ཡོད་ན་དེ་ལ་ཉེས་ཆད་བབ་ལོས་ཡོད། ཁྱེད་ཀྱིས་འཛམ་གླིང་སློབ་གྲྭ་མང་པོའི་གནས་སྟངས་ཤེས་ཚོད་འདུག ཡིན་ན་ཡང་སྒྲིག་ཁྲིམས་འདི་འདྲ་ཡོད་པ་མ་ཤེས་པ་ཐབས་སྡུག་རེད། ནུབ་ཕྱོགས་རྒྱལ་ཁབ་ཚོའི་ནང་ན་ཡང་གཏན་འཇགས་སློབ་གྲྭ་ཚོ་སྒྲིག་ལམ་ཧ་ཅང་དམ་པོ་རེད། རྒྱལ་ཁབ་གཞན་ན་ཡང་བུ་རྐྱང་པའི་སློབ་གྲྭ་དང་བུ་མོ་རྐྱང་བའི་སློབ་གྲྭ་ལོགས་སུ་བྱས་ཡོད་པ་མང་པོ་རེད། དེ་ཡང་ཆགས་སྤྱོད་འགོག་ཆེད་ལོས་ཡིན། ལྷག་པར་ཡང་ཡེ་ཤུའི་གཏན་འཇགས་སློབ་གྲྭ་དེ་ཚོ་ཧ་ཅང་སྒྲིག་ཁྲིམས་དམ་པོ་རེད།
ཟིན་བྲིས་ནང་ལ་དེ་རིང་རྟ་ནག་སྐལ་བཟང་ལུང་རིག་གི་རྩོམ་ཡིག་སྤེལ་བ་དེ་གཅིག་ཀློག་དང་དེ་ནས་ཁྱོད་ཚོའི་བཤད་སྟངས་དེའི་རིན་ཐང་གསལ་པོར་མཐོང་ངེས་རེད།
གནས་ཚུལ་ཁ་གསལ་བྱུང་མི་འདུག གང་ཡིན་ཟེར་ན་སློབ་གྲྭའི་ནང་འཁྲིད་སྤྱོད་ཀྱི་གནས་ཚུལ་བྱུང་བ་སྒྲིག་གཞི་དང་འགལ་བ་རེད་ཅེས་དང༌། དེ་ལྟར་ཐག་གཅོད་བྱས་པ་ནོར་མེད་པ་འདྲ་པོ་གསལ་བཤད་བྱས་འདུག ད་དུང་ང་ལ་དོགས་པ་བསླེབས་འོང་བ་ནི། སྒྲིག་གཞི་དང་འགལ་བ་ཟེར་བ་དེ་མ་སུ་རི་སློབ་གྲྭའི་སྒྲིག་གཞི་ལ་གོ་དགོས་པ་ཡིན་ནམ། ཡང་མིན་ན་བཙན་བྱོལ་བོད་མིའི་སྒྲིག་གཞི་ལ་གོ་དགོས་པ་ཡིན། དེ་གསལ་པོ་ཞིག་བཟོ་རོགས་ཞུ་རྒྱུ་ཡིན།
གཉིས་ནི་སྒྲིག་གཞི་དང་འགལ་བ་ཡིན་ན་སྒྲིག་གཞི་གང་དང་གང་ལ་འགལ་བ་ཡིན་མིན་སྒྲིག་གཞི་ལུང་འདྲེན་བྱེད་དགོས་པ་གནད་འགག་ཐུག་འདུག ལར་ནི་སློབ་ཕྲུག་ཕན་ཚུན་འདོད་མོས་བྱས་ནས་འཁྲིད་སྤྱོད་བྱེད་པ་ཞིག་ཡིན་སྟབས་སློབ་གྲྭ་ནས་ཕྱིར་ཕུད་བཏང་བ་དང༌། སྐྱབས་བཅོལ་བོད་མིའི་ཐོབ་སྐལ་བཅད་པའི་ཉེས་ཆད་འདི་འདྲ་བཏང་བ་འཛམ་གླིང་རྒྱལ་ཁབ་ཁག་དང་ལྷག་པར་དགྲ་བོ་རྒྱ་དམར་ཚང་ལའང་ཡོད་རྒྱུ་མ་རེད་སྙམ། ད་དུང་ལུས་འབྲེལ་བྱེད་མཁན་ཁྲོད་ནས་སློབ་ཕྲུག་བུ་ལོ་བཅུ་གསུམ་ཅན་ཞིག་ཀྱང་ཡོད་སྐད་འདུག་པས་ཁོང་ལ་ཉེས་ཆད་དེ་འདྲ་བཅད་པ་འོས་འཚམ་ཡིན་མིན་ཁ་གསལ་ཆགས་མི་འདུག་ཞུ་རྒྱུ་ཡིན།
ངས་ད་བར་ཡངས་ཤིང་རྒྱ་ཆེ་བའི་འཛམ་གླིང་འདིའི་ནང་སློབ་གྲྭའི་གནས་སྟངས་ཁག་ལ་རྒྱུས་ལོན་མི་དམན་ཙམ་བྱས་ཡོད་ཀྱང་སློབ་ཕྲུག་རང་ངོས་ནས་འདོད་མོས་ཐོག་སློབ་གྲྭའི་ནང་འཁྲིད་སྤྱོད་ཀྱི་བྱ་བར་བསྟེན་པར་གོང་མིང་ནས་ཉེས་ཆད་བཅད་པ་ཞིག་གོ་མྱོང་དང་མཐོང་མྱོང་གཏན་ནས་མེད། བོད་པའི་སློབ་གྲྭ་ཞིག་ནང་གནས་ཚུལ་འདི་འདྲ་ཐོན་པ་ཧ་ཅང་མ་རུང་བ་ཞིག་ཡིན་པ་ངས་ཀྱང་འདོད་ཀྱི་ཡོད། དེ་མཚུངས་ཀྱི་ཉེས་ཆད་གཅོད་དགོས་པ་ཡང་འདོད་ཀྱི་ཡོད། འོན་ཀྱང་དགག་རྩ་ཐུག་ས་དེ་ཉེས་པ་དང་མཚུངས་པའི་ཐག་གཅོད་མ་བྱེད་སྟབས་སྤྱི་ཚོགས་ནང་ལབ་གླེང་སྣ་ཚོགས་བསླེབས་པ་རེད། ཕྱིན་ཆད་ཀྱང་མུ་མཐུད་རྙོག་གླེང་སྣ་ཚོགས་འོང་སྲིད། ད་དུང་སློབ་ཕྲུག་ཕོ་མོ་དེ་གཉིས་ཁྱིམ་ཚང་ནང་སྤྱོད་པ་གང་བྱུང་བྱེད་མ་ཕོད་པར་འཛིན་ཁང་ནང་བྱས་པ་ཞིག་ཡིན་སྟབས་སྒྲིག་འཛུགས་དགེ་རྒན་དང༌། དབུ་འཛིན། སློབ་སྤྱི་སོགས་འབྲེལ་ཡོད་རྣམས་ལ་ཆད་པ་གང་ཡང་མ་གཅོད་པར་ཁྱིམ་ཚང་གི་ཕ་ཚབ་མ་ཚབ་ལ་དེ་ཙམ་མནར་གཅོད་བཏང་དགོས་ཨེ་ཡོད་སྙམ་པའི་བསམ་ཚུལ་དང་དོགས་སློང་ཡོང་བཞིན་པ་རེད། དོན་གནད་འདིའི་ཐོག་ནས་ཀྱང་གསལ་པོ་བཟོ་དགོས་ཀྱི་འདུག
ངས་རེ་བ་ལ་གོང་དུ་གསལ་པོ་བཟོ་དགོས་པའི་དོན་གནད་ཁག་ལ་དྲ་གྲོགས་སྤོབས་མཐའ་ཡས་ལགས་ཀྱིས་ངེས་པར་ལན་འདེབས་ཤིག་གནོངས་རོགས་ཞུ་རྒྱུ་ཡིན།
ཤི་བའི་རོ་དང་ཕྲད་པ་ན། །ཁ་ཡང་མཁའ་ལྡིང་ལྟ་བུ་བསྐྱོད། བུ་ཕྲུག་ཉམས་ཆུང་དེ་ཚོ་རྒྱ་མིར་སྤྲོད་པའི་ནུས་པ་དེ་སྣེ་ལེན་ཁང་ལ་ཡོད་ཐག་ཆོད་རེད།
༡ སྤོབས་པ་མཐའ་ཡས་ནས་དྲི་བ་ཁག་རེ་རེ་བྱས་ལན་འདེབས་ཀྱི་ལམ་ནས་དོགས་གཞི་ཁག་སེལ་བར་སྒུག་ནས་ཡོད།
༢ ༼ཤུགས་ལྡན་ཚོགས་པ་ཡང་གྲ་བཞི་བཙོན་ཁང་ལ་བསྐྱལ་ཟིན་ཡོད་རྒྱུ་རེད༽ཅེས་པ་འདི་མ་ཤེས་པའི་གནད་དོན་ཞིག་སྟེ། རྒྱ་གར་གྱི་མི་སེར་རྒྱ་ནག་ལ་རྩིས་སྤྲོད་ཀྱི་ཇུས་འགོད་བྱས་པའི་ཕྱི་ཉིན། རང་ཉིད་རང་གིས་མེད་པར་གཏོང་འགོ་ཚུགས་པ་མ་ཡིན་ནམ།
དེ་རིང་གནས་ཚང་ཁྱོད་ཆང་གིས་བཟི་ཡོད་པ་མ་རེད་དམ། བཙན་བྱོལ་བོད་གཞུང་གིས་བོད་མི་རྣམས་ཡར་འགྲོ་ལ་མཐུན་འགྱུར་རོགས་རམ་རེ་བྱེད་པ་མ་གཏོགས་འདུག་ཆོག་དང་མི་ཆོག་ཟེར་བའི་དབང་ཆ་ཡོད་མཁན་ཞིག་མ་རེད། ས་ཆ་འདི་རྒྱ་གར་ཁ་སྤུ་ཅན་དང་བལ་བོ་སྒྱིད་པ་ཕྲ་བོ་དེ་ཚོའི་རེད། ས་ཆ་འདི་ན་ང་ཚོའི་བཅན་བྱོལ་བོད་གཞུང་ལ་དབང་ཤུགས་དེ་ཙམ་ཞིག་ཡོད་ན་དགའ་བ་སྒོམ་དགོས་པ་ཞིག་ཡིན་ཡང་དེ་འདྲ་ཡོད་པ་མ་རེད། བཙན་བྱོལ་བོད་གཞུང་གིས་མི་ཞིག་རྒྱ་ནགལ་རྩིས་སྤྲད་ཐུབ་ཀྱིན་ཡོད་ན་ད་ཙམ་ཤུགས་ལྡན་ཚོགས་པ་ཡང་གྲ་བཞི་བཙོན་ཁང་ལ་བསྐྱལ་ཟིན་ཡོད་རྒྱུ་རེད། སྣེ་ལེན་ཁང་ཁོ་རང་ཚོ་བལ་བོའི་པུ་ལི་སིས་འཛིན་གྲབས་བྱས་ནས་བསྡད་ཡོད་མཁན་ཞིག་གིས་མི་ཞིག་ས་མཚམས་བར་དུ་བསྐྱལ་ནས་རྒྱ་དམག་ལ་རྩིས་སྤྲད་ཐུབ་མདོག་མ་རེད། དེ་ལྟར་བྱས་ན་མི་རྩིས་མ་སྤྲད་གོང་ནས་ཁོ་རང་ཚོ་ཡང་བཟུང་འགྲོ་གི་རེད།
སེར་གཙང་འཇམ་དབྱངས་ལགས། ངས་ཀྱང་པུ་ལི་སི་ཞེས་པའི་ཚིག་འདི་འབྲི་དུས་བསམ་བློ་ཞིག་བཏང་བ་ཡིན། དེང་སྐབས་རང་རེ་ལ་མིང་ཚིག་འདི་ཙམ་ལ་ཡང་འབྲི་སྟངས་གཅིག་གྱུར་ཞིག་མི་འདུག བོད་ནང་ན་སྤྱི་བདེ་མི་སྣ་དང་ཉེན་རྟོག་པ་ལྟ་བུ་འབྲི་ཡིན་འདུག དེ་མིན་གྲོང་སྲུང་དམག་དང་། བདེ་འཇགས་མི་སྣ། སྐོར་བྱ་བ། སྐོར་སྲུང་བ་སོགས་མིང་འདོགས་སྟངས་ལ་གཅིག་གྱུར་ཞིག་མི་འདུག དེར་བརྟེན་གང་ཞིག་འབྲི་དགོས་པ་ཡང་མ་ཤེས་ནས་པུ་ལི་སི་ཞེས་བྲིས་པ་ཡིན། སྔོན་མ་ལྷ་སར་པུ་ལི་སི་འཛུགས་སྐབས་མིང་དེ་ག་རང་དུ་བཞག་ཡོད་པ་འདྲ། དེའི་སྐོར་གྱི་ཡིག་ཆ་འགར་ལྷ་ས་པུ་ལི་སི་ཟེར་ནས་བྲིས་འདུག སྤྱིར་ན་མིང་དེ་རྒི་རིག་གི་མིང་ཚིག་ཅིག་ཡིན་ཞིང་མིང་དེ་ལ་ཡང་གྲོང་སྲུང་བ་དང་། ཁྲིམས་སྲུང་བ། བརྟན་སྲུང་བ་སོགས་དོན་མང་པོ་ཞིག་ཡོད་ཚུལ་ཚིག་མཛོད་ན་བྲིས་འདུག
༠ གལ་སྲིད་སྤོབས་པ་མཐའ་ཡས་ཀྱི་དགོངས་ཚུལ་ལམ་སློབ་ཕྲུག་ཚོར་འདོད་པ་ཡོད་མེད་ལ་མ་ལྟོས་པར་ཕྱིར་གཏོང་རྐྱང་བྱེད་ཀྱིན་པའི་བྱེད་བབས་འདི་ཁྲིམས་མཐུན་ཆོས་མཐུན་ཚུལ་མཐུན་ཞིག་ཡིན་ན། སྤོབས་པ་མཐའ་ཡས་ཁོ་རང་ཡང་བཀའ་ཁྲིའམ་སློབ་སྤྱི་གང་རུང་ཞིག་གི་འབ་ཕྲུག་མ་ཡིན་པར་སུས་ངོས་ལེན་བྱེད་ཐུབ་བམ།
༡ བལ་བོད་ས་མཚམས་བརྒལ་རྗེས་རྒྱ་མིའི་དམག་མི་ཡོད་པ་རེད་ལ། དམག་མི་མ་བརྒྱུད་པར་འགྲོ་སའི་ལམ་ཁ་གཞན་མེད་ན། རྒྱ་དམག་ལ་རྩིས་སྤྲད་པ་མ་རེད་དམ།
༢ མང་གཙོའི་ཁྱད་ཆོས་གཙོ་བོ་ནི་ཚོགས་སྐྱིད་གང་རུང་གི་སྒྲིག་འགལ་ཐག་གཅོད་ཐེར་འདོན་དང་འགོག་སྡོམ་བྱེད་རྒྱུ་དེ་མ་ཡིན་ནམ།
༣ གལ་སྲིད་བཙན་བྱོལ་བོད་གཞུང་གིས་རྐྱེན་གང་རུང་ལ་གཞི་བྱས་ཁྱོད་རང་བལ་ཡུལ་སྣེ་ལེན་ཁང་བརྒྱུད་ནས་ཕྱིར་བོད་ལ་འགྲོ་དགོས་ཞེས་བཀའ་ཕབ་པ་ཡིན་ན། ཁྱོད་ཀྱིས་དེ་ལུགས་ཁྲིམས་མཐུན་ཚུལ་མཐུན་ཆོས་མཐུན་ཞིག་ལ་ངོས་ལེན་བྱེད་ཐུབ་བམ།
སྤོབས་པ་མཐའ་ཡས་ལགས་སྤྱིར་མ་སུ་རིའི་སློབ་ཕྲུག་དགུ་ཡི་ཚུན་མིན་གྱི་བྱ་སྤྱོད་འདི་དག་ལ་འུ་ཅག་
བཙན་བྱོལ་སྤྱི་ཚོགས་ནང་སྙོག་གླེང་ཆེ་བས་ཕྲན་གྱིས་འདི་འགྲིག་དང་འདི་ནོར་བ་རེད་ཞེས་བརྗོད་དཀའ་ཡང་གོང་དུ་སྐུ་ཉིད་ཀྱི་རྩོམ་ཡིག་ནང་
རྒྱ་གར་གྱི་པུ་ལི་སི་ཞེས་བྲིས་འདུག་པས་སྐུ་ཉིད་ནས་གོང་གི་ཐ་སྙད་འདི་བོད་སྐད་ནང་ལ་མེད་པའི་དབང་གིས་བྲིས་པ་ཡིན་ནམ་ཡང་ན་ཁྱེད་ཀྱིས་ཤེས་བཞིན་དུ་བྲིས་པ་ཡིན་ནམ་
གུས་པའི་བསམ་པར་པུ་ལི་སི་ཞེས་པའི་ཐ་སྙད་དེ་ལ་བོད་སྐད་ནང་ཉེན་རྟོག་པ་ཞེས་བྲིས་ན་ལེགས་བསམ།།
གང་ལྟར་བརྒྱ་བཤད་སྟོང་བབས་ཀྱང་། ཡོས་ལ་བབས་རྒྱུ་ཙམ་པ་ཟེར་བ་ལྟར་མ་སོ་རི་བོད་ཁྱིམ་ནས་སློབ་ཕྲུག་གིས་ཁྲིམས་མས་འགལ་བྱས་པར་ཉེས་ཆད་ཆེ་ཆུང་གང་ཡང་མཆོག་པ་དེ་ལྟར་ཡང་སློབ་ཕྲུག་རྣམས་ཤར་རྒྱག་བོད་དུ་བརྫངས་པ་ནི་ཤིན་ཏུ་མི་མཚམས་པ་མ་ཟད་མ་སོ་རི་བོད་ཁྱིམས་དང་འབྲེལ་ཡོད་རྣམས་ནས་ཁོང་རྣམས་སློབ་གྲྭ་ནས་ཕྱིར་འབུད་བྱས་པ་འགྲིགས་འདུག་ཀྱང་རྒྱ་གར་ནང་གནས་བསྡོད་མི་ཆོག་པར་ཤར་རྒྱག་ཕྱིར་མཐར་སྐྲོད་ཀྱི་དབང་ཆ་ཡོད་ནམ་བསམ།
གངས་བུ་ལྷག་བསམ་ཅན། སློབ་མ་དེ་ཚོའི་ནང་ན་ལོ་ན་བཅོ་བརྒྱད་ལོན་ཡོད་མཁན་འདུག་ཟེར་གྱིན་ཡོད་པ་མ་རེད་དམ། ཁྱེད་ཀྱིས་ཁར་སང་ང་དོལ་རྒྱལ་ཚོགས་མི་ཡིན་པའི་དོག་གཞི་ཡོད་ཚུལ་ཞིག་ཀྱང་གསུངས་ནས་དམ་དྲག་ཆེན་པོ་གནང་འདུག དེ་རིང་ཡང་འདིར་རྙོགས་དྲ་བཟོ་མི་ཆོག་ཅེས་ནན་གྱིས་གསུངས་ལུགས་ལ་བལྟས་ན་ཕལ་ཆེར་དུས་བབ་དྲ་བའི་བསམ་ཚུལ་འདོན་སའི་ཐལ་དྲགས་འདུག་ཟེར་བའི་གྲངས་ཀ་སྟོང་ཕྲག་གཉིས་བརྡབ་མཁན་དེ་ཡང་ཁྱོད་མིན་ནམ་བསམ་པ་ཞིག་འདུག ཀུ་རེ་དང་འདྲེས་པའི་གཏམ་ཙམ་ཡིན།་དགོངས་འགལ་མེད་པ་ཞུ།
སྤོབས་པ་མཐའ་ཡས་ལགས། ཁྱོད་ཀྱི་དགོངས་ཚུལ་ལ་ངོས་ལེན་བྱེད་ཐུབ་མི་འདུག
འུ་ཅག་ཟིན་བྲིས་པ་མང་པོས་སློབ་མ་དེ་དག་དངོས་སུ་མཐོང་ཡོད་པ་མ་རེད། འོན་ཀྱང་ཟིན་བྲིས་པ་ཁ་ཤས་ཀྱིས་སྤེལ་པའི་གཏམ་ལ་ཆ་འཇག་དང་ཡིད་ཆས་བྱས་དེ་ཟིན་བྲིས་སྤེལ་བཞིན་ཡོད་པ་རེད། ཁྱེད་ཀྱི་གསུངས་པ་ལ་དཔག་ཚེ་ཁྱེད་ཀྱིས་ཀྱང་སློབ་ཕྲུག་དེ་དག་དངོས་སུ་འཇལ་མི་འདུག་སྙམ། ང་ཡང་དེ་བཞིན་ནོ། ང་ཚོའི་གླེང་གཞི་འདིའི་གནད་འགག་དེ་གང་ལ་ཐུག་འདུག་ཟེར་ན། ༼སློབ་ཕྲུག་དེ་དག་ཕྱིར་ཕ་ཡུལ་དུ་བརྫང་བ་ཁོང་ཚོའི་འདོད་མོས་ཡིན་ནམ།༽ གལ་ཏེ་སློབ་ཕྲུག་ཁོང་ཚོའི་འདོད་མོས་ལྟར་ཡིན་ན་ནི་ཁྱེད་ཀྱིས་གསུངས་པ་མི་འགྲིག་པ་ཆེར་མི་འདུག འོན་ཀྱང་ཟིན་བྲིས་པ་ཁ་ཤས་ཀྱིས་གནས་ཚུལ་རྒྱུས་ལོན་བྱས་པ་ལྟར་ན། བྱིས་པ་ཚོས་འདམ་ག་བྱས་པ་མ་ཡིན་པར་གཞུང་གིས་བལ་ཡུལ་སྣེ་ལེན་ཁུངས་བརྒྱུད་དེ་ཕྱིར་ཕ་ཡུལ་བོད་དུ་བརྫང་གྲབས་འདུག་ཟེར། གལ་ཏེ་དངོས་ནས་འདི་འདྲ་ཡིན་ན་ནི་འུ་ཚོས་ངེས་པར་ཏུ་གླེང་དགོས་པ་མ་ཟད་འདི་དང་འདི་འདྲའི་རིགས་ཚ་ཚ་འུར་འུར་གྱི་གླེང་ཚེ་ཕན་ཐོག་ཆེ་པར་མཐོང་། དེ་ལས་ཟློག་ཏེ་སྐྱག་པའི་སྟེང་ལ་དཀྱིལ་དཀྲུང་བྱས་ཚེ་ངན་ཁ་རྔོ་ཡིན་པ་ཤེས་དགོས།
གོང་གི་༼སྒྲིག་འགལ་སློབ་མ་དང་འུར་སློང་ཉེས་འཛུགས།༽གསལ་བརྗོད་འདིའི་སྤོབས་པ་མཐའ་ཡས་ཁྱེད་རང་མི་མང་གི་ཁ་གཏད་དུ་ལངས་པར་སྤྲོ་བ་ཙམ་ལས་གནས་ལུགས་གཞན་མཐོང་མ་སོང་།
དེ་མིན་སློབ་ཕྲུག་ཚོའི་འདོད་མོས་ལྟར་ཡིན་པ་བཤད་རྒྱུ་ཡོད་ཚེ་ཧ་ཅང་དགོས་གལ་ཆེ་བས་གསལ་བརྗོད་གནང་རོགས།
འབའ་ཐང་གི་བུ་ལགས། ཁྱེད་ཀྱིས་ངས་ལྡོག་ཕྱོགས་ནས་བཤད་ཀྱིན་འདུག་ཟེར་ཕོད་པ་དེ་དངོས་གནས་བསམ་ཡུལ་ལས་འདས་པའི་ཧམ་བཤད་རེད། ལྡོག་ཕྱོགས་ནས་བཤད་འདུག་མཁན་ངོ་མ་དེ་ཁྱེད་ཚོ་རེད། ཆེ་ས་ནས་གཞུང་དང་སྒྲིག་འཛུགས་ཀྱིས་ཐག་བཅད་པ་དེས་འགྲིགས་མ་སོང་ཟེར་ནས་ལྡོག་ཕྱོགས་ནས་ལངས་མཁན་ཁྱོད་ཚོ་རེད། སྤྱིར་ན་སྐད་ཆ་ཞིག་གི་རིན་ཐང་ཟེར་བ་དེ་སྐད་ཆ་དེ་ལ་རྒྱུ་མཚན་འདངས་བ་ཞིག་འདུག་དང་མི་འདུག་གི་སྟེང་ནས་འཇོག་དགོས་པ་རེད་མ་གཏོགས་དྲང་ཕྱོགས་ལྡོག་ཕྱོགས་དང་མང་ཕྱོགས་ཉུང་ཕྱོགས་ཟེར་ནས་སྐད་ཆའི་རིན་ཐང་གླེང་དགོས་དུས་མི་དེའི་ལག་གི་དྲང་བདེན་གྱི་རྒྱ་མ་འཁྱོག་ཚར་བའི་རྟགས་རེད། ཁྱོད་འབའ་ཐང་བུ་མི་དགོས་ལི་ཐང་གི་བུ་ཡིན་རུང་ཁྱོད་ཀྱི་སྐད་ཆ་ཤོད་སྟངས་དེ་ངོས་ལེན་བྱེད་ཐུབ་ཀྱིན་མི་འདུག་ཞེས་ཞུ་རྒྱུ་ཡིན།
ས྄ློབ་ར་ནས་ར྄ྦད་དེ་གནས་དབ྄ྱུངས་བཏང་བ་ཅུང་ཟད་ཐལ་ད྄ྲགས་སོང་།
སྤོབས་པ་མཐའ་ཡས་ལགས་ཀྱི་ཡུལ་ཁྲིམས་ལ་མ་ལྟོས་པའི་ཁྲིམས་འདི་ཁྲིམས་དང་འགལ་མཁན་ཚོ་ལ་བསམ་ན་ཡག་པོ་ཞིག་རེད་གསུང་འདུག འོ་ན་ལོ་བཅུ་བརྒྱད་མ་ལོན་མཁན་དེ་ཚོ་ལ་ཁྲིམས་ཐག་བཅད་པ་དེ་ཡུལ་ཁྲིམས་ལ་ཡོད་དམ། ཡག་པོ་ཞིག་ཨེ་རེད་ཁྱེད་ལ་མིག་གཅིག་མ་གཏོག་མེད་པ་འདྲ། ཕྱོགས་གཅིག་མ་གཏོག་མཐོང་གི་མི་འདུག རྗེས་སུ་སྐད་ཆ་གསལ་པོ་འདྲ་མེད་ན་དོན་མེད་ཀྱི་རྙོག་དགྲ་མ་བཟོ་ལོ། ཚེ་རིང་ལོ་བརྒྱ།
འགྱུར་མེད་ལགས། ངས་ཁྱེད་ལ་དམིགས་བསལ་གྱིས་གཟས་པ་ལྟ་བུ་གང་ཡང་མིན། འོན་ཀྱང་ངས་ཁྱེད་ཀྱི་རྩོམ་ཡིག་དེ་བཀླགས་ཡོད།
སྐྱོན་དང་ཡོན་ཏན་གཉིས་ལས་སུ་གལ་ཆེ་མིན་ལ་གཟིགས་དགོས་པ་ལས་དགེ་མཚན་ཆུང་ཙམ་ཡོད་པ་དེ་སྤྲེལ་ལད་ཀྱི་ཚུལ་དུ་རྒྱུ་མཚན་རབ་རུབ་རེས་སྐྱོར་གང་ཐུབ་བྱེད་པ་འདི་ཡང་སྐྱོན་ཆེན་པོ་ཞིག་ཏུ་འདོད།
ངའི་དེ་ལྟར་བཤད་ན་མི་འདོད་པར་རང་བློའི་ལྕོག་ཚོད་ཀྱི་ཕྱོགས་གང་ལ་ཡང་མི་གཏོགས་པའི་སྐད་ཆ་མཐོ་རྒྱག་དམའ་རྒྱག་བཤད་རྒྱུ་འདི་ངའི་གཤིས་ཀ་རང་ཡིན
གང་ལྟ་ད་ཐང་གསར་འགོད་པ་ཨ་རིག་ལགས་ཀྱི་གསུངས་༡༠༠་རེད། ངའི་བཤད་པའི་སྐད་ཆ་ཐོགས་མ་ཡང་འདི་ཡིན་ལ་མཐའ་མ་ཡང་འདི་ལས་གཞན་མེད། སློབ་མ་དེ་དག་གི་ཚུལ་མིན་བྱས་པ་འདི་སློབ་གྲྭའི་ཁྲིམས་དང་འགལ་བ་ཡིན་དུས་སློབ་གྲྭ་ནས་ཕྱིར་འབུད་བཏང་པར་སྒོལ་གིན་མེད་།་དེ་འགྲིག་པ་རེད་འབྱུང་འགྱུར་སློབ་གྲྭའི་འགྲིག་ཁྲིམས་ལ་ཁེ་ཕན་ཡོད་པ་རེད།དེའི་ཐོགས་ལ་སུ་གང་གིས་ཞེ་གྲགས་བཤད་མེད། སློབ་གྲཝ་ནས་ཕུད་པ་མ་ཟད་པ་དང་ད་དུང་ཁྱིམ་ཚང་གིའི་ཕ་དང་མ་གཉིས་ཀྱི་བུ་མོ་དེ་ལ་བདག་སྐྱོངས་མ་བྱས་ཚུལ་ཞིག་བཤད་ནས་ཕུད་པ་རེད་།་་ཁྱིམ་ཚང་གིའི་ཕ་མ་གཉིས་ཀྱི་བུ་མོ་དེའི་བྱ་སྤྱོད་དེ་འདྲ་བྱེད་གིན་ཡོད་པ་མཐོང་བཞིན་དུ་ངན་པ་རྒྱ་ཡན་དུ་བཏང་བ་ཡིན་ན་དགོས་ངེས་རེད།་འོན་ཀྱང་ཕ་མ་གཉིས་ནས་མཐོང་བཞིན་ངན་པ་རྒྱ་ཡན་དུ་བཏང་འདུག་བཤད་མི་འདུག། བུ་མོ་ལ་ལྟ་སྐྱོངས་གི་མ་མཐུས་ཚུལ་བཤད་དེ།་ཕྱིར་ཕུད་བཏང་བ་ཡིན་ཚུལ་སློབ་གྲྭ་དེའི་ལས་ཀྱི་སྣེ་མོ་བ་གང་དེས་གསུངས་འདུག དེའི་ན་སློབ་སྤྱི་ལ་ལྷག་དོན་དུ་འགན་ཡོད་པ་མ་ཡིན་ནམ།་ད་དུང་མིག་མཐོང་ལག་ཟིན་གྱི་སྤྱོད་ངན་བྱས་དེ་ལ་སློབ་གྲྭའི་ཁྲིམས་ལྟར་བྱེད་རྒྱུ་ལས་བཅས་བཅས་མྱོང་མྱོང་ཚང་མ་ལ་ལག་ལེན་གཅིག་ཐོག་དུ་སྟར་བ་ཡང་རྒྱག་པ་ལེབ་སྡུང་རང་རེད།མདོ་དོན་མི་དགུ་པོ་སློབ་གྲཝའི་རྭ་བ་ནས་ཕྱིར་ཕུད་པ་ནས་ཁོ་ཚོའི་འགྲོ་འདུག་སྤྱོད་གསུམ་ལ་རང་དབང་དགོས་པ་མ་ཟད་ཕྱིར་ཕ་ཡུལ་དུ་ལོག་མིན་ཐད་གསལ་གསལ་ཐང་ཐང་ཞིག་བྱེད་རྒྱུ་གལ་ནང་གི་དོན་པོ་ཆེ་རེད། དེ་མིན་པར་གང་ཡིན་འདི་ཡིན་མེད་པར་ལོག་བཏང་ན་ཉེས་པ་གཅིག་ལ་ཁྲིམས་གཉིས་བཏང་བར་ངོས་འཛིན་རྒྱུ་ལས་གཞན་མེད་པར་འདོད་དོ།།།
ངས་ཚོད་དཔག་བྱས་པ་ནོར་མེད་ན། སྤོབས་པ་མཐའ་ཡས་ཀྱིས་ག་དུས་ཡིན་ནའང་བསམ་ཚུལ་ལྡོག་ཕྱོགས་ནས་གླེང་སློང་བྱེད་ཀྱིན་པའི་མྱོང་ཚོར་བྱུང༌།
མི་ཚང་མས་མཆན་བུ་དང་བསམ་ཚུལ་སྤེལ་ཟིན་པའི་རྗེས་སུ་ཁོང་གིས་གཞི་ནས་ནམ་ལང་བ་འདྲ་བོ་ཉུང་བའི་ཕྱོགས་སུ་ལངས་ནས་དགག་བརྒྱབ་ཀྱི་རྩོམ་ཡིག་འདྲ་བྲིས་ཁུུལ་བྱས་པ་དང༌། དེ་ལ་རང་ངོས་ནས་ཧ་ལས་མདོག་དང༌། ཧང་སང་མདོག་གིས་གཏམ་དཔེ་རེ་དང་ལུང་འགལ་རེ་གཉིས་ལ་རྒྱབ་བརྟེན་ནས་གཞན་གྱིས་བྲིས་པ་ཐམས་ཅད་ལ་རྒོལ་རྡུང་བྱས་ཀྱི་ཡོད། དེ་ནི་ཁོང་གི་ཞེ་ཕུགས་ཀྱི་བསམ་བློ་ཞིག་མ་ཡིན་པར་རྐང་བཙུགས་ནས་རྒྱབ་ལྗོགས་ཀུན་སློང་ཞིག་གིས་རྗེས་འདེད་བྱས་ཡོད་པ་གསལ་པོ་ཆགས་ཡོད།
གཅིག་བྱས་ན་ཁོང་གིས་མི་མངོན་པའི་ཚུལ་དུ་རེ་བ་ཆེན་པོ་ཞིག་བཟུང་ཡོད་སྟབས། ང་ཚོས་ཁོང་ལ་སྐབས་འཚོལ་རིང་ལུགས་པ་རེད་ཟེར་ཡང་ཆོག་ལ། ཁ་ཞེ་མི་མཚུངས་པའི་གཡོ་ཅན་རེད་ཟེར་ཡང་ཆོག་པ་འདུག། ཡང་མིན་ན་བོད་ཀྱི་གཏམ་དཔེར། ཀུན་དང་མཐུན་ན་མཁས་པ་ཡིན་ཞེས་ལབ་སྲོལ་ཡོད་པ་ལྟར། ཁོང་ནི་ཀུན་དང་མི་མཐུན་པར་བརྟེན། བླུན་པོ་རེད་ཟེར་ཡང་ཆོག་པ་ཞིག་རེད།
རྗེས་སོར་ཡང་ཁོང་གིས་རྩོམ་ཡིག་གང་སྤེལ་བ་ཐམས་ཅད་དགག་ཕྱོགས་ནས་དང་ཉུང་བའི་ཕྱོགས་སུ་ལངས་ནས་རྩོམ་ཡིག་འཐོར་བུ་རེ་སྤེལ་འོང་བ་ཐེ་ཚོམ་བྱེད་མི་དགོས། ཡིད་མ་ཆེས་ན་ཁྱེད་ཚོས་ཀྱང་དཔྱད་ཞིབ་གནང་ན་འཐུས་སོ།།
དྲ་གྲོགས་སྤོབས་པ་མཐའ་ཡས་ལགས། སྐུ་ཉིད་ནས་འདི་ལྟར་བསམ་ཚུལ་གླེང་བ་བདེན་ལ་དངོས་ཡོད་ཀྱང་རེད། ང་ཚོ་ཚང་མར་སྐྱོན་ཞིག་ཡོད་པ་ནི་གཞུང་དང་ཚོགས་པ་སོགས་ཀྱིས་སྒྲིག་འགལ་ཁྲིམས་བཅད་གཞི་བཟུང་ཐག་གཅོད་བྱས་པ་དེ་ལ། དགའ་ཁ་འཁྱེར་ཕྱོགས་ཀྱིས་ཚང་མའི་སྡིག་དམོད་ལས་ལྡོག་ཕྱོགས་ཀྱི་བསམ་བློ་འཁྱེར་མཁན་གང་ཡང་མི་འདུག འདི་ལ་ལྡོག་ཕྱོགས་ནས་ཀྱང་ལྟ་དགོས་པ་འདུག ལྷག་དོན་དུས་བབ་གསར་འགོད་པ་ཨ་རིག་ལགས་ནས་མི་འདོད་ཚུལ་དང་འགྲིག་མེད་ཚུལ་གང་མང་ཞིག་ལས་ལྡོག་ཕྱོགས་ཀྱི་བསམ་ཚུལ་ཞིག་ཅི་ལ་འདོན་མ་ཐུབ་པ་རེད། དྲང་མོར་ཞུས་ན་གང་ཞིག་ན་ཁྲིམས་མེད་ན་ལངས་ཤོར་ཅན་ཇེ་མང་ལས་ཇེ་ཉུང་དུ་འགྲོ་མི་སྲིད་པ་འདིའང་ཁྲིམས་ཀྱི་ཐག་གཅོད་དང་། བཀག་རྒྱ་ཞིག་དགོས་ངེས་ཡིན། ཚང་མས་མ་འོངས་པའི་སོན་རྩ་ཟེར་ཞོར་དོན་མེད་ཀྱིས་ཉེས་འཛུགས་ཤིག་འགེལ་བཞིན་པ་ནི། ལག་ཏུ་རྩིས་སྤྲོད་བྱེད་བཞིན་འདུག་ཞེས་འུར་སྒྲོགས་བྱས་པ་དེ་རེད། དོན་དངོས་ཐོག་དེ་འདྲ་ཞིག་གཏན་ནས་མ་རེད། བོད་ཁྱིམ་ཁག་གི་སྒྲིག་སྲོལ་ཞིག་ཡོད་པ་ནི་གང་ཞིག་རང་སྒར་སློབ་གྲྭ་ནས་རྩ་དགོངས་ཞུ་མཁན་ཞིག་བོད་དུ་ལོག་སྙིང་ཡོད་ན་དེའང་འགྲོ་གྲོན་ཆ་ཚང་གཞུང་ནས་ཕུལ་བཞིན་ཡོད་པ་རེད། འོན་ཀྱང་མགོ་བདེ་ཐག་ཆོད་པ་ཁ་ཤས་ནས་དེ་ཐབས་ཀྱིས་བླངས་ནས་ཕྱིར་རྡ་སར་སླེབས་ནས་བསྡད་ཡོད་འདི་རྣམས་ལ་ལྟ་ཚུལ་གང་འདྲ་ཞིག་འཛིན་ནམ། འདི་དོན་ཁྱེད་རྣམས་ནས་གཞུང་ལ་བཀའ་དྲིན་ཆེ་མི་ཞུ་དོན་གང་ཡིན། ཡང་སློབ་གྲྭ་ལ་ལ་ཞིག་གི་ནང་འཁྲིག་འཛིང་ལ་སོགས་པའི་དོན་རྐྱེན་བྱུང་ན་འགྲོ་ས་ཡོད་མེད་ལ་མི་ལྟ་བར་འཕྲལ་མར་ཕྱིར་འབུད་གཏོང་བཞིན་ཡོད་པ་རེད། འདི་ལ་འགྲོ་གྲོན་ལྟེར་བཞིན་མེད་ལ་བདག་རྒྱག་གང་ཡང་བྱེད་བཞིན་མེད། དཔེར་ན་སུ་ཇ་བོད་ཁྱིམ་དང་ཤེས་རབ་དགའ་ཚལ་གླིང་ལྟ་བུ་རེད། འོ་ན་ཁྱེད་རྣམས་ནས་འདི་ལ་དགོངས་པ་གང་བཞེས་མྱོང་ཡོད། མ་སུ་རིའི་བོད་ཁྱིམ་ནས་ཕྱིར་འབུལ་བཏང་བ་དག་སྒྲིག་སྲོལ་འགལ་མོད་ད་དུང་བདག་རྒྱག་གིས་བོད་དུ་འགྲོ་སྙིང་ཡོད་ན་ལམ་གྲོན་གཏོང་བཞིན་པ་འདི་དག་དོན་མེད་ཉེས་འཛུགས་བྱེད་དགོས་དོན་ཞིག་མེད། ཟིན་བྲིས་པ་དག་ནས་འདོད་སྲེད་ནི་རང་ཉིད་ལ་དབང་བས་བྱེད་རུང་བ་ཞིག་རེད་ལབ་བཞིན་ཡོད། དེ་དངོས་ཡོད་རེད་ཀྱང་དོན་ལ་གསན་ནས་ཐག་གཅོད་ཞིག་བྱས་ཡོད་སྟབས་འདི་ལ་མ་འགྲིག་པ་གང་ཡང་མེད། ཡང་སློབ་སྤྱི་དང་འབྲེལ་ཡོད་དགེ་རྒན་ཕྱིར་འབུད་གཏོང་དགོས་པ་འདུག་ཞེས་འུར་སྒྲོགས་བྱེད་བཞིན་ཡོད། གློ་བུར་དུ་བལྟས་ན་དེ་འདྲ་ཞིག་སྣང་ངོར་ཤར་སྲིད་མོད། དོན་དྲང་ཐོག་ལ་བླངས་ནས་གཟིགས་ན་དེ་འདྲ་ཞིག་རྩ་བ་ནས་ཁག་པོ་རེད། ཁྱེད་རང་ཚོས་བཤད་པ་བཞིན་འདོད་ལོག་ནི་རང་ཉིད་ལ་དབང་བ་ཞིག་ཡིན་སྟབས་དེ་སྐྱོན་མེད་ཟེར་བ་ལྟར། གསང་ལས་དེ་སུས་ཀྱང་གསང་བ་བྱེད་སྟབས་དོ་སྣང་སླེབས་རྒྱུ་ཧ་ཅང་ཁག དཔེར་ན་སློབ་ཕྲུག་ཚོས་ཀྱང་དེ་འགེབས་སྲུང་བྱེད་པས་ཤེས་ཐབས་ཁག་ཏུ་ཕྱིན་པ་རེད། ད་དུང་རྒྱུ་མཚན་ཁོག་ལ་བཅུག་ནས་ཁ་རུ་འཁྱེར་མི་དགོས་པ་བྱེད། མདོ་དོན་ང་ཚོ་ཚང་མའི་དོན་རྐྱེན་ཞིག་བྱུང་རྗེས་བདེན་ཕྱོགས་ཁོ་ན་མི་འཛིན་པར་ལྡོག་ཕྱོགས་ནས་ཀྱང་ལྟ་དགོས་པ་འདུག སླར་ཡང་སློབས་པ་མཐའ་ཡས་ལགས་ལ་ཐུགས་རྗེ་གྲངས་མེད་དང་དུས་རྒྱུན་འདི་ལྟ་བུའི་ལམ་སྟོན་ཡོད་པ་ཞུ།
དྲ་གྲོགས་སྤོབས་པ་མཐའ་ཡས། ང་ནོར་མེད་ན་འུ་གཉིས་ཀྱིས་ཕལ་ཆེར་ལོ་གསར་བ་འདིའི་ནང་སྐད་ཆ་བཤད་པ་ཐོག་མ་ཆགས་ཡོད། རེད་དམ། གང་ལྟར་འདི་གཙོ་བོ་མ་རེད། ངས་འདི་ལྟར་བཤད་དོན་ང་ནི་ནམ་རྒྱུན་ནས་ཁྱོད་ཀྱི་རྩོམ་ཡིག་དང་མཆན་ཁག་ལ་དོ་སྣང་ཡོད་མཁན་ཞིག་ལས། འུ་གཉིས་ཀྱི་བར་དུ་དངོས་སུ་འབྲེལ་བ་བྱས་མེད་ཅེས་པའི་དོན་ཡིན།
ཡིན་ནའང་། ཐེངས་འདིར་འུ་གཉིས་ཀྱི་ལྟ་ཚུལ་མཐུན་གྱི་མི་འདུག དེང་སྐབས་ཟིན་བྲིས་པ་ཁ་ཤས་ཀྱིས་སུ་ལ་ཕོག་ལ་དེའི་ཆེད་དུ་བྲིས་ཟེར་ནས་ཟིན་བྲིས་སྤེལ་གྱིན་འདུག་ལ། ཁྱེད་ཀྱི་ཟིན་བྲིས་འདི་ཡང་ཕལ་ཆེར་ང་ལ་རྐང་བཙུག་ནས་བྲིས་པ་འདྲ་བོ་འདུག དེ་ནི་ང་ལ་ཕོག་སོང་བས་ཡིན་ནམ། ཡང་ན་ངས་ཁྱོད་ལས་ཀྱང་གནས་ཚུལ་འདིའི་སྐོར་ལ་གསལ་ཞིང་རྒྱས་པ་ཞིག་ཤེས་སྟབས་ཡིན་ནམ།
གནས་ཚུལ་འདིའི་སྐོར་གྱི་གནས་ཚུལ་ལ་ངས་རྒྱས་ལོན་གསལ་པོ་བྱས་ཡོད། ལྷག་པར་དུ་ངས་རེ་བ་ཆེ་ཤོས་ང་རང་དངོས་སུ་མ་སུ་རི་བོད་ཁྱིམ་དུ་སོང་ནས་སློབ་གྲྭ་ནས་ཕུད་ཟིན་པ་རྣམས་ཀྱིས་རྗེས་མ་ཟིན་ཡང་། སློབ་མ་སྤྱི་བྱིངས་ཀྱི་གནས་ཚུལ་ལ་གཅིག་ཉན་འདོད་པས་མི་ཚད། སློབ་གྲྭ་སྤྱིའི་སྒྲིག་གཞི་ལའང་ལྟ་འདུན་བྱུང་ཡང་། བྱ་བའི་དགོས་མཁོའི་དབང་གིས་དེ་ལྟར་བྱུང་མ་སོང་། དེ་དོན་རྩོམ་སྒྲིག་པར་ཡང་ཞུས་ཡོད།
ངས་འདི་ལྟར་བཤད་དོན། ཁྱེད་ཀྱིས་ཐེངས་འདིར་མི་གཞན་གྱིས་ཅང་ཤེས་ཀྱི་མི་འདུག འུར་འགྲོགས་ཀྱི་རྗེས་སུ་རྒྱག་གི་འདུག་ཟེར་བཞིན་དུ། ཁྱོད་རང་གིས་ཐ་ན་དངོས་ཡོད་གནས་ཚུལ་གྱི་སྟེང་ནས་སློབ་གྲྭ་ཞིག་ནས་འདི་ལྟ་བུའི་གནད་དོན་ཞིག་བྱུང་བའི་རྩ་བའི་རྩ་དོན་གང་དུ་ཐུག་པ་དང་། དེ་ཐག་གཅོད་བྱས་པའི་བརྒྱུད་རིམ་ནང་དུ་འགལ་འཛོལ་གང་དག་བྱུང་བ། མང་ཚོགས་ཀྱིས་ཅིའི་ཕྱིར་བཀའ་ཤག་གིས་སློབ་ཕྲུག་དེ་ཚོ་ཕྱིར་ཕ་ཡུལ་དུ་སྐྱེལ་རྩིས་བྱས་པར་རྒྱ་ལག་ལ་བཞག་པ་རེད་ཟེར་བ། དེ་བཞིན་བཀའ་ཤག་གིས་ཐག་གཅོད་དང་པོ་འགལ་འཛོལ་ཡིན་པ་ཤེས་སྟབས། ལམ་སེང་ཕྱིར་ནུར་གོམ་གང་བྱས་ཏེ་བསྐྱར་དུ་གོམ་པ་གསར་པ་སྤོ་རྒྱུ་ཡིན་ཟེར་བ་སོགས་ཀྱི་བྱུང་རིམ་མཐའ་དག་ཤེས་ཀྱི་མི་འདུག་ཟེར་བའི་དོན་ཡིན།
མི་ཟེར་བ་འདིར་ལྟ་ཚུལ་མི་མཐུན་པ་ཏན་ཏན་ཡོང་གི་རེད། དཔེར་ན། ཁྱོད་དང་རཱ་ལོ་ལྟ་བུ་རེད། ཉིན་འདི་འགའི་གནས་ཚུལ་ལ་བལྟས་ན་ཁྱེད་གཉིས་གཅིག་པུར་མང་ཚོགས་ཀྱི་ལྟ་ཚུལ་ལས། ལྟ་ཚུལ་མ་འདྲ་བ་དེ་འདྲ་འདུག་ལ། ལྷག་པར་དུ་ཁྱེད་གཉིས་ཀྱིས་མང་ཚོགས་ཀྱི་སྐད་ཆ་ཙམ་མིན་པར། དེའི་ཕ་རོལ་གྱི་གནས་ཚུལ་ཅི་ཡིན་ལ་བརྟག་པ་ནི་དགོས་ངེས་ཤིག་དང་བབ་བསྟུན་ཞིག བྱེད་སྟངས་བཟང་བོ་ཞིག་ཀྱང་ཡིན་སྟབས། ངས་ཁྱོད་ལ་མང་བོ་མི་བཤད། གལ་སྲིད་ངའི་ལྟ་ཚུལ་ངོ་མ་ཤེས་འདོད་ན་ངའི་ཟིན་བྲིས་ནང་དུ་མང་བོ་བཤད་ཡོད་ལ། མཆན་མོང་བོའི་ནང་དུ་བཤད་ཡོད། དེ་ཚོར་གཟིགས་པས་ཤེས་ཐུབ།
དེ་མིན། ཁྱེད་ཀྱིས་བཤད་པ་ལྟར་བོད་ཀྱི་དུས་བབ་དྲ་རྒྱའི་མདུན་ངོས་ཀྱི་བསམ་ཤོག་དེའི་སྐོར་ནས། ཐེངས་སྔོན་མའི་བཀའ་བློན་ཁྲི་པའི་འོས་མིའི་བསམ་ཤོག་སྐབས་ནས་བཟུང་ང་ལ་དོ་སྣང་བྱུང་། སྐབས་འདིར་དེ་བས་ཀྱང་འགྲིག་གི་མེད་པ་ཤེས་ཡོད། ངས་ཚོད་ལྟ་བྱས་མྱོང་། དཔེར་ན། དྲ་ངོས་གཅིག་ནས་ཐེངས་གཅིག་ལ་མ་གཏོགས་བསམ་ཤོག་འཕེན་མི་ཐུབ། ཡིན་ནའང་། CC cleaner ༼ གསལ་བོ་དྲན་གི་མི་འདུག ༽ དྲ་ངོས་གཙང་བཟོ་མཉེན་ཆས་བརྒྱུད་དྲ་ངོས་གཙང་བཟོ་ཐེངས་ཤིག་བྱས་རྗེས། བསྐྱར་དུ་བསམ་ཤོག་འཕེན་ཐུབ། དེ་ལྟར་ན། དྲ་ངོས་གཙང་བཟོའི་མཉེན་ཆས་ཡོད་མཁན་གྱི་མི་སུ་ཡིན་རུང་གཙང་བཟོ་རེ་རེ་བྱས་རྗེས་བསམ་ཤོག་བསྐྱར་དུ་འཕེན་ཐུབ། ཕལ་ཆེར་མི་ཞིག་གིས་དེ་ལྟར་བྱེད་ཀྱིན་པ་འདྲ།
འདིའི་སྐོར་ལ་ངས་མི་རིང་བར་ངེད་ཅག་རྩོམ་སྒྲིག་པར་བློ་འདྲི་ཆོག དཔེར་ན། རྗེས་ཕྱོགས་ནས་གློག་འཕྲིན་ཁ་བྱང་རེ་རེའི་སྟེང་ནས་བསམ་ཤོག་རེ་རེ་མ་གཏོགས་འཕེན་མི་ཐུབ་པ་ལྟ་བུ་བཟོ་ཆོག་གི་རེད། ཁྱོད་རང་ཉིད་ཀྱིས་ལྟ་ཚུལ་གསུངས་དང་བཟང་ན་དང་ལེན་ལོས་བྱེད།
བསམ་ཚུལ་དམར་དམར་བོ་འདི་ཡིན།
སྤོབས་པ་མཐའ་ཡས་ལགས་ཀྱིས་བསམ་བློ་གཏོང་སྟངས་ཀྱི་ཐད་ནས་ནོར་མེད། རང་གི་རྒྱལ་ཁབ་དགའ་བ་དང་དུངས་པའི་བསམ་བློ་ལ་དགའ་བསུ་ཞུ། འོན་ཀྱང་སློབ་ཕྲུག་དེ་དག་ལས་ཉིན་དེར་ཚུལ་མིན་གྱི་ལས་བྱེད་མཁན་གཉིས་དེ་ཕྱིར་ཕུད་གཏོང་བ་ལས། བུ་མོ་དེར་ཚ་འདྲི་བཏང་ནས་སྔོན་མའི་ལོ་རྒྱུས་དག་སྔོག་པའི་ཐོབ་ཐང་དེ་སུས་སྤྲད་པ་རེད། དེ་བྱས་མེད་ན་བུ་དགུ་དང་མཉམ་དུ་ཉལ་བའི་ལོ་རྒྱུས་སུས་མཐོང་བ་རེད། ངས་བལྟས་ན་གནང་སྟངས་དེ་ཤིན་ཏུ་མི་ལེགས། གཞན་འཛིན་གྲྭ་གསུམ་པའི་སློབ་མ་ཞིག་གིས་འཁྲིག་སྤྱོད་བྱས་པར་ཧང་སངས་རྒྱུ་མེད། བོད་ནས་སླེབས་དུས་ལོ་བཅུ་གསུམ་ནས་བཅོ་ལྔ་བར་མ་སི་རིར་གཏོང་གི་ཡོད། ཁོ་ཐོག་མར་སླེབས་དུས་ལོ་བཅོ་ལྔ་ཡིན་ན་ད་ལྟ་ལོ་བཅོ་བརྒྱད་ཡིན། ལོ་བཅོ་བརྒྱད་ཅན་གྱི་ཕོ་གསར་ཞིག་གིས་འཁྲིག་སྤྱོད་ལོས་བྱེད། དེ་ལ་ཧ་ལས་རྒྱུ་དང་ཧང་རྒྱུ་མེད། འོན་ཀྱང་ཁྱོད་ཀྱིས་འཁྲིག་སྤྱོད་བྱས་འདུག་ཅེས་སློབ་གྲྭ་ནས་ཕྱིར་ཕུད་བཏང་ན་ཡག་པོ་མ་རེད་འདོད།
ངས་བལྟས་ན་ཉིན་དེའི་གནས་ཚུལ་འབྱུང་སའི་ཕོ་མོ་དེ་གཉིས་མ་གཏོགས་གཞན་དག་ཕུད་པ་ནི་ནོར་འཁྲུལ་དུ་མཐོང་གི ད་དུང་གནས་ཚུལ་འདི་བཀའ་ཤག་ལ་སྙན་གསེང་ཞུས་འདུག བཀའ་ཤག་གིས་ཀྱང་ཡིན་མདོག་གིས་སློབ་གྲྭ་ནས་ཕུད་པ་མ་ཟད་རྒྱ་གར་ནས་ཕུད་པ་དངོས་ཡོད་རེད། དེ་ཡང་དྲ་གྲོགས་རྣམས་ཀྱིས་རྣམ་འགྱུར་སྟོན་ས་གཅིག་རེད། གང་ལྟར་ད་རེའི་གནས་ཚུལ་འདི་བྱི་མིའི་རྟུག་པ་བཞིན་སྦས་པ་མི་འགྲོ་གི འདི་ལ་གླེང་སློང་ཤུགས་ཆེན་ཞིག་བྱེད་དགོས་པར་འདོད། སྤོབས་པ་མཐའ་ཡས་ལགས་ཀྱིས་ཀྱང་བསྐྱར་ཞིབ་ཅིག་གནང་རྒྱུ་རེ་བ་ཡིན།
སྤོབས་མཐའ་ཡས ཁྱེད་རང་གིས་ཕྱོགས་ལ་མ་གཏོགས་མ་ལྟས་པ་ཡིན་རུང་ཡང་ན་ཕྱོགས་གཅིག་ལ་མ་གཏོགས་ལྟ་འདོད་མེད་པ་ཡིན་ངས་བཤད་ཚོད་མི་ཐིག གང་ལྟར་ཁྱེད་ཀྱིས་བཤད་པ་ལ་གནས་ལུགས་མེད་པ་མ་རེད། ཡིན་ན་ཡང་ཁྲིམས་ཆད་དེ་དྲང་པོ་བྱུང་མེད་པ་གསལ་པོ་རེད་ལྟོས་དང་། ཕ ཚབ་མ་ཚབ་གཉིས་ལ་དྲང་བདེན་མིན་པའི་ཐོག་ནས་ནག་ཉེས་བཀལ་འདུག སློབ་མ་ཚོ་དང་འབྲེལ་བ་ཡོད་པའི་ཆ་ནས་ཕ་ཚབ་མ་ཚབ་གཉིས་ཕྱིར་ཕུད་གཏང་བ་ཡིན་ན། འཛིན་གྲྭའི་དགེ་རྒན་དང་། སློབ་སྤྱི་ད་དུང་རྒན་བདག་སོགས་མང་པོ་ལ་འབྲེལ་བ་ཡོད་རེད།
ངས་ྦསམ་པ་ལ་ཁ མེད་ལྕེ་སྡུག་ཞིག་ལ་ཐུབ་ཚོད་གཏང་བའི་རྣམ་པ་གསལ་བོ་མཐོང་གི་འདུག ཕ་ཚབ་མ་ཚབ་ཚོས་ེས་བཞིན་དུ་བྱས་པ་ཞིག་ཡིན་ན་གནས་ཚུལ་ཐ་དད་རེད། དེ་རེད་མ་རེད་སྤོབས་པ་མཐའ་ཡས། ཁྱེད་ཀྱིས་སྤོབས་པ་ཆེན་པོས་ངང་ནས་ལན་ག་རེ་ཡོད།
རང་གི་ལུས་ལ་དཔེ་བླངས་ནས་། གཞན་ལ་གནོད་པ་མ་བྱེད་ཅིག་།
སྤོབས་པ་མཐའ་ཡས་ལགས། ཁྱོད་ཀྱི་དགོངས་ཚུལ་ལ་ངོས་ལེན་བྱེད་ཐུབ་མི་འདུག
འུ་ཅག་ཟིན་བྲིས་པ་མང་པོས་སློབ་མ་དེ་དག་དངོས་སུ་མཐོང་ཡོད་པ་མ་རེད། འོན་ཀྱང་ཟིན་བྲིས་པ་ཁ་ཤས་ཀྱིས་སྤེལ་པའི་གཏམ་ལ་ཆ་འཇག་དང་ཡིད་ཆས་བྱས་དེ་ཟིན་བྲིས་སྤེལ་བཞིན་ཡོད་པ་རེད། ཁྱེད་ཀྱི་གསུངས་པ་ལ་དཔག་ཚེ་ཁྱེད་ཀྱིས་ཀྱང་སློབ་ཕྲུག་དེ་དག་དངོས་སུ་འཇལ་མི་འདུག་སྙམ། ང་ཡང་དེ་བཞིན་ནོ། ང་ཚོའི་གླེང་གཞིའི་འདིའི་གནད་འགག་དེ་གང་ལ་ཐུག་འདུག་ཟེར་ན། ༼སློབ་ཕྲུག་དེ་དག་ཕྱིར་ཕ་ཡུལ་དུ་བརྫང་བ་ཁོང་ཚོའི་འདོད་མོས་ཡིན་ནམ།༽ གལ་ཏེ་སློབ་ཕྲུག་ཁོང་ཚོའི་འདོད་མོས་ལྟར་ཡིན་ན་ནི་ཁྱེད་ཀྱིས་གསུངས་པ་མི་འགྲིག་པ་ཆེར་མི་འདུག འོན་ཀྱང་ཟིན་བྲིས་པ་ཁ་ཤས་ཀྱིས་གནས་ཚུལ་རྒྱུས་ལོན་བྱས་པ་ལྟར་ན། བྱིས་པ་ཚོས་འདམ་ག་བྱས་པ་མ་ཡིན་པར་གཞུང་གིས་བལ་ཡུལ་སྣེ་ལེན་ཁུངས་བརྒྱུད་དེ་ཕྱིར་ཕ་ཡུལ་བོད་དུ་བརྫང་གྲབས་འདུག་ཟེར། གལ་ཏེ་དངོས་ནས་འདི་འདྲ་ཡིན་ན་ནི་འུ་ཚོས་ངེས་པར་ཏུ་གླེང་དགོས་པ་མ་ཟད་འདི་དང་འདི་འདྲའི་རིགས་ཚ་ཚ་འུར་འུར་གྱི་གླེང་ཚེ་ཕན་ཐོག་ཆེ་པར་མཐོང་། དེ་ལས་ཟློག་ཏེ་སྐྱག་པའི་སྟེང་ལ་དཀྱིལ་དཀྲུང་བྱས་ཚེ་ངན་ཁ་རྔོ་ཡིན་པ་ཤེས་དགོས།
གོང་གི་༼སྒྲིག་འགལ་སློབ་མ་དང་འུར་སློང་ཉེས་འཛུགས།༽གསལ་བརྗོད་འདིའི་སྤོབས་པ་མཐའ་ཡས་ཁྱེད་རང་མི་མང་གི་ཁ་གཏད་དུ་ལངས་པར་སྤྲོ་བ་ཙམ་ལས་གནས་ལུགས་གཞན་མཐོང་མ་སོང་།
དེ་མིན་སློབ་ཕྲུག་ཚོའི་འདོད་མོས་ལྟར་ཡིན་པ་བཤད་རྒྱུ་ཡོད་ཚེ་ཧ་ཅང་དགོས་གལ་ཆེ་བས་གསལ་བརྗོད་གནང་རོགས།
ཅོ་རི་ཉི་མ་སོགས་ལ་ཞུ་བ། ངོ་མ་བཤད་ན་ལྟས་ངན་རེད། འཇིན་གྲྭ་གསུམ་པའི་སློབ་མ་དེ་ཚོས་ཀྱང་འདི་འདྲ་བྱེད་ཀྱིན་ཡོད་ཟེར་ན་ལྟས་ངན་རེད། ན་ནིང་ཡིན་ནམ་ཞིག་ལ་དབྱིན་ཡུལ་གྱི་སློབ་ཕྲུག་བུ་མོ་ལོ་བཅོ་ལྔ་ཙན་ཞིག་ལ་བུ་ལོ་བཅུ་གསུམ་ཅན་ཞིག་གིས་ཕྲུ་གུ་ཞིག་བཟོས་ནས་ཡུལ་དེའི་དཔོན་རིགས་མཐོ་གྲས་དེ་ཚོས་ཀྱང་ཡུལ་དེའི་མིའི་ཀུན་སྤྱོད་ལ་ཉམས་རྒུད་ཐེབས་བཞིན་པའི་སེམས་ཁྲལ་ཡོད་སྐོར་གཏམ་བཤད་བྱས་སོང་ང་། མ་གཞི་ཁར་སང་ཞིག་ལ་འདི་ན་མི་ཞིག་གིས་བུ་མོ་དེ་ལོ་བཅོ་བརྒྱད་རེད་ཟེར་གྱིན་འདུག སྤྱིར་བཏང་བཤད་ན་ལོ་བཅོ་བརྒྱད་ཅན་ཞིག་གིས་འཛིན་གྲྭ་གསུམ་པའི་སློབ་མ་ལ་འཁྲིག་སྤྱོད་བྱས་ན་ཁྲིམས་ཐོག་ནས་ཀྱང་ལས་སླ་པོར་འཇོག་གི་མ་རེད། ང་ཚོའི་སྒྲིག་འཛུགས་དེ་ཚོ་ལེགས་རུང་ཉེས་རུང་ཡུལ་གྱི་ཁྲིམས་ཐོག་ལ་མ་བསྐྱལ་བ་དེ་ཡང་སྒྲིག་ཁྲིམས་འགལ་མཁན་ཁོ་རང་ཚོ་ལ་མཚོན་ན་བཀའ་དྲིན་ཆེན་པོ་མ་རེད་དམ།
བདེན་པ་འདྲ་བོ་ཞིག་ལབ་འདུག
དྲ་གྲོགས་སྤོབས་པ་མཐའ་ཡས་ལགས།
ཁྱེད་ཀྱིས་གསུང་བ་ལ་རྗེས་སུ་ཡི་རང་ཡོད།
ངས་བསམ་ན་ཡང་གླེང་གཞི་འདི་རྒྱ་ཆེན་པོ་བཟོ་མཁན་དེ་སློབ་ཕྲུག་དེ་ཚོའི་སྤུན་ཉེ་གྲོགས་པོ་
ལྟ་བུའམ་ས་ཕྱོགས་གཅིག་པ་སོགས་གང་ལྟར་འབྲེལ་ཡོད་ཅིག་གིས་མ་སུའུ་རི་བོད་ཁྱིམ་ལ་
འཁོན་ལན་སློག་གིན་མེད་དམ་སྙམ་པ་ཞིག་འདུག གང་ཡིན་ཟེར་ན་ལོ་ཁ་ཤས་ནས་བཟུང་
མ་སུ་རི་བོད་ཁྱིམ་གྱི་འཛིན་སྐྱོང་དང་ཤེས་ཡོན་གྱི་གནས་སྟངས་ཉམ་ཆག་ཕྱིན་པ་སྤྱི་ཚོགས་ནང་
ཁྱབ་བཞིན་འདུག ད་ལྟའི་དྲུང་ཆེ་དེ་ཕེབས་ནས་སྒྲིག་འཛུགས་སོགས་གང་ཅི་ཐད་ཡར་རྒྱས་དང་
འགྱུར་བ་ཡག་པོ་འགྲོ་གི་ཡོད་པ་གོ་ཐོས་བྱུང་། དེས་ཕྱོགས་ནས་ཀྱང་བཙན་བྱོལ་བོད་གཞུང་དང་དེ་བཞིན་
མ་འོང་བོད་ཀྱིས་སོན་རྩ་གསོ་སྐྱོང་བྱེད་སའི་སློབ་གྲྭ་དེ་ཚོ་ལ་མི་དགའ་བའི་མི་་དེ་ཚོའི་ཕྲུ་གུ་བཅུའི་
ཆེད་དུ་སློབ་ཕྲུག་ཉིས་སྟོང་ལྷག་འཕྲོ་བརླག་གཏོང་འདོད་ཡོད་ས་རེད། ད་དང་ཕྲུ་གུ་བཅུ་དང་
མི་དེ་ཚོ་ངན་པ་ལག་འབྲེལ་ཡིན་ཚོད་འདུག ད་དང་བུ་མོ་དེ་རྒྱ་དམར་གྱིས་སོ་བ་ཡིན་པ་འདྲ།
སྤོབས་པ་མཐའ་ཡས་ལ་ཁྱེད་ཀྱི་སྐད་ཆ་མགོ་ཚོས་མི་ཚོས་དེ་འདྲ་ལབ་ན་ཡག་པོ་ཡོད་པ་མ་རེད།དྲང་པོ་མ་རེད།པེ་ཞ་སྤྲད་ནས་རྒྱ་མི་ལ་རྩིས་སྤྲད་བྱས་ན་སུ་ཡིན་ན་འཇོན་ནི་རེད།དེ་ནི་ཞབས་འདྲེན་རེད།ཁྱེད་རང་ཕྱིར་རྒྱ་མི་ལ་རྩིས་སྤྲད་བྱས་ན་བློ་ཕམ་བྱུང་གི་རེད་དམ།ཁྱེད་ཀྱི་ཁོང་ཚོ་ལ་རྒྱབ་རྩ་བྱས་ན་ཅི་ལ་ཕན་གི་རེད།ཁྱོད་ལ་ཁེ་ཕན་ཅི་ཡོད།མི་སྟོང་ཕྲག་ཞིག་གི་ཁོང་ཚོའི་བྱ་བ་ཐད་དྲག་འདུག་ཅེས་ལབ་པ་ངོས་ལེན་བྱེད་གི་མིན་ནམ།ཁྱེད་ཀྱི་དེ་ལ་འགྲེལ་བྱེད་ལོག་པ་ག་རེ་རྒྱབ་ཡོད་།ཁྱེད་ཀྱི་བཤད་པ་ཡང་ཐད་དྲག་རེད།
དྲ་གྲོགས་སྤོབས་པ་མཐའ་ཡས་ལགས།
ཁྱེད་ཀྱིས་འདོད་པ་ལྟར་ན་མ་སུ་རིའི་སློབ་ཕྲུག་དེ་ཚོ་ཕྱིར་འབུད་བྱས་པར་འགྲིག་འདུག་གམ།
འཁྲིག་པ་སྤྱོད་པ་ཙམ་གྱིས་སློབ་སྦྱོང་གི་གོ་སྐབས་མི་སྤྲད་པར་ཕྱིར་འབུད་བྱེད་དགོས་པ་འདི་འདྲའི་སྒྲིག་འཛུགས་དེར་འགྲོ་བ་མིའི་བཟང་སྤྱོད་དང་འགལ་བ་མ་ཡིན་ནམ།
འདོད་ཆགས་བྱས་པ་ཙམ་གྱིས་འདི་འདྲ་ཁྲིམས་བཅད་གཏོང་བ་འཛམ་གླིང་རྒྱལ་ཁབ་གཞན་དག་གི་སློབ་གྲྭའི་ནང་དུ་མཐོང་ཡ་ཡོད་དམ།
དོན་མེད་པར་ལྡོག་ཕྱོགས་ནས་བཀའ་མོས་གསུངས་བ་འདི་འདྲ་ག་རེ་རེད་ཨ། ངའི་རེ་བ་ལ་ཁྱེད་ཀྱིས་ལྡོག་ཕྱོགས་ནས་རྩོད་པ་མ་རྒྱག་རོགས་ཞུ་རྒྱུ་དང་བོད་མི་ཉམ་ཆུང་ཚོའི་མདུན་ལམ་ལ་ཐུགས་བསམ་བཞེས་རོགས་ཞུ།
གདན་ས་ཁག་ལ་བོད་ནས་ཕེབས་མཁན་ཞེ་གྲགས་མེད་པས་མོན་པ་དང་ལ་དྭགས་སོགས་མདོར་ན་ཧུ་མ་ལ་ཡིས་རི་རྒྱུད་ཡོངས་ནས་གྲྭ་རྒྱུན་སོགས་བསླང་ཏེ་བོད་ཀྱི་རིགས་གཞུང་འདི་མི་ཉམ་རྒྱུད་འཛིན་ཆེད་སྐུ་ངལ་ཞེ་དྲག་གནང་གི་ཡོད་པ་རེད
དེར་མ་ཟད་བོད་ཁྱིམས་སློབ་གྲྭ་ཁག་ལ་ཡང་ལོ་རེད་བཞིན་བོད་འབྱོར་བ་ཉུང་དུ་འགྲོ་བཞིན་ཡོད་པ་ཁ་གསལ་རེད
དེའི་ཕྱིར་དབུགས་ཐང་གཅིག་ལ་མི་དགུ་ཕྱིར་བཏང་བྱས་པ་ཆུང་ཐལ་གྲགས་མི་འདུག་གམ
དོན་ལ་རྒྱ་ལག་དུ་སྤྲད་པ་རེད་ཞེས་བཤད་པ་ལས་སུ་དང་གང་ཞིག་གི་རྒྱ་ལག་དུ་སྤྲད་ཡོད་པ་མ་རེད
དེ་མིན་ན་སློབ་མ་ཚོ་རང་ངོས་ནས་ཕྱིར་ཕ་ཡུལ་དུ་ལོག་རྒྱུ་ཡིན་བཤད་པ་རེད་དམ་
གང་ལྟར་སློབ་གྲྭ་ནས་ཕུད་པ་ངོས་ལན་དང་ཕྱིར་ལོག་བྱས་བ་སྒོལ་རྒྱུ་ཡིན
མཆན་དང་པོའི་འཇུག་ཏུ་བཅུག་རོགས
བོད་སྤྱི་པའི་བྱེད་མི་བདེ་བ་དེ་སྒེར་པ་ཚོགས་སྒེར་ནས་ཕན་ཐོག་ན་མི་ལེགས་སམ། བཟློག་སྒྱུར་བྱེད་སའི་གནས་ནི་ཡིན་མདོག་མེད།
ཡ་འཇིགས་བྲལ་བརྟན་འཛིན། ཁྱོད་ལ་སྐད་ཆ་གསལ་པོ་ཡོད་ས་རེད། གསལ་གསལ་ཐིང་ཐིང་ཞིག་ཤོད་དང་། སློབ་མ་ཁོ་རང་ཚོས་བོད་དུ་འགྲོ་རྒྱུ་ཡིན་ལབ་པར་སྒྲིག་འཛུགས་ཀྱིས་ལམ་གྲོན་གནང་བ་རེད་དམ་ཁོ་རང་ཚོ་བོད་དུ་ལོག་པར་མི་འཐད་བཞིན་དུ་འབྲེལ་ཡོད་ལས་བྱེད་ཚོས་བཙན་ཚུགས་ཀྱིས་དྲུད་ནས་རྒྱ་ལག་ཏུ་བཞག་པ་རེད། འདི་ལ་ཁྱོད་ཀྱིས་ལན་རྒྱག་ཐུབ་བམ།
རི་བོང་ཅལ་འདྲོགས་མ་བྱེད་ཟེར་བ་བདེན། བཀའ་ཤག་གིས་ཐ་མའི་ཐག་གཅོད་ཅི་བྱས་ཡོད་དམ། མ་གཞི་ནས་སློབ་མ་ཕྱིར་འབུད་ཀྱི་ཆད་པ་འདི་ཡག་པོ་ཞིག་མ་རེད། ལྷག་པར་བོད་ཀྱི་སློབ་གསོའི་ཆ་ནས་འཚམས་པོ་ཞིག་མ་རེད། འདི་ལ་མཐོ་ས་ཤེས་རིག་ལས་ཁུངས་ནས་ཐུགས་བསམ་བཞེས་གལ་ཆེ། ཕྲུ་གུར་རྡུང་མི་ཆོག་ཟེར། འདི་ལྟར་ཕྱིར་འབུད་བྱེད་པ་ལས་གྲྭ་སའི་ལྕག་ཚན་དེ་འོས་པར་མཐོང་ངོ།
ངྷ་ས་དབུས་སྣེ་ལེན་ཁང་གི་འགན་འཛིན་ངག་དབང་ནོར་བུ་ལགས་སུ་བཀའ་འདྲི་ཞིག་གི་སྐབས་སུ། ཁོང་གིས། སློབ་གྲྭའི་ནང་དོན་རྐྱེན་དེ་བྱུང་རྗེས་བཀའ་ཁྲི་ཟམ་གདོང་རིན་པོ་ཆེ་མཆོག་དང་ཤེས་རིག་བཀའ་བློན། མ་སུ་རི་བོད་ཁྱིམ་གྱི་སློབ་སྤྱི་དང་དྲུང་ཆེ་བཅས་གྲོས་བསྡུར་བྱས་འདུག་ལ། ཕྱིས་སུ་སློབ་མ་དེ་དག་བོད་ནང་འགྲོ་བའི་ལམ་གྲོན་ཚང་མ་བོད་ཁྱིམ་གྱིས་གཏོང་རྒྱུ་གཏན་འཁེལ་བྱུང་རྗེས། འབྲེལ་ཡོད་ལས་བྱེད་མངགས་གཏོང་གིས་བལ་ཡུལ་སྣེ་ལེན་ཁང་ལ་རྩིས་སྤྲོད་དང་ཕྱིར་བོད་ནང་གཏོང་དགོས་པའི་སྐོར་གཏན་འཁེལ་བྱུང་འདུག་ཅེས་གསུངས་ཡོད་པ་གསར་འགྱུར་དུ་ཐོན་ཡོད་པ་རེད།
སྤོབས་པ་མཐའ་ཡས་ལགས། ལན་འདི་ལ་འགྲེལ་བཤད་ག་རེ་རྒྱག་གི་ཡིན།