ཁོར་ཡུག་སྲུང་སྐྱོབ་པ་སྐུ་ཞབས་རིན་ཆེན་བསམ་འགྲུབ་ལཊ་ལ་དེ་རིང་ཆབ་མདོ་འབྲིང་རིམ་མི་དམངས་ཁྲིམས་ཁང་ནས་ཁྲིམས་ཞིབ་བྱ་རྒྱུ་རེད།
དེ་རིང་རྩོམ་པ་པོ་འོད་ཟེར་ལགས་ཀྱི་ཟིན་བྲིས་སུ་གནས་ཚུལ་སྤེལ་བ་ལྟར་ན། ཉེ་ཆར་ཀརྨ་བསམ་འགྲུབ་ལ་རྒྱ་གཞུང་གིས་རྒྱལ་ཁབ་ཁ་བྲལ་དང་ཁྲིམས་འགལ་གྱིས་དུར་སྔོག་བྱས་པའི་ཉེས་འཛུགས་འོག་མི་ལོ་ ༡༥ ཡི་ཁྲིམས་ཐག་བཅད་ཡོད་ལ། དེ་རིང་ཕྱི་ཚེས་ ༣ ཉིན་སྤུན་ཆེ་བ་རིན་ཆེན་བསམ་འགྲུབ་ལཊ་ལ་ཆབ་མདོ་འབྲིང་རིམ་མི་དམངས་ཁྲིམས་ཁང་ནས་ཁྲིམས་བཤེར་བྱ་རྒྱུ་རེད། གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཁོར་ཡུག་སྲུང་སྐྱོབ་པ་སྐུ་ཞབས་རིན་ཆེན་བསམ་འགྲུབ་ལའང་རྒྱལ་ཁབ་ཁ་བྲལ་གྱི་ནག་ཉེས་བཙུགས་ཡོད་སྟབས་མཇུག་འབྲས་དེ་ཉེན་ཁ་ཅན་ཞིག་ཡིན་ཚུལ་བརྗོད་ཡོད། ན་ནིང་ཁོང་སྤུན་གཉིས་ཀྱིས་རྣམ་རྫོང་སྐྱེས་ཁམས་ཁོར་ཡུག་ཚོགས་པ་ཞེས་པ་གསར་འཛུགས་བྱས་སྟབས། རྒྱ་གཞུང་གིས་ཁྲིམས་འགལ་ཡིན་པའི་ནག་ཉེས་བཙུགས་ཏེ་ཟླ་ ༨ པའི་ནང་ཁོང་གཉིས་དུས་གཅིག་ལ་འཛིན་བཟུང་བྱས་ཡོད་ལ། སྤུན་ཆུང་བ་འཆི་མེད་རྣམ་རྒྱལ་ལ་ཟླ་ ༢༡ ཙམ་གྱི་དུས་བཀག་བཙོན་འཇུག་བྱས་ཡོད། རིན་ཆེན་བསམ་འགྲུབ་ལགས་ད་ལྟ་རང་ལོ་ ༤༤ ཡིན་ལ་འདས་པའི་ལོ་རྒྱུས་ཁྲོད་ཁོང་ལ་ཁོར་ཡུག་སྲུང་སྐྱོབ་ཐད་ཀྱི་བྱ་དགའ་ཡང་ཐོབ་མྱོང་ཡོད་འདུག
གསར་འགོད་པ། དཔལ་ལྡན་རྒྱ་མཚོ།
གང་ལྟར་ཁྲིམས་ཐག་དྲང་བདེན་ཞིག་ཡོང་དཀའ་ཡང་། གང་ཐུབ་ཀྱིས་ཁེ་བཟང་རྩོད་དགོས་པ་ང་ཚོའི་ལས་འགན་ཡིན་པས་འབྲེལ་ཡོད་ཚོས་འབད་འབངས་བྱེད་རོགས།
ནག་ཉེས་བདག་གསེལ་ཡོང་བའི་སྨོན་ལམ་བརྒྱབ་བཞིན་ཡོད།
ཨོྃ་མ་ནི་པདྨེ་ཧཱུྂ།
བཅད་སོང་་་་་
ད་ལྟ་རང་གནས་ཚུལ་འབྱོར་ན་་་་་་
ཀརྨ་བསམ་འགྲུབ་ལ་རྒྱ་གཞུང་གིས་རྒྱལ་ཁབ་ཁ་བྲལ་དང་ཁྲིམས་འགལ་གྱིས་དུར་སྔོག་བྱས་པའི་ཉེས་འཛུགས་འོག་མི་ལོ་ ༡༥ ཡི་ཁྲིམས་ཐག་བཅད་ཡོད་ལ། དེ་རིང་ད་ལྟ་རང་ཁོང་གི་སྤུན་མཆེད་རིན་ཆེན་བསམ་འགྲུབ་ལཊ་ལ་མི་ལོ་ལྔའི་དུས་བཀག་བཙོན་འཇུག་གི་ཁྲིམས་ཐག་བཅད་འདུག།
ད་ཡིན་ན་རྒྱ་ནག་གི་བོད་མི་རྩ་གླག་གཏོང་ཡ་རང་ལ་བསྟན་ནས་སྲིད་ཇུ་བཟོས་གི་འདུག་་་་་་་་་་་་་་་་་་་་་་་་་