ཁ་སང་ཕྱི་ཚེས་ ༤ ཉིན་རྒྱ་གཞུང་གིས་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ཡིས་ལྷ་ལྡན་གཙུག་ལག་ཁང་གི་ཇོ་བོ་ཤཱཀྱ་མི་ནེའི་སྐུ་མདུན་དུ་གསེར་བུམ་དཀྲུག་འདོན་མཛད་དེ། ཕྱི་ལོ་ ༢༠༠༥ ལོར་ལྷོ་ཁ་ལྷུན་རྩེ་རྫོད་དུ་འཁྲུངས་བའི་ཡབ་སྐལ་བཟང་དབང་འདུས་དང་། ཡུམ་པངྨ་ལྷ་འཛོམས་གཉིས་ཀྱི་བུ་བློ་བཟང་རྡོ་རྗེ་ཞུ་བ་སྡེ་དྲུག་སྐུ་ཕྲེང་ལྔ་བའི་ཡང་སྲིད་དུ་ངོས་འཛིན་བྱས་ཡོད་འདུག
ཐེངས་འདིར་པཎ་ཆེན་རྒྱལ་མཚན་ནོར་བུས་ངོས་འཛིན་བྱས་པའི་༼ སྡེ་དྲུག ༽ ཞུ་བའི་སྤྲུལ་སྐུ་དེའི་མཚན་གནས་དང་ལོ་རྒྱུས་སྐོར། དུང་དཀར་ཚིག་མཛོད་ཆེན་མོའི་ཤོག་ངོས་ ༣༨༣ ནང་བཀོད་དོན། དགའ་ལྡན་ཁྲི་ཐོག་དོན་དྲུག་པ། སྡེ་དྲུག་ཧོ་ཐོག་ཐུ་སྐུ་ཕྲེང་དང་པོ་ཁྲི་ཆེན་མཁྱེན་རབ་དབང་ཕྱུག སྐུ་གཞོན་ནུའི་དུས་སུ་འབྲས་སྤུངས་བློ་གསལ་གླིང་རྒྱལ་རོང་ཁང་ཚན་དུ་ཆོས་ཞུགས་ཐོག་གཞུང་ཆེན་སློབ་གཉེར་ལེགས་པར་གྲུབ་སྟེ། དགེ་བཤེས་ལྷ་རམས་པའི་མཚན་བཏགས་དང་དེ་ནས་རྒྱུད་སྨད་དུ་ཞུགས་ཏེ། གསང་སྔགས་ཀྱི་སློབ་གཉེར་དང་གསན་བཞེས་རྒྱ་ཆེར་མཛད། རིམ་བཞིན་བླ་མ་དབུ་མཛད་དང་། མཁན་པོ། བྱང་རྩེ་ཆོས་རྗེ་བཅས་ཀྱི་ཁྲིར་ཕེབས། རབ་བྱུང་བཅུ་བཞི་པའི་ཆུ་གླིང་ ༡༨༥༣ ལོར་དགའ་ལྡན་གྱི་ཁྲིར་ཕེབས་ཏེ། ཁྲི་ལོ་བདུན་རིང་གི་མཛད་སྒོ་རྣམས་ལེགས་པར་གྲུབ་ནས་ཟུར་བཞུགས་གནང་མུས་སུ་ཏཱ་ལའི་བླ་མ་སྐུ་ཕྲེང་བཅུ་གཉིས་པ་འཕྲིན་ལས་རྒྱ་མཚོའི་ཡོངས་འཛིན་དུ་ཕེབས། རབ་བྱུང་བཅུ་བཞི་པའི་ཤིང་བྱི་ ༡༨༦༤ ལོར་ཡོངས་འཛིན་ཁྲི་ཟུར་མཁྱེན་རབ་དབང་ཕྱུག་ལ་གནས་སྐབས་རིང་སྲིད་སྐྱོང་གི་ལས་དོན་གནང་རྒྱུའི་སྐོར་སོགས་བོད་བཞུགས་ཨན་བན་གྱིས་ཐག་གཅོད་བྱས་ཐོག གོང་མ་ཐུང་ཁྲི་ལ་སྙན་ཞུ་ཕུལ་བ་བཞིན་རབ་བྱུང་བཅུ་བཞི་པའི་ཤིང་གླེང་ ༡༨༦༥ ལོར་སྲིད་སྐྱོང་ངོ་མའི་ཆོ་ལོ་དང་སྦྲགས་བསྐོ་གཞག་གནང་དོན་ལྟར། ལོ་བདུན་རིང་སྲིད་སྐྱོང་གནང་ཞིང། ལོ་ངོ་དྲུག་སོང་བའི་ལྕགས་ལུག་ ༡༨༦༡ ལོར་སྤྱི་ཁྱབ་མཁན་པོ་དཔལ་ལྡན་དོན་གྲུབ་དང་། བཤད་སྒྲ་བཀའ་བློན་ཚེ་རིང་དབག་ཕྱུག་མཉམ་འབྲེལ་ཐོག་བསླངས་པའི་དགའ་ལྡན་ཟིང་འཁྲུགས་ཟེར་བ་བྱུང་། དེར་ས་གནས་སྲིད་གཞུང་གིས་དྲག་གནོན་བྱས་རྗེས། དེའི་ཕྱི་ལོར་སྲིད་སྐྱོང་སྡེ་དྲུག་རིན་པོ་ཆེ་ཉིད་ཀྱང་སྐུ་གཤེགས། དེའི་རྗེས་སྐུ་ཕྲེང་རིམ་པར་བྱུང་བ་སྡེ་དྲུག་ཧོ་ཐོག་ཐུ་ཞུ་བ་དེ་ཡིན། ཁྲི་ཆེན་འདིའི་ལོ་རྒྱུས་སྐོར། འབྲེལ་ཡོད་བླ་མ་ཁག་གི་རྣམ་ཐར་ནས་ཟུར་ཙམ་ལས་མི་གསལ་ཞིང་། དེ་མིན་ལོ་རྒྱུས་ཡིག་ཆ་གཞན་དག་མ་རྙེད། ཅེས་བཀོད་འདུག
གོང་གི་གནས་ཚུལ་དེའི་ནང་དོན་ཞིབ་ཕྲ་བོད་ལྗོངས་ཆ་འཕྲིན་ལྟེ་གནས་སུ་བཀོད་དོན། སྡེ་དྲུག་སྐུ་ཕྲེང་ལྔ་པའི་ཡང་སྲིད་གསེར་བུམ་དཀྲུག་འདོན་བྱས་ནས་ངོས་འཛིན་ཞུ་བའི་མཛད་སྒོ་དེ་ཟླ་ ༧ པའི་ཚེས་ ༤ ཉིན་ལྷ་སའི་ལྷ་ལྡན་གཙུག་ལག་ཁང་ཆེན་མོའི་ཤཱཀྱ་མུ་ནེའི་སྐུ་མདུན་དུ་གཟབ་ནན་སྒོས་སྤེལ་བ་རེད། ༢༠༠༥ ལོའི་ཟླ་ ༡༡ པའི་ཚེས་་ ༣༠ ཉིན་ལྷོ་ཁ་ས་ཁུལ་ལྷུན་རྩེ་རྫོང་དུ་སྐུ་འཁྲུངས་ཤིང་། ཡབ་ཀྱི་མིང་ལ་སྐལ་བཟང་དབང་འདུས་དང་། ཡུམ་གྱི་མིང་ལ་པདྨ་ལྷ་འཛོམས་ཞེས་སུ་འབོད་པའི་བུ་ཕྲུག་བློ་བཟང་རྡོ་རྗེར་གསེར་བུམ་དཀྲུག་འདོན་བྱུང་བས་བོད་རང་སྐྱོང་ལྗོངས་མི་དམངས་སྲིད་གཞུང་ལ་ཆོག་མཆན་ཞུས་རྗེས་སྡེ་དྲུག་སྐུ་ཕྲེང་དྲུག་པར་ངོས་འཛིན་ཞུ་རྒྱུ་རེད། བོད་རང་སྐྱོང་ལྗོངས་ཏང་ཨུའི་རྒྱུན་ཨུ་དང་བོད་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ། བོད་རང་སྐྱོང་ལྗོངས་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་བློ་བཟང་རྒྱལ་མཚན་གསེར་བུམ་དཀྲུག་པའི་མཛད་སྒོར་ཞུགས་གནང་ཡོད་པ་རེད། བོད་རང་སྐྱོང་ལྗོངས་མི་དམངས་སྲིད་གཞུང་གི་ཆེད་མངགས་འཐུས་མི་བློ་བཟང་འཇིགས་མེད་ཀྱིས་བོད་རང་སྐྱོང་ལྗོངས་མི་དམངས་སྲིད་གཞུང་གི་ཚབ་ཞུས་ཏེ་གསེར་བུམ་དཀྲུག་པར་མོས་མཐུན་བྱུང་བའི་འབྲེལ་ཡོད་མཆན་འགོད་སྒྲོག་འདོན་གནང་བར་མ་ཟད། གསེར་བུམ་དཀྲུག་པའི་མཛད་སྒོའི་ཐད་ལ་ལྟ་ཞིབ་གནང་བ་རེད། བོད་རང་སྐྱོང་ལྗོངས་མི་དམངས་སྲིད་གཞུང་གི་ཆེད་མངགས་འཐུས་མིས་གཙོ་སྐྱོང་གནང་ཞིང་། རྒྱལ་ཡོངས་སྲིད་གྲོས་ཀྱི་ཨུ་ཡོན་དང་ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་གིས་གསེར་བུམ་དཀྲུག་གནང་བ་རེད། དེ་རིང་ནི་བོད་ལུགས་ཀྱི་ལྕགས་སྟག་ལོའི་ཟླ་ ༥ པའི་ཚེས་ ༢༣ ཡིན་ལ། རྟེན་འབྲེལ་ཀུན་འགྲིག་གི་ཉིན་མོ་ཞིག་ཡིན་པ་རེད། ཞོགས་པ་སྔ་མོའི་དུས་སུ་ཇོ་བོ་ཤཱཀྱ་མུ་ནེའི་མཆོད་ཁང་ནང་དུ་བླ་མ་སྐྱེས་ཆེན་རྣམས་ལྷན་ཏུ་འཛོམས་ནས་མཆོད་མེ་མཐའ་དག་སྒྲོན་པ་ལས། གཟབ་ནན་གྱི་རྣམ་པ་ཞིག་མངོན་ཡོད་པ་དང་བཀྲ་ཤིས་པའི་མཁའ་དབུགས་ཤིག་གིས་ཁྱབ་ཡོད་པ་རེད། ལོ་རྒྱུས་ཀྱི་གཏན་འཁེལ་དང་ཆོས་ལུགས་ཆོ་ག་ལྟར། གསེར་བུམ་དཀྲུག་པར་བཀོལ་བའི་གསེར་བུམ་དེ་དག་ཇོ་བོ་ཤྰ་ཀྱ་མུ་ནེེའི་སྐུ་མདུན་དུ་བཤམས་ཡོད་ཅིང་། དགེ་འདུན་པ་རྣམས་ཀྱིས་བསྟུད་མའི་ཉིན་གསུམ་རིང་ལ་བྱིན་གྱིས་བརླབས་པ་དང་མཆོད་འཇལ་སྣ་ཚོགས་ཞུས་པ་བརྒྱུད་དེ་མཆོད་མེའི་གཟི་འོད་འོག་ཏུ་གསོན་ཉམས་ཀྱིས་ཕྱུག་ཡོད་པ་རེད། དུས་ཚོད་ལྔ་ཡས་མས་སུ་གསེར་བུམ་དཀྲུག་པའི་མཛད་སྒོ་མགོ་བརྩམས་ཤིང་། ལྷོ་ཁ་ས་ཁུལ་ཆོས་ལུགས་མཐུན་ཚོགས་ཀྱི་ཚོགས་གཙོ་དང་ཡང་སྲིད་སྤྲུལ་སྐུ་འཚོལ་ཞིབ་ཚོགས་པའི་ཚོགས་གཙོ་ཟླ་བ་ཚེ་རིང་གིས་སྡེ་དྲུག་སྤྲུལ་སྐུའི་ཡང་སྲིད་ཞིབ་འཚོལ་སྐོར་གྱི་གནས་ཚུལ་ངོ་སྤྲོད་གནང་བ་རེད། ཅེས་དང་།
གནས་ཚུལ་དེའི་ནང་མུ་མཐུད་བཀོད་དོན། བོད་རང་སྐྱོང་ལྗོངས་མི་དམངས་སྲིད་གཞུང་གི་ཆེད་མངག་འཐུས་མི་དང་བོད་རང་སྐྱོང་ལྗོངས་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཀྲུའུ་རེན་བློ་བཟང་འཇིགས་མེད་ཀྱིས་བོད་ཡིག་དང་རྒྱ་ཡིག་གཉིས་ལ་བརྟེན་ནས་བོད་རང་སྐྱོང་ལྗོངས་མི་དམངས་སྲིད་གཞུང་གི་གསེར་བུམ་དཀྲུག་ཆོག་པར་མོས་མཐུན་བྱུང་བའི་སྐོར་གྱི་མཆན་འགོད་སྒྲོག་འདོན་གནང་བ་རེད། བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་། ནང་བསྟན་ཆོས་ལུགས་མཐུན་ཚོགས་བོད་ལྗོངས་ཡན་ལག་གི་ཚོགས་གཙོ་སྒྲུབ་ཁང་ཐུབ་བསྟན་མཁས་གྲུབ་དང་། ལྷོ་ཁ་ས་ཁུལ་ནང་བསྟན་མཐུན་ཚོགས་ཀྱི་ཚོགས་གཙོ་ཟླ་བ་ཚེ་རིང་སོགས་གསེར་བུམ་དཀྲུག་སར་གདན་དྲངས་ཡོད་ཅིང་། གསེར་བུམ་སྲུང་བའི་བླ་མ་གཉིས་ཀྱིས་གསེར་བུམ་དེ་སྔོན་ལ་བཀོད་སྒྲིག་གནང་ཡོད་པའི་སྒྲོག་ཙེའི་སྟེང་དུ་འཇོག་པ་དང་། བོད་རང་སྐྱོང་ལྗོངས་མི་དམངས་སྲིད་གཞུང་གི་ཆེད་མངག་འཐུས་མི་བློ་བཟང་འཇིགས་མེད་དང་། ཀྲའོ་ཞོན་ཀྲུང་། ཆོས་ལུགས་ལས་དོན་གྱི་མི་སྣ་སྒྲུབ་ཁང་ཐུབ་བསྟན་མཁས་གྲུབ། འོས་སྤྲུལ་གྱི་གཉེན་ཉེ་བཅས་ཀྱིས་གསེར་བུམ་དཀྲུག་པར་ཞིབ་བཤེར་གནང་བ་མ་ཟད། ད་དུང་བོད་ཡིག་དང་རྒྱ་ཡིག་གི་ལམ་ནས་འོས་སྤྲུལ་སྤྲུལ་སྐུའི་མཚན་ཐོ་མཚན་བྱང་སྟེང་དུ་སྦྱར་ཏེ། གསེར་བུམ་དཀྲུག་སྣོད་དུ་བཞག་ཡོད་པ་རེད། དེ་མུར་ལས་དོན་པས་སྡེར་མ་ཡར་བཀྱགས་ནས་བོད་རང་ལྗོངས་མི་དམངས་སྲིད་གཞུང་གི་འཐུས་མི་ནས་མགོ་བརྩམས་ཏེ་རིམ་བཞིན་བླ་མ་སྐྱེས་ཆེན་དང་འོས་སྤྲུལ་གཉེན་ཉེ། ཡུལ་དངོས་ཀྱི་དགེ་འདུན་པ་དང་སེར་སྐྱ་མང་ཚོགས་ལ་ལྟ་རུ་བཅུག་ཅིང་། ཚང་མས་གཏན་འཁེལ་བྱས་ནས་མིང་རྟགས་ལ་ནོར་བ་མེད་པར་བྱས་རྗེས། ད་གཟོད་རས་སེར་གྱིས་ཁ་བཏུམས་པ་རེད། དེ་ནས་བྲེལ་མྱུར་ངང་ལྷོ་ཁ་ས་ཁུལ་ནང་བསྟན་མཐུན་ཚོགས་ཀྱི་ཚོགས་གཙོ་དང་ཡང་སྲིད་སྤྲུལ་སྐུ་འཚོལ་ཞིབ་ཚོགས་པའི་ཚོགས་གཙོ ཟླ་བ་ཚེ་རིང་གིས་ཤཱ་ཀྱ་མུ་ནེེའི་སྐུ་འདྲ་དང་གསེར་བུམ་ལ་ཕྱག་འཚལ་རྗེས་གཟབ་ནན་སྒོས་གསེར་བུམ་གྱི་ཁ་ཕྱེ་བ་དང་རྒྱན་འཕེན་བྱང་སྣོད་བླངས་ཏེ་མཚན་བྱང་དེ་བུམ་པའི་ནང་བཞག་ནས་བུམ་ཁ་བརྒྱབ་རྗེས་ཕྱིར་འདུག་གནས་རྐུབ་སྟེགས་སུ་ལོག་པ་རེད། དེ་རྗེས་བུམ་སྲུང་བླ་མ་གཉིས་ཀྱིས་གུས་འདུད་ཆེན་པོ་དང་བཅས་གསེར་བུམ་དེ་ཤཱ་ཀྱ་མུ་ནེའི་སྐུ་མདུན་དུ་བསྙེན་བཀུར་དང་བཅས་ཕུལ་གནང་བ་རེད། ཅེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
ལུང་བགྲངས་ནོར་གླང་གླེང་ནོར་སོགས་ནི་གསར་འགོད་པ་ཞིག་གིས་ནོར་ན་ང་ཚོ་མི་ཡན་གར་བ་ཚོ་ཁག་ཅི་ཡོད། གང་ཡིན་ཡང་ང་ཚོས་ཡིག་ནོར་ལ་གཟབ་གལ་ཆེ་ཨང་།
བོད་ཀྱི་ཆོས་ལུགས་འདི་ཇི་འདྲའི་རྙོག་དྲ་ཅན་ཞིག་རེད་ཨང་།
ཆོས་འཕེལ་ལགས།
ཁྱེད་ཀྱིས་པན་ཆེན་སྐུ་གོང་མ་བཅུ་བ་ཆེན་པོ་མཆོག་ལའང་༧གོང་ས་མཆོག་གིས་ངོས་འཛིན་གནང་མེད་པ་དང་། རྒྱལ་མཚན་ནོར་བུ་ཡང་དེ་མཚུངས་ཡིན་ཚུལ་བཤད་པ་ནི། ཆེད་དུ་འཁྱོག་བཤད་དང་ཀླན་ཀ་འཚོལ་གྱི་ཡོད་ན་ཁྱེད་ལ་གསལ་འདེབས་བཤད་འདོད་མེད་ལ། གལ་སྲིད་ལོ་རྒྱུས་ཀྱི་བྱུང་རིམ་གསལ་པོ་མ་ཤེས་པ་ཡིན་ན། ཁྱེད་ལ་བཤད་འདོད་པ་ནི་པན་ཆེན་བཅུ་བ་མཆོག་གི་ཐུགས་ཐག་ཆེད་དུ་ཐོག་མའི་ངོས་འཛིན་གནང་མཁན་ནི་༧གོང་ས་མཆོག་མིན་ཀྱང་མཐའ་མའི་ཐག་གཅོད་གནང་མཁན་ནི་ཁོང་ཡིན་པ་གོང་ས་མཆོག་གིས་རབ་དང་རིམ་པར་བཀའ་གསལ་པོ་གནང་ཡོད།མ་ཟད་ཁྱེད་ཀྱིས་ལྟ་འདོད་ན་བཅུ་བའི་དགོངས་རྫོགས་བཀའ་སློབ་དང་ལོ་བཅུ་འཁོར་བའི་དུས་དྲན་སྐབས། དེ་མིན་བཅུ་གཅིག་པ་པན་ཆེན་དགེ་འདུན་ཆོས་ཀྱི་ཉི་མ་གསལ་བསྒྲགས་སྐབས་སོགས་ན་གསལ་ཡོད། དེ་ཡང་བོད་སྡེ་བ་གཞུང་གིས་ངོས་ལེན་མ་གནང་བས་དབུས་སུ་གདན་ཞུ་གནང་དཀའ་བར་གྱུར་བའི་དུས་དེ་ལ་ཡུལ་མདོ་སྨད་དུ་འཁྲུངས་པའི་འོས་སྤྲུལ་མགོན་པོ་ཚེ་བརྟན་དེ་ཉིད་དགུ་བའི་ཡང་སྲིད་ཡིན་འདུག་ཅེས་བཀའ་ཐམ་གནང་ནས་བོད་གཞུང་དམངས་གཉིས་ཀས་ཁས་ལེན་ཅིང་བཀུར་འོས་པ་ཞིག་ཏུ་གྱུར་བ་ལས་བྱས་རྗེས་ཡོད་མེད་གཅིག་པོས་ཡང་སྲིད་དུ་འགྱུར་ཆོག་པ་ཞིག་ག་ནས་ཡིན། ཕྱིན་ཆད་སྐད་ཆ་བཤད་དུས་གཟབ་ནན་དང་ལོ་རྒྱུས་ལ་མང་ཙམ་དོ་སྣང་བྱེད་རྒྱུ་ངའི་རེ་བ་ཡིན།
རྒྱས་མཚན་ནོར་བུ་ལ་རང་དབང་ཡོད་མེད་མི་ཤེས་མོད་གང་ལྟར་འདི་ཆབ་སྲིད་གནག་པོ་ཞིག་འགོ་འཛུགས་བྱས་པ་རེད། མ་འོང་བོད་ཀྱི་བླ་མ་ཆེ་ཁག་ཚང་མ་འདི་ལྟར་ངོས་འཛིན་རྒྱུའི་ཉེས་ཁ་ཆེན་པོ་རེད། ནམ་ཞིག་གོང་ས་མཆོག་གི་ཡང་སྲིད་ཀྱང་འདི་ལྟར་ངོས་འཛིན་རྒྱུའི་འཆར་གཞི་ད་ལྟ་ནས་བཀོད་ཟིན་པ་རེད།
སྤྱི་ནོར་གོང་ས་སྐྱབས་མགོན་ཆེན་པོ་མཆོག་ནི། འདི་ཕྱིའི་རེ་ལྟོས་གཅིག་བུ་དེ་ཡིན་རུང་།
༧ གོང་ས་མཆོག་གིས་ངོས་འཛིན་མ་བྱས་པའི་རྒྱུ་མཚན་གྱིས་པན་ཆེན་རྒྱལ་མཚན་ནོར་བུ་རིན་པོ་ཆེ་མཆོག་པན་ཆེན་རིན་པོ་ཆེའི་ཡོང་སྲིད་ཡིན་པའི་ངོས་འཛིན་མ་བྱེད་ན་ཧ་ཀྱང་ཐལ་དྲག་པའི་སྐྱོན་དུ་མཐོང་།
དེ་ལྟར་པན་ཆེན་སྐུ་གོང་མ་ཡང་པན་ཆེན་གྱི་ཡང་སྲིད་དུ་ངོས་འཛིན་བྱེད་མི་རུང་ཏེ། ༧་གོང་ས་མཆོག་གིས་ངོས་འཛིན་མ་གནང་བས་སོ།
པན་ཆེན་སྐུ་གོང་མ་ལྟ་བུར་མཚོན་ནའང་། བོད་སྡེ་བ་གཞུང་གིས་རྒྱབ་སྐྱོར་ཡོད་མེད་ལ་མ་ལྟོས་པར། བོད་མིའི་ལས་འགན་སྒྲུབ་མཁན་ཞིག་ཆགས་ཡོད་པ་ངོས་ཟིན་ནས། བོད་མི་རབས་ཀྱི་ཚ་བརྒྱུད་ལ་མཚན་སྨད་ཡོང་བའི་ལས་གང་ཡང་། ཁོང་གི་སྐུ་ཚེར་མི་འཇོག་པའི་དམ་བཅའ་བརྟན་པོར་མཛད་པ་བཞིན་མཐར་སྐྱོངས་ནས་ཞི་བར་གཤེགས་ཏེ་རང་རེ་བོད་མི་ཡོངས་ཀྱི་མིག་དཔེ་བལྟ་སར་གྱུར་སོང་།
དེ་ནང་བཞིན་ད་ལྟའི་པན་ཆེན་ཡང་། བོད་ཀྱི་ལམ་སྲོལ་ལྟར། ཇོ་བོའི་སྐུ་མདུན་དུ་རྟགས་བསྒྲིལ་གཡུག་ནས་གདམ་པ་ཞིག་སོང་རྟེན། གང་བྱུང་མཚན་སྨད་ཞུས་ཤིང་། ཐ་ཆད་ཚིག་རྣམས་འཕེན་རྒྱུར་བསྟན་སྲིད་ཀྱི་དགྲ་བོར་འཕང་ཡང་ཕོག་རྒྱུ་རང་མགོ་ལ་ཕོག་གིན་ཡོད་པ་འདི་ཤེས་དགོས།
དེ་དང་ད་ལྟ་རྒྱ་གཞུང་གིས་ངོས་ལེན་ཡོད་པའི་པན་ཆེན་དེ་ལ། བོད་གཞུང་མང་གཉིས་ཀྱིས་དོན་གྱི་ཁས་ལེན་ཟིན་པ་རེད་བསམ་གྱིན་ཡོད། རྒྱ་ནག་གཞུང་གི་རྩ་ཁྲིམས་ཀྱི་སྒྲོམ་གཞིར་སྡོད་རྒྱུ་ཁས་ལེན་ཟིན་པས། པན་ཆེན་གྱི་ཚབ་ཏུ་བསྐོས་པའི་མི་ལ། པན་ཆེན་དུ་ཁས་ལེན་མ་བྱས་ན། མིང་ཙམ་ཆགས་ནས་སྡད་མི་འདུག་པས།
དེ་བས། ང་ལྟ་བུར་མཚོན་ན། བོད་ཀྱི་བསྟན་པ་དང་ཆབ་སྲིད་ལ་ཕན་ཐོག་མཁན་ཞིག་བྱུང་ན། མོའུ་ཙི་ཏུང་གིས་བསྐོས་པ་ཞིག་ཡིན་ན། གུས་བཀུར་ཞུ་བགྱི་ཡིན་ལ། བོད་ཀྱི་བསྟན་པ་ཆབ་སྲིད་ལ་གནོད་མཁན་ཞིག་བྱུང་ན། ༧གོང་ས་སྐྱབས་མགོན་ཆེན་པོས་ངོས་འཛྀན་གནང་བ་ཞིག་ཡིན་ནའང་། གུས་བཀུར་མི་ཞུ་ངོ་མ་ཡིན
གོང་ས་སྐྱབས་མགོན་ཆེན་པོ་མཆོག་གི་སྐུ་འཁྲུངས་པའི་དུས་ཆེན་ལ་སྐུ་ཚེ་ཁྲི་ལོར་བརྟན་པའི་སྨོན་ལམ་འདེབས།།
གོང་གི་དུང་དཀར་ཚིག་མཛོད་ལས་དྲངས་བའི་ལུང་དེའི་ལོ་གྲངས་འགོད་ནོར་རམ་ཡང་ན་ཡིག་ནོར་ཡིན་པར་ངེས་ཏེ། ༡༨༦༥ལོར་སྲིད་སྐྱོང་གི་ཆོ་ལོ་སྤྲད་ནས་ལོ་དྲུག་ཕྱིན་པའི་རྗེས་དེ་༡༨༧༡ཡིན་དགོས་བས་༡༨༦༡ཞེས་བ་ལོ་གྲངས་ནོར་འདུག་སྙམ། ༡༨༦༥ཤིང་གླང་ལ་འགྲེང་བུ་མི་དགོས།
ལས་དོན་འདི་ཡང་བོད་ཐོག་དམིགས་ཡུལ་དང་འཆར་གཞི་ངེས་ཅན་ཡོད་པའི་རྒྱ་གཞུང་གི་བརྡ་ལན་གསལ་བོ་ཞིག་རེད། ཡང་བསྐྱར་བོད་གཞུང་གི་མགོ་གཙོ་ཚོས་སྤྲུལ་རྫུན་རྒྱལ་མཚན་ནོར་བུ་ལ་བསྔགས་བརྗོད་དང་འབྲེལ། རྒྱ་གཞུང་གི་བྱེད་སྟངས་དེ་དག་ཁྲིམས་མཐུན་ལུགས་མཐུན་དུ་བརྩི་དགོས་པ་འདྲ།
སྨོན་ལམ་བཏབས་པ་ཙམ་གྱིས་རྐྱེན་ངན་ཟློག་ཐུབ་པ་ཞིག་ཡིན་ན། ང་ཚོར་རྐྱེན་དང་བར་ཆད་འདི་འདྲ་ཞིག་འབྱུང་སའི་དུས་ཤིག་འཆར་མི་སྲིད་དེ། སྐྱ་སེར་རྒན་གཞོན་དབྱེ་བ་མེད་པར་ཚང་མས་སྨོན་ལམ་ཏག་ཏག་བརྒྱབས་ནས་འོང་བ་ཡིན་ནམ། སྡེ་དྲུག་སྤྲུལ་སྐུའི་ལོ་རྒྱུས་ལ་གཟིགས་དང་ཁྱེད་ཚོས་རྒྱ་གཞུང་གིས་བོད་ལ་སྤྲུལ་སྐུའི་དབང་བསྒྱུར་གསར་བ་ཞིག་བྱ་རྒྱུ་ཡིན་པ་རྟོགས་ངེས།
སྔོན་ཆད་ཀྱང་སྲིད་དོན་ཆེད་དུ་ཆོས་ལུགས་སྤྱད་པ་འདི་འདྲ་མང་པོ་བྱུང་བས་ལན་པ་རེད། དེང་སང་འདི་ཤུགས་ཆེ་རུ་འགྲོ་བཞིན་ཡོད། དེ་བས་སྤྲུལ་སྐུའི་ལམ་ལུགས་ལའང་ལེགས་བཅོས་ཤིག་བྱེད་རན་རེད། ཕྱི་བཞུགས་ཆོས་ཀྱི་དབུ་ཁྲིད་རྣམ་པས་ཐག་གཅོད་ཅིག་ཐུབ་བམ།
གསེར་བུམ་དཀྲུག་དོན་གྱི་འོས་མི་དང་དཀྲུག་མཁན་ཚད་ལྡན་ཡིན་མིན་ལ་རག་ལས་པ་མ་གཏོགས་གཞན་ཏུ་ན་མི་ཕྲུག ཁྱི་ཕྲུག ཕག་ཕྲུག་གསུམ་གྱི་མིང་གསུམ་ནང་ནས་གཅིག་ཐོན་པར་ངེས་པ་ཚང་མའི་ཤེས་ཐུབ། དྲང་པོ་མེད་ན་ལས་ཀ་འདིའི་རིགས་ནི་སོ་སོས་སོ་སོར་མགོ་སྐོར་གཏོང་ཐབས་གཅིག་ལས་དེ་ལ་ངོ་མཚར་རྒྱུ་ཅི་ཡང་ལྷག་ཡོད་མ་རེད།
ང་ཚོས་རྒྱ་མིའི་པན་ཆེན་དང་རྒྱ་མིའི་པན་ཆེན་གྱི་ཐུགས་ཐག་བཅད་པའི་སྤྲུལ་སྐུ་དག་གིས་མ་འོངས་པའི་སངས་རྒྱས་བསྟན་པའི་མཁྱེན་རྒྱ་ཅི་འདྲ་ཆེ་རུང་། བོད་མི་རིགས་ཀྱི་ཆེད་དུ་བྱ་བཞག་རླབས་ཆེན་ཅི་འདྲ་སྒྲུབ་རུང་། སྤྲུལ་སྐུ་ཞིག་སྟབས་སྟངས་འཛིན་མི་རུང་། དངོས་ནས་མཁས་པ་ཞིག་གམ་མི་རིགས་ལས་དོན་བྱས་རྗེས་ཅན་ཞིག་ཏུ་གྱུར་རུང་སྤྱིང་བཏང་གི་མི་ཞིག་ཡིན་པས་ཆ་ནས་གོང་བཀུར་བྱེད་དགོས་ལས། བླ་ཆེན་ནམ་སྤྲུལ་སྐུ་ཞིག་གི་ཐོབ་ཐང་ལ་དང་ལེན་བྱེད་མི་རུང་།
རྒྱ་ནག་པཎ་ཆེན་གྱིས་གསེར་བུམ་དཀྲུག་སྟེ་ངོས་འཛིན་བྱས་པའི་སྡེ་དྲུག་སྐུ་ཕྲེང་ལྔ་པ་སྟེ་གསན་བསམ་ཡག་པོ་བྱུང་དེ་མི་དམངས་ལ་ཕན་ཐོག་པ་ཞིག་བྱུང་ན་ཡག་པོ་རེད། དེ་མིན་དེང་སྐབས་སྤྲུལ་སྐུའི་མིང་འཁྱེར་ཏེ་སྤྱི་ཚོགས་དང་མི་དམངས་ལ་ཕན་པ་ལས་གནོད་པ་ཡང་བྱུང་སྲིད་པ་རེད་དེ་འདྲ་མི་ཡོང་བའི་སྨོན་ལམ་ཞུ།
ད་ངས་སྤྲུལ་སྐུ་ཞེས་པའི་སྡིང་ཆ་འདིའི་རྒྱབ་ལྗོངས་གཞི་ནས་རྙེད་བྱུང་།
འདི་ནི་པཎ་ཆེན་རྒྱལ་མཚན་ནོར་བུའི་ལས་ཀ་གསར་པ་ཡིན་ལ། ལོ་རྒྱུས་རང་བཞིན་གྱི་སྲིད་དོན་གྱི་འཁྲབ་སྟོན་དང་པོ་ཡང་ཡིན། བོད་ནས་བཏོན་པའི་ལོ་རྒྱུས་དེབ་ཐེར་ཁག་ཅིག་ཏུ། སྤྱི་ལོ་ ༡༨༦༤ ལོར་ལྷ་སྡོད་ཨན་བན་གྱིས་སྡེ་དྲུག་སྐུ་ཕྲེང་དང་པོ་ཁྲི་ཆེན་མཁྱེན་རབ་དབང་ཕྱུག་མཆོག སྲིད་སྐྱོང་དུ་དམིགས་འཛུགས་བྱས་པ་ལྟར། ལོ་རྗེས་མ་དེ་ལ་མན་ཇུ་གོང་མ་ཆེན་པོས་སྲིད་སྐྱོང་དངོས་ཀྱི་ཆོ་ལོ་བསྩལ་ཏེ། སྤྱི་ལོ་ ༡༨༧༢ བར་གྱི་ལོ་བདུན་རིང་གོང་མའི་ཐུགས་བཞེད་ལྟར་སྲིད་སྐྱོང་བའི་ལས་མཛད་འགན་བཞེས། ཞེས་གསལ་འདུག
གཞན་ལ་ཁ་གཏོང་རྐྱང་བྱས་པ་མ་ཡིན་པར་གནད་དོན་དངོས་ལ་ཞིགས་ན་
སྤྲུལ་སྐུ་བདེན་རྫུན་གང་ཡིན་ཆ་མ་འཚལ་ཡང་ལས་འབྲས་སྣོག་རྐྱང་གི་ཁྱིམ་
རྒྱུད་སྤྲུལ་སྐུ་ལས་བྱེད་སྟངས་འདི་ཅུང་ཟད་དྲང་བོ་འདུག།
པཎ་ཆེན་རྙོག་དྲ་ཅན་དེས་སྤྲུལ་སྐུ་རྙོག་དྲ་ཅན་ཞིག་བཙལ་འདུག་གཱ།
ད་རྒྱ་མོས་བག་སྐལ་དུ་ཁྱེར་ཡོང་བའི་ཇོ་སྐུ་རྙོག་དྲ་སློང་མཁན་དེས་མདུན་དང་གསེར་བུམ་རྙོག་དྲ་བཟོ་བྱེད་སྤྱད་དེའི་ནང་ནས། མི་རྙོག་དྲ་ཅན་མང་པོ་བཙལ་ཡོང་གི་འདུག་གཱ