རྒྱ་རིགས་རྩོམ་པ་པོ་དང་དམངས་གཙོ་དོན་གཉེར་བ་སྐུ་ཞབས་ཡུའུ་ཅི་ལགས་རྒྱ་ནག་གི་ཉེན་རྟོག་པས་འཛིན་བཟུང་བཀག་ཉར་བྱས་ཡོད་འདུག
ཕྱི་ཚེས་ ༧ ཉིན་གྱི་རྒྱ་གར་ཕོ་ཉ་ཞེས་པའི་ཚགས་པར་ཐོག་གནས་ཚུལ་སྤེལ་བ་ལྟར་ན། རྒྱ་རིགས་རྩོམ་པ་པོ་དང་མང་གཙོ་དོན་གཉེར་བ་གྲགས་ཅན་སྐུ་ཞབས་ཡུའུ་ཅི་ yujie ལགས་ཕྱི་ཚེས་ ༥ ཉིན་རྒྱ་ནག་གི་ཉེན་རྟོག་པས་འཛིན་བཟུང་བཀག་ཉར་བྱས་འདུག་ལ། འཛིན་བཟུང་བྱེད་དོན་ནི་ཉེ་ཆར་ཁོང་གིས་རྒྱ་ནག་གི་སྲིད་བློན་ཝུན་ཅ་པའོ་ལ་སྐྱོན་བརྗོད་ཀྱི་དཔེ་དེབ་ཅིག་བརྩམས་པ་དེར་བསྙད་བཏགས་ཏེ་འཇུས་པ་ཞིག་རེད། རྩོམ་པ་པོ་ཡུའུ་ཅི་ལགས་ཀྱིས་བཅར་འདྲི་ཞིག་གི་སྐབས་བརྗོད་དོན། ཁོང་གིས་པར་བསྐྲུན་བྱ་འཆར་ཡོད་པའི་དཔེ་དེབ་དེའི་མིང་ལ་༼རྒྱ་ནག་གི་འཁྲབ་སྟོན་པ་ཡག་ཤོས། ཝུན་ཅ་པའོ་ ༽ཞེས་བཏགས་ཡོད་ཀྱང་རྒྱ་གཞུང་གིས་ལས་གཞི་དེ་མཚམས་འཇོག་དགོས་པའི་བཙན་བཀའ་བཏང་སོང་། ཡིན་ནའང་ཁོང་གིས་ཧོང་ཀོང་པར་བསྐྲུན་ཁང་དང་གྲོས་བསྡུར་གྱིས་དཔེ་དེབ་གང་མགྱོགས་པར་བསྐྲུན་བྱ་རྒྱུ་ཡིན་ཟེར། ཡང་ཁོང་གིས་མུ་མཐུད་དོན། ཚེས་ ༥ ཉིན་ཉེན་རྟོག་པ་དང་པེ་ཅིན་བདེ་སྲུང་ཚན་པས་ང་རང་བཙན་ཁྲིད་ཀྱིས་ཆུ་ཚོད་ ༤ ཙམ་གྱི་རིང་འདྲི་གཅོད་ནན་མོ་བྱས་སོང་ལ། དེའི་ནང་མི་གཅིག་གིས་ང་ལ་ཝུན་ཅ་པའོ་མི་སྤྱིར་བཏང་བ་ཞིག་མ་རེད། ཁྱོད་ཀྱིས་ཁོང་ལ་སྐྱོན་བརྗོད་བྱས་པ་དེས་རྒྱལ་ཁབ་ཀྱི་བདེ་འཇགས་དང་ཁེ་ཕན་ལ་གནོད་སྐྱེལ་གྱིན་ཡོད་ཅེས་དང་། གལ་སྲིད་ཁྱོད་ཀྱིས་དཔེ་དེབ་པར་བསྐྲུན་ཆེད་ཨུ་ཚུགས་བརྒྱབ་པ་ཡིན་ན། ཁྱོད་རང་ཡང་བཙོན་ཁང་དུ་སོང་སྟེ་སྐུ་ཞབས་ལིའུ་ཞའོ་པོ་ལྟར་སྡུག་མྱོང་དགོས་ཚུལ་གྱི་འཇིགས་སྐུལ་ཡང་བྱས་སོང་ཞེས་བརྗོད་ཡོད། མཐའ་མར་སྐུ་ཞབས་ཡུའུ་ཅི་ལགས་ཀྱིས་རྒྱ་གཞུང་གིས་འཇིགས་སྐུལ་བྱས་པར་མ་ལྟོས་པར་གལ་སྲིད་རང་གི་འདོད་དོན་དེ་བསྒྲུབ་ཐུབ་པ་ཡིན་ན་བཙོན་ཁང་དུ་འགྲོ་དགོས་ཀྱང་འགྱོད་པ་མེད་ཅེས་བརྗོད་ཡོད་ལ། ཁོས་ད་དུང་རང་ཉིད་རྩོམ་པ་པོ་ཞིག་ཡིན་པའི་ཆ་ནས་རང་གི་མི་ཚེའི་ནང་སྨྲ་བརྗོད་རང་དབང་བེད་སྤྱོད་བྱ་རྒྱུ་དེ་གལ་ཆེན་ཞིག་ཏུ་ངོས་འཛིན་བྱེད་ཀྱིན་ཡོད་ལ། གལ་ཏེ་ཐོབ་ཐང་དེ་བེད་སྤྱོད་བྱེད་མ་ཆོག་ཚེ་རང་གི་མི་ཚེར་དོན་སྙིང་དང་རིན་ཐང་མེད་པ་ཞིག་ཏུ་མཐོང་གི་འདུག་ཅེས་བརྗོད་ཡོད། སྐུ་ཞབས་ཡུའུ་ཅི་ལགས་ནི་ད་ལྟ་རང་ལོ་ ༣༦ ཡིན་ལ་ད་བར་ཁོང་གིས་དཔེ་དེབ་ ༢༨ ལྷག་བརྩམས་ཡོད་པར་མ་ཟད། ཁོང་ནི་རྒྱ་ནག་ནང་གྲགས་ཆེ་བའི་རྩོམ་པ་པོ་ཞིག་ཏུ་གྱུར་ཡོད་འདུག
གསར་འགོད་པ། དཔལ་ལྡན་རྒྱ་མཚོ།
བོད་མི་རིགས་ཀྱི་རིག་གཞུང་།
བོད་མི་རང་གི་བདག་གཉར་བྱེད་དུ་མ་བཅུག་པ་ཡིན་ན།
བོད་ལ་ཆོས་དད་རང་དབང་མེད་པ་མ་ཡིན་ནམ།
བོད་ནང་ཆོས་དད་རང་དབང་ཡོད་ཟེར་པ་སྟེ།
བདེ་པ་མ་ཡིན་པ་མངོན་བཞིན་འདིག
༼ཁོས་ད་དུང་རང་ཉིད་རྩོམ་པ་པོ་ཞིག་ཡིན་པའི་ཆ་ནས་རང་གི་མི་ཚེའི་ནང་སྨྲ་བརྗོད་རང་དབང་བེད་སྤྱོད་བྱ་རྒྱུ་དེ་གལ་ཆེན་ཞིག་ཏུ་ངོས་འཛིན་བྱེད་ཀྱིན་ཡོད་ལ། གལ་ཏེ་ཐོབ་ཐང་དེ་བེད་སྤྱོད་བྱེད་མ་ཆོག་ཚེ་རང་གི་མི་ཚེར་དོན་སྙིང་དང་རིན་ཐང་མེད་པ་ཞིག་ཏུ་མཐོང་གི་འདུག་ཅེས་བརྗོད་ཡོད།༽
རྩོམ་པ་པོ་ཞྀག་ལ་དགོས་པའི་མི་གཞྀ་རེད། ་ང་ཚོ་གཞོན་རབས་པའི་ཁྲོད་ནའང་འདི་འདྲ་མང་ཙམ་ཡོད་ན་ཅི་མ་རུང་།
ཁོང་ནི་རྒྱ་ནག་མི་དམངས་གཞན་དང་མ་འདྲ་བ་ཞིག་འདུག ཕྱི་འཛམ་བུ་གླིང་ལ་ལྟད་མོ་ལྟ་མི་ཆོག་པའི་མུན་འཐོམ་གྱི་སྲིད་དབང་དེ་ལ་མགོ་སྒུར་འདོད་མེད་པ་ཞིག་རེད་འདུག འདི་ལྟར་རྒྱ་ནག་མི་དམངས་ཚང་མ་གཉིད་ལས་སད་སོང་ན་ཅི་འདྲའི་ནུས་བ་ཆེ་བ་ལ།