ངས་འདི་ནས་སྐད་ཆ་ཁ་ཤས་ཤིག་འདིི་ལྟར་ཞུ་འདོད་ཀྱིས་ཁ་སེམས་མེད་པར་ཞུ་རྒྱུའི་བློ་ཐག་བཅད་པ་ཡིན། དེ་ཡིན་དུས་ངས་སྐད་ཆ་དེ་བཤད་རྗེས་སུ་མི་མི་ཉུང་བ་རེ་ཡིས་ང་ལ་ཁ་བརྡང་བྱེད་སྲིད་ལ། བྱེད་འོས་པའིི་གནས་ལུགས་རེ་ཟུང་ཡོད་ངེས་ཡིན་ལ། བྱེད་མི་འོས་པའི་རྒྱུ་མཚན་ཡང་རེ་ཟུང་ཞིག་ཡོད་སྲིད་པ་ཡིན།
དེ་དག་ཡོད་ཚད་ཀློག་མཁན་གྱི་བོད་རིགས་སྤུན་ཟླ་དག་གིས་བསམ་བློ་སྔོན་བཏང་གི་སྒོ་ནས་ཞིབ་དུ་ཀློག་རོགས་ཞུ། དེང་སང་བོད་བཙན་བྱོལ་གཞུང་ཟེར་ནས་ལོ་ངོ་ལྔ་བཅུ་སོང་བའི་དེ་རིང་གི་ཉིན་མོ་འདི་ལ་བཙན་བྱོལ་སྒྲིག་འཛུགས་ཟེར་བའི་མིང་ཚིགས་ཤིག་མི་འདོད་ཀྱང་བཙན་གྱིས་བོད་གཞུང་གི་ཆེས་མཐོའི་དབུ་ཁྲིད་བཀའ་བློན་ཁྲི་བ་ནས་གསུངས་དེ་སླེབས་འོང་དུས། མངའ་འོག་སྐྱེ་འབུངས་མི་སེར་ཆེས་མི་ཉུང་བ་ཞིག་སེམས་ཁོང་དུ་དྲི་བ་ཞིག་རང་བཞིན་གྱིས་སླེབས་ཀྱི་ཡོད།
ང་ཚོ་བཙན་བྱོལ་ནས་བོད་གཞིས་བྱེས་མི་མང་གི་ཚབ་མཚོན་ལྡན་པའི་གཞུང་ཞིག་བཙུགས་པའི་ལོ་ངོ་ལྔ་བཅུའི་ཡར་སྔོན་གྱི་སྙིང་སྟོབས་དེ་ནི། ཉིན་མ་དེ་རིང་གི་བར་དུ་གནས་ཡོད་ལ། དེ་རིང་བར་དུ་བྱེས་པ་ཚོ་བོད་གཞིས་ལུས་རྒྱ་ཆེ་མི་མང་གི་མགྲིན་ཚབ་པ་དང་བདེ་སྡུག་གི་རེ་འདོད་སྒྲོག་མཁན་གྱི་ཚབ་མཚོན་ཆེས་ཡག་ཤོས་ཤིག་ཆགས་ཡོད་པར་ས་བསྒྲགས་གནམ་བསྒྲགས་བྱས་སྟབས། ཉིན་མ་དེ་རིང་བར་དུ་ཁ་གྲགས་མི་ཤེས་པའི་ས་གནམ་གཉིས་ཀྱིས་ཀྱང་བཙན་བྱོལ་བོད་གཞུང་གཞིས་ལུས་མི་མང་གི་མགྲིན་ཚབ་པ་དང་བོད་མི་ས་ཡ་དྲུག་གི་བདེ་སྡུག་མཚོན་བྱེད་ཀྱི་བཙན་བྱོལ་གཞུང་དུ་ངེས་འཛིན་བྱས་པ་རེད།
བསམ་མི་འཕོད་པའི་གནད་འགག་གི་སྐད་ཆ་ཞིག་གློ་བུར་དུ་བཙན་བྱོལ་སྤྱི་ཚོགས་བརྒྱུད་དེ་རྒྱལ་སྤྱིའི་གདེང་ཆའི་སྒང་དུ་སླེབས་དེ་འོང་དུས། བོད་བཙན་བྱོལ་གཞུང་དེ་ནི་སྒྲིག་འཛུགས་ཤིག་གི་ངོ་བོར་གྱུར་བ་རེད། དེ་འདྲ་ཞིག་ཡིན་ན། སྒྲིག་འཛུགས་ཤིག་ལ་མཚོན་ན་ཚོགས་པ་ཞིག་གི་ལས་རྟགས་ལས་གཞན་གང་ཡང་མི་དགོས་པ་ཡིན་དུས། ད་ནི་བོད་མིའི་རང་དབང་ལག་དེབ་བམ། རང་བཙན་ལག་དེབ་མེ་བསྲེག་བཏང་ན་འོས་ཤིང་འཚམ་ལ། ཉིན་མ་དེ་རིང་ནས་གཞུང་གི་གླེང་ཕྱོགས་ཟེར་ནས་བརྗོད་མཚམས་བཞག་ནས་སྒྲིག་འཛུགས་ཤིག་གི་དགོས་འཁོ་ཟེར་ནས་གླེང་འོས་པ་དང་། སྒྲིག་འཛུགས་དེ་ཡི་དམིགས་ཡུལ་ཡང་སྒྲིག་འཛུགས་རང་བཞིན་ལས་བོད་མི་ས་ཡ་དྲུག་གི་ངོ་ཚབ་མཚོན་པ་ཞིག་བྱེད་ཐུབ་མེད་པ་དེར་ཁས་ལེན་བྱེད་དགོས་པའི་དུས་སུ་སླེབས་པ་ཡིན།
དྲང་མོ་བཤད་ན། བཙན་བྱོལ་བ་གཅིག་བུ་ལ་སྒྲིག་འཛུགས་ཤིག་དགོས་དོན་མི་འདུག་ལ། རང་བཙན་ལག་དེབ་དེ་བས་ཀྱང་དགོས་དོན་མི་འདུག ང་ཚོ་བོད་མི་ས་ཡ་དྲུག་གི་ངོ་ཚབ་ཀྱང་དེ་རིང་ནས་མ་ཉན་པ་དེ་ཡང་ཁས་ལེན་བྱེད་རན་ལ་ཐུག་པ་རེད། ཁ་སང་གི་བཙན་བྱོལ་སྒྲིག་འཛུགས་ཟེར་བའི་མིང་ཚིག་དེ་མ་སླེབས་བར་དུ་གཞུང་སྒེར་མི་ཉུང་བ་ཞིག་གིས་ཀྱང་། རང་བཙན་ལག་དེབ་བེད་སྤྱོད་བཏང་བ་དེར་དགོས་པ་ཡོད་ཟེར་ན་འགྲིག་མོད། སྐད་ཆ་དེ་སླེབས་ཉིན་ནས་བཟུང་དེ། རང་བཙན་ལག་དེབ་མེ་བསྲེག་བཏང་ནས་སྒྲིག་འཛུགས་ཤིག་གི་ལས་རྟགས་གསར་བཟོ་བྱོས་ན་འཚམ་པོ་ཡིན།
ལྷག་པར་དུ་བོད་མི་རིགས་ཀྱི་ཆེད་དུ་ཕྱག་ལས་གནང་མཁན་གྱི་ཚོགས་པ་སྐྱིད་སྡུག་ཁག་གིས་ཀྱང་ང་ཚོ་བོད་མི་གཞིས་ལུས་ཡོངས་ཀྱི་ཚབ་མཚོན་བྱེད་ཐུབ་དགོས་ཀྱི་ཡོད་ཟེར་བའི་སྐད་ཆ་དེ་ཡང་སྐྱག་རྫུན་དང་གཡོ་སྒྱུ་ཞིག་ལས་འགན་ལེན་ཡོད་པའི་སྐད་ཆ་དང་། གཞིས་ལུས་མི་མང་གི་སེམས་པ་དྲོད་ལ་སྒྱུར་བའི་སྐད་ཆ་ཞིག་མིན་པ་དེར་ཁས་ལེན་བྱེད་ཞོར་དུ་རང་བཙན་ལག་དེབ་མེ་བསྲེག་གཏོང་རོགས་ཞུ།
ཨ་ཁུ་ཤ་ཁརག་རུས་གསུམ་འཇལ་བ་དགའ་པོ་བྱུང
སྤུན་ཟླ་ཚོ་ལགས། རང་ཉིད་བྱེས་པ་ཞིག་གི་སྐྱིད་སྡུག་འོག་ལོ་ངོ་བཅུ་ཕྲག་གཅིག་ལྷག་གི་རིང་དུ་བསྡད་པའི་ན་ཟུག་གྱི་བསླེངས་པའི་སྐད་ཆ་འདི་དག་ཞུས་པ་མ་གཏོགས། བྱེས་སུ་དམིགས་བསལ་གྱིས་གླེང་ཕྱོགས་བཟོ་འདོད་དེ་འདྲ་རྩ་ནས་མ་ཡིན། ཚང་མས་ཐུགས་སེམས་ནན་པོ་ཞིག་བཞེས་རན་རེད་འདུག
དེབ་མེ་ལ་མ་བསྲེག་དང་ཟམ་གདོང་ལུག་མགོ་རི་ནས་ཕབས་ཚར་ན་ཏོག་ཙམ་འགྲིག་ཡོང་ཐག་ཆོད་ཡིན། གཙོ་བོ་ཟམ་གདོང་གདོན་རྒན་དེ་རེད།
ངོ་མ་བཤད་ན་ཁྱོད་ཀྱིས་བཤད་པ་དེའང་བདེན་བདེན་འདྲ་ཞིག་སྣང་། འོན་གྱང་ང་ཚོས་ཅི་བཤད་ཀྱང་རྒྱ་གར་གཞུང་དང་འཛམ་གླིང་རྒྱལ་སྤྱིའི་སྒང་ན་ང་ཚོ་ཅི་ཞིག་ལ་བརྩི་བཞིན་ཡོད་པའང་སྔར་ནས་གསལ་བོ་རེད། དེས་ན་ང་ཚོས་མིང་ཅི་ཞིག་བཏགས་ཀྱང་གཙོ་བོ་བོད་གཞིས་བྱེས་གཉིས་ཀྱི་སྙིང་སྟོབས་དང་ཕན་ཚུན་གྱི་ཡིད་ཆེས་ལ་བརྟེན་ཡོད། འདི ་ནི་ང་ཚོའི་ཡིད་བཞིན་གྱི་ནོར་བུ་ངོ་མ་དེ་ཡིན་ནོ། ། གཞན་རང་བཙན་ལག་དེབ་ཡིན་ན་དཔྱད་ཁྲལ་ལག་དེབ་ཡིན་ནམ་གང་ལྟར་འདི་འང་ང་ཚོའི་གཞུང་ཞིག་ཡིན་ན་འདྲ་བསྒྲིགས་འཛུགས་ཤིག་ཡིན་ན་འདྲ་ཕན་ཚུན་རྟེན་བརྟེན་པ་ཡིན་དུས་ངེས་པར་དགོས་ངེས་ཤིག་ལས་དེ་མེར་བསྲེག་གཏོང་དགོས་དོན་ངས་བལྟས་ན་མེད་སྙམ།
རེད་རེད་།ཁྱོད་རང་གིས་གླེང་ཕྱོགས་ཤིག་བཟོ་འདོད་གྱིས་བྲིས་པ་ཡིན་རྒྱུ་རེད།དེ་མ་གཏོགས་གནས་ལུགས་གསལ་བོ་ཞིག་ནི་ཅང་མི་འདུག་་ངོ་མ་ཡིན།ཐོག་མའི་རང་བཙན་ལག་དེབ་དེ་བཙན་བྱོལ་བོད་མིའི་དང་བླངས་དཔྱ་ཁྲལ་ལག་དེབ་དུ་བསྒྱུར་དགོས་པའང་བཙན་བྱོལ་བོད་གཞུང་གིས་བོད་མི་ས་ཡ་དྲུག་གི་ངོ་ཚབ་མཚོན་གྱི་ཡོད་མེད་ཀྱི་སྐད་ཆའི་ཐོག་ནས་ཡོང་བ་མ་རེད།འདི་ནི་ཁྱོད་ཀྱི་ཤེས་དགོས་པ་གཅིག་རེད་ལ་ཕལ་ཆེར་ཤེས་ཀྱང་ཡོད་རྒྱུ་རེད།
སྤྱིར་བཙན་བྱོལ་གཞུང་འདི་བཞིན་ཚོགས་པ་ཞིག་དང་སྒྲིག་འཛུགས་ཙམ་གྱི་ངོ་ཚབ་ལས་མཚོན་གྱི་མེད་ཀྱང་།ལག་དེབ་ལྗང་ཁུ་ནི་ཚོགས་པ་ཞིག་གི་ཚོགས་མིའི་ལག་དེབ་ཙམ་གྱི་འདུ་ཤེས་བཟུང་བས་ཆོག་ཅིང་།འདི་ལ་ཚོགས་པ་ཞིག་གི་ལས་རྟགས་ཟེར་ནས་གཞན་དམག་ཐོབ་བཟོ་བཟོ་བྱེད་སྟངས་ཞིག་ད་སྔ་མཐོང་རྒྱུ་མེད།ཚོགས་མིའི་ལག་དེབ་ལ་རྣམ་པ་དང་བཟོ་བཀོད་ཅི་ཡིན་ལ་ཁྱད་པར་ཅི་ཡང་མེད།
ངའི་གྲོགས་མཆོག ཁྱེད་དེ་རིང་གཞི་ནས་གཉིད་སད་ཡོད་ཚོད་འདུག བཙན་བྱོལ་བོད་གཞུང་ངམ། ཡུལ་གྱར་སྒྶིག་འཛུགས་བ་ཚོ་འདི་ལྟར་སྡོད་པ་དེ་ཡང་། འཚོ་བ་སྐྱེལ་སྟངས་ཤིག་ལས། འབྱུང་འགྱུར་བོད་དང་ལྷག་དོན་ད་ལྟའི་བོད་ནང་གི་གནས་སྟངས་དང་། དཀའ་སྡུུག་གིས་མནར་བའི་གཞི་ལུས་མི་དམངས་ཀྱི་ཆེད་དུ་མ་ཡིན་པ་སྔོན་ཚུད་ནས་ཤེས་དགོས་ངེས་རེད།
མཐོམས་སིག་སིག་གི་གཞི་ལུས་མི་དམངས་ཚོས་ཡུལ་གྱུར་བ་འདི་ཚོར་རེ་བ་བྱས་པ་དེ་རང་འཕྱུགས་སོང་བ་རེད། རེ་བ་མེད་བཞིན་དུ་ཡོད་མདོག་མདོག་གི་རྣམ་པ་ཞིག་སྟོན་གྱི་ཡོད། དེ་ཡང་འཚོ་སྟངས་ཤིག་ལས་ཅི་ཡང་མ་ཡིན། གང་ལྟར་ཡོད་ཚད་སྟོང་པ་རང་རེད།
སྒྲིག་འཛུགས་ཤིག་གི་ངོ་བོའི་ཐོག་ནས་བལྟས་ན། ཁྱེད་ཀྱི་བསམ་ཚུལ་བདེན་པ་རེད་འདུག གང་ལྟར་འདི་འདྲ་ཞིག་རེད། ཆབ་སྲིད་ཀྱིས་ཕོངས་བ་རང་རེད།
ད་ལྟ་གང་དུ་ཡོད།