བོད་རིགས་བཀྲ་ཤིས་རྣམ་རྒྱལ་ལགས་ཨ་རིའི་རྒྱལ་ས་ཝ་ཤིན་ཊོན་གྱི་ཨེ་ཤ་ཡ་དང་ཞི་བདེ་རྒྱ་མཚོའི་ཨ་རིའི་ལས་དོན་ཚོགས་མིར་བསྐོ་བཞག་བྱས་ཡོད་འདུག
ཨ་རིའི་རྒྱལ་ས་ཝ་ཤིན་ཊོན་གྱི་སྤྱི་ཁྱབ་ལྕམ་ཁི་རི་ཤི་ཊིན་མཆོག་གིས་ཟླ་འདིའི་ཚེས་ ༢༧ ཉིན། ཨ་རིའི་མི་སེར་ཡིན་པའི་བོད་རིགས་བཀྲ་ཤིས་རྣམ་རྒྱལ་ལགས་ཝ་ཤིན་ཊོན་མངའ་སྡེའི་ཨེ་ཤ་ཡ་དང་ཞི་བདེ་རྒྱ་མཚོའི་ཨ་རིའི་ལས་དོན་ཚོགས་པའི་ཚོགས་མིར་བསྐོ་གཞག་གནང་ཡོད་འདུག་ལ། ཚོགས་པ་དེས་ཝ་ཤིན་ཊོན་དུ་ཡོད་པའི་ཨེ་ཤ་ཡ་དང་ཞི་བདེ་རྒྱ་མཚོའི་ཁུལ་གྱི་ཨ་རི་བའི་བདེ་དོན་ལ་ལྟ་རྟོག་དང་། གཞུང་གི་འཛིན་སྐྱོང་དང། ཚོང་དོན། ཤེས་ཡོན་ལས་དོན་བཅས་ཀྱི་ཐོག་མཐུན་འགྱུར་རོགས་རམ་བྱེད་ཀྱིན་ཡོད་པ་རེད། ཟླ་འདིའི་ཚེས་ ༡ ཉིན་ནས་བཟུང་ཁོང་གིས་ཚོགས་ཆུང་དེར་ལས་འགོ་བཙུགས་ཡོད་ལ། ཁོང་ནི་ ༢༠༡༣ ཟླ་ ༦ ཚེས་ ༣༠ བར་ཚོགས་པ་དེའི་ཚོགས་མིར་བསྐོ་བཞག་བྱས་ཡོད། རྣམ་རྒྱལ་ལགས་ཀྱིས་རྒྱ་གར་ནང་མི་ལོ་ ༢༦ ་རིང་བཙན་བྱོལ་བོད་གཞུང་གི་ལས་ཁུངས་འདྲ་མིན་ནང་སྲི་ཞུ་བསྒྲུབས་ཡོད་ལ། དེ་བཞིན་བལ་ཡུལ་བོད་གཞུང་དོན་གཅོད་ཁང་དུའང་གནང་མྱོང་ཡོད་འདུག
གསར་འགོད་པ། དཔལ་ལྡན།
བོད་མི་ཞིག་གིས་ལས་ཀ་ཡག་པོ་ཞིག་རག་སོང་བར་རྗེས་སུ་ཡི་རང་ཞུ།
གསར་འགོད་པ་ལགས།་ཁོང་གིས་ལས་ཀ་འགོ་བརྩམས་པའི་དུས་ཚིགས་ནི་༢༠༡༠་ཡིན་རྒྱུ་མ་གཏོགས་༢༠༡༣་་་་ཡིན་རྒྱུ་མ་རེད།་བཟོ་བཅོས་ཤིག་གནང་རོགས
བཀྲིས་རྣམ་རྒྱལ་ལགས་ཁྱེད་ཀྱིས་ལས་དོན་ལམ་འགྲོ་ཡོངས་བ་སྨོན་
དེ་རྒྱལ་ས་ཝ་ཤིང་ཊོན་མ་རེད། མངའ་སྡེ་ཝ་ཤིང་ཊོན་རེད། དེ་གཉིས་དབར་གནམ་གྲུ་ཆུ་ཚོད་དྲུག་ཙམ་འགྲོ་དགོས། རྦད་དེ་ཨ་རི་ཤར་ནུབ་རེད།
གལ་སྲིད་བལ་ཡུལ་དོན་ཟུར་བཀྲ་ཤིས་རྣམ་རྒྱལ་ཡིན་ན། སྔོན་གྱི་ནད་རྙིང་དེ་མི་འཕར་སྨོན་ལམ་འདེབས། མིན་ན་ལས་གནས་གསར་པའི་སྟེང་དུ་ལམ་འགྲོ་ཡོང་བར་སྨོན།
རྒྱ་བལ་འབྲུག་གསུམ་ནང་དུ་བསྡད་སྡོད་པ་ཡིན་ན་རྒྱལ་ཁབ་ཁོ་གསུམ་གྱི་མི་སེར་ཐོབ་ཐང་ནམ་ཡང་རག་གི་མ་རེད།
ནུབ་ཕྱོགས་རྒྱལ་ཁབ་ཁག་གི་ནང་དུ་བུ་རང་ལ་འཇོན་སྟངས་ཡོད་ནུས་ཤུགས་བཏོན་ཐུབ་སའི་ལས་ཀའི་གོ་སྐབས་རག་གི་ཡོད་རེད། དེ་འདྲའི་ལས་ཀའི་གོ་སྐབས་རག་མཁན་ཚོས་བོད་དོན་ཆེད་དུ་ནུས་ཤུགས་འདོན་ཐུབ་པ་ཞིག་ཀྱང་རེད་སྙམ།
བཀྲ་ཤིས་བདེ་ལེགས་ཞུ་ལས་གནས་གལ་ཆེ་ཞིག་རག་པར་དགའ་པོ་བྱུང་།
བཀྲ་ཤེས་རྣམ་རྒྱལ་ལགས་དེ་དམ་འཛིན་བྱས་ཡོད་པ་ལ་ཐུགས་རྗེ་ཆེ་པེ་ཡག་པོ་རེད།
བཀྲ་ཤིས་རྣམ་རྒྱལ་བའི་བཀྲ་ཤིས་ཤོག །