དེང་སང་འཛམ་གླིང་ཤར་ནུབ་གང་སར་དར་ཁྱབ་ཆེ་བའི་ལུགས་སྲོལ་ཞིག་ཡོད་པ་དེ་ནི་རུས་མིང་དང་ཁྱིམ་རྒྱུད་ཀྱི་མིང་དེ་ཆགས་ཡོད་པ་དང་། དམིགས་བསལ་གྱིས་ཕྱི་རྒྱལ་གྱི་མི་ཞིག་ལ་མཚོན་ན་ཁྱིམ་མིང་མེད་པར་ཕལ་ཆེར་ལག་ཁྱེར་བཟོ་སྲོལ་མེད་པ་ལྟ་བུ་ཞིག་ཆགས་ཡོད་པ་རེད།
རྒྱུ་མཚན་དེ་འདྲར་བརྟེན་ནས་ཁོང་ཚོས་ང་ཚོ་ལ་མིང་འདྲི་བའི་སྐབས་སུ་ལག་ཁྱེར་སྟེང་དུ་ཁྱིམ་མིང་མང་དང་རུས་མིང་སོགས་གང་ཡང་མེད་པ་མཐོང་དུས་སུ། ཧ་ལས་ཤིང་ཧང་སངས་འདོག་གིས། ཁྱེད་རང་ལ་ཁྱིམ་རྒྱུད་ཀྱི་མིང་མེད་དམ་ཟེར་ནས་འདྲི་བཞིན་ཡོད།
ད་རེབས་གཅིག་བུ་མ་ཡིན་པར་ང་རང་ལ་ཁྱིམ་རྒྱུད་ཀྱི་མིང་ཡོད་མེད་འདྲི་མཁན་གྱི་ཕྱི་རྒྱལ་བ་མི་ཉུང་བ་ཞིག་དང་འཕྲད་སོང་ལ། དེ་ཡི་སྐོར་ལ་ཡང་སྐད་ཆ་ཡང་མི་ཉུང་བ་ཞིག་བྱུང་མྱོང་ཡོད། ཡིན་ཡང་། གནམ་ཐང་རང་ནས་བུད་མེད་གཞོན་ནུ་མ་ཞིག་གིས་ང་རང་ལ་ཆེད་དུ་ཁྱེད་རང་ལ་ཁྱིམ་རྒྱུད་ཀྱི་མིང་ཡོད་ན་ལག་ཁྱེར་སྟེང་དུ་མེད་ཟེར་ན་ང་རང་གིས་གཏན་ནས་ཤེས་ཀྱི་མེད། གནས་ཚུལ་དེ་འདྲ་གཏན་ནས་གོ་མྱོང་མེད་ཟེར་ནས་ཁོང་ཁྲོ་དང་བཅས་དེ་ང་རང་གི་ལག་ཁྱེར་སེར་པོ་དེ་གནམ་ཐང་གི་གཞུང་ལས་ཁུངས་དུ་བསྐྱལ་སོང་།
ཕྱོགས་གཅིག་ནས་བུད་མེད་དེ་ལ་རྒྱལ་ཁབ་གཞན་དང་མི་སེར་གཞན་གྱི་བདེ་སྡུག་ལ་སྐོར་ལ་གཏན་ནས་རྒྱུས་མངའ་མེད་པར་བཤད་ཆོག་ལ། ཕྱོགས་གཅིག་ནས་ངེད་ཅག་བོད་མི་དག་གིས་རང་གི་ཁྱིམ་རྒྱུད་དང་རུས་མིང་ལ་བདག་པོ་རྒྱགས་སྲོལ་མེད་པ་དེ་ནི་ནོར་འཁྲུལ་ཡིན་པར་ཁས་ལེན་བྱེད་དགོས་པར་བསྟན་པ་རེད།
དོན་དངོས་ཐོག ང་ཚོ་བོད་མི་ཚོས་རང་གི་ཁྱིམ་མིང་དང་རུས་མིང་ལ་བདག་པོ་མི་རྒྱགས་པའི་སྲོལ་དེ་ནི་བཟང་བོ་ཞིག་ཡིན་ནམ། ཡང་ན། རྗེས་ལུས་ཤིག་དུ་དྲངས་དགོས་པ་ཡིན། དེ་མིན་ན་བཟང་ཕྱོགས་ཀྱི་སྐད་ཆ་ཁ་ཤས་རེ་ཡོད་དམ་ཅི། གང་ལྟར་ང་ཚོ་འདི་ནས་རུས་མིང་དང་ཁྱིམ་མིང་དེ་ཡོད་མེད་ཀྱི་དགོས་འཁོ་ལ་བསམ་གཞིགས་བྱེད་རན་ཡིན་པར་འདོད།
སྤུན་ཟླ་ཁྱེད་ཅག་ཕེབས་ནས་རུས་མིང་དང་ཁྱིམ་མིང་གི་བསྐོར་ལ་བསམ་ཚུལ་གླེང་བ་དེར་དངོས་ནས་དགའ་གུས་ཡོད། རྗེས་སུ་ཡང་དུས་ཐོག་དུ་བསམ་ཚུལ་སྤེལ་བར་ཕེབས་རོགས་ཞུ།
ཨོ་བརྗེད་སོང་བ་ཞིག་ལ། རང་རེའི་རུས་རྒྱུད་ཆེན་པོ་བཞི་ནི་དགའ་འབྲུ་སྤྲ་ལྡོང་བཞི་ཡིན། འདིའི་སྐོར་མཁས་པའི་དགའ་སྟོན་སོགས་སུ་གསལ་བོ་ཡོད།
ཤ་ཁྲག་ལགས། ཁྱིམ་མིང་དང་རུས་མིང་མེད་པ་ཞིག་ག་ལ་ཡོད། ཁྱོད་ལ་ཁྱིམ་མིང་མེད་ན་གླིང་ཚང་ག་རེ་རེད། ཁྱེད་ཀྱིས་མིང་གི་མགོར་གླིང་བཞག་པའི་དོན་ག་རེ་ཡིན། ང་ཡང་ཁ་གྱ་ཚང་གི་ཡིན། ད་དུང་མི་བོས་མིང་གི་མགོར་ཡུལ་མིང་འབྲི་བ་དང་རུས་མིང་འབྲི་བ་སོགས་ཡོད། དཔེར་ན་ལྡོང་ཡོན་ཏན་ལྟ་བུ་ནི་རུས་མིང་ཡིན། ཧོར་གཙང་འཇིགས་མེད་ལྟ་བུ་ནི་ཡུལ་མིང་རེད། བོད་མི་རིགས་འདི་རུས་རྒྱུད་ཆེན་པོ་བཞི་ལས་མཆེད་པའམ་ལྔ་ལས་མཆེད་པའི་ལོ་རྒྱུས་ནི་རུས་མཛོད་ཆེན་མོ་སོགས་སུ་གསལ། དེང་སང་མི་མང་བོ་ཞིག་གིས་རང་ཉིད་རུས་རྒྱུད་གང་དུ་གཏོགས་མིན་མི་ཤེས་ན་ལྡོང་ལས་མཆེད་པར་བཞག་ཆོག་ཅེས་མཁས་པ་མང་བོས་གསུང་ཡོད།
འདིའི་སྐོར་ནི་《རུས་མཛོད་མེ་ཏོག་སྐྱེད་ཚལ》དུ་ཡང་ཅུང་གསལ། གང་ལྟར་ཁྱེད་ཀྱིས་རང་གི་རུས་མི་ཤེས་ན་ལྡོང་ཡིན་ཟེར་ཆོག རྒྱུ་མཚན་གཉིས་ཡོད། ༡ རུས་མཛོད་དག་ཏུ་མདོ་སྨད་ཀྱི་ཡུལ་དུ་ཁྱབ་པའི་མིའི་རྒྱུད་པ་ནི་ཕལ་ཆེར་ལྡོང་དུ་གཏོགས་ཞེས་གསལ་བ་དང་། ༢ ནི་རང་རེའི་མཁས་པ་མང་བོའི་གསུང་སྒྲོས་ན་རུས་རྒྱུད་མི་ཤེས་པ་དག་ལྡོང་ངོ་ཞེས་གསུང་ཡོད་པས་སོ།།
གང་ལྟར་ཁྱིམ་མིང་མེད་པ་ཞིག་མེད་ལ་རུས་རྒྱུད་མེད་པ་ཞིག་ཀྱང་མེད་ཅེས་བརྗོད་ཆོག འདིའི་ཐད་དུ་ཉིད་ཀྱི་གཉའ་དམའ་དགོས་དོན་ཁྱོན་ནས་མེད། དེ་ཙམ་ཡིན། རྗེས་མར་ཡང་ཡང་མཇལ།
ཨ་རོ་ཤ་ཁྲག་བདེ་མོའི་ངང་ཨ་ཡེ་རུམ་ལ་འབྱོར་སོང་ན་ཧྲ་གི། ཡིན་ནའང་། རྐང་པ་དྲགས་རེག་བར་དུ་སེམས་ཆུང་བྱོས་། མི་ཉན་ཨ་རོ། རྩེད་མོ་ཡིན། ཁྱོས་མྱུར་འཕྲིན་tenrap2006@yahoo.comའདིའི་སྟེང་ལ་ཡི་གེ་ཞིག་གཏོང་རོགས།
ངའི་ཁྱིམ་མིང་རྒྱ་གུང་ཁྲན་གྱིས་འཕྲོག་སོང་བ་རེད། ཕྱིར་སྤྲད་ཡོད་པ་མ་རེད། དེ་ནས་བཟུང་ངེད་ཚང་གི་ཁྱིམ་མིང་གསར་པ་ཞིག་བཟོ་འདོད་མེད་པ་རེད། དེ་བས་ངེད་ཚང་གི་ཕྱི་རབས་པ་ཚོས་རང་གི་ཁྱིམ་རྒྱུད་ཀྱི་མིང་དེ་རྩ་ནས་བརྗེད་སོང་བ་རེད། འདི་དགོས་ནི་ཞིག་ཀྱང་མ་རེད། གལ་དགོས་ས་ཞིག་ལ་ཏུག་ན་ཤོད་བཤད་ན་འགྲིག་གི་རེད།