རུས་མིང་དང་ཁྱིམ་མིང་མེད་མཁན་ང་ཚོ་གཅིག་བུ་ཡིན་ནམ།

སྤུན་ཟླ་ཁྱེད་ཅག་ཕེབས་ནས་རུས་མིང་དང་ཁྱིམ་མིང་གི་བསྐོར་ལ་བསམ་ཚུལ་གླེང་བ་དེར་དངོས་ནས་དགའ་གུས་ཡོད། རྗེས་སུ་ཡང་དུས་ཐོག་དུ་བསམ་ཚུལ་སྤེལ་བར་ཕེབས་རོགས་ཞུ།

ཤ་ཁྲག་ལགས། ཁྱིམ་མིང་དང་རུས་མིང་མེད་པ་ཞིག་ག་ལ་ཡོད། ཁྱོད་ལ་ཁྱིམ་མིང་མེད་ན་གླིང་ཚང་ག་རེ་རེད། ཁྱེད་ཀྱིས་མིང་གི་མགོར་གླིང་བཞག་པའི་དོན་ག་རེ་ཡིན། ང་ཡང་ཁ་གྱ་ཚང་གི་ཡིན། ད་དུང་མི་བོས་མིང་གི་མགོར་ཡུལ་མིང་འབྲི་བ་དང་རུས་མིང་འབྲི་བ་སོགས་ཡོད། དཔེར་ན་ལྡོང་ཡོན་ཏན་ལྟ་བུ་ནི་རུས་མིང་ཡིན། ཧོར་གཙང་འཇིགས་མེད་ལྟ་བུ་ནི་ཡུལ་མིང་རེད། བོད་མི་རིགས་འདི་རུས་རྒྱུད་ཆེན་པོ་བཞི་ལས་མཆེད་པའམ་ལྔ་ལས་མཆེད་པའི་ལོ་རྒྱུས་ནི་རུས་མཛོད་ཆེན་མོ་སོགས་སུ་གསལ། དེང་སང་མི་མང་བོ་ཞིག་གིས་རང་ཉིད་རུས་རྒྱུད་གང་དུ་གཏོགས་མིན་མི་ཤེས་ན་ལྡོང་ལས་མཆེད་པར་བཞག་ཆོག་ཅེས་མཁས་པ་མང་བོས་གསུང་ཡོད།

འདིའི་སྐོར་ནི་《རུས་མཛོད་མེ་ཏོག་སྐྱེད་ཚལ》དུ་ཡང་ཅུང་གསལ། གང་ལྟར་ཁྱེད་ཀྱིས་རང་གི་རུས་མི་ཤེས་ན་ལྡོང་ཡིན་ཟེར་ཆོག རྒྱུ་མཚན་གཉིས་ཡོད། ༡ རུས་མཛོད་དག་ཏུ་མདོ་སྨད་ཀྱི་ཡུལ་དུ་ཁྱབ་པའི་མིའི་རྒྱུད་པ་ནི་ཕལ་ཆེར་ལྡོང་དུ་གཏོགས་ཞེས་གསལ་བ་དང་། ༢ ནི་རང་རེའི་མཁས་པ་མང་བོའི་གསུང་སྒྲོས་ན་རུས་རྒྱུད་མི་ཤེས་པ་དག་ལྡོང་ངོ་ཞེས་གསུང་ཡོད་པས་སོ།།

གང་ལྟར་ཁྱིམ་མིང་མེད་པ་ཞིག་མེད་ལ་རུས་རྒྱུད་མེད་པ་ཞིག་ཀྱང་མེད་ཅེས་བརྗོད་ཆོག འདིའི་ཐད་དུ་ཉིད་ཀྱི་གཉའ་དམའ་དགོས་དོན་ཁྱོན་ནས་མེད། དེ་ཙམ་ཡིན། རྗེས་མར་ཡང་ཡང་མཇལ།

ངའི་ཁྱིམ་མིང་རྒྱ་གུང་ཁྲན་གྱིས་འཕྲོག་སོང་བ་རེད། ཕྱིར་སྤྲད་ཡོད་པ་མ་རེད། དེ་ནས་བཟུང་ངེད་ཚང་གི་ཁྱིམ་མིང་གསར་པ་ཞིག་བཟོ་འདོད་མེད་པ་རེད། དེ་བས་ངེད་ཚང་གི་ཕྱི་རབས་པ་ཚོས་རང་གི་ཁྱིམ་རྒྱུད་ཀྱི་མིང་དེ་རྩ་ནས་བརྗེད་སོང་བ་རེད། འདི་དགོས་ནི་ཞིག་ཀྱང་མ་རེད། གལ་དགོས་ས་ཞིག་ལ་ཏུག་ན་ཤོད་བཤད་ན་འགྲིག་གི་རེད།