རྒྱ་གར་ཕྱི་སྲིད་བློན་ཆེན་གྱིས་༸གོང་ས་མཆོག་ནི་རྒྱ་གར་གཞུང་གིས་གུས་བརྩི་ཆེན་པོ་ཞུ་སའི་སྐུ་མགྲོན་ཞིག་ཡིན་པར་མ་ཟད། ཆོས་ཕྱོགས་ཀྱི་དབུ་ཁྲིད་ཅིག་ཀྱང་ཡིན་པ་རྒྱ་གར་ཡུལ་མི་ས་ཡ་མང་པོས་ངོས་ལེན་གནང་བཞིན་ཡོད། ཅེས་བརྗོད་འདུག
ཟླ་འདིའི་ཕྱི་ཚེས་ ༢༣ ཉིན། བོད་གཞུང་དྲ་རྒྱར་གནས་ཚུལ་བཀོད་པ་ལྟར་ན། ཉེ་ལམ་༸གོང་ས་མཆོག་དང་རྒྱ་གར་སྲིད་བློན་སྐུ་ཞབས་མན་མོ་ཧན་སན་རྣམ་གཉིས་མཇལ་འཕྲད་གནང་བར་རྒྱ་ནག་གཞུང་གིས་ངོ་རྒོལ་གྱིས་སྐྱོན་བརྗོད་ཤུགས་ཆེན་བྱས་པ་དེར། ཚེས་ ༢༡ ཉིན་རྒྱ་གར་ཕྱི་སྲིད་བློན་ཆེན་སྐུ་ཞབས་ཨེ་སི་ཨེམ་ཀི་རི་ཤི་ནཱ་མཆོག་གིས་གསར་འགོད་པ་ཁག་ཅིག་བརྒྱུད་རྒྱ་ནག་གཞུང་ལ་ལན་འདེབས་གནང་དོན།
རྒྱ་གར་གཞུང་གིས་༸གོང་ས་མཆོག་གི་ཐོག་འཛིན་པའི་ལངས་ཕྱོགས་ཇི་འདྲ་ཡིན་མིན་ཚིག་ཐག་ཆོད་པོའི་ཐོག་ལན་མང་བརྗོད་ཟིན་ལ། བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ནི་རྒྱ་གར་གཞུང་གི་གུས་བརྩི་ཞུ་སའི་སྐུ་མགྲོན་ཞིག་ཡིན་པར་མ་ཟད། ཆོས་ཕྱོགས་ཀྱི་དབུ་ཁྲིད་ཅིག་ཀྱང་ཡིན་པ་རྒྱ་གར་ཡུལ་མི་ས་ཡ་མང་པོས་ངོས་ལེན་གནང་བཞིན་ཡོད། ཅེས་བརྗོད་འདུག 
ཨ་རིའི་གཞུང་གིས་དུས་རྒྱུན་རྒྱལ་སྤྱིའི་སྒྲིག་འཛུགས་ཁག་བརྒྱུད་ནས་འཛམ་གླིང་གི་མི་རིགས་འདྲ་མིན་ཚང་མར་རྒྱབ་སྐྱོར་དང་རོགས་རམ་གནང་བཞིན་ཡོད་ལ། ཉེ་ལམ་བོད་ནང་བོད་མི་རྣམས་ལ་དཀའ་ཁག་ཆེན་པོ་འཕྲད་བཞིན་པར་མ་ཟད། སྐྱབས་བཅོལ་བོད་མི་རྣམས་ལའང་དེ་བཞིན་གྱི་དཀའ་ཁག་འཕྲད་བཞིན་ཡོད་པར་བརྟེན། ཐེངས་འདིའི་ཐུག་འཕྲད་སྐབས་ཕྱོགས་གཉིས་ཀྱིས་གཙོ་བོ་གནད་དོན་དེ་དག་གི་ཐད་གླེང་མོལ་ཞིབ་ཚགས་བྱ་རྒྱུ་ཡིན་སྐོར་དང་། ཨ་རི་སྲིད་གཞུང་གི་མཐོ་རིམ་དབུ་ཁྲིད་རིམ་པས་ཀྱང་ཐེངས་མང་པོར་༸གོང་ས་མཆོག་དང་འཇལ་འཕྲད་གླེང་མོལ་བྱས་མྱོང་ཡོད་ཅེས་བརྗོད་ཡོད།
གཞན་ཡང་། ཨ་རིའི་རྒྱལ་སྲིད་སྤྱི་ཁྱབ་ཁང་གི་ལྷོ་དབུས་ཨེ་ཤ་ཡའི་ལས་དོན་ལྷན་ཁང་གི་དྲུང་ཡིག་གཞོན་པའི་ལས་ཚབ་པ་སྐུ་ཞབས་ཨ་ཋོད་ཁཱ་ཤིབ་ (Atul Kashap) ལགས་ཀྱང་ཕྱི་ཚེས་༢༠ཉིན་བལ་ཡུལ་དུ་འཚམས་གཟུགས་སུ་ཕེབས་ཏེ། ས་གནས་དེ་གའི་བོད་མི་སྐྱབས་བཅོལ་བ་དང་འབྲུག་པ་སྐྱབས་བཅོལ་བ་བཅས་ཀྱི་གནས་སྟངས་ལ་གཟིགས་ཞིབ་གནང་ཡོད་པར་མ་ཟད། དེ་འབྲེལ་གྱི་གནད་དོན་ཁག་བལ་ཡུལ་གྱི་འབྲེལ་ཡོད་དཔོན་རིགས་དང་གྲོས་མོལ་གནང་འདུག
ཨ་རིའི་རྒྱལ་སྲིད་སྤྱི་ཁྱབ་ཁང་གི་དམངས་གཙོ་དང་འགྲོ་བ་མིའི་ཐོབ་ཐང་ལས་དོན་འགན་འཛིན་ལྕམ་ཨ་ལིན་བྷོར་ཁི་(Ellen Bork) ལགས་ཀྱིས་ཀྱང་། ཕྱི་ཚེས་ ༡༩ ཉིན་ <<ཝེལ་སྲང་ལམ་ཉིན་རེའི་ཚགས་པར>> སྟེང་རྩོམ་ཡིག་ཅིག་སྤེལ་ཏེ། ཕྱི་ལོ་ ༢༠༠༨ ལོར་བོད་ནང་དུ་ཞི་རྒོལ་བྱུང་བ་ནས་བཟུང་། པེ་ཅིན་སྲིད་གཞུང་གིས་ “རྒྱལ་གཅེས་ཆོས་གཅེས” ཞེས་པའི་དྲག་གནོན་སྲིད་ཇུས་སྤེལ་ཤུགས་ཆེ་རུ་བཏང་ཡོད་ལ། རྩོམ་པ་པོ་བཀྲ་རྒྱལ་ལགས་ལ་རྒྱལ་ཁབ་ཁ་བྲལ་གྱི་ཉེས་མིང་བཏགས་ཏེ་འཛིན་བཟུང་བཀག་སྐྱིལ་དང་། ཚོང་པ་རྡོ་རྗེ་བཀྲ་ཤིས་ལགས་ལ་ཕྱི་ཕྱོགས་ཀྱི་འགྲོ་བའི་རྩ་འཛུགས་དང་འབྲེལ་བ་ཡོད་པར་བསྙད་དེ། ཚེ་བཙོན་གྱི་ཁྲིམས་ཐག་བཅད་པ་སོགས་བོད་ནང་གི་ཤེས་ལྡན་པ་རྣམས་དམིགས་སུ་བཟུང་སྟེ། སྔར་ལས་ལྷག་པའི་དམ་དྲག་བཙན་གནོན་གྱི་སྲིད་ཇུས་སྤེལ་འགོ་ཚུགས་ཡོད་པའི་སྐོར་གསལ་འདོན་བྱས་ཡོད། 
གནས་ཚང་རྒྱ་གར་ཡུལ་མི་ས་ཡ་མང་པོས་༧གོང་ས་མཆོག་གི་བཀའ་གསུང་ངོས་ལེན་གནང་བཞིན་ཡོད་པ་ལ་རང་རིགས་གཞིས་བྱེས་བོད་རིགས་ས་ཡ་དྲུག་པོས་100% བརྒྱ་ཆ་བརྒྱ་ཐམ་པ་དབུ་མའི་ལམ་ལ་ངོས་ལེན་བྱས་མ་ཐུབ་པ་ནི། བོད་ཀྱི་ལོ་རྒྱུས་ནང་ལ་རྒོད་ཆག་བྱུང་ཡོད་པ་མ་འོངས་མི་རབས་ཚོས་ལོ་རྒྱུས་ནང་ལ་འབྲི་ངེས་པ་ཐེ་ཚོམ་མེད་དོ་སྙམ།
དངོས་གནས་ཁ་མ་ཡིན་དོན་གྱིས་བོད་མི་ཉམ་ཐག་རྣམས་ཕྱི་རྒྱལ་ལ་གཏོང་ཐུབ་པའི་ཕྱག་ལས་གནང་བ་ཡིན་ན་ངེས་པ་ཏུ་བཀའ་ཁྲིའི་འོས་ཤོག་སྤྲོད་ངེས་ཡིན།
ཡིན་མདོག་མདོག་གི་རྣམ་འགྱུར་སྟོན་པ་ཙམ་གྱི་འགྲིག་གི་མི་འདུག ཡིག་ཐོག་ནས་ཁས་ལེན་བྱེད་པའང་ཡང་ན་གསར་བཀོད་གསལ་བསྒྲགས་གོ་གོ་ཐོས་ཐོས་ཤིག་བྱེད་རོགས་ཞེས་རེ་བ་ཞུ་རྒྱུ་ཡིན། མགྱོགས་པོ་དགོས་ཀྱི་འདུག་མ་གཏོགས་གྲལ་སྒྲིག་བྱེད་དགོས་ཀྱི་འདུག
དགའ་པོ་མྱུར་པོ་ཚོ་དང་འབྲེལ་བ་བྱས་དགོས་ཀྱི་འདུག
ང་ཅོ་རིས་ཉུང་ཤོས་ཡང་འོས་200ནས་300་བར་གྲལ་སྒྲིག་བྱེད་ཐུབ་པར་ཡིད་ཆེས་ཡོད།
བཙན་བྱོལ་བོད་མི་ཚོའི་འཚོ་བ་སྲ་ཐག་ཐག་གཅིག་བྱུང་ན་བོད་མི་རིགས་ཀྱི་རང་དབང་རྩོད་པའི་ཁྱད་ཆོས་དང་པོ་ཚང་བ་རེད་སྙམ།
ཁྱེད་རྣམ་པས་ཁ་ནས་གཏམ་བཤད་ཁོ་ན་གནང་རྒྱུ་མ་ཡིན་པར་བོད་དོན་ཐོག་དོན་དངོས་ཀྱི་རྒྱབ་བསྐྱོར་གནང་རྒྱུའི་རེ་བ་ཞུ།