དེ་རིང་ཁ་བརྡ་དྲ་རྒྱས་སྤེལ་བའི་གནས་ཚུལ་ལྟར་ན། ད་ལོ་རང་ལོ་ ༣༤ དང་མདོ་སྨད་ཀན་ལྷོ་རྨ་ཆུའི་མུ་ར་དགོན་པའི་གྲྭ་གསུང་རབ་ལགས་ཉེ་ཆར་འཛིན་བཟུང་ཐེངས་གསུམ་པ་བྱས་འདུག
ཁོང་ ༢༠༠༨ ལོའི་ཟླ་གསུམ་པའི་ཚེས་ ༡༧ ཉིན་རྨ་ཆུ་ནས་བོད་མི་ཚོས་ཞི་བའི་ངོ་རྒོལ་གྱི་ལས་འགུལ་སྤེལ་རྗེས་ཐེངས་དང་པོར་འཛིན་བཟུང་བྱས་ཤིང་། ༢༠༠༨ ལོའི་ཟླ་ ༥ ཚེས་ ༡༨ ཉིན་མདོ་སྨད་རྔ་པ་ནས་འཛིན་བཟུང་ཐེངས་གཉིས་པ་བྱས་པ་དང་། ༢༠༡༠ ལོའི་ཟླ་ ༣ ཚེས་ ༢༥ ཉིན་ཀན་ལྷོ་རྨ་ཆུ་ནས་འཛིན་བཟུང་ཐེངས་གསུམ་པ་བྱས་ཏེ། ད་ལྟའི་ཆར་ད་དུང་ཡང་ཐག་གཅོད་དང་གློད་གྲོལ་གང་ཡང་བྱས་མེད་ཐོག ༢༠༠༨ ལོའི་རྨ་ཆུའི་བོད་མི་ཚོའི་ཞི་བའི་ཡར་ལངས་ཁྲོམ་སྐོར་དང་འབྲེལ་བ་ཡོད་པའི་ཉེས་འཛུགས་དང་འདྲི་རྩད་འདྲ་མིན་བྱེད་བཞིན། མུ་མཐུད་ཀན་ལྷོ་གཙོད་གྲོང་ཁྱེར་ནང་རྒྱ་ནག་གི་བཙོན་འཇུག་མནར་གཅོད་མྱོང་བཞིན་ཡོད་སྐོར། བོད་ནས་གནས་ཚུལ་མཁོ་སྤྲོད་གནང་སྐོར་གསལ་འདུག
གྲྭ་གསུང་རབ་ལགས་ནི་རེ་བའི་རྐང་ལམ་ཚགས་པར་གྱི་རྩོམ་སྒྲིག་མི་སྣ། བོད་ཨ་མའི་རང་སྐད་སླར་གསོ་ཚོགས་པའི་ཚོགས་མི། རྩྭ་ཐང་བོད་ཡིག་རྨོངས་སེལ་སློབ་གྲྭའི་རྐང་འཛིན་དགེ་རྒན་བཅས་ཡིན་འདུག
བྲོས་བྱོལ་སྐྱབས་བཅོལ་དུ་ཡོང་པའི་ལམ་རོགས་ཨ་ཁུ་གསང་རབ་ལགས།ངས་ཁྱོད་དྲན་གི།ལམ་བར་ནས་ལྟོགས་སྐོམ་གྱིས་མནར་བཞིན་འགྲོ་མི་ཐུབ་པའི་སྐབས་ཁྱོད་ཀྱིས་ཚང་མའི་སྡུག་རུས་བྱོས་དང་གྲོང་ཚོ་ཞིག་ལ་སླེབས་རན་འདུག་པས་ཟ་མ་སློང་ཆོག་ཟེར་བ་སོགས་གང་ལྟར་ཁྱོད་ཀྱི་ལྷག་བསམ་དང་ལ་རྒྱ།སྤོབས་པ་སོགས་དྲན་བཞིན་ཡོད།ལྷག་དོན་གསོག་སློབ་ནས་འབྲས་དང་རྡ་ལིའི་ཟས་བཅུད་ལ་བརྟེན་ཏེ་ཁྱོད་ཀྱིས་སློབ་སྤྱོང་བྱེད་བཞིན་པའི་རྣམ་པ་དེ་བས་ཀྱང་དྲན་བསྡད་ཡོད་ལ་གང་མགྱོགས་འགག་མེད་གློད་གྲོལ་ཡོང་བའི་སྨོན་ལམ་ནམ་ཡང་འདེབས་བཞིན་ཡོད།དཀོན་མཆོག་མཁྱེེནནནནནནནནནནནནནནནནནནནནནན།བར་ཆད་མེད་པར་ཤོགགགགགགགགགགགགགགགགག
གནས་ཚུལ་ཞིབ་ཕྲ་དུས་བབ་དྲ་བའི་ཕྲན་གྱི་ཟིན་བྲིས་ན་སྤེལ་ཡོད་་་་https://tibettimes.net/wordpress/blogs.php?id=11&post_id=11291