ཉིན་ཤས་གོང་རྒྱ་ནག་དབུས་རྩོམ་སྒྱུར་ཅུས་ཀྱི་ཞིབ་འཇུག་པ་ཞིག་གིས་པའོ་ཞཱོན་དྲ་གནས་ཐོག་སྤེལ་བའི་གནས་ཚུལ་ཞིག་གི་ནང་དུ་ ༢༠༡༢ ལོར་སྐོང་ཚོགས་བྱ་རྒྱུའི་རྒྱ་ནག་ཏང་གི་ཚོགས་ཆེན་བཅོ་བརྒྱད་པའི་རྗེས་རྒྱ་ནག་གི་ཆབ་སྲིད་ལ་འགྱུར་ལྡོག་ཆེན་པོ་ཞིག་གཏོང་རྒྱུ་ཡིན་སྐོར་བརྗོད་ཡོད།
ཞིབ་འཇིག་པ་དེས་ཉེ་ལམ་དེ་སྔའི་ཅང་ཙེ་མིན་གྱི་མཚོན་བྱེད་གསུམ་གྱི་རིག་པའི་གཞུང་ལུགས་ལ་སྐྱོན་བརྗོད་བྱས་ཏེ། རྗེས་སུ་གོ་གནས་དམའ་རུ་བཏང་བའི་རྒྱ་ནག་གི་མཐོ་རིམ་དཔོན་རིགས་ཤིག་དང་ཐུག་འཕྲད་བྱུང་ཡོད་པ་དང་། ཁོང་གིས་ཐུག་འཕྲད་བྱ་ཡུལ་གྱི་དཔོན་རིགས་དེ་སུ་ཡིན་མིན་གསལ་བོ་གསུངས་མེད་ཀྱང་། དཔོན་རིགས་དེ་དང་སྲིད་འཛིན་ཧུའུ་ཅིན་ཐོའི་བར་ལ་བྱུང་བའི་གླེང་མོལ་རྣམས་གསལ་པོར་བརྗོད་ཡོད། དཔོན་རིགས་དེས་ཉེ་ཆར་ཕྱི་ཟླ་ ༨ ཚེས་ ༢༧ ཉིན་ཧུའུ་ཅིན་ཐོའི་དང་ཆུ་ཚོད་ཁ་ཤས་རིང་ཁེར་རྐྱང་ཐོག་གླེང་མོལ་བྱས་ཡོད་ཅིང་། སྐབས་དེར་ཧུའུ་ཡིས་འདི་ལྟར་བཤད་ཡོད་དེ། ཚོགས་ཆེན་བཅོ་བརྒྱད་པ་སྐོང་ཚོགས་བྱས་རྗེས་རྒྱ་ནག་གི་ཆབ་སྲིད་ལ་འགྱུར་བ་ཆེན་པོ་ཞིག་ཡོང་ཉེན་ཡོད་པ་དང་། དེའི་ནང་ནས་གནད་དོན་གཅིག་ནི་ད་ལྟའི་ཆར་གུང་ཁྲན་ཏང་ཚོགས་པ་གཅིག་གིས་སྲིད་དབང་འཛིན་པ་ནས། ཚོགས་པ་གཉིས་སམ་ཏང་གཉིས་ལམ་ལུགས་སུ་འགྱུར་བ་གཏོང་རྒྱུ་ཡིན་པ་དང་། ད་ལྟ་ཏང་གཞན་དེའི་མིང་ད་དུང་གཏན་འཁེལ་བྱུང་མེད། ད་དུང་ཐེ་ཝན་གྱི་མཱ་ཡཱོན་ཇིའུ་དང་། ཏཱ་ལའི་བླ་མ་སོགས་ཀྱི་གནས་བབས་ཀྱི་གནད་དོན་ཚུད་ཡོད་སྐོར་བརྗོད་ཡོད་པ་རེད།
དེ་དང་ཆབས་ཅིག་ཏུ་སྲིད་བློན་ཝུན་ཅ་པའོ་ཡིས་ཀྱང་ཉེ་ལམ་ཚོགས་ཆེན་བཅོ་བརྒྱད་པ་སྐོང་ཚོགས་བྱས་རྗེས། རྒྱ་ནག་གི་ཆབ་སྲིད་ལམ་ལུགས་འགྱུར་ལྡོག་ཆེན་པོ་ཡོང་ངེས་སྐོར་བཤད་ཡོད་ལ། ད་དུང་འདི་ལོ་ནས་བཟུང་འབྱུང་འགྱུར་ལོ་གསུམ་གྱི་ནང་རྒྱ་ནག་གི་རྫོང་རིམ་པའི་རྫོང་དཔོན་ཚང་མ་མི་དམངས་ཀྱིས་ཐད་ཀར་འདེམས་བསྐོ་བྱ་རྒྱུའི་ལམ་ལུགས་ལེགས་འགྲུབ་ཡོང་དགོས་པའི་ངོས་འཛིན་ཡང་བྱས་ཡོད།
རྒྱ་ནག་དམངས་གཙོར་འགྱུར་ད་དུང་མི་ལོ་བཅུ་ཕྲག་ཁ་ཤས་ཐོགས་རྒྱུ་ཡིན་པར་ཐག་གཅོད་ཐུབ་ཀྱི་རེད།
གལ་སྲིད་རྒྱ་ནག་དམངས་གཙོར་གྱུར་བ་ཡིན་ནའང།
བོད་ལ་རང་བཙན་དང་རང་སྐྱོངས་ལྗོངས་ད་ལྟའི་བཙན་བྱོལ་བོད་གཞུང་ནས་དགོས་འདུན་བཏོན་པ་རྣམས་འགྲུབ་ཐབས་ཤིན་ཏུ་ཁག་པོ་རེད།
དཔེར་ན།འཛམ་གླིང་གི་དམངས་གཙོའི་རྒྱལ་ཁབ་ཆེ་ཤོས་རྒྱ་གར་ལྟ་བུར་ཆ་བཞག་ནའང་ཀ་ཤི་མིར་རི་ལྟ་བུར་ལུས་སྲོག་བློས་བཏང་སྟེ་རང་གི་མངའ་རིས་ཀྱི་དོན་དུ་ཇི་ལྟར་བྱེད་ཀྱི་མི་འདུག་གམ།ད་དུང་རྒྱ་གར་གྱི་སོར་གང་ཁོང་ཚོའི་དགོས་འདུན་རྣམས་སྤྲོད་ཀྱི་ཡོད་པ་མ་རེད།
རྒྱ་ནག་ནི་དེ་ལས་ལྡོག་སྟེ་རང་རྒྱལ་གྱི་མངའ་ཁོངས་དང་རང་རྒྱལ་གྱི་རིགས་ཞེན་དེ་བཞིན་སྟོབས་ཤུགས་གང་ཅིའི་ཐད་ནས་ཤིན་ཏུ་ཁྲག་པོ་ཞིག་རེད།
དེས་ན་སངས་རྒྱས་འབྱོན་འབྱོན་སྦྲམ་ཟེ་རྒས་ཟེར་བ་ལྟར་རེད།
ངེས་ཚོས་རེ་བ་རྒྱབ་དགོས་ས་ཞིག་ལ་རྒྱབ་དགོས་རེད། དེ་བཞིན་དོགས་པ་ཟ་དགོས་ས་ཞིག་ལ་ཡང་ཟ་དགོས་རེད། དེ་ནི་མིའི་ཆོས་ཉིད་རེད།
གལ་ཏེ་མི་ཞིག་གི་མི་ཚེའི་ནང་ལ་རེ་བ་མེད་ན་དེ་རིང་མི་གང་ཡིན་པ་དེ་སང་ཉིན་ཡང་མི་དེ་རང་རེད།
མི་ཚེའི་རེ་བ་ཆེ་ཤོས་དེ་རྒྱ་ནག་དམངས་གཙོར་འགྱུར་རྒྱུ་དང་མི་རིག་སོ་སོ་ལ་རང་དབང་ཐོབ་རྒྱུ་དེ་ཡིན། རེ་སྒུག་ཡང་དེ་ཡིན། ད་ཡིན་ན་གོ་སྐབས་བཟང་པོ་ཞིག་ཡོད་པ་འདྲ།
གནས་ཚུལ་བཟང་བ་རེད། ཡིན་ན་ཡང་དོན་དངོས་ཐོག་རྒྱ་ནག་མང་གཙོ་ལ་འགྱུར་རྒྱུ་ཁ་ཐག་རིང་བར་འདོད།
རྒྱ་ནག་དམངས་གཙོར་འགྱུར་ཏེ་བོད་ཀྱི་དབུ་མའི་ལམ་ལ་སྒྲུབ་འབྲས་ཤིག་བྱུང་ན་ཡག་པོ་རེད། དེ་མིན་ཁྲིམས་ལུགས་ཀྱིས་དབང་སྒྱུར་མེད་པའི་དམངས་གཙོ་ཞིག་བྱུང་ཚེ་དཔོན་ངན་གྱིས་ཟ་ཀྱང་དང་མི་མང་སྐྱོ་བོས་མྱང་ཀྱང་བྱེད་པའི་འཕགས་ཡུལ་གྱི་དམངས་གཙོ་དེ་ལ་ང་ནི་ཡིད་སྨོན་ཞིག་སྐྱེས་མ་སོང།
ཟླ་བ་བཀྲ་ཤིས་མཆོག་གིས་རྩོམ་ཡིག་འདི་མཁོ་སྤྲོད་གནང་བར་སྙིང་ཐག་ནས་ཐུགས་རྗེ་ཆེ་ཞུ།
ང་ཚོས་དགྲ་ནག་པོའི་སྐད་ཆར་ཡིད་ཆེས་གཏན་ནས་བྱེད་མི་ཉན་ལ་རེ་སྒུག་ཀྱང་བྱེད་མི་ཉན།
བོད་རེ་བའི་འཕོངས་་་་་་་རྒྱ་དོག་པའི་་་་་་་་་་་་་་་་་་་་་་་་་་་་་་་་་་་་
ཉམས་ཞིབ་པ་ཟླ་བ་བཀའ་ཤིས་ལགས་ཐུགས་རྗེ་ཆེ་ཞུ།
དགྱ་ནག་མང་གཙོར་འགྱུར་ཏེ་བོད་ཀྱི་དཀའ་ངལ་ཐ་དག་སེལ་མི་ཐུབ་ཀྱང་ད་ལྟ་དགྱ་དམར་གྱིས་མི་རིགས་དབྱེ་འབྱེད་ཀྱི་ལམ་ལུགས་འདི་ལས་དྲག་པ་ཡོང་ངེས།
རྒྱ་ནག་གི་འགྲོ་སྟངས་དེ་ཡང་འཛམ་གླིང་ལ་ཁ་ཕྱོགས་ཀྱི་ཡོད་པ་འདྲ། ཆབ་སྲིད་ཐད་ཀྱི་འགྱུར་བ་འདིར། རྒྱ་ནག་ནང་ཁུལ་གྱི་དཔྱད་ཞིབ་པ་ཚོས་བཤད་སྟངས་གཉིས་བཤད་ཀྱི་འདུག གཅིག་ནི། སྤྱི་ཚོགས་ཀྱི་སྒྲོམ་གཞིའི་གནད་དོན་དང་། གཉིས་ནི། ཆབ་སྲིད་ལམ་ལུགས་ཀྱི་གནད་དོན་ཐད་ནས་རེད། ༼ཏ་ཅིས་ཡོན་དུས་ཚགས་༽ཀྱིས་ཆེད་མངགས་རྒྱ་ནག་གི་འགྱུར་བ་གླེང་བའི་དཔར་ངོས་ལྟར་ན། ད་ནི་གུང་ཁྲན་ཏང་གིས་རང་ཉིད་ཀྱི་ནག་ཉེས་རིགས་ངོས་འཛིན་བྱེད་དགོས་པ་དང་། མང་ཚོགས་ཀྱི་ལྟ་སྟངས་དེར་ལན་ཡག་པོ་ཞིག་འདེབས་དགོས་པའི་སྐོར་དེ་དཔྱད་ཞིབ་པ་མི་བརྒྱད་ཀྱིས་ཤོག་ངོས་རེ་གླེང་འདུག
རྒྱ་ནག་མང་གཙོ་འགྱུར་ཀྱང་བོད་ཀྱི་དཀའ་ངལ་སེལ་བའི་ངེས་པར་མེད།
དེས་ན་་བོད་མི་རང་ངོས་ནས་བོད་ཀྱི་རྩ་དོན་སྒྲུབ་ཐབས་བྱེད་དགོས་པ་གལ་ཆེ།
རང་ཉིད་ཀྱིས་མ་འབད་ན་རྒྱ་ནག་དམར་མང་གང་དུ་འགྱུར་ཀྱང་བོད་བློས་གཏོང་མི་སྲིད་དོ།
འདི་མི་སྲིད་པ་ཞིག་མ་རེད་སྙམ། ད་ལྟའི་དུས་རབས་འདིར་རྒྱ་ནག་གིས་རང་ཉིད་ལ་སྤྱི་ཚོགས་རིང་ལུགས་ཞེས་འབོད་བཞིན་པ་ལས་དོན་ལ་མ་རྩ་རིང་ལུགས་སུ་གྱུར་ཟིན་པ་དེ་ཡང་བསམ་བཞིན་དུ་བསྒྱུར་བ་ཞིག་མ་ཡིན་པར་དུས་རབས་ཀྱིས་དེད་ཡོང་བ་ཞིག་རེད། དེ་དང་མཚུངས་བར་ཆབ་སྲིད་ལམ་ལུགས་ལ་ལའང་སྲིད་དབང་གཅིག་སྡུད་ཀྱི་གནས་སྟངས་འདིའི་འོག་ནས་སྔར་དཀའ་ངལ་ཅི་ཙམ་བྱུང་བ་དང་ད་ལྟའི་ཆར་དཀའ་ངལ་ཅི་ཙམ་ཡོད་པ་དེས་མ་འོངས་པར་དཀའ་ངལ་ཅི་ཙམ་འཕྲད་རྒྱུ་ཡིན་པ་གསལ་བོར་གྱུར་ཟིན་པས། འབྱུང་ངེས་པའི་དམངས་གཙོའི་ལམ་ལུགས་ཀྱི་ཐོག་ནས་ད་ལྟའི་དབང་འཛིན་པ་དག་གིས་རང་ཉིད་ལ་ཁེ་ཕན་འཐོབ་ཆེད་ལས་དོན་འདི་འདྲ་ལག་ལེན་དུ་བསྟར་སྲིད་པ་ཞིག་རེད། དེ་ལས་ལྡོག་སྟེ་མི་མང་གི་ཚེ་སྲོག་དང་སྣག་ཁྲག་གིས་དམངས་གཙོའི་ལམ་ལུགས་བླངས་པ་ཡིན་ན་ད་ལྟའི་རྒྱ་ནག་གི་དབང་འཛིན་པ་ཚོ་སྡོད་ས་དང་འགྲོ་ས་མེད་པ་ཞིག་ཏུ་འགྱུར་རྒྱུ་ཡིན་པ་སུས་ཀྱང་ཚོད་དཔག་བྱེད་ཐུབ་པ་བཞིན་རྒྱ་ནག་གི་དཔོན་རིགས་ཚོས་ཀྱང་ཚོད་དཔག་བྱེད་ཐུབ།
རྒྱ་གར་བ་ཕྲུ་གུ་དེས་བཤད་པའི་མ་འོངས་ལུང་བསྟན་དེ་ཐིག་པ་འདྲ་ཞིག་ཡོད་པ་ཨེ་ཡིན། ད་ལྟ་རྒྱུ་རེད།
འདི་ཡང་ཕྱོགས་གཅིག་སྣ་གཅིག་གི་ལྟ་ཚུལ་ཞིག་རེད། ཚོགས་ཆེན་དེའི་སྟེང་ནས་ཞེ་ཅིན་ཕེན་དམག་དོན་སྤྱི་ཁྱབ་པར་བསྐོ་རྒྱུ་ཡིན་པ་དང་། ཉིས་སྟོང་༡༢ལོར་ཞེ་ཅིན་ཕེན་གྱི་སྲིད་འཛིན་གྱི་གོ་གནས་འཛིན་པར་སྟབས་བདེ་རུ་གཏོང་གི་ཡོད་པ་བཅས་ནི། རྒྱ་ནག་གི་སྲིད་འཛིན་སྔོན་མ་ཚོའི་འགྲོ་སྟངས་དང་ཀུན་ནས་མཚུངས་པ་མ་ཟད། ཞེ་ཅིན་ཕེན་ནི་ཧོའོ་ཕྱོགས་ཀྱི་ལངས་ཕྱོགས་དང་མཐུན་མཁན་ཞིག་ཡིན་པ་དང་། ཧོའོ་ཤོག་ཁག་གི་ཆབ་སྲིད་ལྟ་བའི་འཛིན་སྟངས་ནི་དམར་ཕྱོགས་སྤྱི་ཚོགས་རིང་ལུགས་ཀྱི་ཕྱོགས་སུ་གཏོགས་མཁན་རྐྱང་ལས་མེད་སྟབས། འདི་ལྟར་སྟབས་བདེ་བོའི་ངང་རྒྱ་ནག་ཚང་དམངས་གཙོའི་ལམ་དུ་འགྲོ་མི་ཐུབ་པ་ཤེས་དགོས།
ཆབ་སྲིད་ལངས་ཕྱོགས་གཉིས་གདོང་ཐུག་པའི་དཀའ་ངལ་འོག་འུ་ཚོས་རྩོད་ཤེས་ན་ཁེ་ཕན་རག་མི་སྲིད་པ་ག་ལ་ཡིན། འོན་ཀྱང་འདི་ལྟར་གཡོ་འཁྱོམ་གྱི་ཆབ་སྲིད་ལངས་ཕྱོགས་ཀྱི་འོག་ནས་བོད་ཀྱི་རྩ་དོན་ཡོངས་སུ་འགྲུབ་པའི་རེ་བ་ནི་ཅུང་མི་འདུག་སྙམ། འདི་ནི་རྒྱ་ནག་ལ་དངོས་སུ་ལྟ་མཁན་ཚོས་ཤེས་ངེས།
རྒྱ་ནག་ཚོགས་ཆེན་བཅོ་བརྒྱད་པ་ལ་རེ་སྒུག་བྱས་ནས་འདུག་རྒྱུ་ལས་ཐབས་གཞན་མེད་ཁུ། དངོས་གནས་འགྱུར་བ་འགྲོ་སྲིད་པ་རེད་ལ། བོད་ཀྱིས་རེ་བ་རྒྱག་ས་འདི་གཅིག་རེད།
༼ ད་དུང་ཐེ་ཝན་གྱི་མཱ་ཡཱོན་ཇིའུ་དང་། ཏཱ་ལའི་བླ་མ་སོགས་ཀྱི་གནས་བབས་ཀྱི་གནད་དོན་ཚུད་ཡོད་སྐོར་བརྗོད་ཡོད་པ་རེད། ༽ཅེས་པ་འདི་རེད།
རྒྱ་ནག་སྐོར་ལ་འདི་ལྟར་ཉམས་ཞིབ་མང་ཙམ་ཡོང་བའི་རེ་བ་དང་། ལྷག་ཏུ་དུས་བ་ཚང་གིས་འགན་རྐང་ལེན་གནང་ཐུབ་པའི་རེ་སྐུལ་ཞུ།
ད་ཀླ་ཀློ་དེ་ཚོས་ཞི་ནས་མང་གཙོའི་གོ་རྟོགས་ལ་ཅུང་ཡིད་ཆེས་བྱེད་པའི་མངོན་རྟགས་རེད་ལ། གལ་ཏེ་རྒྱ་ནག་གཞུང་དེ་བཞིན་མང་གཙོའི་ལམ་བཟང་ཞིག་ཏུ་འགྱུར་ན་གཏན་གཏན་ངེད་བོད་འདི་ཡང་རིང་མིན་དྲོ་སྐྱིད་ལྡན་པའི་རྒྱལ་ཁབ་ཞིག་ཏུ་གྱུར་རྒྱུ་ཉག་ཅིག་རེད་ལ་བཙན་བྱོལ་དུ་ཞུགས་པའི་བོད་མི་རྣམས་ཀྱང་སོ་སོའི་ལུང་པར་ཕྱིར་ལོག་སྟེ་མང་གཙོ་ལོངས་སྤྱོད་བྱེད་ཐུབ་རྒྱུར་ཐེ་ཚོམས་མེད།
ཟླ་བ་བཀྲིས་ལགས་ཀྱིས་པའོ་ཞོན་རྒྱ་ཡིག་དྲྭ་གནས་ནས་བོད་ཡིག་ཏུ་ཕབ་སྒྱུར་གྱིས་དུས་ཐོག་གནས་ཚུལ་ཁོ་སྤྲོད་གནང་བར་བསྔགས་བརྗོད་ཡོད།
ང་ཚོ་གངས་ཅན་བོད་པ་ཟེར་དུས་འདས་པའི་ལོ་རྒྱུས་ཐོག་ནས་ལྟ་གྲུབ་དང་། བྱམས་བརྩེ། ལོ་རྒྱུས་ཡུན་རིང་ཡོད་པའི་རྒྱལ་ཁབ་དང་མི་རིགས་གཅིག་ཡིན།
ད་ཆར་རྒྱལ་ཁབ་དང་མི་རིགས་ལ་ཆེས་དཀའ་ཚེགས་ཅན་གྱི་དུས་འདིར་རྣམ་དཔྱོད་དང་བྱམས་བརྩེ་ལྡན་པའི་བོད་ཀྱི་བླ་ན་མེད་པའི་དབུ་ཁྲིད་༸ གོང་ས་སྐྱབས་མགོན་ཏྰ་ལའི་བླ་མའི་གསང་གསུམ་མཛད་འཕྲིན་ལས་ཆེས་ཡ་རབས་དང་། དྲང་བདེན། འཚེ་བ་མེད་པ། ཞི་འཇམ། བྱམས་བརྗེ་དང་སྙིང་རྗེ་ལྡན་པའི་མི་རིགས་གཅིག་ཡིན་སྟབས་ང་ཚོའི་མི་རིགས་ནི་ཆེས་སྤོབས་པ་བྱེད་འོས་པའི་མི་རིགས་གཅིག་ཡིན།
༸ གོང་ས་མཆོག་གི་དཀའ་དགོངས་ལྟར་ང་ཚོ་རྒྱ་ནག་མི་དམངས་སྤྱི་མཐུན་རྒྱལ་་ཁབ་དང་མཉམ་དུ་རང་དབང་དང། ཞི་བདེ། དྲང་བདེན། འཚེ་བ་མེད་པ། ཡ་རབས། སྙིང་རྗེ་དང་བྱམས་བརྩེ་ལྡན་པའི་ངང་མཉམ་གནས་བྱེད་ཐུབ་ཚེ་རྒྱ་བོད་མི་དམངས་དུང་ཕྱུར་ ༡༣ ལྷག་བདེ་སྐྱིད་ཀྱི་ཉི་འོད་འཛམ་གླིང་གང་སར་འཕྲོ་ཐུབ་ངེས་ཡིན།
དེར་བརྟེན་ངས་འབྱུང་འགྱུར་ཉི་ཤུའི་ནང་ཚུད་དུ་རང་དབང་དང་བདེ་སྐྱིད་ལྡན་པའི་དམངས་གཙོའི་རྒྱལ་ཁབ་གཅིག་ཆགས་རྒྱུར་ཡིད་ཆེས་བྱེད་པ་མ་ཟད་བོད་རིགས་ཐེ་བའི་གྲངས་ཉུང་མི་རིགས་ཁག་ལའང་དམངས་གཙོ་དང་རང་དབང་ཀྱི་ཉི་འོད་འཕྲོ་ཐུབ་རྒྱུར་ཡིད་ཆེས་བྱེད་བཞིན་ཡོད།
རྒྱ་ནག་གི་མི་རབས་ལྔ་པའི་ཐོན་མོང་གི་སྲོག་ཤིང་ཏུ་གྱུར་བའི་དབུ་འཁྲིད་དག་གིས་རྣམ་དཔྱོད་ལྡན་པའི་ཐོག་ནས་དུས་རབས་དང་མཚམས་པར་མི་དམངས་དག་དམངས་གཙོ་དང་རང་དབང་གི་ལམ་དུ་བསྐྱོད་ནས་ལོ་རྒྱུས་ཀྱིས་ལེ་ཚན་གསར་པ་གཅིག་མགོ་འཛུགས་ཐུབ་རྒྱུར་སྨོན་འདུན་ཞུ།
པའོ་ཞྭོམ་དྲ་ཐག་དང་ཡང་ན་སྒྱུར་གཞིའི་དྲ་ཏག་ཅིག་འདིར་བཞག་ན་ཧ་ཅང་བཟང་།
ཡང་གོང་གི་གཏམ་འདིས་བྱེའུ་བརྒྱ་རྒྱང་ནས་དཀྲོགས་པའི་ཉེན་ཁའང་འདུག་སྙམ།
འདི་ནི་འུ་ཚོ་མགོ་འཐོམ་བྱེད་ཀྱི་གནས་ཚུལ་ཞིག་ལས་ཡིད་ཆེས་བྱེད་ཀྱི་མ་རེད་ལ་བྱེད་ཀྱང་མི་ཉན། རྒྱ་ནག་སྲིད་གཞུང་དང་མི་རིགས་ཀྱིས་འུ་ཚོ་མགོ་སྐོར་བཏང་བ་ཉུང་ཉུང་མིན།
རྒྱ་ནག་མང་གཙོར་གྱུར་བ་ཡིན་ན་བོད་ལ་དངོས་ནས་རང་དབང་ཞིག་ཐོབ་པའི་གོ་སྐབས་ཡོད་མེད་དེ་ནི་དངོས་ནས་བསམ་བློ་གཏོང་དགོས་པ་ཞིག་ཆགས་ཡོད་ལ། རྒྱ་ནག་མང་གཙོར་འགྱུར་ན་ཡང་། བོད་ལ་མང་གཙོའི་ཁེ་དབང་ལོང་སྤྱོད་ཀྱི་ཐོབ་ཐང་དེ་རེག་མིན། ད་ལྟ་ནས་བསམ་བློའི་སྔོན་དཔག་བྱེད་དགོས་པ་ཡིན།