རྒྱང་རིང་གི་ཡུལ་དེ་ན
ཕྱིར་མིག་གི་ཞེན་ས་ཞིག་ཡོད་མོད
གང་ལྟར ལམ་དུ་བུད་རྗེས་སུ
རྒྱུད་མྱོང་བའི་ལམ་ཕྲན་དེ་ནི
སྐྱེ་དུས་ཀྱི་ཨག་སྐད་ཐོག་མ་འབུས་ས
རྨི་ལམ་ལས་ཀྱང་འཛིན་དཀའ་བའི་ཡུལ
དོན་དངོས་སུ དབང་སྲིད་པ་ཞིག
ལེན་མ་ཐུབ་པ་དེ་ནི་རང་གི་ཉེས་པ་རེད
གཞན་ཡུལ་ནི་ཇི་འདྲའི་སྐྱིད་སྣང་ཡོད་སྲིད་ཀྱང་
རང་ཡུལ་མ་ཡིན་པའི་གནས་ལུགས་ཤིག
ཤ་དང་རུས་པའི་གསེང་ནས
མི་འདོད་ཀྱང་བཞུར་འོང་དུས
གཞན་མི་ནི་ག་འདྲའི་བཟང་ན་ཡང་
ཁ་བཏགས་ཀྱི་རང་གཤིས་མེད་པའི་རང་མི་མིན་དུས
རྟེན་འབྱུང་གི་ཕ་ས་གོར་མོ
རང་གི་ཤ་ཁྲག་ལས་རྩ་ཆེ་བར
ག་དུས་ཡིན་ཡང་ གང་དུ་སླེབས་ཀྱང་
ཞིམ་ས་དང་བདེ་ས་ནས་ཀྱང་
བྲོ་ས་དང་སྤྲོ་དུས་ཀྱང་
གཏན་ནས་བརྗེད་ཐབས་མེད་པར
ཁོང་ཚོས་འཐུང་བཞིན་པའི་ཝུ་ཆང་གི་སྲོལ་རྒྱུན་ལྟར
ངའི་ལྟག་རྒྱབ་དུ་གཤེད་ཀྱིས་བླངས
འདང་ནུབ་ཀྱི་རྨི་ལམ་དེ་ལས
ང་རང་ལ་གོ་འཕང་བརྙེས་འདུག
མ་རེད གྲུབ་པ་ཐོབ་འདུག
དེ་རིང་གི་མཚོ་དམར་པོའི་ནང་དུ
ང་ལ་གཤོག་པ་སྐྱེས་འདུག
ཉ་མོ་བཞིན འཁྱུགས་རྩལ་ལྡན
སྤྲིན་དམར་བཞིན གནམ་ཁ་ཡང་དམར་པོ་རེད
མི་རིགས་འདིའི་སྲོལ་རྒྱུན་གྱི་དགོང་ཚིགས་སུ
ངའི་རང་གི་སྐྱེ་རྒྱུད་དང་མེས་པོ་དྲན་དུ་བཅུགས
ག་ལེར རྒུན་ཆང་དམར་པོ་ཞིག
སིལ་ཆང་མངར་མོ་བཞིན
ཐ་མག་མངར་ནག་ཞིག་ཤུགས་ཀྱིས་རྔུབ
ཕ་མ ཉེ་འབྲེལ བུ་ཕྲུག་དག་ལྷན་དུ་འཛོམ
དགོད་སྒྲ་དང་ཟས་སྣའི་ཅོག་རྩེ་བཀང་
དཔར་ཆས་དང་བརྙན་འཕྲིན་འཕྲུལ་ཆས་ཀྱིས
ཕྱོགས་སོ་སོ་ནས་འོད་ཆེམ་ཆེམ་ཤར་དུས
ངས་ཁ་རོག་གེར སེམས་གཏིང་ནས
རྒྱང་རིང་གི་འོད་མདངས་བྲལ་བའི་མི་རིགས་ཤིག་དྲན
ཉེ་དུ་དག་མིག་ལམ་དུ་ཤར་ནས་འོང་
ཁོང་ཚོས ང་འབོད་བཞིན་འདུག
སྐབས་དེར མཚན་མཐུན་བཟའ་མི་བུད་མེད་གཉིས་ཀ་ལམ་ལ་ཆས
བདེ་མོ་བྱོས་ཟེར ང་ལ་ལག་གཡུགས་བྱེད་ཀྱིན་འདུག
ང་རང་གློ་བར་དུ ཕྱིར་དྲན་ལས་དྲན་པ་གསོས
ངས་ཀྱང་ མགོ་བོ་ཕར་ལ་གཡུགས་ཁུལ་བྱས་་་་
མཚོ་དམར་པོའི་འགྲམ་དུ་གུང་གསེང་སྐབས་ཀྱི་ཚོར་བ་དང་འགྲུལ་བཞུད་དངོས་ལ་ཞུགས་ནས་བྲིས། ༢༢།༩།༡༠ཨེས་ལ་ཀྲི་ནས།
ཉི་ཟླའི་མགྲོན་བདག་ལགས། བདག་གི་ཚོར་བ་ནི་དུས་རྒྱུན་དུ་གཅིག་ཡིན་ཟེར་ན་དངོས་ནས་ཁག་པོ་ཡིན་ཡང་། རང་ཉིད་བོད་དུ་སྐྱེ་བའི་ཚོར་བའི་སྡུག་བསྔལ་དེ་ནི་ནམ་ཡང་འཇགས་པ་མེད་པར་བཞུར་གྱིན་ཡོད་ལགས། དེ་ནི་མགོ་སྐམ་ས་ལ་མ་བཞག་པར་དུ་བསྡོད་ངེས་བརྟན་ཡིན ་པ་རེད། དེ་ཡིན་དུས་འཆི་བ་མི་རྟག་པ་དེ་ཡང་ལྷན་སྐྱེས་སུ་ཡོད་པ་ཞིག་དུས་དེ་ལ་དགའ་སྣང་ལས་སྐྱོ་སྣང་གཏན་ནས་བྱས་མ་མྱོང་ལགས། གང་ལྟར། སྐུ་ཉིད་ངེད་ཀྱི་ཟིན་བྲིས་ནང་དུ་ཕེབས་པ་དེར་དགའ་ཡོད། རྗེས་ཕྱོགས་ཀྱང་ཕེབས་ཤོག་ཨ་ སྒོ་ཕྱེ་ནས་བཞག་ཡོད་
དྲ་གྲོགས་ཤ་ཁྲག་རུས་གསུམ་ལགས་ཁྱེད་རང་བློ་བུར་དུ་ཚོར་བ་རྣོ་པོ་ཞིག་གི་ལམ་སང་མགོ་བོ་མར་སྒུར་དུ་བཅུད་ཡོད་ས་རེད།
མཚམས་རེར་སེམས་པ་སྐྱོ་དྲག་པའི་གནས་ཚུལ་ཡང་མི་ཡོང་བའི་ངེས་བ་མེད།
མི་རྟག་པ་ལ་བསམ་བློ་རེ་བཏང་ན་ཕན་པ་ཏན་ཏན་ཞིག་རང་བཞིན་གྱི་ཡོང་གི་རེད་བསམ་མོ།
ནཱ་གྷཱ་རཀྵ་ལགས། ཉིད་རང་ཐོག་མར་ཕེབས་ནས་བདག་གི་སེམས་འགྱུ་ཞིག་འཁུར་ནས་འོང་བ་དེར་དོ་འཁུར་ཆེན་པོའི་སྒོ་ནས་ཐེངས་ཤིག་ཀློག་པ་དེ་ནི་དགའ་བཞིན་ཡོད། འུ་ཅག་གིས་ཕན་ཚུན་གྱི་སེམས་འགྱུ་འདི་ལྟར་བྲིས་དེ་འདི་ལྟར་ཕན་ཚུན་ལ་ངོ་སྤྲོད་བྱས་ན་དངོས་ནས་ཡག་པོ་ཡོད་པར་མཐོང་གི་འདུག་ལགས།
འབྲོང་བུ་ཟླ་བ་ལགས། དུས་ཚོད་ཅི་འདྲའི་འགྱུར་ན་ཡང་། ཤ་དང་རུས་པ་འགྱུར་ཐབས་མེད་པའི་གདམས་བསྔགས་འདིས་དུས་རྟག་དུ་འུ་ཅག་ལ་གོ་བརྡ་ཞིག་སྤྲོད་ཀྱི་ཡོད་པ་རེད། ས་གང་དུ་ཡོད་མེད་ལ་མ་བལྟསཔར། ང་ཚོས་དངོས་ནས་རང་རང་ས་ནས་ཤུ་རེ་བྱེད་ཡ་་་
སྣང་རྒྱལ་ཤེར་དགེ་ལགས། ཉིད་ནས་ལམ་སྟོན་ཞིབ་ཚགས་གནང་བ་དེར་དངོས་ནས་དགའ་བོ་བྱུང་། ཡི་གེ་ལ་བྱང་དུ་ཆུབ་པའི་མདོ་དབུས་ཁམས་གསུམ་གྱི་བོད་མི་སུ་ཞིག་ཡིན་ཡང་། དག་ཆའི་དཀའ་ངལ་དེ་འདྲ་ཡོང་མི་སྲིད་པ་ཡིན། འོན་ཀྱང་། བདག་ལྟ་བུ་ཁ་ཤས་ནི་བོད་ཡིག་གི་དག་ཆའི་མ་འདང་བའི་དཀའ་ངལ་འཕྲད་ཀྱི་ཡོད་པ་དེ་ཡི་ཉེར་ལེན་རེད་ལགས། གང་ལྟར། ཉིད་རང་འདི་ལྟར་རྒྱུན་དུ་ཕེབས་ནས་ལམ་སྟོན་རེ་གནོང་རོགས་ཞུ། དགའ་བསུ་ཡོད་་་
གཞུང་ངོས་ཀློག་རྒྱུར་ཁ བྱང་གིས་བཀག་འགོག་བྱས་ཏེ་ཀློག་ཐུབ་མ་སོང་།
༼བཙུར༽་ཟེར་བ་ཞིག་ད་ལྟའི་ཆར་བོད་ཀྱི་མིང་གཞིའི་ཁྲོད་དུ་མི་འདུག གལ་སྲིད་༼བཙིར་༽་འབྲི་དགོས་པ་ཡིན་ན་དེའི་སྔོན་དུ་༼གི༽ཞེས་འབྲེལ་སྒྲ་མ་ཡིན་པར་༼གིས༽ཞེས་བྱེད་སྒྲ་འབྲི་དགོས་པ་རེད། བཙུར་དང་བཙིར་གཉིས་ཨ་མདོ་བ་ཞིག་གིས་ཀློག་ན་གདངས་ལ་ཁྱད་པར་མེད་ཀྱང་དབུས་པ་ཞིག་གིས་ཀློག་ན་ཁྱད་པར་ཤིན་ཏུ་ཆེ། གི་གུ་དང་ཞབས་ཀྱུ་གཉིས་ཀློག་སྟངས་ལ་ཁྱད་པར་མེད་པ་འདི་ཨ་མདོ་བའི་ཀློག་སྟངས་ཀྱི་ཞན་ཆ་ཆེན་པོ་ཞིག་རེད།
རེད་ཡ།
རྒྱང་རིང་རྒྱང་རིང་གི་ཡུལ་གྲུ་དེ་ན
བླ་སྲོག་དང་འཚོལ་སྙེགས་ཡོད་ལ
རྒྱང་རིང་རྒྱང་རིང་གི་ཡུལ་གྲུ་དེ་ན
ཕ་ཡུལ་དང་གཉེན་ཉེ་ཡོད་པས
དགའ་དུས་དྲན་ཡོང་བ་ཕ་ཡུལ་རེད་ལ
སྡུག་དུས་དྲན་ཡོང་བ་ཡང་ཕ་ཡུལ་རེད
སེམས་སྐྱོ་བ་ཞིག་བྲིས་གནང་འདུག ངས་ཁྱེད་རང་ལ་གུང་སེང་སྐྱིད་པོ་ཞིག་ཡོང་སྨོན་ལམ་བརྒྱབ་པ་ཡིན། ཡིན་ན་ཡང་ད་ངས་གསལ་བོ་ཤེས་སོང་། སྨོན་ལམ་བརྒྱབ་པ་ཚང་མ་མངོན་འགྱུར་ག་ལ་འོང་། ང་ཚོས་བོད་ལ་རང་དབང་ཐོབ་རྒྱུར་སྨོན་ལམ་ག་ཚོད་བརྒྱབ་ཡོད་པ་མ་རེད་དམ། སྨོན་ལམ་ག་ཚོད་བརྒྱབ་ན་རང་དབང་ཁ་ཐག་ཇེ་རིང་རེད། སྙན་རྩོམ་རིང་པོ་ཞེ་དྲག་བྲིས་འདུག ཀློག་ཡ་ཆུ་ཚོད་འོ་ཙམ་ཕྱིན་སོང་།