མི་ཚང་དཀྱུས་མ་ནས་སྐྱེས་པའི་བཀའ་ཁྲི་ཞིག་དགོས།

དྲ་གྲོགས་གངས་ཆབ་ལགས་ཀྱི་གསུང་བ་དེ་ལ་ངས་སྙིང་ནས་གུས་བརྩི་ཞུ་རྒྱུ་མ་ཟད་ད་དུང་ཁོང་གིས་གསུང་པ་དེ་ཚོ་གནད་དུ་ཁེལ་པའི་ཞིབ་དཔྱོད་རང་རེད་འདུག ཧ་ཅང་ཡག་པོ་འདུག རྗེས་སུ་ཡིད་རངས་ཡོད།

དེང་སྐབས་རྩོམ་སྒྲིག་པས་ཅི་ཞིག་གནང་གི་ཡོད་མེད་ངས་གསལ་བོར་ཤེས་མ་སོང་། གང་ཡིན་ཟེར་ན་འདིར་རིག་པ་འདོན་ས་ཞེས་པའི་ས་མིག་ཅིག་སྐྲུན་འདུག་ནའང་ག་ཚོད་ཀྱི་བསམ་ཚུལ་གང་མང་བསྐུར་པ་ཡིན་ན་ཡང་གཅིག་ཀྱང་དེང་སང་དྲ་ཐོག་ལ་བཀོད་ཀྱིན་མི་འདུག དེའི་རྒྱུ་མཚན་ག་རེ་ཡིན་ན་ངས་ཤེས་མ་སོང་། འགྲེལ་བཤད་ཅིག་ཡོད་ན་སྐྱོན་རོགས་གནང་ཞེས་ཞུ་རྒྱུ་ཡོད།

ངས་ཀྱང་བློ་བཟང་སེང་གེར་མཐོང་བའི་རེ་བ།

ཆེ་ཆུང་ཚང་མས་བཀའ་ཁྲིའི་གལ་གནད་གླེང་དུས་ཨང་དང་པོ་དེ་བོད་དོན་འཐབ་རྩོད་རེད་ཅེས་ཤོད་བཞིན་ཡོད་ནའང། འཐབ་རྩོད་ནུས་པ་དང་པོ་དེ་ཅི་ཞིག་ཡིན་མིན་དང་། དེ་ལ་རང་ཕྱོགས་ནས་སྒྲུབ་རན་པའི་ལས་དོན་གང་ཞིག་ཡོད་མེད་ལ་ནན་ཏན་གྱི་སྐད་ཆ་ཤོད་མཁན་ཆེས་དཀོན་པས། ངས་ད་དུང་བཙན་བྱོལ་སྤྱི་ཚོགས་ནང་བསམ་གཞིགས་ཀྱི་ནུས་པ་མེད་པའི་སྣང་ཚུལ་ཞིག་མཐོང་གི་འདུག ལྷག་པར་བཀའ་ཁྲིའི་འོས་མིར་ལང་མཁན་མང་ཆེ་བས་ཛ་དྲག་གི་གནད་འགག་ལ་སླེབ་པའི་དུས་ཚོད་ཅིག་ལའང་། འཆར་ཅན་གྱི་སྐད་ཆ་ཞིག་ལས་བོད་དོན་འཐབ་རྩོད་ཀྱི་ནུས་པ་ངོ་མའི་ཐོག་གནད་དུ་འཁེལ་བའི་སྐད་ཆ་བཤད་རྒྱུ་ལྟ་ཅི།

ཉེ་ཆར་བཀའ་ཤག་གིས་རྒྱ་གར་ལྷོ་ཕྱོགས་སུ་གནང་བའི་བཙན་བྱོལ་བོད་མི་ཉམས་ཆག་ཏུ་འགྲོ་བའི་ཉེན་ཁའི་རང་བཞིན་དག་གི་དོན་སྙིང་དག་ལ་བསམ་བློ་ཞིབ་ཕྲ་བཏང་མེད་ཚོད་རེད། ཉེན་ཁ་ཆེན་པོ་འདི་དག་ལས་ལྷག་པའི་གླེང་རྒྱུ་གཞན་ཞིག་ཅི་ལ་ཡོད། ཆབ་སྲིད་ཀྱི་རྐུབ་བཀྱག་ནི་སྐད་ཆའི་སྡིངས་ཆ་ཞིག་དང་། སྐད་ཆས་མི་དམངས་ཀྱི་བསམ་བློའི་ཁ་ཕྱོགས་སྒྱུར་གྱི་ཡོད་པས། བསམ་གཞིག་གི་ནུས་པ་ལྡན་པའི་སྐད་ཆ་ཤོད་དགོས།

བསམ་གཞིག་གི་ནུས་པ་ལྡན་པའི་སྐད་ཆ་ཞེས་བརྗོད་དགོས་དོན་ཡང། སྒྲུབ་པ་ལས་ཤོད་པ་ཨང་དང་པོར་བརྩི་ཞེས་པའི་དོན་མིན་པར། རྩ་དོན་གྱི་དམིགས་ཕྱོགས་དང་མ་བརྒལ་བའི་དོན་གནད་ངོ་མའི་ཐོག་ཡུན་རིང་བསམས་པའི་འཆར་སྒོ་དང་། བྱེད་ནུས་མི་འདྲ་བ་རེ་འདོན་དགོས་པ་དེ་ཡིན། ལྷག་པར་༡༩༧༤ནས་ད་བར་རྒྱུན་འཛིན་བྱེད་པའི་དབུ་མའི་ལམ་ནི་ཕྱོགས་གཉིས་ཀྱི་རྒྱལ་ཕམ་གྱི་ངོ་བོ་ལས་ཡོངས་སུ་འདས་ཤིང་། མི་རིགས་གཉིས་ཀྱི་གནད་དོན་ཙམ་ཡང་མིན་པའི་ཕྱིར། གྲོས་མོལ་དང་ཤེས་རྟོགས་ཁོ་ནས་བསུ་དགོས་པས།

རྒྱ་བོད་མི་དམངས་བྱིངས་ཀྱི་དབར་འབྲེལ་ཟམ་འཛུགས་རྒྱུ་གལ་གནད་ཅིག་ཏུ་གྱུར་ཡོད། དེ་ནི་སྐུ་ཞབས་བློ་བཟང་སེང་གེའི་སྤྲོ་སྣང་དང་ཕན་འབྲས་ལྡན་པའི་བྱ་གཞག་ཅིག་རེད། སྤྲོ་སྣང་ཞེས་པ་དེ་ཧ་ཅང་གལ་ཆེན་པོ་རེད་སྙམ་གྱི་ཡོད།

བྱ་གཞག་ཅིག་སྒྲུབ་པར་དེ་མེད་ན་ནི་རླུང་རྟ་བརྒྱུགས་ནས་སྐབས་རེ་ལས་དོན་རེ་གཉིས་ལ་ཕན་འབྲས་ཐོན་སྲིད་ཀྱང་། དེ་ལ་རྒྱུན་མཐུད་ཀྱི་རང་བཞིན་དང་དམིགས་བསལ་གྱི་ཕན་འབྲས་ཧ་ཅང་འཐོན་དཀའ། འོན་ཏེ་སྤྲོ་སྣང་གི་འབྱུང་ཁུངས་ནི་རིག་པའི་གཞུང་ལུགས་ཀྱི་ཤེས་ཡོན་དང་། རང་ཉིད་ཀྱི་བློ་གྲོས་ཀྱི་རྩལ་གཉིས་འཐབ་པ་ལས་བྱུང་བའི་གུ་ཡངས་ཀྱི་ཤེས་རབ་ཅིག་ཡིན་པས། རིག་ཚན་བྱེ་བྲག་པ་དང་ལྷག་པར་ནང་པ་སངས་རྒྱས་པའི་ཚན་རིག དེ་བཞིན་ནུབ་ཕྱོགས་པའི་སྤྱི་ཚོགས་དང་ཆོས་ལུགས་དབར་གྱི་འགལ་སྒྲུབ་ཀྱི་རྣམ་གཞག་དེ་ཚོ་ཁོང་དུ་ཆུད་པར་བྱ་དགོས།

གང་ཡིན་ཟེར་ན། ནུབ་ཕྱོགས་པའི་སྤྱི་ཚོགས་ཀྱི་འཕེལ་རིམ་ནང་དུའང་སྔ་མོ་ནས་ཚན་རིག་དང་འཕྲུལ་ཆས་ཀྱི་འཕེལ་རྒྱས་རྩ་ཆེར་འཛིན་པ་ལས། ཆོས་ལུགས་ནི་སྤྱི་ཚོགས་ཀྱི་གལ་ཆེའི་གྲུབ་ཆ་ཞིག་མིན་པར་ལྟ་བའི་ཡ་ང་བའི་འཐབ་རྩོད་དམ། གསོད་གཏུབ་ཀྱི་འཇིགས་དངངས་བྱུང་དང་འབྱུང་བཞིན་ཡོད་པ་དང་།

ཤར་ཕྱོགས་པ་རྣམས་ཀྱིས་ཀྱང་རང་ཉིད་ཀྱི་གཏིང་གཟབ་པའི་སྤྱི་ཚོགས་ལྟ་གྲུབ་དང་། འཚོ་བའི་གོམས་གཤིས་ལ་ཡ་མེད་བཏང་ནས་ཁོང་ཚོའི་རྗེས་དེད་དེ་དེང་རབས་ཀྱི་དཔལ་ཡོན་ཞེས་ཁ་བཀྱག་ཀྱང་། ཉིན་ཞིག་ཁོང་ཚོ་བཞིན་མི་ཚེ་གཅིག་གི་དོན་སྙིང་འདི་ལའང་ཡང་དག་པའི་གཏན་ཚིགས་ཤིག་འགོད་མི་ཐུབ་པའི་ཐབས་སྐྱོ་བའི་ལམ་ཁ་ཞིག་ཏུ་ལྷུང་ལྷུང་རྒྱུ་ལས་གང་ཡང་མེད་པའི་ངེས་ཤེས་སྐྱེད་དགོས་པས་ཡིན། འདིའི་དཔེ་མཚོན་གསལ་ཤོས་ཤིག་ནི་༸གོང་ས་མཆོག་གི་ད་ལྟའི་མཁྱེན་རབ་དང་། དེ་ལ་བསམ་ཤེས་ཅན་གྱི་འཛམ་གླིང་མི་དམངས་ཚོས་སེམས་ཚོར་ཙམ་མིན་པའི་གོ་རྟོགས་ཇི་ལྟར་སྐྱེད་ཚུལ་འདི་ཡིན།

ད་དུང་ད་ལྟའི་བཙན་བྱོལ་བོད་མིའི་དཀའ་ཚེགས་དང་ཉེན་ཁ་ཆེ་ཤོས་ཤིག་ནི། གནའ་དེང་གི་ཤེས་ཡོན་གཉིས་ཀའི་ངོ་གདོང་མཐོང་བ་ཙམ་ལས་མཐར་སོན་གྱི་མེད་པ་འདི་ཡིན་ཞིང། བློ་བཟང་སེང་གེར་མཚོན་ན་གནད་དོན་འདི་ལ་ཚོར་ཤུགས་ཧ་ཅང་ཆེ་བ་དང། ཉེ་སྔོན་ནུས་པ་བཅུ་ཞེས་པའི་གཏམ་བཤད་ནང་དེའི་སྐོར་རྒྱས་བཤད་བྱེད་མྱོང་ཡོད། མ་ཟད་རང་ཉིད་དེང་རབས་ཀྱི་ཁྲིམས་ལུགས་རིག་པའི་ཐོག་ནས་སྦྱངས་པ་མཐར་སོན་ཡོད་སྟབས། དེའི་ཐོག་ལ་བཤད་རྒྱུ་དང་ཁྱད་དུ་འཕགས་པའི་འཆར་སྣང་། ལས་འཆར་བསྒྲིག་རྒྱུའི་སྤོབས་པ་བཅས་ཧ་ཅང་ཆེན་པོ་འདུག། ལར་ནས་མི་རབས་ཀྱི་འོས་འགན་ཐོག་ནས་བལྟས་ནའང་། ཁོང་ཚོའི་གྲས་ལ་འགན་བཀུར་རྒྱུའི་དུས་ཚོད་ཟིན་འདུག་སྙམ།

དེ་བས་སྤྱི་འཐུས་སུའང་གཞོན་སྐྱེས་མང་ཙམ་བསླེབ་རྒྱུ་དེ་དམིགས་བསལ་གྱི་དགོས་མཁོ་ཆགས་ཡོད་པས་བསམ་གཞིག་བྱ་གལ་ཆེ། འདི་ལྟར་བརྗོད་པ་ནི་ཉམས་མྱོང་ཆེ་བའི་རྒན་རབས་པ་ཚོར་ཟུར་ཟ་བྱས་པ་ལྟ་བུ་གཏན་ནས་མིན་པར། དེ་ནི་མི་རབས་རྒན་གཞོན་དབར་གྱི་ཧེ་བག་དེ་མི་འོང་བའི་ཆེད་དུ་དང་། མ་འོངས་པའི་ཛ་དྲག་གི་གནས་བབ་ཅིག་གི་སྔོན་འགོག་ཡིན་ཞེས་བརྗོད་ཀྱང་མ་འགྲིག་པ་མེད། མ་ཟད་བོད་ཕྲུག་མང་པོའི་སེམས་ནང་བཀའ་ཁྲིའི་རྐུབ་བཀྱག་ཐོག་ངེས་པར་དུ་རྒན་རབས་པ་ཞིག་འོང་དགོས་སྙམ་གྱི་འདུག

ཁོང་ཚོས་གནས་བབ་དེར་ངོས་འཛིན་མཐོ་པོ་ཞིག་བྱས་པའི་ཁུལ་ཡིན་ནའང་། བསམ་བློ་ཞིབ་མོ་བཏང་ན་དེ་ནི་མི་རབས་གསར་པའི་ཁྱད་ཆོས་ཤིག་ག་ལ་ཡིན། ངས་ན་གཞོན་རེ་ཟུང་ལ་དེའི་སྐོར་བརྗོད་དུས་དེ་ནི་མི་སྲིད་པ་ལྟ་བུར་ཧང་སངས་མདོག་བྱེད་ཀྱི་འདུག འོན་ཏེ་མིའི་ལུས་སེམས་ཀྱི་བཀོད་པའི་ཆ་ནས་གཞོན་སྐྱེས་ལ་སྐབས་རེ་གལ་གནད་ཐག་གཅོད་བྱེད་པ་ལ་སོགས་པའི་ཚེ་དངངས་འཚབ་དང་། སེམས་ཚོར་ཙམ་གྱི་བྱེད་ཕྱོགས་ལ་ཁ་གཏད་ནས་འགྲོ་བའི་གཤིས་ཀ་ཞིག་ཡོད་པས། དེ་ནི་ཁོང་ལ་མཚོན་ན་རྟ་རྒོད་སྲབ་ཀྱིས་འཆུན་པ་ལྟ་བུར་གཟབ་དགོས་པའི་གནད་དོན་ཞིག་ཡིན་པ་བཅས་སོ། །

གནད་དོན་ཅི་ཞིག་ཡིན་ཡང་། དགག་སྒྲུབ་གཉིས་ཀྱི་ཆ་ལྡན་ན་ད་གཟོད་ཡར་རྒྱས་དང་དྲང་ལམ་དུ་ཕྱོགས་ཐུབ་ངེས། བསམ་ཚུལ་སྤེལ་མཁན་མི་རེ་ངོ་རེས་ནས་བསམ་ཚུལ་འདྲ་མིན་འདོན་ཆོག་གི་རེད། ཡིན་ནའང་། ༼ཁྱི་སྡོམ། ་་་་དོགས་སོན་གནང་དགོས། ་་་་་བསམ་བློ་ཐོངས། ཁྱི་སྡོམ། ལོག་ལྟ་བ། མི་ངན་སྤྱོད་ངན་ཁྱོད། གུང་བྲན་ཏང་གི་སྐྱུར་དྲི་ཁ་བ་སྐོར་ཞིག བགྲོ་གླེང་དེའི་མགོ་མཇུག་གང་ནས་དཔྱད་ཀྱང་རྒྱ་ནག་གཞུང་གིས་ངན་སྐུལ་ལམ་གོ་སྒྲིག་བྱས་འདུག ་་་ངེས་པར་གཟབ་དགོས། དངོས་གནས་ལྐུགས་པ་རང་རེད། རྒྱ་གཞུང་གིས་བཀའ་སྒྲུབ་གིན་འདུག་ག ༽སོགས་ཀྱི་སྐད་ཆ་འདི་དག་མཐོང་དུས། འུ་ཚོའི་མང་ཚོགས་ཀྱི་བསམ་བློའི་དཔང་རྒྱ་དེ་ད་དུང་ཤིན་ཏུ་ཧག་ཕྲ་བ་ཞིག་ཏུ་འདུག་པའི་ཚོར་བ་བྱུང་ལ། སྐད་ཆ་འདི་དག་ལས་འུ་ཚོ་བཙན་བྱོལ་བ་དག་གི་མི་གཤིས་དང་བསམ་བློའི་ལྕི་ཁོག་གི་ཟུར་ངོས་ཁ་དོག་ཙམ་ཡང་མངོན་འདུག་པ་མ་ཡིན་ནམ། ཆོ་མེད་པའི་སྐད་ཆ་འདི་དག་འབྲེལ་ནས་ངས་གླེང་འདོད་པ་ཞིག་ནི། འུ་ཚོ་བཙན་བྱོལ་བ་ཚོས་ངོ་རྒོལ་སྐབས་ཀྱི་ཕ་སྐད་རང་སྟེང་གི་འབོད་ཚིག་ཕལ་ཆེ་བ་ནི། ་་་་་སྐྱག་པ་ཟོ། ་་་་སྡུག་ཤི་རྒྱོབས། ་་་་་ཕར་རྒྱུགས། ་་་་་སོགས་མི་རིགས་འཐབ་རྩོད་རྩ་བའི་ངོ་བོ་མི་ཟིན་པ། གུ་དོགས་པ། ཀུན་སྤྱོད་དམའ་བའི་སྐད་ཆ་རེ་འགའ་ལས་བརྗོད་ཤེས་ཀྱིན་མེད། ༼ཁྲག་དགོས་ན་ཁྲག་སྟེར། སྲོག་དགོས་ན་སྲོག་སྟེར། ནམ་ཡང་རང་ཡུལ་སྤྲོད་ཀྱི་མིན། ༽ ཅེས་པའི་གནའ་བོའི་རྒྱ་གར་བའི་འཐབ་རྩོད་པ་དག་གི་རླབས་ཆེ་བའི་འབོད་ཚིག་དེ་ལྟ་བུ་ཞིག་འདས་པའི་ལོ་ངོ་ལྔ་བཅུ་རིང་ལ་འུ་ཅག་བོད་པ་བཙན་བྱོལ་བ་རང་གི་འདུ་ཤེས་ཀྱི་ངོས་དང་སྨྲ་ལྕེ་ཡི་སྣེ་ནས་ཐོན་ཐུབ་མེད། མ་གཞི་སྐད་ཆ་ཚིག་འགའ་ཡིན་མོད་ཀྱང་། སྐད་ཆ་ནི་མིའི་ནང་སེམས་ཀྱི་འདུ་ཤེས་གོ་བརྡ་སྤྲོད་བྱེད་ཡིན་པས་ཆ་ནས། འདིའི་རིགས་ཀྱིས་ཀྱང་ཟུར་ངོས་གང་རུང་ནས་འུ་ཚོའི་འཐབ་རྩོད་ཀྱི་ངར་ཤུགས་དང་ལྕི་ཁོག་རྒྱ་མར་བཏེགས་ཡོད་པ་མ་ཡིན་ནམ།

བྱེས་བཞུགས་བོད་མི་རྣམས་བློ་ཕམ་མ་བཅུག་རོགས།

ཀླུ་མཁར་བྱམས་ཟེར་བ་ཁོང་ལ་རྒྱུས་མངའ་དེ་འདྲ་ཅི་ཡང་མེད། མ་མཐའ་སྐད་ཆ་ཙམ་ཡང་བཤད་མི་མྱོང་ངོ་།།
སྐྱེ་བོ་འདི་པས་ཟློས་གར་གྱི་གླེང་སྟེགས་ཐོག་ནས་༸གོང་ས་མཆོག་ལ་བསྟོད་པའི་ཟོལ་གྱིས་སྐྱོན་བརྗོད་དང་ཡིད་མི་རངས་ཀྱི་ཟུར་ཚིག་རྣོན་པོ་དེ་འདྲ་གང་མང་མང་ཞིག་ནི་སྐྱུགས་པར་བྱས་སོ།།
ངའི་མཐོང་ཚུལ་ནང་གི་༸གོང་ས་མཆོག་གི་བཀའ་མོལ་གཉིས་དང་དགོངས་གཞི་གཉིས་ཏེ། རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་མི་རིགས་ས་གནས་རང་སྐྱོང་གི་གནས་བབ་ཚད་ལྡན་ཞིག་འཐོབ་པར་བྱ་རྒྱུ་ཟེར་བ་འདི་དང་། རྒྱ་ནག་གི་མི་སེར་གྱི་ཕྱག་འཁྱེར་བཞེས་ཏེ་བོད་དུ་ལོག་ཕེབས་རྒྱུ་ཟེར་བའི་གནད་དོན་གཉིས་ཀྱི་དབར་འགལ་ཟླ་ཞིག་དང་། ཆེ་ཆུང་ཞིག ཡང་ན་ཡང་ལྗིད་ཅིག་ཅི་ཡང་སྣང་གིན་མེད་དོ། ། དོན་ལ་ཡང་དེ་འདྲ་ཞིག་ཡོད་པར་མི་སྙམ་མོ།།
འོན་ཀྱང་ཚིག་རྗེས་འབྲངས་པའི་བློ་ཙམ་གྱིས་བལྟས་ན་བརྗོད་པ་ཙམ་ལ་ནི་རྣར་འགྲོ་མི་འགྲོ་དང་སྙན་མི་སྙན་གྱི་ཁྱད་པར་ཞིག་ཡོང་ཆོག་གོ ། འོན་ཀྱང་འདི་ཙམ་ཞིག་ནི་གལ་ཆེན་དུ་བརྩི་བའི་གནས་སུ་བཟུང་ན་ནི་ནོར་ཞིང་འཁྲུལ་ལོ།།

སྐྱེ་བོ་འདི་པས་རང་སྲིད་རང་སྐྱོང་གི་དགོས་འདུན་དང་འབྲེལ་བའི་དགོངས་པར་ཅི་ཡང་ཐུག་རེག་མི་བྱེད་པར་རྒྱ་མིའི་མི་སེར་ལག་འཁྱེར་འཁྱེར་ཏེ་ཟེར་བའི་ཚིག་ཙམ་ཞིག་ཁ་ལ་ཐོགས་ཏེ་གནས་སྐབས་གང་དུའང་ས་འཕྱར་གནམ་འཕྱར་གྱིས་འུར་ཟིང་སློང་བ་ནི་རྟོག་དཔྱོད་ཀྱི་མིག་ཞར་སོང་བའི་དན་རྟགས་སོ།། སྤྱི་ཚོགས་ཀྱི་བསམ་བློའི་བདེ་འཇགས་ལ་འགན་མ་འཁུར་བའི་གྱ་ཚོམ་པའི་བྱ་སྤྱོད་དོ།། རིགས་པ་དང་མི་ལྡན་པའི་ཐན་སྐད་སྒྲོག་པ་ནི་ཞིབ་འཇུག་པའི་མིང་འཁྱེར་བ་ཞིག་གི་ལས་སུ་བྱ་བ་མ་ཡིན་ནོ།། ཕྱོགས་སུ་ལྷུང་ངོ་། །

ཞིབ་འཇུག་པ་ཞིག་ཡིན་ན་དོན་ལྡན་གྱི་གཏམ་སྨྲ་དགོས་པ་ཡིན་གྱི་རང་གི་སྣང་ངོར་འཕྲོད་མི་འཕྲོད་ཀྱི་དབང་ལས་གནས་ལུགས་ལས་གཡོལ་བར་བྱས་ན་ནི་གཞན་ཅི་ཡང་ཞུ་འདོད་པ་མེད་ཀྱི། དམར་ཤོག་ཏང་གི་ཞིབ་འཇུག་པ་དེ་ཚོ་དང་ཁྱད་ཅི་ཡང་མེད་པས་དེ་ཚོའི་སྤུན་གྲོགས་འདྲ་ཞིག་ཡིན་པ་མིན་ནམ་ཞེས་པ་ཙམ་ཞིག་ནི་ཞུ་བར་འདོད་དོ།།
ཡང་དག་པར་བཤད་དོ། །གནོད་པའི་བསམ་པ་རྡུལ་ཙམ་ཡང་མེད་དོ།།
རིགས་པའི་ཐོག་མདས་བསྙིལ་བར་བྱས་ན་ནི་ཁོ་བོ་ལ་ལན་པ་མེད་དོ།།

ཨ་ཙི་ཙི། ཆབ་སྲིད་ཀྱི་གོ་རྟོགས་རྩ་བ་ཉིད་ནས་མི་འདུག་ལ་ཕུགས་འཁྱོལ་བའི་བསམ་བློ་ནི་དེ་བས་ཀྱང་།

ཉམས་ཞིབ་པའི་མིང་སྐམ་འཛིན་པའི་ལོག་ལྟཔ་ཚོ་ཅི་ཞིག་བསམ་གྱི་ཡོད། སྐུ་དྲག་དང་བླ་གྲྭ་རྣམས་ཅིའི་ཕྱིར་བོད་ཀྱི་ཆབ་སྲིད་དབུ་ཁྲིད་པའི་འོས་མིའི་གྲས་སུ་ཡོང་ན་མ་འགྲིགས་པ་རེད། སྐད་ཆ་འདི་སྒེར་པའི་མཐོང་ཚུལ་དང་ཚོར་སྣང་ཞིག་གི་ཐོག་ནས་བཤད་ཀྱི་ཡོད་དམ། ཡང་ན།ཁྲིམས་དང་སྒྲིག་གཞི་ཞིག་ལ་གཞི་བཟུང་ནས་བཤད་ཀྱི་ཡོད། སྐུ་དྲག་ཡིན་པ་དང་བླ་གྲྭ་ཡིན་པའི་རྒྱུ་མཚན་གྱིས་བཀའ་སྤྱི་གང་དུ་ཡང་བསྐོ་མི་རུང་བ་བདེན་པ་ཡིན་ན་ཡང་། སྐུ་དྲག་དང་བླ་གྲྭ་ལ་སྡང་སེམས་འཛིན་པ་ནི་རྒྱ་གཞུང་གི་བྱེད་སྟངས་ལས་སྡུག་པ་ཞིག་མ་རེད་དམ། རྒྱལ་བ་རིན་པོ་ཆེའི་དགོངས་གཞི་ཡོངས་རྫོགས་སྒྲུབ་ཐུབ་མཁན་འཛམ་གླིང་ན་མེད་ཟེར། རྒྱལ་བ་རིན་པོ་ཆེ་མ་ཟད་མི་ངན་སྤྱོད་ངན་ཁྱོད་ཀྱི་རེ་དོགས་ཡོངས་རྫོགས་སྒྲུབ་ཐུབ་མཁན་འཛམ་གླིང་འདིར་འདུག་གམ། སྐད་ཆ་འདི་ཁྱོད་ཀྱི་དམིགས་སའི་འབེན་ལ་གཏན་ནས་འཕོགས་ཀྱི་མེད། བློ་བཟང་སེངྒེ་ངེས་པར་བཀའ་བློན་ཁྲི་པར་འོས་ཐོབ་དགོས་པའི་རྒྱུ་མཚན་ཅི་ཡོད། བླུན་རྟགས་བསྟན་རྒྱུ་མང་དྲགས་ན་ཁྱེད་ཚོ་ཙམ་མ་ཟད། བཀའ་བློན་ཁྲི་པ་ཐོབ་ན་སྙམ་ནས་རེ་བ་རྒྱབ་བསྡད་མཁན་གྱི་བློ་སེང་ལ་ཡང་གནོད་ངེས་ཡིན། སྤྱི་ཚོགས་ནང་རིན་ཐང་གཏན་ནས་མེད་པར་མ་ཟད། ངོས་འཛིན་ངན་པ་ཡོད་པའི་ཁྱི་སྡོམ་འགས་འུད་བྱེད་རྒྱུ་མང་དྲགས་ན། ཁྱེད་ཚོའི་རྐྱེན་པས་བློ་སེང་ཡང་མི་ཁྱེད་ཚོ་དང་འདྲ་བར་མི་དགའ་ས་ཞིག་ཏུ་མི་འགྱུར་བའི་ངེས་པ་མེད་པ་གཏན་ནས་མེད། མཛོ་སྦྲེལ་གཡང་ལྷུང་མ་བྱས་ན་བཟང་འདོད། བློ་སེང་ལ་བསམ་གནག་མ་བྱེད་རོགས།

ད་ཐེངས་ཀྱི་བཀའ་ཁྲི་མི་ཚང་དཀྱིས་མ་ཞིག་ནས་སྐྱེས་པ་ཡིན་དགོས། ཐེངས་རྗེས་མའི་བཀའ་ཁྲི་བུད་མེད་ཇོ་ཐོག་ཞིག་ཡིན་དགོས། དེའི་རྗེས་ནས་ད་རུང་ང་ཚོ་བཙན་བྱོལ་ན་ཡོད་པ་ཡིན་ན་སྐུ་དྲག་ནས་ཡང་བསྐྱར་མགོ་འཛུག་གི་ཡིན་ཟེར། ངས་དེ་འདྲ་བྱས་ན་མང་གཙོ་རེད་དམ་ཟེར་ནས་དྲིས་སྐབས། མང་གཙོ་མིན་ན་མིན་ང་ཚོས་གསར་བརྗེ་བྱེད་ཀྱི་ཡོད་ཟེར། བཀའ་ཁྲིའི་འོས་གཞིའི་ནང་ལ་ལག་རྗེས་ཆེ་བའི་གྲྭ་བ་དང་ཨ་ནེ་ཡོང་ས་མེད། ཉམས་མྱོང་གི་གཏེར་བའི་རྒན་པ་ཡོང་ས་མེད་ཟེར། ངས་དེ་འདྲ་བྱས་ན་མང་གཙོ་རེད་དམ་ཟེར་ནས་དྲིས་སྐབས། ཡང་བསྐྱར་མང་གཙོ་མིན་ན་མིན་ང་ཚོས་གསར་བརྗེ་བྱེད་ཀྱི་ཡོད་ཟེར། ང་ཚོའི་གསར་བརྗེ་འདི་རྒྱ་གུང་ཁྲན་གྱི་གསར་བརྗེའི་རྗེས་ལ་ཏོག་ཙམ་ལུས་པའི་འགྱོད་པ་ཡོད་ཟེར། ཡིན་ན་ཡང་གསར་བརྗེའི་གཉིས་ཀྱི་ངོ་བོ་མི་འདྲ་བའི་ཐོག་ལ་འགྲེལ་བཤད་ལུང་པ་བཀང་བྱེད་ཡ་འདུག སྤྱི་ཚོགས་ཤིག་ལ་གསར་བརྗེ་མེད་ན་ཡར་རྒྱས་མེད་ཟེར། དེ་བདེན་པ་འདྲ་བོ་ཞིག་མཐོང་སོང་།

མི་རབས་གསར་རྙིང་དང་། གསར་རྗེ་ཁ་ལ་ཁྱེར་བས་གུང་ཁྲན་ཏང་གི་སྐྱུར་དྲི་ཁ་བ་སྐོར་ཞིག་གིས་ང་ཚོའི་བོད་མི་རྒན་པ་ཚོས་མ་བྱས་མ་འཇོན་པས་སྐྱོན་འཛུགས། བོད་མི་རྒན་གཞོན་པར་དང། བོད་མིས་ནང་ཁུལ་དུ་རིགས་རྒྱུད་ཀྱི་ཁྱད་པར་ཕྱེ་ནས་སྤྱི་ཚོགས ནང་འགལ་ཟླ་བཟོ་བཞིན་པ་འདིའི་དགྲ་བོ་གུང་ཁྲན་གི་འདོད་པའི་རི་མོ་ཡོངས་སུ་བསྐྲུན་གྱིན་ཡོད་པས་། སྐད་ཆ་འདི་རིགས་ཚོད་མེད་དུ་བཤད་མཁན་གི་བསམ་བློ་ཡག་པོ་ཐོང་། དེ་གཅིག་བྱོས་།

གཉིས་ནས་། མཁས་དབང་བློ་བཟང་སང་གེ་མཆོག་བཀའ་ཁྲིར་ཕེབ་ན་རྒྱ་ནག་གཞུང་གི་བཤད་པ་དང་མཐུན་གྱིན་ཡོད་པས་ཚུལ་ཞིག་བཤད་པ་འདི་ནི་། དཔེ་ལ་བསྟོད་མི་ཤེས་མཁན་ཞིག་གི་བསྟོད་པ་ལས་སྨད་ཤེས་མཁན་ཞིག་སྨད་ན་ཡག་། ཟེར་བ་དེ་མིན་འགྲོ།
རྒྱ་ནག་གཞུང་གི་མཐུན་ཕྱོགས་དང་བསྒྲིགས་ཏེ་ཕྱིན་ཡོད་ན་ད་ལྟ་བོད་ཞེས་བ་ཞིག་ས་ལྒང་འདིར་ལྷག་ཡོད་པ་མ་རེད་།

གསུམ་ནས་། ད་ལྟ་ང་ཚོ་བཙན་བྱོལ་སྤྱི་ཚོགས་ཞིག་ཡོད་པ་འདི་ནི་རྒན་རབས་པ་དག་གི་བཀའ་དྲིན་ཉག་གཅིག་ཡིན་པའི་ཇ་ལན་གཅིན་གྱི་མ་འཇལ་ན་བཟང་།

ང་ཚོ་རང་ཉིད་ལ་རང་ཚགས་དགོས་པ་ལས་རྒྱ་མིས་ཅི་ཟེར་ལ་བལྟ་དགོས་པ་ཞིག་མ་རེད།
ང་ཚོ་གུ་ཡངས་མང་གཙོའི་ལམ་དུ་འགྲོ་དགོས་པ་ལས་གུ་དོག་དམར་ཕྱོགས་ལམ་ལ་འགྲོ་དགོས་པ་མ་རེད།

ད་དུང་ཁ་ཤས་ཀྱིས་ངོ་ཚ་བའི་སྐད་ཆ་ཞིག་ལ་་་་་་༸གོང་ས་མཆོག་གི་ཡེ་ཤེས་དབྱིངས་དཔྱད་ཀྱིས་ཐག་བཅད་པ་དེ་དངོས་ཡོད་གནས་ཚུལ་མིན་པ་འདྲ་བོ་བཤད་འདུག ཞེ་ས་མ་ཞུ་ན་དེ་ནི་ཁོང་གིས་སེམས་ཀྱིས་ཞིབ་ཚགས་པས་དཔྱད་པ་བྱས་ནས་ཐག་བཅད་པ་ཟེར་བ་དང་གཅིག་འདྲ་རེད།

དྲ་གྲོགས་ཚོའི་བཀའ་ཁྲིའི་གནད་དོན་དང་འབྲེལ་བའི་བསམ་ཚུལ་དག་ལ་ཕྲན་གྱི་བསམ་ཚུལ་ཞིག་ཤོད་འདོད་བྱུང་།

༡ བོད་ཀྱི་བཙན་བྱོལ་བའི་མི་ལོ་ལྔ་བཅུ་ང་གཅིག་གི་རིང་བཙན་བྱོལ་བོད་གཞུང་གི་བཀའ་བློན་ཁྲི་པ་དེ་ཕྱི་ལོ་ ༡༩༥༩ ལོའི་གོང་བོད་དུ་འཁྲུངས་པ་ཞེ་གཅིག་གིས་གནང་བ་རེད། ཁོང་རྣམ་པས་སྐུ་ངལ་འཛེམས་མེད་ཀྱི་དངུལ་ཁྲག་ལས་ད་ལྟའི་བཙན་བྱོལ་བོད་གཞུང་འདི་སྲ་ཐག་ཐག་ལབ་ན་ཆོག་པ་འདི་བྱུང་བ་རེད། ངའི་ཡིད་ཆེས་ལ། ཁོང་རྣམ་པས་དེ་ཙམ་གྱི་སྐུ་ལས་སྐྱོན་དོན་ནི་བོད་དོན་འདི་མི་རབས་ནས་མི་རབས་བར་བརྒྱུད་སྤྲོད་བྱེད་རིན་ཡོད་པ་ཞིག་ཡོང་བའི་དོན་དུ་ཡིན་པར་སེམས་ཀྱི་ཡོད། དེ་ཡིན་ན། ད་ལྟ་གོང་ན་དབུ་ཁྲིད་ཡོད་པ། ཟུར་ན་ཉམས་མྱོང་ཅན་བཀའ་ཟུར་མིང་དོན་མཚུངས་པ་ཡོད་པ་འདི་དག་ཉི་མ་བཞུད་པ་བཞིན་མ་ཆགས་སྔོན་ལ་མི་རབས་བརྒྱུད་སྤྲོད་གནང་དགོས་ཀྱི་རེད་བསམ་གྱི་འདུག ཁོང་རྣམས་བཞུད་ཟིན་པའི་རྗེས་སུ་ཇི་ལྟར་མི་རབས་བརྒྱུད་སྤྲོད་བྱེད་ཀྱི་ཡིན། དེར་བརྟེན་མི་རབས་བརྒྱུད་སྤྲོད་ཀྱི་དོན་དུ་སྐུ་ངལ་སྐྱོན་པ་ཡིན་དང་མིན་དེ་ལག་ལེན་གྱི་ཐོག་ནས་དྲི་བ་ཞིག་ཆགས་ཀྱི་རེད་བསམ་གྱི་འདུག

༢ རྒྱ་ནག་གཞུང་གིས་བོད་དོན་ཟེར་བ་ཞིག་མེད་པ་མ་ཟད། དེ་ནི་ཏཱ་ལའི་བླ་མ་དང་ཁོང་གི་རྗེས་འབྲངས་པ་ཉུང་ཤས་ཀྱི་གནད་དོན་རེད། བོད་མི་མང་ལ་གནད་དོན་གང་ཡང་ཡོད་མ་རེད་ཅེས་བཤད་ཀྱི་ཡོད་རེད་ལ། བཙན་བྱོལ་བོད་གཞུང་དེ་ཡང་ཏཱ་ལའི་བླ་མའི་བླ་བྲང་ཞིག་ཡིན་པ་དང་སྐུ་དྲག་མི་དྲག་གི་སྡེ་ཚོགས་ཀྱི་ཆབ་སྲིད་རུ་ཁག་ཆུང་ཆུང་ཞིག་རེད་ཅེས་བཤད་ཀྱི་ཡོད་རེད། དེ་ཡང་ཁོང་ཚོས་འདི་འདྲ་བ་དག་བཤད་འདུག བཙན་བྱོལ་བོད་གཞུང་གི་སྒྲིག་འཛུགས་ཟེར་བ་དེ་མི་མང་དང་འབྲེལ་བ་མེད་པར་ཏཱ་ལའི་བླ་མའི་སྤུན་མཆེད་དང་། མག་པ། དེ་བཞིན་བོད་མདོ་དབུས་ཁམས་གསུམ་གྱི་ཁུལ་ནས་སྔར་བྲོས་ཕྱིན་པའི་སྐུ་དྲག་གིས་མི་བརྒྱུད་ཀྱིས་བཟུང་ཡོད་པར་བརྗོད་ཡོད་པར་བརྗོད་འདུག བདེན་མིན་ཇི་ལྟར་ཡང་གནད་དོན་འདི་ཚོ་ལ་དཔེ་མཙོན་རེ་རེ་བཞིན་བགྲང་འདུག སྐྱོན་བརྗོད་དེ་ཚོ་ཧ་གོ་དགོས་པ་ཞིག་རེད། དེ་བཞིན་ཏཱ་ལའི་བླ་མ་དགོངས་པ་རྫོགས་ན་བོད་དོན་ཟེར་བ་ཚར་པ་རེད་ཅེས་ཤོད་ཀྱི་ཡོད་པ་རེད། ཁོང་ཚོས་བཤད་པ་བཞིན་དུ་རེ་བ་བྱེད་ཀྱི་ཡོད་རེད། གནད་དོན་འདི་ཚོ་ལ་ང་ཚོས་བརྡ་ལན་སྤྲོད་པའི་ཐབས་ལམ་གཅིག་རང་ཡོད་པ་ནི་མི་མང་དཀྱུས་མའི་ཁྲོད་ནས་འཚར་ལོངས་བྱུང་བའི་བོད་མི་ཞིག་བོད་གཞུང་གི་ཆབ་སྲིད་ཀྱི་དབུ་ཁྲིད་བཀའ་བློན་ཁྲི་པར་འདེམས་རྒྱུ་དེ་རེད། དེས་ཕྱོགས་གཅིག་ནས་གོང་གི་རྒྱ་ནག་གི་སྐྱོན་བརྗོད་དེ་དག་ལ་བརྡ་ལན་སྤྲོད་ཀྱི་ཡོད་ལ། ཕྱོགས་གཞན་ཞིག་ནས་ང་ཚོས་ཀྱང་བོད་དོན་འདི་མི་རབས་གཅིག་གི་འཐབ་རྩོད་མིན་པར་མི་རབས་ནས་མི་རབས་བར་འཐབ་རྩོད་བྱེད་རྒྱུ་ཡིན་པར་བརྗོད་བཞིན་པ་དེ་ལག་ལེན་དུ་བསྟར་པ་རེད་ལ། སྡུག་ས་ནས་བཤད་པ་ཡིན་ན་༸གོང་ས་མཆོག་ཞལ་མ་བཞུགས་པའི་ཉིན་མོ་དེར་ང་ཚོས་གྲ་སྒྲིག་གང་འཚམས་བྱས་ཟིན་ཡོད་པ་དེ་རེད། དེ་བས་གང་བྱུང་རུང་མདུན་བསྐྱོད་ཀྱི་བློ་སྟོབས་བསྐྱེད་རྒྱུ་ནི་ད་ལྟའི་དུས་འདིར་གལ་ཆེན་པོ་ཞེ་དྲག་ཆགས་ཡོད་པ་རེད།

༣ གྲྭ་པས་ཆབ་སྲིད་བྱེད་རྒྱུ་མི་འདུག་ཟེར་ནས་ངར་ངར་བྱས་འདུག གླེང་ཕྱོགས་འདི་ལ་བསམ་བློ་ཡག་པོ་གཏོང་དགོས་པ་ཞིག་རེད། ཕྱི་ལོ་ ༡༩༨༧ ཡས་མས་ནས་ད་བར་བོད་ཆོལ་ཁ་གསུམ་གྱི་ཁྱོན་ཡོངས་ལ་ངོ་རྒོལ་རིམ་བསྟུད་བྱུང་འདུག སྣེ་ཁྲིད་མཁན་ཕལ་ཆེ་བ་གྲྭ་པ་དང་བཙུན་མ་རེད། རྒྱ་མིས་རྒྱལ་གཅེས་ཆོས་གཅེས་ཟེར་བའི་གདུག་རྩུབ་ཅན་གྱི་སྲིད་བྱུས་དེའི་མདུང་རྩེ་གཏད་ས་ཡང་འདི་དག་རེད། ལྡི་ལི་ན་ཟས་བཅད་ངོ་རྒོལ་བྱས་འདུག རྡ་ས་ནས་བོད་བར་གོམས་བགྲོད་བྱས་འདུག འཛུལ་ཞུགས་གནང་མཁན་མང་ཆེ་བ་གྲྭ་པ་དང་བཙུན་མ་འདི་དག་རེད། རྒྱལ་སྤྱིའི་སྟེང་བོད་པ་ཟེར་དུས་གྲྭ་བཙུན་འདི་དག་གིས་མཚོན་པར་བྱེད་ཀྱི་འདུག་ལ། བོད་པའི་མཚོན་རྟགས་དེ་བོད་ཀྱི་རིག་གཞུང་ཆགས་འདུག དེ་བདག་གཅེས་བྱེད་མཁན་དེ་ཡང་གྲྭ་པ་དང་བཙུན་མ་དེ་དག་རེད་འདུག འདི་དག་གི་བདག་གཅེས་བྱེད་བཟིན་པའི་བོད་ཀྱི་ཆོས་དང་རིག་གཞུང་ཟེར་བ་དེ་མ་ཉམས་པ་ཞིག་ཡོང་བའི་དོན་དུ་ད་ལྟ་བཙན་བྱོལ་བོད་གཞུང་མང་དབུ་མའི་ལམ་དུ་འགྲོ་གི་ཡོད་པ་རེད། ག་རེ་བྱས་ནས་གྲྭ་བཙུན་འདི་དག་ཕར་ཕྱོགས་ནས་རྒྱ་ཡིས་སྡང་། ཚུར་ཕྱོགས་ནས་བོད་མིས་སྡང་། དོན་ངོ་མར་ཁོང་ཚོས་ག་རེ་མ་འགྲིག་པ་རེད།

གང་ལྟར་གོ་སྒྲིག་བྱེད་མཁན་གི་འགན་ཞིག་འཁྱེར་ནས་གོ་སྒྲིག་གནང་འདུག་ལ་གཏམ་བཤད་གནང་མཁན་གྱི་ལྷག་བསམ་རྣམ་དག་གི་བཀའ་སློབ་གནང་འདུག་། ངས་སེམས་གཏིང་ནས་ཐུགས་རྗེ་ཆེ་ཞུ་གི་ཡོད། ་མི་ཁ་ཤས་གི་དོན་མེད་སྐྱོན་འཛུགས་གནང་གི་འདུག་དེ་ཡག་པོ་མ་རེད། རྒྱང་རིང་ཞིག་ནས།

ཁྱེད་ཚོས་འདི་ལྟར་རྩ་དོན་གྱི་ཆེད་དུ་ཚ་ཚ་འུར་འུར་བྱས་པ་དེ་ཡག་པོ་ཡིན་ཀྱང་།
མཉམ་དུ་སྒེར་གྱི་མིང་བྱང་རྫིག་པོ་རེ་རག་ཐབས་དེ་འདྲ་བྱས་ན་ཡག་པོ་མེད།

དངོས་གནས་རྣམ་དཔྱོད་ཡངས་པོ་དང་མང་གཙོ་འཕེལ་རྒྱས། ཛ་དྲག་གི་བོད་ཀྱི་གནས་བབ་དག་ལ་བསྟུན་ཏེ་མཐུན་པའི་ཁ་ཡོད་ལག་ཡོད་ཀྱིས་བགྲོ་གླེང་འདི་ལྟར་གཙོ་སྐྱོང་མཁན་ཚང་མར་ནོར་ཝེ་བོད་རིགས་སྤུན་ཟླ་ཚོའི་ཚབ་བྱས་ཏེ་བཀྲིན་ཆེ་ཞུ་རྒྱུ་ཡིན།

ང་ཡང་མི་རབས་གསར་བ་ཞིག་ཡིན་སྟབས་མི་རབས་གསར་བའི་རྨི་ལམ་ཁྲོད་བཞེངས་པའི་མཁས་དབང་བློ་བཟང་སེང་གེ་ལས་སུ་ལ་ཡང་འོས་བླུགས་རྒྱུའི་གྲ་སྒྲིག་གང་ཡང་མེད།་་་་ང་ཚོའི་སྤྱི་ཚོགས་ནང་བློ་བཟང་གེང་གེ་ལ་ཉམས་མྱོང་མེད་ཚུལ་སོགས་གླེང་གིན་འདུག་།
གྲོགས་པོ་ཚོ།་རི་བོང་གནམ་རྡིབ་ཀྱི་སེམས་ཁྲལ་མ་བྱེད།

བགྲོ་གླེང་དེའི་མགོ་མཇུག་གང་ནས་དཔྱད་ཀྱང་རྒྱ་ནག་གཞུང་གིས་ངན་སྐུལ་ལམ་གོ་སྒྲིག་བྱས་འདུག མ་གཞི་ནས་སྐུ་དྲག་རིང་ལུགས་རྩ་མེད་ཕྱིན་ལོ་ངོ་ཇི་ཙམ་སོང་བ་ད་དུང་ཧ་མ་གོ་བའི་མི་དེའི་རིགས་ངེས་པར་གཟབ་དགོས།

དེང་སང་རྡ་སར་དཀྲོག་ཤར་གློད་མཁན་ཤ་ཁས་ཞིག་རྒྱལ་ཞེན་མེད་ཀྱང་རྒྱལ་ཞེན་ཡོད་མདོག་མདོག་་ལྷག་བསམ་མེད་ཀྱང་ལྷག་ཡོད་མདོག་བྱེད་མཁན་ཁ་ཤས་ཞིག་གིས་རྒྱལ་ཁབ་དོན་དུ་དཔུང་པ་ས་འོག་བཅུག་མཁན་མེ་པོ་ཚོར་སྐུ་དྲག་གི་རིགས་ཟེར་རྒྱ་དམར་སྐད་ཆ་གཙོག་པ་དེ་འདྲ་ཁ་ལ་འཁྱེར་ནས་བོད་པའི་སྤྱི་ཚོགས་དེ་དཀྲུག་གང་ཐུབ་བྱེད་ཀྱི་འདུག་་མི་ཚང་དཀྱུས་མ་ནས་ཐོན་པའི་བཀའ་ཁྲི་ཞིག་ཟེར་བ་དེ་ནི་རྒྱ་མིས་བོད་ལ་བཅིངས་གྲོལ་བཏང་ཡོད་ཟེར་བའི་སྐད་ཆ་དང་གཅིག་མཚུངས་རེད།་བོད་མི་ཚང་མས་རིག་པ་དང་གསལ་གྱི་མི་དེའི་རིགས་ལ་དོགས་སོན་གནང་དགོས།
མ་འོངས་པའི་བཀའ་ཁྲི་དེ་མི་ཁ་བདེ་པོ་བཤད་ཚད་ལ་ཡིད་ཆེས་བྱས་པ་མི་ཕན།་གཙོ་གང་ཟག་སྒེར་སོ་སོའི་མི་དེ་ཤེས་འཇོན་གཉིས་ལྡན།
ལྷག་བསམ་རྣམ་དག་ཡིན་མིན་བརྟག་དགོས་པ་དེ་ཤིན་ཏུ་གལ་ཆེ།

མཐོ་རིམ་སློབ་མ་གསུམ་འདུས་ཀྱིས་བགྲོ་གླེང་ཞིག་གོ་སྒྲིག་གནང་བ་ཤིན་ཏུ་ནས་ལེགས་ཀི། བགྲོ་གླེང་བ་གསུམ་གྱི་རང་རང་གི་འདོད་ཚུལ་ཙམ་བཤད་བཅུགས་པར་དགའ་ཡོད། བགྲོ་གླེང་གི་གྲུབ་འབྲས་མངོན་ཐུབ་པའི་སྨོན་འདུན་ཞུ།

རྣམ་རྒྱལ་ཤེར་དགེ་དང་། ཀླུ་མཁར་བྱམས་གཉིས་ཀྱིས་བཤད་པ་བདེན་ན། གྲྭ་བ་ཚོ་ཆབ་སྲིད་ཀྱི་ནང་དུ་མ་འཛུལ་ནས་བོད་ཀྱི་དོན་ལ་སེམས་ཁུར་དང་འགན་འཁུར་མི་དགོས་ཟེར་བ་མིན་པར་རང་རང་གི་གནས་བབས་དང་མཐུན་པའི་བོད་དོན་ལ་འགན་འཁྱེར་སྟངས་ཤིག་ཡོད་པ་དང་། དཔེར་ན་རིག་གཞུང་རྒྱུད་འཛིན་དང་དར་སྤེལ་ལྟ་བུའི་བོད་མི་རིགས་ཀྱི་ངོ་བོ་མཚོན་པའི་སྲོག་རྩ་གལ་ཆེན་གང་མང་ཞིག་འཛིན་རྒྱུ་ཡོད། ཚད་ངེས་ཅན་ཞིག་ནས་བཤད་ན་ལས་འགན་དེ་ནི་ཁ་ཚ་དགོས་གཏུགས་དང་གལ་ཆེན་དོན་ཆེན་ཞིག་ཏུའང་གྱུར་ཡོད། ཆབ་སྲིད་ཀྱི་ཁྲོད་དུ་ཕྱག་ལས་གནང་བ་ལས་ལྡབ་འགྱུར་གྱིས་འདི་ཉིད་བོད་དོན་ལ་ཕན་ཆེ་བ་ཡོད། ཡང་ཅིག་བཤད་ན་འདི་ཉིད་འདུལ་བའི་གཞུང་ལུགས་དང་ཡང་འགལ་མེད་ཚུལ་བཤད་པ་ནི་ཁྲེལ་མེད་ལུགས་མེད་ཀྱི་བཤད་པ་ཞིག་རེད། གང་ཡིན་ཟེར་ན་ད་བར་མི་ལོ་ལྔ་བཅུའི་རིང་ལ་གྲྭ་བཙུན་ཚོས་རང་སྲོག་ཕང་མེད་དུ་བཏངས་ནས་བོད་བསྟན་སྲིད་ཀྱི་ཆེད་དུ་ཕྱག་ལས་གནང་བ་དེ་ལ་བཀའ་དྲིན་མེད་ན་མི་མཛེས་ཚུལ་བཤད་མཁན་ནི་རྒྱལ་ཞེན་མེད་པའི་རྟགས་མཚན་ལས་གཞན་མིན། འཛམ་གླིང་འདིའི་སྟིང་ཉིས་སྟོང་བརྒྱད་ཀྱི་བོད་དོན་ལས་འགུལ་གཅིག་བོ་ལ་ཡང་མིག་གིས་བལྟས་མེད་དམ། གྲྭ་བཙུན་གྱིས་ལས་འགུལ་མ་སྤེལ་ན་བཟང་ཚུལ་བཤད་མཁན་རྣམ་པ་ལགས་ཁྱོད་ཚོས་བོད་དོན་ལ་ལས་འགུལ་སྤེལ་མཁན་མེད་ན་བཟང་པར་བསམ་པ་ཡིན་ནམ། ཡང་ན་རྒྱ་གཞུང་གིས་ཐབས་བཅོས་ལག་བསྟར་བྱས་པ་གང་ཡིན། ༸གོང་ས་མཆོག་ང་ཚོར་དབུ་ཁྲིད་དུ་མེད་པ་དང་གྲྭ་བཙུན་གྱི་མི་ལོ་ལྔ་བཅུར་ལས་འགུལ་སྤེལ་མེད་པ་ཡིན་ན་ད་ལྟ་ང་ཚོའི་གནས་སྟངས་ཟུར་བལྟས་ལེབ་མཐོང་མ་ཡིན་ནམ། ཀླད་པ་ཡོད་ན་བསམ་བློ་བཏང་ནས་སྐད་ཆ་ཤོད།།

རང་དབང་ལུང་པ་ནས་དམངས་གཙོའི་ཚོལ་བ་ཡོད་པའི་བཀའ་ཁྲི་ཞིག་མི་འདམ་པར་རྒྱ་ནག་དམར་པོའི་གཞུང་གིས་ངོ་ལ་ལྟོས་ནས་བཀའ་ཁྲི་ཞིག་འདམ་དགོས་ན་ཧ་ཅང་གི་ཐབས་སྐྱོ་བོ་རེད།

བགྲོ་གླེང་ཡག་པོ་བྱས་ཤག་ཐུགས་ཆེ།ཅི་ཡིན་རུང་ད་ལྟ་༧གོང་ས་མཆོག་དང་མི་རབས་རྒན་པ་ཚོ་ཞལ་བཞུགས་ཡོད་དུས་མི་རབས་གསར་པ་ཞིག་གི་ཨེ་འཇོན་ལྟ་རྒྱུ་དེ་ཧ་ཅང་གི་གལ་ཆེ་པོ་རེད།

ཀླུ་མཁར་བྱམས་ཀྱིས་བཤད་པ་ལོས་བདེན། གྲྭ་བ་ཚོ་ཆབ་སྲིད་ཀྱི་ནང་དུ་མ་འཛུལ་ན་ལེགས། དེ་ཡང་བོད་ཀྱི་དོན་ལ་སེམས་ཁུར་དང་འགན་འཁུར་མི་དགོས་ཟེར་བ་མིན་པར་རང་རང་གི་གནས་བབས་དང་མཐུན་པའི་བོད་དོན་ལ་འགན་འཁྱེར་སྟངས་ཤིག་ཡོད་པ་རེད། དཔེར་ན་རིག་གཞུང་རྒྱུད་འཛིན་དང་དར་སྤེལ་ལྟ་བུའི་བོད་མི་རིགས་ཀྱི་ངོ་བོ་མཚོན་པའི་སྲོག་རྩ་གལ་ཆེན་གང་མང་ཞིག་འཛིན་རྒྱུ་ཡོད། ཚད་ངེས་ཅན་ཞིག་ནས་བཤད་ན་ལས་འགན་དེ་ནི་ཁ ཚ དགོས་གཏུགས་དང་གལ་ཆེན་དོན་ཆེན་ཞིག་ཏུའང་གྱུར་ཡོད། ཆབ་སྲིད་ཀྱི་ཁྲོད་དུ་ཕྱག་ལས་གནང་བ་ལས་ལྡབ་འགྱུར་གྱིས་འདི་ཉིད་བོད་དོན་ལ་ཕན་ཆེ་བ་ཡོད། ཡང་ཅིག་བཤད་ན་འདི་ཉིད་འདུལ་བའི་གཞུང་ལུགས་དང་ཡང་འགལ་མེད་པ་རེད། བོན་བརྒྱ་དང་ཨ་འབྲུག་གཉིས་ལ་ཀླུ་མཁར་བྱམས་ཀྱིས་མཛུབ་མོ་ཡག་པོ་ཞིག་བཙུགས་འདུག

བགྲོ་གླེང་དབུ་འཛུག་བྱེད་མཁན་རྣམ་པར་ཐུགས་རྗེ་ཆེ།
ཡིན་ན་ཡང་ང་རང་ལ་སེམས་འཚབ་ཞིག་སྐྱེ་ཡི་འདུག
བློ་བཟང་སེང་གེ་བཀའ་ཁྲི་ཐོབ་ན་ཁོའི་གཏམ་གླེང་མང་པོ་ཞིག་གོ་ཡོང་དུས་འགྱུར་བ་མང་པོ་ཅིག་གཏོང་དགོས་སྐོར་བཤད་སོང་ལ་ང་ཚོ་གཞན་པའི་རྒྱལ་ཁབ་དང་མི་འདྲ་ལ་ཁོ་རང་གི་ལངས་ཕྱོགས་ལ་གཞིགས་ན་དེ་འདྲ་ཞིག་སེམས་སྟེང་ན་མེད་་པ་འདྲ་བོ་མཐོང་ཡོངས་དུས་སྐྲག་གིན་འདུག

བློབ་བཟང་སེངྒེ་བཀའ་བློན་ཁྲི་པ་ཐོབ་ན་། ང་ལ་སེམས་ཚོལ་ཏོག་ཙམ་ཡོང་གི་འདུག་གང་ཡིན་ཟེར་ན། ངས་ཁོ་རང་ལ་ཤེས་ཡོན་ཐོག་ལ་རྒྱབ་ཅོར་ཡོད་དེ་། གལ་སྲིད་ཁོ་རང་རང་ཚུག་མ་ཟིན་ན།
ཁོ་རང་གི་ཉེ་འཁོར་སུ་སི་གནས་སྡོད་ཆབ་མདོ་ཀུན་མདོར་བླ་མ་དང་། གམ་པ་ཚང་ལ་སོགས་པ་ལྟ་བ་དང་ལངས་ཕྱོགས་ག་རེ་རེད་འདུག དེ་སྔོན་རྙོག་གྲ་རིགས་ག་ཚད་བྱུང་ཡོད་མེད་།
ལོ་ཁ་ཤས་སྔོན་དུ་རྒྱ་ནག་གཞུང་གི་འགྲོན་འབོད་སའི་གྲལ་དུ་ཚུད་ནས་སྤྱིད་ཚོག་ནང་ལབ་གླེང་ག་ཚད་བྱུང་སོང་། དང་པོ་ནས་ཚང་མས་བཀའ་བློན་ཁྲི་པ་གལ་ཆེ་པོ་ཞིག་ལ་རྩེས་ནས་ཚང་མས ༧གོང་ས་མཆོག་གི་བཀའ་དགོངས་རྟོགས་པ། ༢ ཤེས་འཇོན་ལྷག་བསམ་དང་ལྡན་པ། ༣ རང་ཚུགས་འཕེར་བ།
༤ ཆོས་བརྒྱུད་དང་ཆོལ་ཁ་སོགས་ཀྱི་ཕྱོགས་འཐེན་མེད་པ། ༥ སྤྱི་ཚོགས་ནང་ཁུངས་ལྡན་རྙོག་གླེང་མེད་པ་ཧ་གོ་བ་བྱས་ནས། མ་ལེན་མ་འགྱོད་པ་བྱེད་ནས་འོས་བླུག་རོག་གནང་།