དྲན་པའི་གླུ་དབྱངས་རྒྱང་རིང་ནས་བླངས་ཀྱང་།།
གོ་བའི་མི་དེ་དཔག་ཚད་དུ་མ་ཡི་ཆོད་སྟབས།།
འཕྱོ་བའི་རླབས་ཀྱི་མཚོ་མོའི་བཞུར་སྒྲ་ལ་ཉན་ཞོར།།
ནང་གི་ཤེས་པ་དྭངས་པའི་མཚོ་མོ་ལ་སྤྲིངས་ཡིན།།
ལས་ཀྱི་དབང་ཐང་མི་གཅིག་གནམ་འོག་གི་འཚོ་བ།།
བསམ་པའི་འཁྱེར་སོ་མི་གཅིག་རིག་གཞུང་གི་གོམས་གཤིས།།
ཡིན་ཡང་ཁྱིམ་གཅིག་བསྡུས་པ་སྔོན་ལས་ཀྱི་འཕྲོ་མ།།
འདི་ཉིད་སྲུང་དེ་དུས་ཡུན་ཅི་ཙམ་ཞིག་འཁྱོལ་ཡོང་།།
གྲོགས་ཀྱི་མཛའ་བརྩེ་ཟབ་མོས་ཚུར་ཚུར་དུ་འཛོམ་ནས།།
སེམས་ཀྱི་དུངས་པ་དྲོན་མོ་སྙིང་ཁ་ནས་ཐོན་ཞོར།།
མ་འོངས་བོད་ཀྱི་མདུན་མ་ཅི་འདོད་ཀྱིས་གླེང་དུས།།
རིགས་ཀྱི་དུངས་ཞེན་སྲ་མོ་རྣོ་ལྕགས་ལས་མཁྲེགས་སོང་།།
ཕྱི་རོལ་ཁམས་ན་རང་སེམས་བསྡུས་འགྱུར་ལ་ཕན་པའི།།
ནང་གི་དུངས་པ་འདྲེན་པའི་ཟས་མཆོག་ནི་དཀོན་པ།།
ཀུན་གྱི་ཁ་ན་གཅིག་གྲགས་དབང་མེད་དུ་བཞུར་ཡང་།།
ཁུ་བའི་ཁྲག་རྒྱུན་ཞིག་གི་ས་བོན་ལ་ཐོག་འདུག།
ཡུན་རིང་གཤིབ་ཀྱང་སེམས་ཀྱི་བསྟེན་ས་རང་མི་ཉན།།
ཁྱིམ་གཅིག་ལྷན་དུ་ཡོད་ཀྱང་རང་དབང་དེ་དཀོན་པའི།།
གར་འགྲོ་གར་འདུག་ཡོད་ཚད་གཞན་ངོ་ནས་འཐུ་དུས།།
བོད་ཀྱི་རང་དབང་གོར་མོའི་བཟའ་ཚོ་ལ་སྨོན་སོང་།།
ཚུར་ལ་སྙིང་གི་འཕར་ལྡིང་གང་འདོད་དུ་སྨྲ་བའི།།
གྲོགས་ཀྱི་བདེན་པ་གོར་མོ་སེམས་གཏིང་དུ་ཟེགས་དུས།།
དབུགས་རིང་སྟོང་གི་ནད་ཚའི་བྲང་ཁོག་རང་གཤེགས་དེ།།
ང་ཡིས་ཁོ་རང་བཟི་བའི་སྤུ་ཆང་ཞིག་འདྲེན་འདོད།།
ཆང་ཞིག་འཐུང་ནས་སེམས་ཀྱི་སྡུག་བསྔལ་ཞིག་སེལ་ན།།
གཏམ་ཞིག་བཤད་ནས་སེམས་ཀྱི་སྐྱོ་བ་རང་སངས་ན།།
ལྷན་དུ་འཛོམ་ནས་སེམས་ཀྱི་སྤྲོ་སྣང་རང་ཞིག་ཡོད་ན།།
ཡང་ཡང་ང་རང་ཁྱེད་ཀྱི་ཁོར་ཡུག་ནས་འཚོ་ཆོག།
རྒྱུ་དང་འབྱོར་བའི་བདག་པོ་ང་རང་ནི་མིན་ཡང་།།
དུས་དང་ནམ་ཀུན་ཁོམ་པ་གང་འདོད་ཅིག་མེད་ཀྱང་།།
བར་དང་གསེང་ནས་དུས་ཚོད་སྟོང་བ་ཞིག་རེག་དུས།།
སྙིང་གི་རྩ་ལམ་གཤེགས་རྒྱུར་ང་རང་ལ་ཡོད་དོ།།
ལས་བྲས་ལགས། ལས་འབྲས་ཡིན་རྒྱུ་རེད། གང་ལྟར་སྐུ་ཉིད་འདི་རུ་ཕེབས་པ་དང་བོ་ཡིན། དགའ་ནས་ཡོད། རྗེས་ཕྱོགས་ཡོང་གི་བསྡོད། ད་དུང་ཉིད་ཀྱིས་རེ་སྐུལ་དེར་དགའ་བསུ་ཡོད་ལ། སེམས་ཤུགས་དེ་འདྲ་ལ་ནམ་ཡང་འགྱུར་མེད་དུ་གནས་པར་སྨོན།
གཅན་བཟོད་རྒྱམ་ལགས། ཡུན་རིང་གི་རྗེས་སུ་ཕེབས་པ་དགའ་ཡོད།
ཁོམ་དུས་ལྷོད་དུས་སྐོར་རེ་བྱེད་ཀི་བསྡོད།།
འདུག་ཞོར་བསྡོད་ཞོར་མིག་ཉུལ་བྱེད་ཀི་བསྡོད།།
གླེང་ཞོར་འདྲུད་ཞོར་སེམས་པ་བརླན་རྐྱང་བྱོས།།
རིགས་ཀྱི་ཞེན་པ་ནམ་ཡང་གཅིག་མཚུངས་ཡིན།།
ནཱ་གྷཱ་རཀྵ་ལགས། བལ་ཡུལ་གཞུང་ལ་ཚིག་ངན་བརྗོད་པ་ཙམ་གྱིས་གང་ཡང་མི་ཡོང་། དེ་ལས་དངོས་ནས་བོད་མི་དག་གིས་རང་ས་མེད་པའི་དཀའ་ངལ་དངོས་དེ་ལ་གདོང་ལེན་བྱེད་པའི་འགོ་འཛུགས་རན་རེད་ལགས། གང་ལྟར། སྐུ་ཉིད་འདི་རུ་ཕེབས་པ་དགའ་ནས་ཡོད།
བོད་ཤ་ཁྲག་ལགས། གུང་སེང་སྐྱིད་པོ་ཞིག་བྱུང་ཡོད་པར་སྨོན། སྙམ་རྩོམ་དགུ་ཐུག་འདྲ་ཞིག་བྲིས་གནང་འདུག ང་ཚོས་བལ་ཡུལ་གཞུང་ལ་གཤེ་གཤེ་གཏོང་བཞིན་པའི་སྒང་ཡིན།
ཤ་རུས་ཁྲག་གསུམ་ལགས། ཡུན་རིང་ཡོང་ཐུབ་མ་སོང་། བདེ་མོ་ཡིན་ནམ།
ཚིག་གི་སྦྱོར་བ་ཚིག་གི་ཡང་རྩེ་ན་འདུར་གྱིན།།
དོན་གྱི་གཏད་སོ་སེམས་ཀྱི་གཏིང་རིམ་ནས་མངོན་འདུག།།
མ་འོངས་འཚོ་གནས་སྙིང་གི་དཀྱིལ་དབུས་ནས་བསམ་བཞིན།།
རིགས་ཞེན་དུང་བ་ཞིག་གིས་སེམས་ཁྲེལ་ལ་གཏད་འདུག།
ཕ་ས་གཞན་ལག་ཤོར་བ་བདེན་སྲིད་ཀྱང་།།ཕ་སྐད་གཞན་ལག་ཤོར་བ་ཅང་མི་བདེན།།
ཕ་སྐད་རང་ལག་ཡོད་པའི་ཕ་བཟང་བུ།།ཕ་སྐད་མ་ཉམས་རྒྱུད་འཛིན་བྱེད་ལ་རིམ།།
ཕ་ནོར་གཞན་གྱིས་འཕྲོག་པ་བདེན་སྲིད་ཀྱང་།།ཕ་མའི་སྲོལ་བཟང་འཕྲོག་པ་ཅང་མི་བདེན།།
ཕ་བཟང་བོད་པའི་བུ་ཞིག་ཡིན་ངེས་ན།།ཕ་མའི་སྲོལ་རྒྱུན་བཟང་པོ་འཛིན་ལ་རིམ།།ས
ཕ་མགོ་གཞན་གྱིས་སྐོར་བ་བདེན་སྲིད་ཀྱང་།ཕ་བུའི་དམ་ཚིག་དཀྲུག་པ་ཅང་མི་བདེན།།
ཕ་བཟང་ལ་རྒྱ་ལྡན་པའི་བུ་ཡིན་ན།།ཕ་བུའི་དམ་ཚིག་སྙིང་གི་དཀྱིལ་་དུ་ཆོངས།།
ཕ་གཅིག་སྤྲིའུ་བྱང་སེམས་རྒྱུད་གཅིག་དང་།།ཕ་སྐད་ཀ་མེད་སུམ་བཅུ་གཅིག་སྟེན་པ།།
ཕ་གཅིག་མ་གཅིག་ཆོལ་གསུམ་བུ་སྤུན་གསུམ།།ཕ་མེས་ཁྱིམ་ཚང་གཅིག་འདི་བསྐྱངས་ལ་རིམ།།
ཤ་རུས་ཁྲག་གསུམ་གྱི་མི་རིགས་ཀྱི་ལས་དབང་དང་ཕ་མ་བུ་གསུམ་གྱི་མཛའ་བརྩེ་སོགས་དུས་དང་རྣམ་པ་ཀུན་ཏུ་བྲལ་མེད་པ་གནས་དགོས།།