འཛུམ་པའི་མེ་ཏོག་ཞིག་ལ་སྐད་ཞིག་འཇོག།
སྙིང་གི་སྐད་ཆ་བརྐུས་པ་ཁྱེད་རང་ཡིན།།
སེམས་ཀྱི་ན་ཟུག་ཁྱེད་ཀྱིས་མ་ཚོར་ཡང་།།
ཡང་ཡང་སྡུག་གི་མ་འཇུག་རེ་སྐུལ་ཡོད།།
མི་རེ་སེམས་རེ་ཡོད་པ་ཀུན་ལ་གསལ།།
ཀུན་གྱིས་སྨོན་པ་བརྩེ་དུང་དྲོན་མོ་ཡིན།།
དེ་ཉིད་ཐོབ་འདོད་རེ་བ་ཚང་མར་ཡོད།།
སློང་བ་སྤྲོད་འདོད་མེད་ཀྱང་ཁ་རོག་ཞོག།
གྱེས་ཁ་མ་དེར་སྙིང་གཏམ་མ་ཤོད་དང་།།
དུས་རྒྱུན་བཟང་ན་བདེ་སྐྱིད་དེ་ཉིད་ཡིན།།
རྒྱང་དུ་ཡོད་དུས་དྲན་ཚུལ་མ་གླེང་དང་།།
ས་མཐའི་སུན་སྣང་ཆེ་རུ་གཏོང་ངེས་ཡིན།།
མ་གསང་དྲང་བོའི་མི་ཞིག་ཡོད་དེ་ཆོག།
གསང་བ་ཀུན་ལ་སྒྲོག་སྲོལ་མེད་དུས་ན།།
ང་ཡི་གསང་བ་ཁྱེད་ལ་ཤོར་བ་དེ།།
ཁྱེད་ཉིད་ཁོ་ནའི་སེམས་ལ་གཉར་རོགས་ཞུ།།
སྡུག་དུས་མིག་ཆུ་གཏོང་ས་ང་ཡིན་ན།།
སྐྱིད་དུས་འགྲོ་རོགས་འདུག་རོགས་ང་བྱེད་རྒྱའི།།
སེམས་ཀྱི་དམ་བཅའ་མ་འགྱུར་མི་ཚེ་འདིར།།
མ་འོངས་ཁྱིམ་གཅིག་ཕྱོགས་ལ་བསམ་བློ་ཐོངས།།
དགའ་སྡུག་སྣ་ཚོགས་སྲང་གི་མི་ཚོགས་བཞིན།།
གར་འགྲོ་གར་འདུག་ངེས་མེད་རླུང་གི་སྤུན།།
ད་ལྟ་ང་ཉིད་ས་མཐར་ཡོད་ན་ཡང་།།
ནམ་ཞིག་རང་ཡུལ་ཕྱོགས་སུ་འབྱོར་ངེས་ཡིན།།
གཅན་བཟོད་རྒྱམ་ལགས། ཁྱེད་ཀྱི་ལེགས་བཤད་གསར་བ་དེ་སེམས་སུ་བརྟན་པོར་བཟུང་ཡོད། འོན་ཀྱང་། དེབ་དེ་འདྲའི་མང་བོ་ཞིག་སྤུངས་བྱེད་ཀྱི་སྒོར་མོ་མེད་ལ། སྒོར་མོ་བཙལ་ནས་རྙེད་པའི་དབང་བུ་བཏང་ཡང་། ངས་ཉིན་ལྟར་འབྲི་བཞིན་པ་འདི་དག་གི་མི་ཞིག་གི་རང་གི་མྱོང་ཚོར་ཐར་ཐོར་ཞིག་ཡིག་ཐོག་དུ་བྲིས་པ་དེར་དེ་འདྲའི་རིན་ཐང་སོགས་གང་ཡང་མེད་ངེས་ཡིན། གང་ལྟར། ཉིད་ནས་རེ་སྐུལ་དེ་འདྲ་བྱས་པ་དེར་བཀའ་དྲིན་ཆེ་ཨ་་་
ཁྱེད་རང་གིས་བདག་ལ་བསྟོད་བསྔགས་བྱས་པ་དེ་ཡིས་དགའ་ནས་ས་ལྡིང་གནམ་ལྡིང་བྱས་དེ་བསྡད་ཡོད། ཧཧཧ
ང་ཚོ་ཆུང་དུས་ལེགས་བཤད་འདི་འདྲ་རེ་བློར་བཟུང་མྱོང་བ་མ་ཡིན་ནམ།
༼ཉི་མ་རེ་ལ་ཚིག་རེ་བཟུང་།།
གང་ཞིག་ཉིན་བརྒྱ་སོང་བ་ན།།
ཚིག་བརྒྱ་མ་ལུས་ཁོང་དུ་ཆུད།།༽
ད་ངས་འདི་ནས་ཁྱོད་ལ་ལེགས་བཤད་གསར་པ་ཞིག་འབྲི།
༼ཉི་མ་རེ་ལ་རྩོམ་རེ་ཕྲིས།།
གང་ཞིག་ཉིན་བརྒྱ་སོང་བ་ན།།
རྩོམ་བརྒྱ་ལོངས་པའི་དེབ་གཅིག་ཡོད།།
དེ་ལྟར་ལོ་རེར་དེབ་གསུམ་ཕྲིས།།
ལོ་བཅུའི་རིང་ལ་སུམ་ཅུ་ཡོད།།
ཉི་ཤུ་འགོར་ཚེ་དྲུག་ཅུ་ཡོད།།
ཚེ་མཇུག་དེབ་བརྒྱའི་གོང་ན་ཡོད།།
ཉིས་བརྒྱ་སུམ་བརྒྱའང་ཕྲིས་ན་ཐང་།།
དེ་བས་འབྲི་ཤུགས་མ་ཉམས་ལགས།།༽
ཧ་ཧ་ཧ། རྩེད་མོ་ཡིན་ལ་དོན་དངོས་ཀྱང་ཡིན་ལགས།
ཁྱེད་ཀྱི་སྙན་ངག་བཀླགས་པ་ཡིན། བཟང་གི་བསམ་སོང་།
ནཱ་གྷཱ་རཀྵ་ལགས། ཁྱེད་ཀྱི་སྐད་ཆ་དེ་ཚོ་དངོས་ནས་བདེན་པ་རེད། བསམ་ནས་མ་སོང་གསེགས་སར་ལྷུང་བ་ང་ལྟ་བུ་དག་གི་ཆེད་དུ་བྲིས་པ་ཡིན། ལེས་ཞོ་པང་གི་སྐོར་ལ་ཉིད་ནས་སྐད་ཆ་དྲང་མོ་གསུངས་པ་དེར་ལྷག་དུ་དགའ་ཡོད།
བོད་ཤ་ཁྲག་ལགས། ང་ལ་དམིགས་གསལ་གྱི་ལོའུ་ཞོ་པོ་ཡི་སྒང་ལ་བསམ་ཚུལ་ཅི་ཡང་མེད། ཁོ་རང་ལ་བྱ་དགའ་ཐོབ་པ་དེ་ཁོ་རང་ལ་ཐོབ་དགོས་པ་ཡིན་རྒྱུ་རེད། ང་ཚོ་བོད་ཀྱི་ཆབ་སྲིད་བཙོན་པ་ཞིག་ལ་དེ་འདྲ་ཐོབ་ན་རྣམ་རྒྱུན་བསམ་གྱི་ཡོད། ལོའུ་ཞོ་པོ་ལ་ཞི་བདེའི་བྱ་དགའ་ཐོབ་པ་དེས་རྒྱ་ནག་གི་ན་གཞོན་ཚོ་ལ་སྐུལ་ལྕག་ཞིག་ཐེབས་པའི་རེ་བ་ཡོད།
དེ་མིན་ངས་ཁྱེད་རང་ལ་བཅད་རྩོམ་ཞིག་བྲིས་ཟེར་དུས་ཁྱེད་རང་གིས་དེ་མ་ཐག་དུ་བྲིས་ཚར་འདུག ངོ་སོ་བསྟོད་ཡ་རང་རེད། ཡིན་ན་ཡང་སྐྱེས་དམན་གྱི་རུམ་ནས་སྐྱེས་དམན་གཞན་ཞིག་དྲན་པ་ལ་ངོ་སོ་བསྟོད་ཟེར་ཡ་མི་འདུག
ཨ་མཆོད་འཇམ་ཚུལ་ཚང་ཕེབས་ནས་སེམས་རྩ་ཁོལ་བོ་བྱུང་འདུག་པ་དེར་སྤྲོ་ནས་ཡིན། སེམས་རྩ་ཁོལ་ཚུལ་ཞིག་གསུང་ཡོད་ན་ཅི་མ་རུང་།
སེམས་རྩ་ཁོལ་བོ་ཞིག་འདུག