གངས་ཀྱི་ལྷ་སྐལ་མི་ཡི་གཟུགས་འཛིན་པ།།
སྙིང་རྗེ་བདག་པོ་འཕགས་མཆོག་པད་དཀར་འཛིན།།
སྐྱེ་འགྲོའི་དོན་དུ་རང་ཡུལ་རྒྱང་སྐྱུར་ནས།།
མི་ལོ་ལྔ་བཅུར་ས་མཐར་ཁག་སོང་ངམ།།
ས་ཡ་དྲུག་གི་འབྲེལ་ཐག་ཡིད་བཞིན་ནོར།།
ཆོལ་གསུམ་སྤུན་ཟླའི་བྲང་གི་སྙིང་གཅིག་བུ།།
ཚེ་ལོ་དོན་ལྔར་བོད་དོན་བྱས་བྱས་དེ།།
ཤ་ཡི་གཟུགས་ལ་དཀའ་ལས་ཨེ་བྱུང་ངམ།།
ཐུབ་པའི་རྗེས་མཇུག་དགེ་སློང་སྙོམ་ཆུང་ཉིད།།
བསྟན་པའི་བདག་པོ་བསྟན་འཛིན་རྒྱ་མཚོ་མཆོག།
རྒྱུས་མེད་རྒྱལ་ཁམས་གྲངས་མེད་འགྲིམ་འགྲིམ་ནས།།
ཐུགས་བྲེལ་སྐུ་ངལ་མང་བོས་ཁག་སོང་ངམ།།
བྱམས་པའི་སེམས་ལ་རིགས་ཀྱི་ཞེན་པ་ཅན།།
དུངས་པའི་ཕྱག་ལ་ཉེ་རིང་གཏན་བྲལ་བའི།།
འཛམ་གླིང་འདི་ན་དཀོན་པའི་མི་རྗེ་ལགས།།
ད་ནི་རང་ཡུལ་དྲན་ན་ཨེ་སྡུག་གི།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
མགྲོན་པོ་གཅིག་ཡོང་གཉིས་ཡོང་།།
འདང་གི་རྨི་ལམ་འདྲ་ཡང་།།
སེམས་པ་གཅིག་འདྲིས་གཉིས་འདྲིས།།
ཚེ་ཡི་འགྲོ་རོགས་འདྲ་བྱུང་།།
ཁོ་བོས་ དམངས་གཙོ་བཅོས་བསྒྱུར་བྱ་རན། ཞེས་པ་ཞིག་བྲིས་ནས་དེ་ཅུང་ཟད་གལ་ཆེན་ཡིན་པས་ཀློག་མཁན་གང་མང་གིས་ཀློག་ཐུབ་ན་བསམ་ནས་རྩོམ་སྒྲིག་ཁང་ལ་དེ་བསམ་ཚུལ་ནང་དུ་འཇོག་རོགས་ཡིག་ངག་གཉིས་ཐོག་ནས་རེ་བ་ཞུས་ཀྱང་བཀོད་མ་སོང་། ང་རང་མཐོང་ཆེ་བ་མིན་ཡང་རྩོམ་འདི་བསམ་ཚུལ་དུ་འགོད་རིན་མེད་པ་ཞིག་ཏུ་མཐོང་གི་མེད། འདི་ནི་དུས་བབས་ཚང་གི་དགེ་རྟགས་ཤིག་མིན་པར་བསམ། གང་ལྟར་གལ་སྲིད་ཁྱེད་ལ་དུས་ཚོད་བྱུང་ན་དེ་ལན་གཅིག་བཀླགས་ནས་དགོངས་ཚུལ་རེ་གསུང་བའི་རེ་བ་ཞུ། དེའི་དྲ་འབྲེལ་ནི། https://tibettimes.net/wordpress/blogs.php?id=343&post_id=11883
དྲ་གྲོགས་ལགས་ཁྱེད་ཀྱིས་དམིགས་གསལ་གྱི་སྲུང་བརྩི་སེམས་གཏིང་ནས་བྱས་བ་དགའ་ཡོད།
དྲ་གྲོགས་ལགས།བོད་ཕྱི་ནང་གཉིས་སུ་གནས་བའི་ཤེས་འཇོན་པ་ཡོངས་ཀྱིས་རང་ཐད་ནས་སྐུའི་དམིགས་བསལ་གྱི་ཉིན་མོ་འདིར་རྩོམ་རྩལ་འདྲ་མིན་གྱི་ཐོག་ནས་སེམས་གཏིང་གི་མཆོད་པ་གང་མང་འབུལ་བར་བསྔགས་བརྗོད་ཚད་མེད་ཡོད།སྐུ་དྲིན་ཆེ།
ཁོ་རེ། ཚིགས་བཅད་སྣང་བ་འགྲོ་བྲིས་འདུག ཡིན་ན་ཡང་༧གོང་ས་མཆོག་ལ་ཐུགས་བྲེལ་ཆེ་བ་ཤེས་བཞིན་དུ་དྲི་བ་མང་པོ་བཏང་ནས་ཅི་བྱེད་དམ། རྩེ་མོ་དང་བཅས། ངའི་ཟིན་བྲིས་ནང་ན་མོག་མོག་ཞིག་ཁྱོད་ལ་བལྟས་ནས་བགོད་ཀྱི་ཡོད།
ཟབ་དང་རྒྱ་ཆེའི་ཆོས་ཀྱི་གནས་ལུགས་རིག་པའི་དབྱིངས་སུ་འུབ་ཀྱིས་མཁྱེན།།
རྟེན་འབྲེལ་གནད་ལ་མངའ་དབང་བརྙེས་པས་གྲངས་མེད་འགྲོ་བའི་དོན་ཀུན་མཛད།།
སྙིང་རྗེ་ཆེན་པོའི་གཞན་དབང་གྱུར་བས་མུ་མེད་འགྲོ་ལ་བུ་ལྟར་བརྩེ།།
ང་ཡི་བླ་མ་བསྟན་འཛིན་རྒྱ་མཚོ་ཞབས་པད་བསྐལ་བརྒྱར་བརྟན་གྱུར་ཅིག།