ཟླ་འདིའི་ཚེས་ ༡ ནས་བཟུང་ཉིན་ལྔའི་རིང་ནུབ་བྱང་མི་རིགས་སློབ་ཆེན་གྱི་དགེ་རྒན་དཔལ་མོ་གཙོ་བྱས་པའི་ཀན་སུའུ་དང་མཚོ་སྔོན་ལྷོ་ནུབ་མི་རིགས་སློབ་ཆེན་བཅས་ཀྱི་བུད་མེད་བདུན་གྱིས་མཉམ་འབྲེལ་ཐོག ཕྱི་ཟླ་བཅུ་བའི་རྒྱ་ནག་གི་རྒྱལ་བཙུགས་དུས་ཆེན་གྱི་གུང་སེང་དུས་ཚོད་བེད་སྤྱད་དེ། མཚོ་སྔོན་ཁྲི་ཀ་རྫོང་འཕྲང་དམར་ས་ཁུལ་དུ་ཕྱིན་ཏེ། བོད་རིགས་བུད་མེད་ཀྱི་འཕྲོད་བསྟེན་སྐོར་ལ་དང་བླངས་ཐོག་ཞབས་ཞུ་བསྒྲུབས་ཡོད་འདུག
ས་ཁུལ་དེའི་གྲོང་གསེབ་ ༩ ཙམ་གྱི་བུད་མེད་དག་ལ་སྐྱེ་འཕེལ་འབྱུང་གཞི་བདེ་ཐང་དང་། མ་བུའི་བདེ་སྲུང་སོགས་ཀྱི་ཐད་སྨན་བཅོས་དང་འཕྲོད་བསྟན་ཡོ་བྱད་རིགས་རིན་མེད་དུ་སྤྲད་ཅིང་། རེག་དུག་སོགས་ཉེན་ཁ་ཆེ་བའི་འགོས་ནད་རིགས་སྔོན་འགོག་དང་། ཡིད་གཟབ་བྱ་དགོས་པ་བསླབ་བྱ་ལམ་སྟོན་གནང་ཡོད་པ་མ་ཟད། ཞོར་དུ་ས་ཁུལ་དེ་དག་གི་དབང་བོ་སྐྱོན་ཅན་དང་། ཕ་མ་མེད་པའི་དྭ་ཕྲུག་དག་གི་གནས་ཚུལ་རྟོག་ཞིབ་བྱས་ཤིང་། རྣམ་རྒྱལ་མཚོ་ཟེར་བའི་སློབ་མ་དྭ་ཕྲུག་ཅིག་གི་མ་འོངས་བའི་སློབ་ཡོན་ཐད་རོགས་སྐྱོར་གནང་རྒྱུ་ཁས་ལེན་ཡང་བྱས་ཡོད་འདུག
བཟང་གི་དེ་རིང་གི་གནས་ཚུལ་འདི་ནི་བོད་རིགས་འབྲོག་ཁུལ་ས་གནས་ཀྱི་བུད་མེད་འཕྲོད་བསྟེན་གྱི་བྱ་འགུལ་སྤེལ་བ་གོ་ཐོས་དང་པོ་ཡིན། དངོས་ནས་བཤད་ན་འབྲོག་ཁུལ་གྱི་བུད་མེད་ཚོར་མཚོན་ན་ཡང་ཕལ་ཆེར་བུ་མེད་འཕྲོད་བསྟེན་གྱི་སློབ་གསོ་ཐོས་ཐེངས་དང་པོ་ཡིན་ངེས་ཆེ། འདི་ནི་དོན་དངོས་དང་མཐུན་པའི་ཕན་ཐོག་ཅན་གྱི་བྱ་འགུལ་ཞིག་ཡིན་པའི་མུ་འཐུད་དུ་བོད་རིགས་བུད་མེད་ཤེས་འཇོན་ཅན་ཚོའི་ངེས་པར་དུ་རང་རྒྱལ་གྱི་འབྲོག་ཁུལ་བུད་མེད་ཚོོའི་ལས་དབང་ལ་སྙིང་རྗེ་དང་ལྷག་བསམ་སྙིང་བཅང་ཐོག་ལས་འགུལ་རྒྱ་བསྐྱེད་གཏོངས་རྒྱུས་འབོད་བསྐུལ་སྙིང་ནས་ཞུ་བ་དང་ཆབས་ཅིག་ཁོ་ཚོ་ལ་ལས་གཞི་འདིའི་སྣེ་ཁྲིད་གནང་བར་དགའ་བསུ་ཞུ་བཞིན་ཡོད།
དངོས་གནས་ཡག་པོ་འདུག
ཆབ་སྲིད་དང་འབྲེལ་མེད་སྒང་ནས་བཙན་བྱོལ་པ་ཚོས་ནང་ལ་འདི་ལྟར་ཞབས་ཞུ་སྒྲུབ་པའི་ལམ་ཁ་འཚོལ་ན་རགས་ངེས།
དངོས་གནས་འདི་ལྟ་བུའི་མི་རིགས་ཞབས་ཞུའི་ལས་འགུལ་འདིིའི་རིགས་ལ་ང་ཚོས་གདེང་
འཇོག་བྱེད་འོས་བ་མ་ཟད།འདི་ལྟ་བུའི་བྱེད་སྒོ་རེ་སྤེལ་ཐུབ་ན་ལྷག་བསམ་ཅན་གྱི་མི་མང་པོ་
ཞིག་ལ་བློ་རྒྱ་ཡང་བསྐྱེད་ཐུབ་ངེས་རེད། ལྷག་པར་བུད་མེད་ཉམ་ཆུང་དེ་ཚོར་་་་་་་་་་་་་་་་
ཁེར་སྔོན་དྲ་གྲོགས་ཞིག་གི་ཟིན་བྲིས་ནས་གོང་གི་མཐོང་ཟིན་མོད།འོན་ཀྱང་ཡང་བསྐྱར་གནས་ཚུལ་འདི་འགོད་ཡོད་རུང་ཧ་ཅང་ཡག་པོ་རེད།བུད་མེད་ཀྱི་འཕྲོད་བསྟན་སྐོར་ལ་ཟབ་སྤྱངས་མང་ཙམ་སྤྲད་ཐུབ་ན་ཤིན་ཏུ་ལེགས།
བོད་ཀྱི་དུས་བབ་གསར་འགོད་པ་ཚོར་ཐུགས་རྗེ་ཆེ་ཞུ་ཡག་ཡིན། བོད་ཕྱི་ནང་གི་དྲ་རྒྱ་མང་པོ་བསྔོགས་ནས་གསར་འགྱུར་གནད་འགག་ཅན་མང་པོ་ཕྱོགས་བསྡུ་བྱས་ཏེ། གསར་འགྱུར་འཚོལ་བསྡུའི་ཁྱབ་ཁོངས་རྒྱ་བསྐྱེད་གནང་བ་བ་དང་། ང་ཚོ་ཀློག་མཁན་ཚོར་སྟབས་ཇེ་བདེ་དང་། དུས་ཚོད་གྲོན་ཆུང་ཐད་ལ་དཔེ་མི་སྲིད་པའི་ཕན་ཐོགས་ཆེན་པོ་འདུག་སྟབས། གནང་སྟངས་འདིར་རྗེས་སུ་ཡི་རང་དང་དགའ་བསུ་ཞུ་བ་ཡིན།
བོད་ཀྱི་དུས་བབ་ཀྱིས་བོད་ཕྱི་ནང་གཉིས་ལ་འགན་ཁུར་སྟངས་འདི་ཧ་ཅང་ལེགས། རེ་བ་ལ། རྣམ་པ་ཚོས་འདི་ལྟར་བོད་ཕྱི་ནང་གཉིས་ཀྱི་གནས་སྟངས་མང་པོ་ཞིག་དུས་བབ་དྲ་ངོས་འདི་ནས་གཟིགས་ཐུབ་པ་ཞིག་གནང་བ་ལ་སླར་ཡང་ཐུགས་རྗེ་ཆེ་ཞུ་བ་ཡིན།