ཕྱི་ནས་ནང་དུ་བལྟས་ན་ལྟ་ས་ཞིག་ང་མེད།།
ནང་ནས་ཕྱི་ལ་བཤད་པའི་སྨྲ་ལྕེ་རང་ཆད་འདུག།
ད་ནི་ང་རང་ལད་འདུག་མི་ཚོགས་ཀྱི་གྲལ་ནས།།
བུད་དེ་གད་སྙིགས་འགྲམ་དུ་གནས་ཚང་ཞིག་བཅའ་རན།།
བདག་མེད་སྤྲང་ཁྱི་བཞིན་དུ་སྲང་ལམ་དུ་ཉུལ་ནས།།
མཐོ་དམན་བར་གསུམ་ཀུན་གྱི་སྙིང་རྗེ་ཞིག་ཉོས་དེ།།
རིན་མེད་བདེ་བ་ཆེན་པོའི་གོ་ས་ཞིག་སྙེགས་པའི།།
མི་ལད་ང་ཡི་དགའ་བའི་སྒྱིད་ལུག་དེ་སྐྱོང་རན།།
བརྩད་དེ་རང་བཙན་ཟེར་བའི་རང་ས་ཞིག་མི་རེག།
སྒྲུབ་ནས་དབུ་མ་རྟོགས་པའི་ཧུར་བརྩོན་རང་མི་འདུག།
རང་ཐག་རང་གིས་གཅོད་པའི་འདུ་ཤེས་དེ་བོར་འདུག།
ད་ནི་ང་ཉིད་མེས་པོའི་རྐང་འདྲེན་རང་ཆག་རན།།
རི་རབ་ཁང་ཁྱིམ་བརྫིག་པོ་ཞེ་ཆགས་ཤིག་མ་བྱུང་།།
སྙན་གྲགས་འབྲུག་སྟོང་བསྡུར་བའི་བསྐལ་བ་རང་མི་འདོད།།
མཁས་བརྫུ་བག་ལ་ཉལ་བའི་གོམས་གཤིས་རང་མ་བསླབས།།
ལག་སྟོང་མཆན་དུ་བཙུར་ནས་གཞན་ཡུལ་ནས་རྒས་རན།།
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ཁྱེད་ཀྱི་ཟིན་བྲིས་སུ་ཉིན་ཤས་རིང་ཡོང་ཐུབ་མ་སོང་།
དེ་རིང་ཐེངས་གཅིག་ཡོང་ནས་བུད་ཡོད།
མི་ཚེ་ཤེས་ཡོན་ལ་འཕུལ་ཞིང་།
ཡོད་ཚད་རིག་གཞུང་ལ་བཅོལ་བའི་མི་བུ་ཞིག་ཡིན་དུས།
དེ་ཙམ་སེམས་སྡུ་བྱེད་དགོས་ཨེ་འདུག
འཚམས་འཚམས་དགའ་བ་རེ་སྒོམ་རྒྱུ་ཡང་གལ་ཆེན་རེད་བསམ།
སྡུག་བསྔལ་རང་ལ་བསམས་ན།
འཁོར་བ་འདིར་བདེ་བ་སྤུ་ཙམ་ཡང་མཐོང་རྒྱུ་ཡོད་མ་རེད།
ཨ་རིག་དགེ་མཐོང་ལགས། དྲན་སྐུལ་གནང་བ་དེར་སྐུ་དྲིན་ཆེ། བཅོས་ཆོག
གླང་དར་མ་ལགས། སེམས་གསོ་བྱས་པ་བཀའ་དྲིན་ཆེ། ང་ཚོ་ཚང་མ་ཕ་ཡུལ་དུ་ནམ་ཞིག་ལོག་ཐུབ་མིན་དེ་ནི་ང་རང་གི་ཞེ་དྲགས་སེམས་ཁྲལ་བྱེད་ཀྱི་མེད། གཙོོ་བོ་གཞིས་ལུས་མི་མང་གི་འགྲོ་འདུག་སྤྱོད་གསུམ་ལ་རང་དབང་དང་ཀུ་ཡངས་ཤིག་ག་དུས་ཐོབ་ཡོང་ཉམས་ན་སེམས་ཁྲལ་འདུག
ཤ་ ཁྲག་ རུས་ གསུམ་ ཀློག་པ་ཡིན་། རེ་བ་ཆེ་ས་ནས་བྱས་དཀའ་ལས་སྡུག་ས་རྒྱབ་ལོ། མི་ཡུལ་ལ་སེམས་མ་སྐྱོ་ལོ།
གྲོགས་པོ་ཡག་པོ་བྲིས་འདུག འོན་ཀྱང་ཡིག་ནོར་དང་གཏགས་ནོར་འགའ་འདུས་པ་མི་སྐྱོན་ཡང་། ཚིག་བཅད་ཀྱི་རྣམ་པར་བྲིས་པས་ཚེག་ཁྱིམ་གྲངས་མི་མཉམ་གི གཤམ་གྱི་འདི་ལ་ཚེག་ཁྱིམ་བཅུ་གཉིས་དང་གཞན་དག་བཅུ་གཅིག་རེད
ནང་ནས་ཕྱི་ལ་བཤད་པའི་སྨྲ་ལྕེ་ཞིག་རང་ཆད་འདུག།
དོ་ནུབ་སྐུ་ཉིད་དངོས་ནས་མགྱོགས་པོ་འདུག རྒྱུན་དུ་ཕེབས་པ་དགའ་ནས་ཡོད།
དྲ་གྲོགས་ལགས་ཞིབ་ཏུ་ཀློག་ཚར་ཡིན།
ཡག་པོ་སྤེལ་འདུག མུ་མཐུད་དུ་ཡོང་གི་ཡིན་ཡ།