འཐམ་ནས་ཤི་འདོད་ང་ལ་མ་སྐྱེས་ཤིང་།།
སྒུག་ནས་ངུ་འབོད་ང་ཡིས་མ་འདོད་པར།།
དྲན་ནས་སྨྱོས་པའི་ལས་དེ་མ་བསམ་ཡང་།།
དྲང་ཚུགས་ཤོར་བའི་མི་ནི་ང་རང་ཆགས།།
ཕྱི་ནས་ནང་ལ་བལྟས་པའི་རྣམ་དཔྱོད་ཅིག།
ནང་ནས་ཕྱི་ལ་ཐོག་པའི་རྣམ་ཤེས་ཤིག།
འགྲམ་དེར་ཅེར་ཞིང་ལུས་པའི་ཕྱི་ཉིན་ནས།།
སེམས་པ་རླུང་གི་བསྐྱེལ་བའི་ལོ་ཟླ་བྱུང་།།
འབྲི་བའི་རྩལ་ལ་བྱང་བའི་ཟིན་ཐོ་ཞིག།
བཙལ་ཡང་རྙེད་དུ་དཀའ་བའི་བརྩེ་བ་ཡི།།
བྲང་ལ་མེ་ཏོག་འཛུམ་པའི་སྔ་རྗེས་སུ།།
སྲོག་གི་ཤེད་ཤུགས་ཟད་པའི་མུ་གེ་མྱངས།།
རུས་པ་དུར་སར་གཏོར་བའི་སྤོབས་པ་ཞིག།
ཤ་ཁྲག་བཙོ་སྤྱོང་བྱེད་པའི་བསྡུས་གཟུགས་ཤིག།
རྣམ་ཤེས་རི་གྲོང་འགྲིམ་པའི་ཉིན་མཚན་དུ།།
གཅེས་པའི་ལང་ཚོ་རྒས་པའི་ཚེ་མཇུག་སླེབས།།
དགོད་པའི་མདངས་ལ་འཁུ་བའི་ཞེན་ཆགས་ཤིག།
སྣང་བའི་རི་མོར་བྲིས་པའི་ཞལ་རས་ཤིག།
སྙན་པའི་དབྱངས་ལ་དྲངས་པའི་གཞས་ཆུང་དེ།།
སྤྲིན་པའི་ཀློང་དུ་སྐུར་བའི་གཏམ་རྒྱུད་གྲུབ།།
སེམས་ལ་སེམས་དུ་བལྟ་བའི་འདུ་ཤེས་ཤིག།
ཉེ་སར་འདུས་བསྡོད་ཆེ་བའི་གཞན་ཡུལ་ན།།
གློག་འཕྲིན་དྲ་བའི་ངོས་ཀྱི་མི་ཚེ་ལ།།
གོམས་པའི་གཤིས་འདི་ང་ཡི་ངལ་གསོ་ཆགས།།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
ཁྱེད་རང་རྒྱུན་དུ་ཀློག་པ་པོ་ཞིག་གི་ཚུལ་དུ་ཡོང་གི་ཡོད་པ་དེ་ཙམ་གྱིས་ང་རང་དགའ་ནས་ཡོད། མཚམས་རེར་བསམ་ཚུལ་གང་དྲན་རེ་གསུང་ན་དེ་བས་དགའ་བསུ་ཡོད།
དུར་ཁྲོད་ལགས།
སྐྱེས་ཤིང་རྒས་པ་འགྲོ་མིའི་ལས་དབང་རེད།།
དྲན་ཤིང་ལྕི་བ་འཁྱམས་པོའི་སྡུག་ཡས་རེད།།
རིང་དུ་ལུས་པའི་ཕ་ཡུལ་གངས་ཅན་ལྗོངས།།
དྲན་པའི་ཚུལ་དེར་བཤད་ན་རྫོགས་པ་མེད།།
འཇིག་པ་ཡིད་ཀྱི་དྭངས་གསལ།
རིམ་བཞིན་རྒས་བའི་ལས་ཐོབ།
བསམ་བཞིན་བཞུར་ན་སྐྱོའང་།
རང་བྱུང་ལས་ཀྱིས་བསྐོས་བ།
བཀླགས་ཡོད། བསམ་ཚུལ་ཅུང་ཞུ་རྒྱུ་མ་རེག་ཐལ།