ངྷ་སའི་ཉེ་འཁོར་གྱི་སློབ་གྲྭ་ཁག་གི་དགེ་རྒན་སྐོར་ཞིག་ཤེས་རབ་དགའ་ཚལ་སློབ་གླིང་དུ་༼དགེ་རྒན་འདུ་ར་༽ཞེས་པའི་རང་མོས་གཏམ་གླེང་འདུ་འཛོམས་སྟེང་ཞུགས་ཏེ་རང་རང་གི་མྱོང་ཚོར་དང་། མ་འོངས་པའི་བྱེད་ཕྱོགས་སྐོར་ལ་བགྲོ་གླེང་གནང་ཡོད།
གནས་ཚུལ་བཏང་འབྱོར་བྱུང་བ་ལྟར་ན། དེ་རིང་རེས་གཟའ་ཉི་མའི་ཉིན་ཤེས་རབ་དགའ་ཚལ་སློབ་གླིང་གི་བོད་ཡིག་དགེ་རྒན་ཁག་ཅིག་གི་གོ་སྒྲིག་འོག ༼ དགེ་རྒན་འདུ་ར ༽ ཞེས་པ་ཞིག་ཚོགས་ཡོད་འདུག་ཅིང་། རང་མོས་གཏམ་གླེང་དེའི་སྟེང་རྡ་སའི་ཉེ་འཁོར་གྱི་དཔེ་སྟོན་སློབ་གྲྭ་དང་གྷོ་པལ་པུར་བོད་ཁྱིམ། རྡ་སྟེང་བོད་ཁྱིམ་སོགས་རྡ་སའི་ཉེ་འཁོར་གྱི་སློབ་གྲྭ་ཁག་གི་བོད་ཡིག་དགེ་རྒན་ ༢༠ ཙམ་ཞིག་འདུ་འཛོམས་བྱུང་ཡོད་ལ། ཐེངས་འདིའི་འདུ་འཛོམས་ཐོག་དགེ་སློབ་གླེང་སྟེགས་དྲ་རྒྱ་དོ་དམ་པ་རྒན་འོད་ཟེར་ལགས་ཀྱིས་ཁོང་གིས་གཉེར་གྱིན་པའི་དྲ་རྒྱ་ངོ་སྤྲོད་དང་འབྲེལ་ཁོང་གི་ལོ་མང་རིང་གི་དགེ་རྒན་གྱི་ཉམས་མྱོང་སྐོར་ནས་ཁ་བརྡ་བྱས་ཤིང་། སློབ་གྲྭ་ཁག་གི་དགེ་རྒན་ཚོས་རང་རང་གི་སློབ་ཁྲིད་ཀྱི་མྱོང་བ་དང་ལག་ལེན་དངོས་ཀྱི་ཁྲོད་ནས་བྱུང་བའི་བསམ་འཆར་ལྷུག་པོར་བརྗོད་ཡོད།
སྐབས་དེར་དགེ་རྒན་ཚོས་སློབ་ཚན་གྱི་ནང་དོན་སྐོར་དང་། སློབ་ཚན་ཁྲིད་ཐབས་དང་ཁྲིད་ཆས་སྐོར། ལྷག་པར་དུ་བརྡ་སྤྲོད་ཀྱི་སློབ་ཁྲིད་དེ་སྐད་ཡིག་ལག་ལེན་གྱི་སྟེང་དུ་བསྐྱོད་ཐུབ་པར་འབད་དགོས་ཚུལ་བཅས་དང་། བོད་སྐད་ཡིག་གི་ཁོར་ཡུག་སྤྱི་དང་ལྷག་པར་དུ་བཙན་བྱོལ་སྤྱི་ཚོགས་ཁྲོད་ཀྱི་བོད་སྐད་ཡིག་གི་ཁོར་ཡུག་སྐོར། དགེ་རྒན་གྱི་འགན་འཁྲི་ལ་གདོང་བཏད་དེ། རང་རང་གི་རྣམ་ཤེས་ལ་ཚ་འདྲི་བྱེད་དགོས་སྐོར་བཅས་ཀྱི་ཐད་རང་རང་གི་མྱོང་བ་མ་འོངས་པར་ཁ་ཕྱོགས་སྟངས་སོགས་གླེང་ཡོད། ཐེངས་འདིའི་མཉམ་འཛོམས་ཀྱི་གཏམ་གླེང་འདི་བརྒྱུད་ནས་ཕན་ཚུན་ལ་གཏིང་སྐུལ་དང་གསལ་འདེབས། བློ་བསྐྱེད་གང་མང་བྱུང་བ་དང་། འདི་ལ་བརྟེན་ནས་བོད་སྐད་ཡིག་གི་ལས་དབང་དང་དགེ་རྒན་ཚོར་འགན་འཁྲི་གང་ཡོད། མ་འོངས་པར་ཁ་ཕྱོགས་ཅི་འདྲ་ཞིག་འཛིན་དགོས་མིན་བཅས་ཀྱི་ཐད་ལ་བསམ་ཚུལ་བརྗེ་རེས་བྱས་ཡོད།
ན་ནིང་དོ་ཚུགས་ཡོང་བའི་དགེ་རྒན་ཁག་ཅིག་མ་གཏོགས་དངོས་ནས་དྲང་གནས་ཕན་ཐོགས་ནི་ཞིག་མེད་ཡ། མིང་བཤད་ན་ཡག་པོ་མི་འདུག་མ་གཏོགས།དགེ་རྒནཨ་ནེ་ཁག་ཅིག་དང་ཞི་མོ་རེ་གཉིས་ཡོད་པ་དེ་དག་ཕུད་དགོས་ནནི་རྐྱང་རྐྱང་ཡིན།གསོག་སློབ་གི་སློབ་མ་ཚོ་དགེ་རྒན་རྫུན་མ་་དེ་དག་གིས་ལམ་ལོག་ཏུ་མི་འཁྲིད་མི་ཐུབ་པའི་རེ་བ་ཡོད།
བསམ་ཚུལ་ཞིག་ཞུ་འདོད་བྱུང་།སློབ་གྲྭ་ཁག་གི་དགེ་རྒན་རྣམས་འདུས་ཏེ་ཚོགས་འདུས་བསྐོར་བ་དེ་ཡག་པོ་རེད།ཡིན་ན་ཡང་སོ་སོའི་བཤད་པ་དེ་ལག་ལེན་བྱེད་མིན་ནི་ཐེ་ཚོམ་གྱི་གནས་སུ་གྱུར་འདུག
བསམ་ཚུལ་ཞིག་བརྗོད་འདོད་བྱུང་། དང་པོ་སློབ་གྲྭའི་དགེ་རྒན་ཚོའི་སློབ་མ་ཚོ་ལ་སློབ་གསོ་ཅི་འདྲ་གཏོང་དགོས་མིན་ཐད་ཟབ་སྦྱོང་ཞིག་བྱས་ན་མ་རེད་དམ
ད་ཡོད་དགེ་རྒན་ཚོའི་ཨ་ནེ་རུས་པ་མེད་པ་འགའ་ཡོད་པས།རེ་ཐག་ཆད་སོང་།གསོག་སྒར་སློབ་གྲ་ཟེར་བ་དེ་ལ་རེ་བ་བྱེད་རྒྱུ་མེད་པ་བཀའ་ཁྲིས་གསུངས་སོང་།དེ་བཞིན་རེད་འདོད་དོ།
དྲྭ་གྲོགས་ཚོ་ངས་བལྟས་ན་ཚོགས་འདུ་འདིའི་མིང་ལ་༼བོོད་ཡིག་ལ་ཐོབ་ཐང་དང་དགེ་རྒན་ལ་རྒོལ་ལན་གླེང་བ༽ཞེས་བཏགས་ན་འགྲིག་པ་འདྲ། རྒྱུ་མཚན་གང་ཡིན་ཞེ་ན། དེ་སྔོན་བཙན་བྱོལ་སློབ་གྲྭ་ཁག་ཏུ་སློབ་ཚན་ནང་རྒྱལ་རབས་ལོ་རྒྱུས་ནང་ཆོས་རིག་ལམ་ཟེར་བ་སོགས་མིང་རྫིག་པོ་མིང་བོ་ཡོད་ཀྱང་དོན་ལ་གང་འདྲ་ཡིན་མིག་མཐོང་ལག་ཟིན་རེད། ད་དུང་སློབ་དགེ་མང་པོས་སློབ་ཕྲུག་ཚོར་བོད་ཡིག་གིས་ཁ་ལ་མི་རྙེད་པ་སོགས་རྣམ་རྟོག་ལང་རྒྱུ་མང་བོ་བཤད་བཞིན་པ་དེ་དག་ལ་དགག་བཞག་སྤོང་གསུམ་རེ་བྱས་ན་དོན་གནད་ན་ལ་ཐུག་ཡོད་པ་འདྲ། དེ་ཨེ་རེད་ཡིན་ན་ལག་པ་ཆོགས།
ཡག་པོ་འདུག ཡག་པོ་འདུག ངེས་ར་འདི་ནི་ཚོགས་གྱུར་བ་ཡོངས་ལ་ཐུགས་རྗེ་ཆེ་ཞུ་བཞིན་ཡོད། ད་དུང་མུ་མཐུད་དུ་ཚོགས་རོགས་གནང་། རྒྱབ་སྐྱོར་ཡོད།
ཧ་ཅང་ཡག་པོ་རེད། བདག་གིས་གནས་ཚུལ་འདི་མཐུང་ནས་བ་ཡུལ་ན་ཡོད་པའི་ཤེས་རབ་རྒལ་ཚལ་སློབ་གླིང་གི་སློབ་མ་ཚོ་གནས་ཚུལ་འདི་བཤད་པ་ཡིན།ཁོང་ཚོ་ཧ་ཅང་དགའ་ནས་རེ་བ་ཡང་འདི་ལྟར་བཅོས་སོང་། སྔོན་མ་ནི་སྔོན་གྱི་དུས་ཤིག་རེད། དུས་ཚོད་ནི་འདས་ཟུན་ནི་རེད། ད་ཁྱེད་ཅག་གི་ཤ་རུས་པའི་གསང་ནས་ཤུགས་རྒྱོབས། བོད་ཆོལ་ཁ་གསུམ་གྱི་མཐུན་སྒྲེལ་དང་མ་འོངས་གངས་རིས་ལྗོངས་ལ་བདེ་སྐྱིད་ཀྱི་ཉི་མ་ཤར་མིན་ནི་དེང་སྐབས་ཀྱི་དགེ་རྒན་རྣམ་ལ་རག་ལས་ཡོད་ནི་རེད། ཟེར།
རང་ཉིད་ཀྱི་འགན་ཁྲི་དངོས་ཟིན་པའི་ཐོག་རང་འགུལ་གྱི་བྱེད་སྒོ་འདིའི་རིགས་བྱས་པ་སྤྲོའོ།
དེར་བརྟེན་ལོ་མང་རིང་བསགས་པའི་་ཉམས་མྱོང་རྣམས་ཕྱོགས་གཅིག་དུ་སྡོམས་པའི་མཐུ་བོ་ཆེ་མི་མངོན་པའི་དབྱིངས་སུ་མི་འཐིམ་པར་གང་ལ་ཅི་ལྕོགས་ཀྱི་ལས་བྱེད་པར་འཚལ་ལོ།
གང་ནས་མགོ་བརྩམས་པ་དེ་ནས་གཞུག་ཡང་དེ་ནས་བསྐྱེལ་ཐུབ་པའི་རེ་སྐུལ་དང་བཅས་སྙིང་ཐག་པ་ནས་བཀའ་དྲིན་ཆེ་ཞུས་པ་ཡིན། འདི་ལྟར་རང་ངོ་རང་གིས་ཟིན་ཐབས་ཀྱི་ཐབས་ལམ་གང་མང་མང་ཞིག་བཙན་བྱོལ་ཁོར་ཡུག་གང་ས་ནས་ཚོགས་ཐུབ་པ་ཡིན་ན་དངོས་ནས་ཡག་པོ་ཡོང་གི་རེད།
མ་སྐུལ་དང་བླང་ཐོག་དགེ་རྒན་ལྷན་འཛོམས་གནང་སྟེ། སེམས་པའི་འཆར་སྒོ་དང་། ཉམས་མྱོང་བརྒྱུད་སྤྲོད། བོད་ཀྱི་སྐད་ཡིག་ཁྲིད་ཐབས། འགན་འཁྲིའི་འདུ་ཤེས་སོགས་ཀྱི་ཐད་ནས་གླེང་སློང་ལྷུག་པོར་གནང་བར་འབྲེལ་ཡོད་ཚང་མར་དམིགས་བསལ་བཀྲ་ཤིས་བདེ་ལེགས་དང་། སླད་མར་ཡང་འདི་ལྟའི་གླེང་སློང་རིམ་པར་གནང་སྟེ། རང་ཉིད་ནས་འགོ་བརྩམས་ནས་སྤྱི་ཚོགས་ཁྱོན་ཡོངས་ལ་གཡོ་འགུལ་ཞིག་བཏང་སྟེ། བཙན་བྱོལ་བོད་མིའི་གཞི་རིམ་གྱི་སྐད་ཡིག་རྨང་གཞི་སྲ་བརྟན་དང་། དགེ་རྒན་ཚོའི་ཤེས་ཚད་མཐོར་འདེགས། སློབ་ཁྲིད་ཐབས་ལམ་ལ་སྒྱུར་བཅོས། སློབ་གྲྭ་ཁག་གི་བོད་དགེ་ནང་ཕན་ཚུན་ཉམས་མྱོང་བརྗེ་རེས་སོགས་ལ་ཤུགས་སྣོན་ངེས་པར་གནང་དགོས་ཀྱི་འདུག་པས་དེ་དོན་ཐུགས་ལ་འཇོག་རོགས།།
ངས་བསམ་ན་བོད་ཆོས་ལྡན་ཡུལ་ནས་སྐྱེས་པའི་མི་རྣམས་ཀྱིས་དགེ་བའི་བྱ་བ་མངོན་དུ་བསྒྱུར་ཚུལ་ནི་སློབ་མའི་ཆེད་དུ་ཅི་ཞིག་བྱ་འོས་ཞེས་པའི་དྲི་བ་འདི་སེམས་སུ་འཆར་དུ་འཇུག་རྒྱུ་དེ་ཉིད་ལགས། ཉེ་སྔོན་དྲུང་ཆེ་སྐུ་ཞབས་ཤིག་གིས་རྒན་ཡོལ་དུ་འགྲོ་ཁའི་གསུང་གླེང་སྐབས་སུ་དགེ་རྒན་རྣམས་ལ་བཟང་ངན་ཞེས་དབྱེ་བ་ཡོད་པ་མ་ཡིན་པར་དེ་ནི་ཉམས་མྱོང་དང་རྒྱུས་ལོན་ཐུབ་པའི་རིག་པ་ཡོད་མེད་ལ་ཐུག་འདུག དེ་བཞིན་ལས་དོན་གང་ལའང་ཉམས་མྱོང་བསགས་དགོས་པ་གལ་ཆེན་པོ་རེད་གསུངས་སོང་། ཉམས་མྱོང་བསགས་དགོས། རྒྱུས་ལོན་བྱེད་དགོས། སྐད་གྲགས་ཅན་གྱི་སློབ་གསོ་བ་ཏུའུ་ཝེ་ཡང་ཉམས་མྱོང་ཅན་ཞིག་ཡིན་པ་དེ་ལྟར་ལགས།