ང་ཚོའི་བཀའ་ཁྲི་སུ་ཡིན་ནམ། ཨ་འཇམ།

བཀའ་ཁྲི་ལ་སུ་འོས་དང་མ་འོས་དེ་ནི་བོད་མི་དམངས་ཀྱིས་ཐག་གཅོད་གནང་རྒྱུ་ཞིག་ཡིན་པ་ལས།སྒེར་ཚུགས་ཅན་ཁ་ཤས་ཀྱི་ཁ་ནས་གང་འདོད་དུ་ཤོད་པ་དེ་ལ་ཆགས་འཇོག་བྱེད་ཁག་པོ་རེད།

དྲ་གྲོགས་བསྟན་བཤིག་ཕག་པ་ལགས་སྐྱེ་སར་ཀླུ་སྒྲུབ་ཀྱི་མཆན་འདིར་ལྟོས་ཤིག
ཁ་བརྡ་དྲ་རྒྱ་http://www.khabdha.org/?p=13410
༡༽ སྐྱེས་སར་ཀླུ་སྒྲུབ་ནས།
སྤྱི་ལོ་ ༢༠༡༠ ཟླ་ ༡༡ ཚེས་ ༡༢ གི་ཆུ་ཚོད་ ༡༣ སྐར་མ་ ༥༣

རང་ཉིད་ཀྱིས་བཀའ་ ཁྲིའི་འོས་བླུགས་སའི་འོས་མི་དེ་ཇི་ཙམ་མཐོ་བོར་སླེབས་ཡོད་པ་དེའི་ཚོད་ཀྱིས་ རང་ལ་སྤྲོ་སྣང་ཞིག་དང་། དེ་དང་དེའི་ཁ་གཏད་ལྟ་བུ་ཕམ་པར་མཐོང་ཚེ་རང་བཞིན་གྱིས་ཁོང་དགོད་ཅིག་ཡོང་བཞིན་ པ་ནི། དེ་རིང་ཁ་སང་གི་བཙན་བྱོལ་སྤྱི་ཚོགས་ནང་སྐབས་ཐོག་གི་དོ་སྣང་བྱེད་ཡུལ་ཞིག་ ཡིན། འདི་ལྟར་བལྟས་ན། བཙན་བྱོལ་གྱི་གནས་སྟངས་དེ་ཧ་ཅང་ཉམས་ངན་གྱི་གནས་སུ་ལྷུང་ངེས་པ་དང་། འགྲོ་སྲིད་པའི་རྟགས་མཚན་ཁག་ཅིག་ད་ལྟའི་བཀའ་ཁྲིའི་འོས་བསྡུའི་ནང་མངོན་པར་ སླེབས་བཞིན་པ་དེ་ཡིན། ཨ་རིིར་གནས་སྡོད་བློ་བཟང་སེངྒེ་བཀའ་ཁྲིའི་འོས་མིར་ལངས་ནས་རང་གི་མིང་མཐོང་ ཙམ་གྱི་ཆེད། གང་ལ་ཡང་བསམ་ཤེས་མེད་པར། བཀའ་བློན་ཁྲི་པའི་མིང་ཙམ་ལ་འཐམ་ནས་སླེབས་བཞིན་པ་དེར་བོད་རིགས་ན་གཞོན་མང་པོ་ ཞིག་གིས་དགའ་བསུ་བྱེད་པ་ནི། མགོ་སྟོང་གིས་མགོ་སྟོང་བསུས་པ་ལས་གཞན་ཅི་ཡང་མིན་སྟབས། ང་ཚོ་ཀླད་པ་སྟོང་བའི་ལས་འགུལ་དེར་ཡིད་ཐང་ཆད། ངས་ནམ་རྒྱུན་བཙན་བྱོལ་སྤྱི་ཚོགས་འདི་ནས་སྐྱུག་བྲོ་བའི་ཟློས་གར་མང་པོ་ཞིག་ མཐོང་མྱོང་བའི་ལེ་ཚན་ཞིག་ནི། བཙན་བྱོལ་སྤྱི་ཚོགས་ཀྱི་མི་འབོར་བརྒྱ་ཆའི་མང་ཆེ་བ་ནི། བོད་དང་བོད་ཀྱི་ཆོས་དང་རིག་གཞུང་ཐད་རྒྱུས་ལོན་གང་ཡང་མེད་པར། ས་གནམ་གཉིས་ཀའི་བར་ནས་ཐལ་རྡུལ་དང་མཉམ་དུ་གུ་ཅོ་སྒྲོག་བཞིན་རླུང་ཐན་ཞིག་གིས་ ཁུར་ནས་འགྲོ་བཞིན་པའི་གནས་སྟངས་དེ་རེད། ངས་ཧ་ཅང་གསལ་ཁ་དོད་པོ་དང་། ལྷག་བསམ་རྣམ་དག་སྒོས་བོད་རིགས་ཚོར་རེ་འབོད་བྱེད་འདོད་པ་ཞིག་ནི། ང་ཚོའི་བསམ་བློའི་གོ་རྟོགས་དང་། ཤེས་ཡོན་གྱི་ཆུ་ཚད་མཐོར་འདེགས་གཏོང་ཐུབ་མཁན་ཞིག་དགོས་པ་ལས། ད་ལྟའི་བཀའ་བློན་ཁྲི་པ་ཞིག་གིས་རྒྱ་ནག་གཞུང་གི་ལག་ནས་རང་དབང་རང་བཙན་སོགས་ གང་ཡང་ལེན་མི་ཐུབ་པ་ནི་བརྗོད་མི་དགོས་པ་ཞིག་ཡིན་སྟབས། ང་ཚོས་མུ་མཐུད་རང་ཉིད་ཀྱི་མི་རིགས་སྲུང་སྐྱོབས་བྱེད་ཐབས་ལ་སྲི་ཞུ་སྒྲུབ་ ཐུབ་མཁན་ཞིག་བཀའ་ཁྲིར་འདེམས་དགོས་པ་ལས། ཀླད་པ་སྟོང་བའི་ཕོ་སར་ཞིག་བཀའ་ཁྲིར་འདེམས་པ་ནི། རང་རེ་མལ་ས་ནས་འཆི་ལམ་དུ་སྙེག་པའི་སྟ་གོན་ངོ་མ་རེད་ཅེས་ཤོད་འདོད་བྱུང་། བློ་བཟང་སེངྒེས་ཆེས་དགོད་བྲོ་བའི་སྐད་ཆ་འདི་ལྟ་བུ་ཞིག་བཤད་ཡོད་དེ། ང་ནི་བོད་ཀྱི་ཆོས་དང་རིག་གཞུང་ལ་རྒྱུས་ལོན་ཟབ་པོ་ཡོད། གང་ལགས་ཤེ་ན་ངའི་པ་ལགས་དང་། བཟའ་ཟླ་དེ་ཚོ་ཞལ་འདོན་འདོན་རྒྱུར་དགའ་བོ་ཡོད་ཅེས་བཤད་་་་་་སྐད་ཆ་འདིས་ནི་ རྩོད་གླེང་གང་ཡང་མི་དགོས་པའི་ཐོག་ནས་བློ་བཟང་སེངྒེའི་བོད་ཀྱི་ཆོས་དང་རིག་ གཞུང་གི་གོ་རྟོགས་གསལ་འདོན་བྱས་པ་རེད། དེར་བརྟེན་ངས་ནམ་ཡང་རང་ཉིད་བླུན་པོ་ཞིག་ལ་དབུ་ཁྲིད་བླུན་པོ་ཞིག་མི་ཡོང་བར་ རེ་སྒུག་བྱས་ནས་ཡོད། མཁས་དབང་དགེ་འདུན་ཆོས་འཕེལ་གྱིས། བླུན་པོ་རང་གི་རྗེས་སུ་མི་འབྲང་ཡང་།། རང་ཉིད་བླུན་པོའི་རྗེས་སུ་མི་འབྲང་བ།།ཞེས་ཇི་ལྟར་གདམས་པ་ལྟར་བསམ་ཞིབ་ཡང་ཡང་ བྱེད་དགོས་པར་མཐོང་ངོ་།།

དྲ་གྲོགས་མཆན་སྤེལ་བ་འགའི་རྣམ་ཤེས་གདོན་གྱིས་བླུས་ཡོད་ས་རེད་ཁ་ནས་ག་ལབ་འདི་ལབ་མི་འདུག་ལ་ལག་ནས་ག་བྲིས་འདི་བྲིས་མི་འདུག
བོད་གཞིས་བྱེས་གཉིས་ཀྱི་རེ་འདུན་བྱེད་སའི་བཀའ་བློན་ནི་བོད་མི་མང་ལ་དྭང་གཙང་ལྷད་མེད་ཀྱི་བརྩེ་བ་ཡོད་པའི་ཐོག་ནས་མི་མང་གི་དོན་དུ་ཁ་ཡོད་ལག་ཡོད་ཀྱི་ལས་དོན་སྒྲུབ་ཐུབ་མཁན་ཞིག་ཡིན་པ་ལས་ལོ་ནའི་ཁྱད་པར་དང་ཕོ་མོའི་ཁྱད་པར་རྩ་ནས་མིན་ནོ།
༸གོང་ས་མཆོག་གིས་དབྱིན་ཇིའི་གསར་འགོད་པ་ཞིག་ལ་༼ད་ལོ་སྲིད་བློན་ནམ་བཀའ་ཁྲི་གསར་པ་དེ་གཞོན་སྐྱེས་སམ་ཡག་ཤོས་བྱུང་ན་བུད་མེད་ཅིག་སླེབས་ན་བསམ་བྱུང་ཡིན་ནའང་གྲ་པ་མགོ་དཀར་པོ་དེ་ཡང་བསྐྱར་སླེབས་བྱུང་༽ཞེས་བཀའ་ལན་འདི་གནང་བ་ལས་ཡག་ཤོས་བྱུང་ན་གཞོན་སྐྱེས་སླེབས་ན་བསམ་བྱུང་ཞེས་རྩ་བ་ནས་གསུང་མིན་འདུག དེར་བརྟེན་༸གོང་ས་མཆོག་གི་བཀའ་སློབ་ལ་རང་འདོད་ལྟར་གཅོས་སྒྱུར་བཏང་སྟེ་ལོག་འགྲེལ་མ་བྱས་ན་བཟང་སྙམ། ངོ་མ་མི་དེ་ལ་གླེན་རྟགས་འདུག་དངོས་གནས་རྣམ་ཤེས་རྐུབ་ཀྱི་ནང་ལ་འཛུལ་ཡོད་ས་རེད།

དྲ་གྲོགས་བསྟན་བཤིག་ཕག་པ་ལགས་དངོས་གནས་འོན་བ་ངོ་མ་ཁྱེད་རེད་མི་འདུག
འོག་གི་མཆན་དེ་ཕྲན་གྱིས་ཁ་བརྡ་དྲ་རྒྱའི་ནང་བཤུས་པ་ཡིན།
ཕྲན་ཡང་ད་ལྟ་བློ་བཟང་སེང་གེ་བཀའ་ཁྲི་བྱ་རྒྱུར་མོས་འདུན་མེད།

ད་ནི་བཀའ་ཁྲི་རྩོད་རྒྱུའི་དུས་ཚོད་མིན་ལ་རང་ཉིད་བདེན་བདེན་དྲང་དྲང་འཚོལ་བའི་དུས་ཚོད་ཀྱང་དེ་བས་མིན། ད་ནི་འབྱུང་འགྱུར་གྱི་བཀའ་ཁྲིའི་ཕྱག་ལས་གནང་ཕྱོགས་ཐད་ནས་བོད་རྒྱའི་འབྲེལ་མོལ་ཁ་ཕྱོགས་གང་འདྲ་ཞིག་དང་། བོད་དོན་འཐབ་རྩོད་སེལ་ཕྱོགས་གང་འདྲ་ཞིག བོད་རང་དབང་ལས་འཕྲོས་ནས་ང་ཚོའི་འཐབ་རྩོད་ལ་ཕྱོགས་དགོས་པ་འདུག དེ་མིན་བློ་སེང་གི་འཇོན་ཐང་འཇོན་མིན་གླེང་རན་མ་རེད་ལ། རྩོད་རན་ནི་དེ་བས་ཀྱང་མ་རེད། འབྲི་མཁན་དང་མཆན། དོན་མ་བསམ་དགོས་ས་ནི་མི་རིགས་འདི་དང་འདི་རིག་གཞུང་། ལྷག་དོན་མགོན་པོ་གང་ཉིད་ཀྱི་སྐུ་ཕྱྭ་རེད།

༧༥༽ རྟ་བདུན་དབང་བོ་ནས།
སྤྱི་ལོ་ ༢༠༡༠ ཟླ་ ༡༢ ཚེས་ ༡ གི་ཆུ་ཚོད་ ༢༢ སྐར་མ་ ༡༦
ཁ་བརྡ་དྲ་རྒྱའི་ནང་ནས་དྲངས་པ།
http://www.khabdha.org/?p=13434&cpage=2#comment-41444

ཡང་ང་ཚོའི་སྒྱུ་ མའི་ཨོ་བྷ་མ་བློ་བཟང་སེང་གེས་བཀའ་ཁྲིའི་རྐུབ་སྟེགས་ཁོ་ནའི་ཆེད་ཀ་རྡོ་སྒང་ གསུམ་ཕྱིན་སྟེ་བོད་མི་དང་རྡ་སའི་བོད་མིར་དབར་ལ་ཕན་ཚུན་དཀྲུག་ཤིང་སྐད་ཆ་འགའ་ བཤད་ཀྱི་འདུག དཔེར་ན་རྡ་རམ་ས་ལའི་བོད་མིས་ཀ་རྡོ་སྒང་གསུམ་གྱི་བོད་མིར་༼ཏ་རེ་ཏོ་རེ་༽ཆོ་ མེད་རེད་ཞེས་བཤད་ཀྱི་ཡོད་ད་རེས་ཏ་རེ་ཏོ་རེ་བཤད་མཁན་ཞིག་བཀའ་ཁྲི་ལངས་ཡོད་ ཅེས་བཤད་སོང་། གུས་པ་རྡ་སར་ལོ་ངོ་བཅོ་ལྔ་ལྷག་ཙམ་མི་ཚེ་བསྐྱལ་བ་ཡིན་ཡིན་ནའང་ཀ་རྡོ་སྒང་ གསུམ་གྱི་བོད་མི་དེ་ཚོ་ཏ་རེ་ཏོ་རེ་རེད་ཞེས་པའི་སྐད་ཆ་ཞིག་རྣ་བར་རྩ་བ་ནས་ ཐོས་མྱོང་མེད། བློ་བཟང་སེང་གེའི་འོས་ཤོག་ཡོང་ཁུངས་ཁག་ནི་སློབ་མཐོ་སློབ་ཀྱི་གཞོན་ནུ་ཀླད་ སྟོང་པ་འགའ་དང་། ཕྱོགས་རིས་ཀྱིས་སྨྱོས་པའི་གདན་ས་ཁག་གི་གྲྭ་བཙུན་འགའ་དང་། དེ་མིན་ད་དུང་བླུན་པོ་ཆུ་གར་ཁྲིད་དང་རྒྱུ་དཔལ་འབྱོར་གྱིས་བླུས་པ་དག་ཡིན། དང་པོ་ནི། མཐོ་སློབ་ཀྱི་གཞོན་ནུ་རང་གཞུང་རྒྱུ་མངའ་མེད་པའི་ཀླད་སྟོང་བ་འགའ་ཨ་རིའི་ སྲིད་འཛིན་ཨོ་བྷ་མར་དབྱིངས་ཞུགས་པའི་སྐབས་དང་བསྟུན་ནས་བློ་བཟང་སེང་གེས་བོད་ ཀྱི་ཨོ་བྷ་མ་བྱེད་རྒྱུ་ཡིན་ཞེས་ལབ་དུས་ཁོང་ཚོས་བརྟགས་དཔྱད་སྤུ་ཙམ་ཡང་མེད་པར་ རང་གི་རིན་བྲལ་གྱི་འོས་དེ་ཆུས་ཟོད་དུ་བཏང་ཡོད། གཉིས་པ་ནི། བཀའ་ཁྲི་མཁས་དབང་ཟམ་གདོང་རིན་པོ་ཆེའི་བཀའ་༼༼བར་ལམ་ཞིག་ནས་ང་ལ་དེའི་ ཐོག་དམིགས་བསལ་གྱིས་ཚོར་སྣང་ཆེན་པོ་བྱུང་། ཉེ་ཆར་དབུས་སྤྱི་ཁྱབ་འོས་བསྡུ་ལྷན་ཁང་གིས་བཀའ་བློན་དང་སྤྱི་འཐུས་ཀྱི་འོས་ ཤོག་གསལ་བསྒྲགས་གནང་བ་རེད། དེའི་སྐབས་གདན་ས་ཁག་གིས་འོས་ཤོག་འཕེན་སྟངས་ཀྱི་འགྲོས་དེ་གོ་སོང་། དེའི་སྐབས་ཡ་མཚན་པོ་དང་ཧང་སང་དགོས་པ་བྱུང་། གྲྭ་པ་ཚོས་འདི་འདྲ་གནང་གི་ཡོད་པ་རེད་དམ། དེ་འདྲ་བྱས་པ་ཡིན་ན་ནམ་རྒྱུན་ང་ཚོས་གྲྭ་པས་ཆབ་སྲིད་ནང་ཆ་ཤས་ལེན་དགོས་པ་རེད་ ཅེས་བཤད་སྡོད་པ་དེ་ཆོས་སྲིད་ཟུང་འབྲེལ་ཆགས་ཀྱི་ཡོད་དང་། ཆོས་འགལ་རིང་ལུགས་ཤིག་ཆགས་འགྲོ་ཡི་ཡོད་པའི་ངེས་པ་མི་འདུག་སྙམ་པའི་ཞེད་སྣང་ འདྲ་བྱུང་སོང་། ངས་དེ་རིང་ནང་ཚགས་བྱས་ཏེ། ང་རང་ལ་ཚོར་སྣང་བྱུང་བ་དེ་ཞུས་པ་ཡིན་༽༽འདི་གསལ་བཤད་བྱེད་ཐུབ།
གསུམ་པ་ནི། ཁོ་བར་རྒྱབ་སྐྱོར་བྱེད་མཁན་དག་གིས་མ་གཞི་བློ་སེང་ལ་རྒྱལ་ཁ་ཐོབ་པ་ཡིན་ནའང་ སྒྱུར་བ་གང་ཡང་གཏོང་ཐུབ་ཀྱི་མ་རེད་ཕན་ཐོག་གང་ཡང་ཡོད་མ་རེད་ཡིན་ནའང་འདི་ང་ ཚོང་རེད་ཅེས་བཤད་ཀྱི་འདུག ད་དུང་རྒྱུ་བཏང་བའི་གནས་ཚུལ་འགའ་ཤས་འདུག ཡང་འགའ་རེ་བློ་སེང་ཡག་པོ་ཡོད་རེད་ཟེར་གྱི་འདུག་བྱས་ཙང་ངས་ཁོང་བླུགས་པ་ཡིན་ ཟེར་གྱི་འདུག
ད་བྱས་ན་ང་ཚོའི་འོས་ཤོག་འཕྲོག་བརླག་གཏོང་མི་ཉན།

ངས་བཀའ་ཁྲིའི་སྐོར་བཤད་བཤད་གཉིས་ཀྱི་མགོ་བོ་ན་སོང།
ཡིན་ནའང། དེ་ཡང་བཀའ་ཁྲིའི་སྐོར་དེ་ཅིག་བྲིོས་ཡོང་དུས་བསམ་ཙུལ་ཞིག་མ་བརྗོད་ན་བསྡད་ཐུབ་མ་སོང། མདོར་ན་་་་ད་བར་དུ་སྐུ་དྲགས་བོད་ལ་བདེ་སྐྱིད་བྱིན་མེད་ལ།
བོད་ལ་ཆིག་སྒྲིལ་ཡང་བྱས་མེད། མ་འོང་པ་ཡང་དེ་ཚོའི་རིགས་ཀྱིས་གང་
བྱེད་ཀྱི་མ་རེད། ངས་ད་བར་དུ་སྐུ་དྲགས་རིགས་ཀྱིས་ལས་སྟངས་བྱས་སྟངས་སོགས་དེབ་ཐེར་མང་པའི་ནང་དུ་མཐོང་མཐོང་གཉིས་ཀྱི་ཞེན་པ་གཏིང་ནས་ལོག་ཡོད།

བཀའ་བློན་ཁྲི་པ་ཡིན་ན་ཉམས་མྱོང་དང་། ཤེས་ཡོན། ལྷག་བསམ། འཇོན་ཐང་བཅས་བཞི་པོ་མེད་དུ་མི་རུང་བ་ཞིག་རེད་སྙམ།
གལ་ཆེ་རིམ་གྱི་བང་འགྲིགས་པ་ཡིན།
དང་པོ།
ཉམས་མྱོང་མེད་ན་ཤེས་འཇོན་ལྷག་གསུམ་ལྡན་ན་ཡང་ལས་ཀ་ཚག་ཚུགས་པོ་ཞིག་བྱེད་ཐུབ་ཀྱི་མ་རེད། དཔེར་ན་ཨ་རིའི་སྲིད་འཛིན་ཨོ་བྷ་མ་ལྟ་བུ་ཤེས་འཇོན་ལྷག་གསུམ་ལྡན་ཡོད་ན་གཞུང་ལ་འཛིན་སྐྱོང་གི་ཉམས་མྱོང་ཆུང་ངུ་ལས་མེད་པའི་རྐྱེན་གྱིས་མང་གཙོ་ཚོགས་པའི་ཉམས་མྱོང་ཤེས་འཇོན་ལྡན་པའི་གང་ཟག་དག་གིས་
ངལ་བས་བསྐྲུན་པའི་གཟི་བརྗིད་དེ་ད་ཆ་ཉམ་ཉེས་སུ་ཕྱིན་ཏེ་མང་གཙོ་ཚོགས་པའི་རྐུབ་སྟེགས་མང་བོ་ཞིག་ཀྱང་སྤྱི་མཐུན་ཚོགས་པར་ཤོར་ཡོད།
གཉིས་པ། ཤེས་ཡོན་མེད་ན་དུས་རབས་ཉེར་གཅིག་པ་དེ་ཆ་འཕྲིན་སོགས་ཀྱིས་དུས་རབས་ཡིན་པས་དུས་རབས་དང་མཐུན་པའི་ལས་ཀ་གང་ཡང་བྱེད་མི་ཐུབ་པ་མ་ཟད་ཀུན་གྱིས་འཕྱ་དམོད་དང་གཞན་གྱི་མགོ་སྐོར་འོག་ཏུ་ཡང་ཚུད་པ་ལས་སླ། དཔེར་ན་ཉེ་ས་རྒྱ་གར་གྱི་སྲིད་བློན་ནི་རུའི་མགོ་སྐོར་འོག་དང་རིང་ས་མན་ཇུས་ལ་སོགས་པའི་
གཡོ་ཇུས་འོག་མགོ་སྐོར་ཐེངས་མང་ཐེབས་མྱོང་ཡོད།

གསུམ་པ། ལྷག་བསམ་མེད་ན་ལས་རིགས་མང་བོ་ཞིག་ལ་རང་བཞིན་གྱིས་ཐུ་ཤོར་དུ་སོང་སྟེ་ལས་རིགས་མང་བོ་ཞིག་ལ་གྲུབ་འབྲས་ཐོབ་ཐུབ་ཀྱི་མེད། དཔེར་ན་ཤེས་རིག་ལས་བྱེད་རྣམ་པས་རང་གི་རིག་གཞུང་ལ་དང་གཙང་ལྷད་མེད་
ཀྱི་ལྷག་བསམ་མེད་ཙང་ལོ་ངོ་ལྔ་བཅུའི་ནང་རང་གི་རིག་གཞུང་ཐོབ་ནས་གྲུབ་འབྲས་ཐོབ་པའི་གང་ཟག་ཉིན་མོའི་སྐར་མ་ལྟ་བུ་རེད། ཁོང་ཚོས་དགེ་རྒན་བསྡུ་དུས་གང་ཟག་དེའི་ཤེས་ཚད་དང་ཉམས་མྱོང་ལ་མི་ལྟ་བར་
ལག་ཁྱེར་སྐམ་པོ་ཞིག་ཁྱེར་རྒྱུ་ཡོད་མེད་ལ་ལྟ་ཡི་ཡོད། བྱས་ཙང་ད་ལྟ་བཙན་བྱོལ་སློབ་མའི་བོད་ཡིག་གི་གནས་ཚད་ཐབས་སྐྱོ་བ་འདི་ཆགས་པ་རེད།

བཞི་བ། འཇོན་ཐང་མེད་ན་རང་གཞུང་གི་ལས་བྱེད་ཀྱི་ཟླ་ཕོག་ལ་སོགས་པ་དུས་ཐོག་སྤྲོད་མི་ཐུབ་པ་སོགས་ཀྱི་དཀའ་ངལ་མང་བོ་ཞིག་ཕྲད་རྒྱུ་ཉག་གཅིག་རེད། དེར་བརྟེན་སྡེ་ཚན་ཁག་གི་ལས་ཀ་ཉི་མ་གང་འཁྱོལ་ལྟ་བུ་ཆགས་ཉེན་ཡོད།
དཔེར་ན་བལ་ཡུལ་ལྟ་བུ་གཞུང་གི་ནང་ལ་ཚགས་ཚུགས་པོ་མེད་པའི་རྐྱེན་གྱིས་ཡར་རྒྱས་གང་ཡང་འགྲོ་ཐུབ་མེད།
ན་ནིངས་ཀྱི་བལ་ཡུལ་གང་ཡིན་པ་དེ་ད་ལོ་ཡང་དེ་རང་རེད།

སྤྱིར་བཏང་ངོས་རང་མ་འོངས་བཀའ་ཁྲི་དེ་བློ་བཟང་སེང་གེ་ལ་བླུགས་རྒྱུ་མིན་ གང་ཡིན་ཟེར་ན་ ཁོང་ནི་དུས་ལ་མ་བབས་པར་མཐོང་ ཁོང་ནི་སྒོ་དྲུག་བསྐལ་བཟང་ཕུན་ཚོགས་དང་འདྲ་བར་གཞོན་སྐྱེས་ཀྱི་མི་རབས་ཡིན་པས་ཐོག་མར་སྤྱི་འཐུས་ནང་ལ་སྤྱི་འཐུས་ལས་དུས་ལོ་ཡུན་ལྔ་རིང་ཉམས་མྱོང་བསག་དགོས་པར་མཐོང་ བྱས་ཙང་དབུས་གཙང་ཆོལ་ཁའི་མི་མང་གིས་སྒོ་དྲུག་པ་བཀའ་ཁྲིའི་འོས་མིར་མ་བསྐོས་པར་སྤྱི་འཐུསཀྱི་འོས་མིར་བསྐོས་པ་དེ་འོས་ཤིང་འཚམས་པར་མཐོང་ ཐུགས་རྗེ་ཆེ་ཞུ་རྒྱུ་ བློ་བཟང་སེང་གེ་ལྟ་བུ་ནི་མ་འོངས་བཀའ་ཁྲི་སྐབས་ལྔ་པའམ་དྲུག་པ་ཅིག་ཏུ་བསྐོ་དགོས་པ་ལས་ད་ལྟ་འོས་ཤིང་མི་འཚམས་ འདི་ནི་ངོས་རང་གི་བསམ་ཚུལ་དང་ལང་ཕྱོགས་ཡིན་

དྲ་གྲོགས་ཨ་འཇམ་ལགས་།
རྒྱ་བཤད་སྟོངས་བཤད་གང་བཤད་ཀྱང་། མཁས་དབང་བློ་བཟང་སེང་གེ་མཆོག་ནི་གཞིས་བྱེད་གཉིས་ཀའི་། མ་འོང་བཀའ་ཁྲི་དངོས་ཁོང་ཡིན་། མ་ཚད་ཡང་གོང་ས་མཆོག་གིས་གཞོན་སྐྱེས་ཞིག་ལ་ཐུགས་རེ་གནང་བ་ཡང་དེ་ཡིན་།

༸རྒྱལ་བ་རིན་པོ་ཆེར་ཆབ་སྲིད་ཀྱི་ཐུགས་འགན་བཞེས་རོགས་གནང་ཞུས་པ་
ལྟར་འབྱུང་འགྱུར་བཀའ་བློན་ཁྲི་པ་དེ་ཡང་༸གོང་ས་མཆོག་ལ་ཁ་ཞེ་གཉྀས་
ཐོག་ནས་རྩེ་གཅིག་གིས་རྒྱབ་སྐྱོར་དང་དབུ་འོག་དཔུང་འདེགས་གནང་མཁན་
ཞིག་འཚོལ་སྒྲུག་གིས་འོས་འཕེན་གནང་རོགས་གནང།། །།

མ་འོངས་བའི་བཙན་བྱོལ་བོད་གཞུང་གི་བཀའ་ཁྲི་ནི་ཕྱི་ནང་གི་ཆབ་དཔལ་རིག་གསུམ་ལ་ནང་བྱན་ཚུད་པའི་སྐྱེས་མཆོག་བློ་བཟང་སེང་གེ་རེད། སུ་ལ་དོགས་པ་ཡོད་དམ། ཁོང་ནི་མཁས་བཙུན་བཟང་གསུམ་འཛོམས་པའི་སེར་མོ་བའི་སྐྱབས་བཅོལ་ས་དང། ཤེས་རྒྱ་དང་མཐོང་རྒྱ་མཁའ་ལྟར་ཡངས་བ། ལྷག་པར་དུ་བོད་རྒྱ་བར་གྱི་དཀའ་རྙོག་སེལ་བ་ལ་བློ་མིག་ཤིན་ཏུ་གསལ་བའི་བཙན་བྱོལ་བའི་གཞོན་སྐྱེས་ཁག་གིས་རྣམ་འདྲེན་བཞིན་བཀུར་ས་ལགས།
ང་ཁྱོད་ཚོའི་ཉེ་སར་བཅར་ནས་ཉན་གྱིན་ཡོད་ལ། མཐོ་ས་བུད་དེ་ལྟ་བཞིན་ཡོད།

རྗེས་ལོར་བཀའ་བློན་ཁྲི་པ་མཁས་བློ་བཟང་སིང་གེ་ལ་རེ་བ་འདུག་སྙམ་། གང་ལྟར་རྒྱ་ཆེ་མི་དམངས་ནས་རེ་བ་ཆེན་པོ་བྱེད་དུས་དེ་བཞིན་གང་ཉིད་ནས་གཏམ་སྙན་གསུངས་མང་པོ་གོས་ཐོས་བཞིན་ལག་ལེན་འཁེལ་བ་ལ་བར་ཆད་མེད་པ་ལམ་ལྷོང་ཡོང་བའི་སྨོན་འདུན་ཞུ་།།

གྲོགས་པོ་ཁྱོད་ཀྱིས་གང་ཞིག་བཤད་འདོད་པ་ཡིན་ནམ་དང་ཐོག་རྩོམ་བྱང་དེ་ཐེང་ཞིག་ཀློག་སྐབས་བཀའ་ཁྲི་སུ་ཡིན་ཐག་ཆོད་མེད་པ་ལྟ་བུ་སྣང་ཡང་རྩོམ་དངོས་ལ་ལྟ་སྐབས་བློ་བཟང་སེང་གེ་ཡིན་པ་ཐག་གི་བཅད་འདུག་པའི་ནང་འགལ་ལྟ་བུ་སྣང་བ་ཞིག་ངང་གིས་ཤར་ཡོང།

གལ་སྲིད་སང་ལོའི་བཀའ་ཁྲི་གསར་པ་བློ་བཟང་སེང་གེ་སླེབས་པ་ཡིན་ན་ཁོང་གི་གསར་གཏོད་ནི་གཅིག་སྒྲིལ་དང་རང་མགོ་རང་སྟོན་ཕོ་མོ་དབྱེ་མེད་བཅས་གསུམ་རེད།
ཁོང་གི་བསམ་དོན་ལྷུན་གྱི་འགྲུབ་ནས་བོད་དོན་བདེན་མཐའ་མྱུར་དུ་གསལ་བ་ཤོག མི་རབས་གསར་པ་ཡི་བཀའ་ཁྲི་བློ་བཟང་སེང་གེ་དང་ཉིས་སྟོང་བཅུ་གཉིས་ལོ་རྒྱ་ནག་གི་སྲིད་འཛིན་གསར་པ་ཞེན་ཅིང་ཕན་གཉིས་མེ་དང་ཆུ་ལྟ་བུར་མིན་པ་བུ་ལ་མ་ཡིས་གཅེས་སྐྱོངས་ལྟར་ཞི་འཇམ་ཐོག་ནས་བོད་ཀྱི་རྩ་དོན་དེ་མྱུར་ནས་མྱུར་དུ་སེལ་བ་ཤོག