བོད་གཞུང་དྲ་རྒྱའི་སྟེང་གནས་ཚུལ་སྤེལ་བ་ལྟར་ན། འབྲས་ལྗོངས་མངའ་སྡེ་གཞུང་གིས་གདན་ཞུ་གནང་བ་ལྟར། ཟླ་འདིའི་ཕྱི་ཚེས་ ༡༢ ནས་ ༢༤ བར་བར་གྱིན་ཉིན་གྲངས་བཅུ་གཉིས་རིང་༸གོང་ས་མཆོག་རྒྱ་གར་བྱང་ཤར་ཀ་བློན་སྦུག་དང་རྡོ་རྗེ་གླིང་། སྒང་ཏོག། ར་ཝང་ལ། ས་ལུ་ག་ར། ར་བོང་བཅས་ས་ཁུལ་ཁག་ཅིག་ཏུ་ཆིབས་བསྒྱུར་གྱིས་ཆོས་འབྲེལ་གྱི་མཛད་འཕྲིན་བསྐྱང་འཆར་ཡོད་འདུག
ཕྱི་ཚེས་ ༡༢ ཉིན་གྱི་ཀ་བློན་སྦུག་གི་མཛད་འཕྲིན་གྱི་ཐོག་མར་ ༢༠༠༥ ལོ་གསར་བཞེངས་བྱས་པའི་དགའ་ལྡན་ཐར་པ་ཆོས་གླིང་གི་གཙུག་ལག་ཁང་ལེགས་གྲུབ་རབ་གནས་གནང་རྒྱུ་དང་། ཕྱི་ཚེས་ ༡༣ ཉིན་ཀ་སྦུག་སེར་སྐྱ་མང་ཚོགས་ལ་ཚེ་དབང་དང་སེར་སྐྱ་མང་ཚོགས་ཀྱིས་བརྟན་བཞུགས་བསྟར་འབུལ། ཕྱི་ཚེས་ ༡༤ ཉིན་ཀ་སྦུག་ས་གནས་འགོ་འཛིན་གྱིས་ལས་བསྡོམས་སྙན་སྒྲོན་ས་གནས་མང་ཚོགས་ལ་བཀའ་སློབ་བཅས་ཡོད་འདུག
ཕྱི་ཚེས་ ༡༥ ཉིན་སྒང་ཏོག་ཏུ་ཆིབས་བསྒྱུར་གྱིས། རྙིང་མའི་གནས་ཆེན་པདྨ་དབྱངས་རྩེ་དང་བཀྲ་ཤིས་སྟེང་ཞེས་པའི་གནས་ཆེན་ཁག་ཏུ་གནས་གཟིགས་དང་། ཚེས་ ༡༦ ནས་ ༡༧ བར་བཀྲ་ཤིས་སྟེང་དུ་སྐུ་མཚམས་བཞུགས་རྒྱུ། ཚེས་ ༡༨ སྔ་དྲོ་ར་ཝང་ལར་ཆིབས་བསྒྱུར་གྱིས་ས་སྐྱ་གནས་ལུང་དགོན་པ་དང་ར་ཝང་ལའི་མ་དགོན་ཐུབ་བསྟན་དར་རྒྱས་གླིང་དུ་མང་ཚོགས་ལ་བཀའ་སློབ་དང་། འབྲས་ལྗོངས་མངའ་གཞུང་གིས་གསར་བཞེངས་བྱས་པའི་ཕི་ཊི་ ༡༣༥ ཡོད་པའི་སྟོན་པའི་སྐུ་བརྙན་ལ་རབ་གནས་གནང་རྒྱུ་ཡིན་འདུག
ཕྱི་ཚེས་ ༡༩ ཉིན་སྒང་ཏོག་ཏུ་ཆིབས་བསྒྱུར་གྱིས་རྣམ་མཁྱེན་བོད་ཀྱི་ཤེས་རིག་ཉམས་ཞིབ་ཁང་དུ་ནང་ཆོས་དང་ཚན་རིག་གི་བགྲོ་གླེང་ཚོགས་འདུ་ཞིག་དབུ་འབྱེད་དང་། ཚེས་ ༢༡ དང་ ༢༢ བར་སེར་སྐྱ་མང་ཚོགས་ལ་བྱང་ཆུབ་སེམས་འགྲེལ་གྱི་ཆོས་འབྲེལ་དང་ཚེ་དབང་གནང་འཆར་ཡོད་པ་དང་། ཡུལ་དེའི་མཛད་འཕྲིན་གྲུབ་རྗེས་ནུབ་སྦེང་སྒལ་མངའ་སྡེའི་གྲོང་ཁྱེར་ས་ལུ་ག་རའི་ནང་ཆིབས་སྒྱུར་གྱིས་སྲས་བརྒྱུད་དགོན་པའི་ནང་སྤྱན་རས་གཟིགས་ཀྱི་བཀའ་དབང་བཅས་ཀྱི་མཛད་འཕྲིན་བསྐྱང་འཆར་ཡོད་འདུག
གསར་འགོད་པ་དོན་གོས་བསྡུ་སྒྲིག་བྱས།
ད་ལམ་ར྄ྒ྄ྱ་གར་གཞུང་གིས་ས྄ྲིད་ཇུས་དེར་མངགས་བར྄ྗོད་ཞུ་འོས་པ་ཞིག་རེད།
༸གོང་ས་༸མཆོག་ནི་དེར་ཆབ་ས྄ྲིད་དང་འབ྄ྲེལ་བ་མེད་ཅིང་ཆོས་ཕ྄ྱོགས་ཀ྄ྱི་མཛད་པར་ཕེབས་འཆར་བར྄ྟེན་ར྄ྒ྄ྱ་ནག་གཞུང་ཕོག་ཐུག་ཏུ་འག྄ྲོ་གཞི་ཞིག་མེད་ཅིང༌།
མ་ཟད་ས་ཆ་འདི་ནི་ར྄ྒ྄ྱ་གར་ག྄ྱི་མངའ་ཁོངས་ཤིག་ཡིན་པར་བར྄ྟེན་ར྄ྒ྄ྱ་ནག་ལ་དེ་བས་ཀ྄ྱང་ཇུས་གཏོགས་མེད་པས་རེད།
༸གོང་ས་༸་མཆོག་གི་མཛད་འཕ྄ྲིན་དགོངས་བཞེས་མཐའ་དག་ལ྄ྷུན་ག྄ྱིས་འག྄ྲུབ་ཅིང་དེར་ཡོད་དད་ལ྄ྡན་ཕོ་མོ་ས྄ྟོང་ཚོ་མང་པོའི་བསམ་དོན་ལ྄ྷུན་ག྄ྱིས་འག྄ྲུབ་པའི་ས྄ྨོན་འདུན་བཅས།
ཡི་གེ་ཞིག་ནོར་འདུག བཀྲ་ཤིས་སྟེང་མ་རེད། བཀྲ་ཤིས་ལྡིངས་རེད།
ཨོ་རྒྱན་སངས་རྒྱས་གཉིས་པའིན་སྤས་གནས་ཁྱད་པར་ཅན་སྤས་ཡུལ་འབྲས་མོ་ལྗོངས་སུ་ཆིབས་བསྒྱུར་དང་། གནས་མཆོག་བྲག་དཀར་བཀྲ་ཤིས་ལྡིངས་སུ་སྐུ་མཚམས་བཞུགས་པ་ནི་ལོ་རྒྱུས་ཀྱི་རང་བཞིན་ཞིག་རེད།
༧གོང་ས་མཆོག་གི་ཆིབས་བསྒྱུར་གྱི་མཛད་རིམ་འདི་ནི་རྒྱ་ནག་ལ་ཁོང་ཁྲོ་ལང་རྐྱེན་ཞིག་ཏུ་འགྱུར་སྲིད་ འོན་ཀྱང་ཆབ་སྲིད་དང་འབྲེལ་ནས་བཤད་ན་དེ་ནི་བོད་མི་རིགས་ལ་གལ་གནད་ཆེན་པོ་ཞིག་ཏུ་འགྱུར་ཡོད་ སི་ཀིམ་མམ་སྒང་ཏོག་གི་ས་ཁུལ་དེ་རྒྱ་ནག་དབུག་ཞུང་གིས་བོད་ལྷོ་ཕྱོགས་ཀྱི་ས་ཁོངས་ཤིག་ཏུ་ངོས་འཛིན་གྱིས་རྒྱ་བོད་དབར་རྩོད་པའི་གཞིར་གྱུར་ཡོད་ མཛད་འཕྲིན་ལེགས་གྲུབ་ཡོང་བའི་སྨོན་འདུན་ཡོད་