ཇི་སྲིད་འགྲོ་བའི་དམིགས་འབྱེད་གངས་རིའི་ཡུལ།།
འཁྲུངས་པའི་རིགས་པའི་དེད་དཔོན་ཙོང་ཁ་པ།།
ཉོན་རྨོངས་དུག་གི་བྱེད་ལས་ཚར་གཅོད་དེ།།
ཐོག་པ་མེད་པར་བདེ་བར་གཤེགས་པ་སྨད།།
དང་པོ་ཐོས་པའི་ཕྱོགས་ལ་བརྩོན་པ་བསྟེན།།
བར་དུ་གཞུང་ལུགས་ཀུན་ལ་ཐོག་མེད་སྤྱངས།།
ཐ་མར་སློབ་བུའི་ཚོགས་ལ་ཉམས་ལེན་བསྟན།།
བོད་ཀྱི་སྟོན་པ་ཆེན་མོ་ཙོང་ཁ་པ།།
སྲས་ཀྱི་ཐུ་བོ་གཉིས་ཀྱི་གཙོ་བྱས་པའི།།
སྐལ་ལྡན་སློབ་བུའི་ཚོགས་གཉེར་འདུས་དེ།།
རྒྱ་ཆེན་སྨོན་ལམ་ཆེན་མོའི་སྲོལ་འབྱེད་པ།།
བྱང་ཆུབ་ལམ་ལ་མངས་གཉེས་ཙོང་ཁ་པ།
སྙིགས་དུས་སྐྱེ་བོ་བདག་འདྲའི་ལས་ངན་ཚོ།།
ཉིད་ཀྱི་གསུང་རབས་ལེགས་པའི་རྗེས་ཞུགས་དེ།།
ནམ་ཞིག་ཁྱེད་ཉིད་ཁོ་ནའི་ཞབས་སྙེགས་ནས།།
ཐར་བའི་ལམ་སྣེ་ཟིན་པར་བྱིན་གྱིས་སློབས།།
དམིགས་མེད་སྐྱེ་འགྲོའི་ཆེད་དུ་ཐུགས་བསྐྱེད་པ།།
བརྩེ་བའི་བདག་ཉིད་ཆེན་པོ་ཙོང་ཁ་པ།།
ཇི་སྲིད་འཁོར་བ་མ་སྟོང་དེ་སྲིད་དུ།།
འབྲལ་མེད་རྗེས་སུ་འཛིན་པར་གསོལ་བ་འདེབས།།
དགའ་ལྡན་ལྔ་མཆོད་ཆེན་མོ་མི་ཡུལ་གཞན་ཞིག་གི་རི་གྲོང་ནས་ལས་ཀའི་བར་གསེང་ནས་བསྐྱེལ་བའི་ཉིན་མོ། བོད་ཁ་བའི་ལྗོངས་དུ་བསམ་གྱི་མི་ཁྱབ་པའི་སྐྱེ་བུའི་གྲངས་ལས་འདས་པ་ཞིག་བྱོན་པའི་ཁྲོད་ཀྱི་རྗེ་ཙོང་ཁ་པ་ཆེན་པོ་མཆོག་གི་དགོངས་རྫོགས་ཉིན་མོ། ཨེས་སུ་རལ། རྗོ་སུ་ལམ་ནས། ༡།༡༢།༡༠
ང་ཡི་བླ་མ་བློ་བཟང་གྲགས་པ་དེ།།
དགའ་ལྡན་གནས་སམ་བདེ་བ་ཅན་ལ་སོགས།།
དག་པའི་ཞིང་ཁམས་གང་ན་བཞུགས་ཀྱང་རུང་།།
བདག་སོགས་འཁོར་གྱི་ཐོག་མར་སྐྱེ་བར་ཤོག།
དྲི་མེད་བློ་ཆེན་དྭངས་གསལ་མཁའ་དབྱིངས་ནས།།
གཞན་ཕན་བཟང་པོ་སྙིང་རྗེའི་སྤྲིན་རུམ་ནས།།
སྙན་ཚིག་དབྱར་གྱི་རྔ་གསང་གྲགས་པ་ན།།
བློ་གསལ་རྨ་བྱས་སྙན་ཚིག་་དགའ་གླུ་ལེན།།
འོན་ཏེ་དེང་གི་སྙན་ངག་སྨྲ་བའི་ཟོལ།།
སྡེབ་སྦྱོར་དག་སོགས་ལ་གང་ལ་མི་མཛེས་པ།།
གང་དྲན་བསྟོད་ཚིག་འདི་འདྲས་ཅི་ཞིག་བྱེད།།
དྲ་གྲོགས་ཤ་ཁྲག་རུས་གསུམ་ངས་ཀྱང་རྗེ་བདག་ཉིད་ཆེན་པོའི་འདས་མཆོད་ལ་སྲུང་བརྩི་ཞུ་འདོད་ཡོད་མོད་དུས་ཚོད་ཀྱི་རྐྱེན་པས་བྲི་ཐུབ་མ་སོང་ཁྱེད་ཀྱིས་སྲུང་བརྩི་ལ་རྗེས་སུ་ཡི་རང་དང་བསྟོད་སྔགས་ཡོད་ཐུགས་རྗེ་ཆེ་ཞུ
དྲ་གྲོགས་ལགས་ཡག་པོ་ཞིག་སྤེལ་འདུག
སྡུག་ཀྱང་སྡུག་ལ་དགའ་ཡང་དགའ་་་་་་་་་་།
གྲོགས་ཤ་ཁྲག་རུས་གསུམ་ལགས། ངས་ཀྱང་འདིར་རྗེ་བདག་ཉིད་ཆེན་པོའི་མཛད་འཕྲིན་གྱི་མཐའ་མ་བོད་གངས་ཅན་དུ་བསྡུས་ཚུལ་མཛད་པའི་དུས་ཆེན་དང་བསྟུན་ནས་དུས་དྲན་སྲུང་བརྩི་ཞུ་འདོད་བྱུང།
དང་པོར་རྒྱ་ཆེན་ཐོས་པ་མང་དུ་བཙལ།། བར་དུ་གཞུང་ལུགས་ཐམས་ཅད་གདམས་པར་ཤར།། ཐ་མར་ཉིན་མཚན་ཀུན་ཏུ་ཉམས་སུ་བླངས།། ཀུན་ཀྱང་བསྟན་པ་རྒྱས་པའི་ཆེད་དུ་བསྔོས།། ཚུལ་འདི་བསམ་ནས་གང་གི་རྗེས་ཞུགས་པ།།
མཐའ་དག་ཉིད་དང་མཚུངས་པར་བྱིན་གྱིས་རློབས།།
མ་འདྲིས་སེམས་ཅན་ཀུན་གྱིས་བསྟན་པ་ལ།། གང་གི་རྣམ་ཐར་བཞིན་དུ་བྱིན་གྱིས་རློབས།།