གནམ་ཟླ་ཧ་ཅང་གྲང་ཞིང་དྲོ་ཚད་ཀླད་ཀོར་འོག་གི་ ༣༠ ཙམ་ལ་བསླེབས་ཡོད་པའི་ལྷགས་རླུང་དང་བུ་ཡུག་འཚུབ་པའི་ཁྲོད་ན། བོད་མི་རྒན་གཞོན་སྙིང་རུས་ཅན་སྐོར་ཞིག་གིས་འབོད་ཚིག་སྣ་ཚོཊ་བཀོད་པའི་འཕྲེད་དར་འཕྱར་བཞིན་རྒྱ་གཞུང་ལ་ངོ་རྒོལ་བྱས་འདུག
གནས་ཚུལ་བཏང་འབྱོར་བྱུང་བ་ལྟར་ན། ཝི་སི་ཀོན་སིན་བོད་རིགས་སྤྱི་མཐུན་ཚོགས་པ་དང་ས་གནས་གཞོན་ནུ། བོད་རང་བཙན་སློབ་ཕྲུག་ཚོགས་པ་བཅས་ཀྱི་གོ་སྒྲིག་འོག ཁ་སང་ཕྱི་ཚེས་ ༢ ཉིན་ཨ་རིའི་ལྷགས་རླུང་གྲོང་ཁྱེར་དུ་གྲགས་པའི་ཆི་རྒཱོ་གྲོང་ཁྱེར་གྱི་རྒྱ་ནག་གཞུང་ཚབ་ཁང་གི་སྒོ་འགྲམ་དུ། བོད་མི་ལོ་ན་ཆེ་ཤོས་ ༧༠ ནས་ཆུང་ཤོས་ ༨ ཡིན་པའི་བོད་རིགས་རྒན་གཞོན་ ༥༠ ཙམ་གྱིས་ལག་ཏུ་” སྐད་ཡིག་རང་དབང་ ” ཞེས་པའི་འབོད་ཚིག་བཀོད་པའི་འཕྲེད་དར་སྣ་ཚོགས་འཕྱར་བཞིན་རྔམ་སྟོན་ཁྲོམ་སྐོར་བྱས་འདུག་ལ། དེ་ནི་ཕྱི་ཟླ་ ༡༠ ནང་བོད་ནང་གི་སློབ་ཕྲུག་ཚོས་སྐད་ཡིག་སྲུང་སྐྱོབ་ཀྱི་ལས་འགུལ་སྤེལ་བ་དེར་གདུང་སེམས་མཉམ་སྐྱེད་དང་རྒྱབ་ལངས་མཚོན་ཆེད་ཡིན་འདུག
སྐབས་དེར་རྒྱ་ནག་གཞུང་ཚབ་ཁང་མི་ལས་བྱེད་ཚོས་སྒེའུ་ཁང་བརྒྱུད་དཔར་རྒྱག་པ་སོགས་འདུག་བཟོད་མི་བདེ་བ་བྱུང་ཡོད་འདུག་ལ། ལས་འགུལ་སྤེལ་མཁན་བོད་རིགས་ཚོས་ཀྱང་དོ་སྣང་ཆེན་པོས་སོ་སོའི་ལས་ཀ་ལས་དགོངས་པ་ཞུས་ཏེ་ངོ་རྒོལ་ལས་འགུལ་དེའི་ཆ་ཤས་བླངས་ཡོད་འདུག
ཁོང་ཚོས་ཕྱར་བ་ནི་བྱང་བུ་ཡིན་པ་ལས་འཕྲེད་དར་མ་རེད།
དམར་པོའི་གཞུང་གི་མི་རིགས་རྩ་མེད་ཀྱི་ཐབས་ངན་སྲིད་དོན་རིག་པ། ༡༽བོད་ནང་ཁྲ་ཁྲ་ཟིང་ཟིང་གི་དཔལ་འབྱོར་ཚོང་ར་བཀྲམ་པ། ༢༽ ཞིང་འབྲོག་མི་མང་ལ་ཟོག་དངོས་གཡར་ལེན་རོགས་རམ་བྱེད་པ། ༣༽ཁ་ཡག་གི་སློབ་གསོའི་མ་ལག་བསྐྲུན་པ། ༤༽ཕྱི་སྡོད་ཡུལ་གྱར་བ་ཚོེའི་འདོད་བློ་དང་བསྟུན་ནས་ཕྱིར་འགུག་བྱེད་ཐབས། ༥༽སྤུན་ཟླ་མི་རིགས་ནང་ཁུལ་མཐུན་སྒྲིལ་གོང་བུར་གཏོར་གཤིག་གཏོང་བ་སོགས་གོ་རིམ་དང་མ་ལག། གཡོན་སྐོར་དང་གཡས་སྐོར་། མཐའ་ཡས་ཕྱོགས་ཀུན་བསམ་བློས་རྒྱ་བསྐྱེད་བྱས་ནས་དལ་གྱིས་བོད་གདོང་དམར་མི་རིགས་གཏན་མེད་བཟོ་རྩིས་བས་དང་བྱེད་བཞིན་ཡོད་སྟབས་སྤུན་ཟླ་ཚོས་བློ་རིག་སྤྱང་དྲོང་དང་རང་ཚུགས་གཏན་དགོས་་་་་་་
ལུས་ཚ་བའི་ལུང་པ་ཡོད་ཀྱང་་་་་སེམས་པ་གྲང་ཤུམ་ཤུམ་རེད
ལྷག་པར་དུ་ཁོང་རྣམ་པ་ཚོའི་པར་མཐོང་བ་དང་ལུས་འདར་སིག་སིག་བྱེད་ཀྱིན་འདུག
གཞིས་ལུས་བོད་མི་ཚོའི་ཅིག་བྱས་པ་དང་དེའི་རྗེས་སུ་འའབྲེང་བ་ཙམ་མ་ཡིན་པར་རང་དབང་ན་བཞུགས་མཁན་ཚོའི་སྐབས་དང་དུས་སུ་བྱེད་སྒོ་འདྲ་མིན་སྤེལ་རོགས་གནང་། རང་དབང་ཡོད་ཙང་དཀའ་སྡུག་ཅི་ཙམ་ཆེ་ཡང་གཞིས་ལུས་ཚོར་མཚོན་ན་བསྡུར་ཐབས་མེད་པ་རེད
འདི་ནི་གཞུང་ཚབ་ཁང་མ་རེད་གསོ་མྱུལ་ཁང་རེད་ ཡང་ཉེ་སྔོན་ཡུ་རོབ་ལུང་པ་གཅིག་ཏུ་གནས་ཚུལ་དེ་འདྲ་བྱུང་ཡོད་ རྒྱ་མིའི་གཞུང་ཚབ་ལས་བྱེད་རྣམས་ནི་དུས་རྟག་ཏུ་འཛམ་གླིང་ཕྱི་ལ་རང་མདོག་སྟོན་ཀྱིན་འདུག་
བོད་ནང་ནས་ཚེ་སྲོག་གི་རྒྱུ་བ་དབེན་ལ་བཙུགས་ནས་སྐད་འབོད་བྱེད་ཐེངས་རེ་དང་། བཙན་བྱོལ་གྱི་ཕྱོགས་མཐའ་ཁག་ཚང་མ་ནས་སྐད་འབོད་བྱེད་ཐེངས་རེར་། ཤེས་ཡོན་སྲིད་ཇུས་དེ་རེ་དྲན་ཡོང། ཡུལ་དུས་གནས་བབ་ལ་བསྟུན་ནས་དབྱིན་ཡིག་ལ་ཤུགས་རྒྱག་དགོས་ངེས་ཀྱང་། ཕྱི་རྒྱལ་ཡུལ་གྲུ་ཁག་ཏུ་ཡོད་པའི་བོད་པ་འབྱོར་ལྡན་པ་ཚོས། དང་ལངས་ཐོག་ནས་དབྱིན་དགེའི་ཞལ་འདེབས་གང་མང་བྱུང་ན་དཀའ་ངལ་མང་པོ་ཞིག་སེལ་ཐུབ་པ་མི་ཡོང་ངམ། དེ་དུས་ཤེས་ཡོན་སྲིད་ཇུས་དེར་ལམ་ལྷོངས་དང་། ད་དུང་བོད་ཡིག་ཡིན་ཟེ་བོད་ཡིག་སྟོན་རྒྱུ་ཡོད་པ། དབྱིན་ཡིག་ཡིན་ཟེ་སློབ་ཚན་གང་ལའང་ཐོག་མེད་དུ་སྦྱོང་ཐུབ་པའི་ཆ་རྐྱེན་འཛོམས་པ་ནིི་བདག་ལ་རྟག་ཏུ་རྨིས་བཞིན་པའི་རྨི་ལམ་སྐྱིད་པོ་ཞིག་ཨང།