ཁ་སང་ཕྱི་ཚེས་ ༥ སྟེ་གཟའ་ཉི་མའི་ཉིན་གུང་ཆུ་ཚོད་ ༣ དང་ཕྱེད་ཀ་ཙམ་ལ། དཀར་མཛེས་ཁུལ་རྟའུ་རྫོང་ཁོངས་ཀྱི་རྩྭ་ས་ཞིག་ལ་མེ་ཤོར་ཡོད་པ་དང་། མི་མང་གཙོས་ས་གནས་མེ་གསོད་རུ་ཁག་སོགས་ཀྱིས་མཉམ་རུབ་ཐོག་མེ་གསོད་ཀྱི་ལས་དོན་སྒྲུབ་སྐབས། གློ་བུར་དུ་རླུང་འཚུབ་དྲག་པོ་གཡུགས་ཏེ་མི་ ༢༢ རྐྱེན་འདས་སུ་ཕྱིན་ཡོད་པ་དང་། གཞན་མི་མང་པོ་ཞིག་ལ་རྨས་སྐྱོན་ཚབས་ཆེན་ཕོག་ཡོད་འདུག དེ་རིང་ཞོགས་པར་མེ་ཕལ་ཆེར་བསད་དེ་སྟངས་འཛིན་བྱེད་ཐུབ་པ་བྱུང་ཡོད་ནའང་། རྩྭ་ས་མུའུ་ ༥༠༠ ལྷག་མེར་ཤོར་ཡོད་པ་དང་། མུའུ་ ༢༠༠ ལྷག་ལ་ད་དུང་མེ་འབར་བཞིན་ཡོད་འདུག རྒྱ་གཞུང་གི་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། རྐྱེན་འདས་སུ་སོང་བའི་མི་ ༢༢ ཁྲོད་ས་གནས་མང་ཚོགས་ ༥ དང་ནགས་ལས་རུ་ཁག་གི་མི་ ༢ མ་གཏོགས་གཞན་པའི་ ༡༥ ནི་དམག་མི་ཁོ་ན་ཡིན་ལུགས་བརྗོད་འདུག དེ་བཞིན་གསར་ལམ་ཁག་ཏུའང་མེ་གསོད་རུ་ཁག་དང་དམག་མི། ས་གནས་མགོ་ཁྲིད་བཅས་ཀྱི་པར་རིས་མ་གཏོགས་འབྲོག་པ་མང་ཚོགས་སྐོར་གྱི་པར་རིས་གཅིག་ཀྱང་བཀོད་མི་འདུག
གསར་འགོད་པ། ཚེ་རིང་རྒྱལ།
རང་རིགས་རྣམས་ལ་ཤི་རྨས་མི་ཡོང་བ་ཤོག
དགྱ་རྒན་དེ་རྣམས་སྡུག་ཤི་གང་མང་མང་མང་་་་་་་་་་་
མངའ་རིའི་བུ་ལགས། ཁྱེད་ཀྱི་བསམ་ཚུལ་འདི་རྨོངས་དད་ཀྱི་སྐད་ཆ་འདྲ་ཞིག་མཐོང་གི་འདུག་ག ཡུལ་ལྷ་གཞི་བདག་གིས་གནམ་གཤིས་དང་ཁོར་ཡུག་ལ་སྟངས་འཛིན་འདྲ་བྱ་ཨེ་ཐུབ། དགོངས་དག ངས་བསམ་ན་སྐུ་ཉིད་ཀྱི་ཀླད་པའི་ནང་ངོས་ཀྱི་ཙྭ་རོ་ཅུང་ཙམ་བཀྲུ་ན་ད་གཟོད་སྐད་ཆ་རེ་བཤད་ན་ཕན་ཐོག་མེད་འགྲོ
གསར་འགྱུར་གྱི་ཁ་བྱང་ནོར་འདུག
བོད་སྐྱོངས་ཡུལ་ལྷ་གཞི་བདག་རྣམས་ཀྱིས་རོགས་པ་ཞིག་མི་གནང་སྟངས་འདི་ལ་ཅི་ཞིག་བྱུང་བ་ཡིན་ནམ།
འདི་ལོར་ས་གཡོ་བའི་འཇིགས་པ་དང་།
ཆུ་འབྲུག་པའི་འཇིགས་པ་དང།
མེ་འབར་བའི་འཇིགས་པ་དང།
འབྱུང་བ་གསུམ་གྱིས་བོད་མིའི་སྣོད་བཅུད་མང་པོ་ཞིག་གཏོར་བཤིག་བཏངས་ཟིན་སོང།
ད་རླུང་གིས་འཇིགས་པ་ཞིག་ཡོང་རྒྱུར་ཉེན་ཁ་ཆེ།
བོད་མི་ཚོས་འཚེ་མེད་ཞི་བ་དང་བྱམས་དང་སྙིང་རྗེ་སྒོམ་ཀྱང།
འབྱུང་བཞི་ནི་དེ་ལས་ལྡོག་སྟེ་རྒྱུ་འབྲས་གོ་བཟློག་འབྱུང་སྟངས་འདི་ལ་ལྟས་ན།
ལྷ་བླ་མ་བསྟན་སྐྱོངས་ག་བ་་་་་་་