ཟླ་འདིའི་ཕྱི་ཚེས་ ༤ ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་མཛའ་འབྲེལ་མཐུན་ཚོགས་ཀྱིས། ཚོགས་པ་དེའི་འདི་ལོའི་སྤྱི་ཚོགས་ཞབས་ཞུའི་ལས་དོན་གཟེངས་ཐོན་བྱ་དགའ་བྷ་རི་ཊ་ཇོ་ཊེ་ Bharat Jyoti Award ཞེས་པ་དེ། བོད་ཀྱི་སྨིན་གྲོལ་གླིང་སྔ་འགྱུར་རྙིང་མ་དགོན་གྱི་སྨིན་གླིང་མཁན་ཆེན་རིན་པོ་ཆེ་མཆོག་ལ་ཕུལ་ཡོད་ཅིང་། དེ་ནི་རིན་པོ་ཆེ་མཆོག་གིས་ལོ་མང་རིང་རྒྱ་གར་གྱི་སྤྱི་ཚོགས་ཞབས་ཞུའི་ལས་རིགས་ཐོག་ཕྱག་ལས་རླབས་ཆེན་གནང་བར་ངོས་འཛིན་གྱིས་ཆེ་བསྟོད་བྱས་པ་ཞིག་ཡིན་འདུག
གཟེངས་རྟགས་འབུལ་བཞེས་ཀྱི་མཛད་སྒོའི་སྟེང་། རྒྱ་གར་ལྷོ་ཕྱོགས་ཊ་མེལ་ཎ་ཌོ་ Tamil nadu མངའ་སྡེའི་སྲིད་སྐྱོང་མཆོག་དང་དེ་མིན་ཚོགས་པ་གཞན་གྱི་གནད་ཡོད་མི་སྣ་མང་པོ་ཞིག་མཉམ་ཞུགས་བྱས་ཡོད་འདུག་ལ། ཚོགས་ཐོག་ཏུ་རིན་པོ་ཆེ་མཆོག་གིས། གཟེངས་རྟགས་དེ་ནི་ང་རང་ཁོ་ན་ཙམ་མིན་པར་ཕྱག་རོགས་ཚོའི་མཉམ་རུབ་ལས་བྱུང་བའི་གྲུབ་འབྲས་ཞིག་ཡིན་ཞེས་དང་། རྒྱ་གར་དང་མི་རིགས་སུ་ཡིན་རུང་སྤྱི་ཚོགས་ཞབས་ཞུའི་ལས་དོན་ཐད་ངེས་པར་དུ་རྡོག་རྩ་གཅིག་སྒྲིལ་བྱ་དགོས་ཞེས་འབོད་སྐུལ་ཡང་ཞུས་ཡོད་འདུག གཟེངས་རྟགས་འདི་དེ་སྔ་ནོ་བྷེལ་ཞི་བདེ་གཟེངས་རྟགས་ཐོབ་མཁན་ཡེ་ཤུའི་བཙུན་མ་མཱ་ཌི་ཊི་རེ་སི་མཆོག་དང་། རྒྱ་གར་གྱི་གློག་བརྙན་འཁྲབ་སྟོན་པ་ཁག་ཅིག དེ་བཞིན་བོད་ཀྱི་བླ་ཆེན་འབྲུག་ཆེན་རིན་པོ་ཆེ་མཆོག་བཅས་ལ་ཕུལ་མྱོང་ཡོད་འདུག
གསར་འགོད་པ། དཔལ་ལྡན།
སྨིན་གླིང་ཁྲི་རབས་རིམ་བྱོན།
ཁྲི་རབས་དང་པོ། ཨོ་རྒྱན་གཏེར་བདག་གླིང་པ་རིག་འཛིན་འགྱུར་མེད་རྡོ་རྗེ།
ཁྲི་རབས་གཉིས་པ། པདྨ་འགྱུར་མེད་རྒྱ་མཚོ། ༼གཏེར་སྲས།༽
ཁྲི་རབས་གསུམ་པ། རྒྱལ་སྲས་རིན་ཆེན་རྣམ་རྒྱལ། ༼གཏེར་སྲས།༽
ཁྲི་རབས་བཞི་པ། འགྱུར་མེད་པདྨ་བསྟན་འཛིན།
ཁྲི་རབས་ལྔ་པ། འགྱུར་མེད་འཕྲིན་ལས་རྣམ་རྒྱལ།
ཁྲི་རབས་དྲུག་པ། འགྱུར་མེད་པདྨ་དབང་རྒྱལ།
ཁྲི་རབས་བདུན་པ། འགྱུར་མེད་སངས་རྒྱས་ཀུན་དགའ།
ཁྲི་རབས་བརྒྱད་པ། འགྱུར་མེད་ཡིད་བཞིན་དབང་རྒྱལ།
ཁྲི་རབས་དགུ་པ། འགྱུར་མེད་བདེ་ཆེན་མཆོག་གྲུབ།
ཁྲི་རབས་བཅུ་པ། འགྱུར་མེད་དོན་འགྲུང་དབང་རྒྱལ།
ཁྲི་རབས་བཅུ་གཅིག་པ། འགྱུར་མེད་ཀུན་བཟང་དབང་རྒྱལ། བཅས་སོ།
དེང་སང་ཡང་ཁྲི་ཆེན་གྱི་གདུང་སྲས་དགྲ་ལྷ་རིན་པོ་ཆེ་ལྷ་སར་ཞལ་བཞུགས་པའོ། །
མཁན་ཆེན་མཆོག་ལ་བཀྲ་ཤིས་བདེ་ལེགས་ཞུ།།
ཨོ་རྒྱན་སྨིན་གྲོལ་གླིང་གི་མཁན་རབས་དགུ་པ་ ༡༠ ངག་དབང་མཁྱེན་རབ་རྒྱ་མཚོ་མཆོག་ལ་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཞུ།
སྨིང་གླིང་མཁན་རབས་རིན་བྱོན་ནི།
མཁན་རབས་དང་པོ་། རྒྱལ་སྲས་བསྟན་པའི་ཉི་མ།
གཉིས་པ། ལོ་ཆེན་དྷརྨ་ཤྲཱི
གསུམ་པ། ཨོ་རྒྱན་བསྟན་འཛིན་རྡོ་རྗེ།
བཞི་པ། བཞི་པ་གསང་སྔགས་བསྟན་འཛིན།
ལྔ་པ། ཨོ་རྒྱན་ཆོས་འཕེལ།
དྲུག་པ། རིག་འཛིན་བཟང་པོ།
བདུན་པ། ཀུན་དཀའ་ཚུལ་ཁྲིམས་རྡོ་རྗེ།
བརྒྱད་པ། ངག་དབང་མཁྱེན་བརྩེ་ནོར་བུ།
དགུ་པ་ ངག་དབང་མཁྱེན་རབ་རྒྱ་མཚོ།
བཅས་སོ།
མཁན་རབས་བརྒྱད་པ་ངག་དབང་མཁྱེན་བརྩེ་ནོར་བུ་ནི་མཁས་དབང་དགེ་འདུན་ཆོས་འཕེལ་གྱིས་ཀྱང་སྨིན་གླིང་མཁན་ཆེན་ལ་ཕྱག་གསུམ་ཤོར་སོང་གསུངས་དེ་ཡིན་པ་རེད།