་་་་་་་་་་་རྒྱང་རིང་གི་དུས་རབས་གསར་བའི་རྩོམ་རིག་གི་རྒྱལ་བོ་ཞིག་ལ།
ངས་ཁྱེད་ལ་ཞུ་བ་འཐེན། ཁྱེད་རང་ནི་བོད་ཕྱི་ནང་གཉིས་སུ་སྙན་གྲགས་རྒྱས་ཤིང་། མང་བོ་ཞིག་གི་རེ་སྒུག་བྱེད་སའི་རྩོམ་པ་པོ་ཞིག་ཡིན། ཁྱེད་ཀྱིས་རང་གི་སེམས་ཁོང་དམའ་སར་མ་ཕབ་རོགས། མ་གཞི་ནས་ངས་ཁྱེད་ལ་དེ་ལྟར་མ་ཞུས་ཀྱང་། ཉིད་ཀྱིས་ཤེས་གསལ་རེད། འོན་ཀྱང་། ང་རང་ཁྱེད་རང་གི་རྩོམ་ཡིག་ལ་དགའ་མཁན་དང་ཁྱེད་རང་ལ་སེམས་གཏིང་ནས་བརྩི་མཁན་ཞིག་ཡིན་པས་ཆ་ནས། ངས་དེ་རིང་འདི་ནས་ཁྱེད་རང་ལ་ཞུ་བའི་ཚུལ་དུ་སྐད་ཆ་ཁ་ཤས་ཤིག་ཞུས་ཀྱང་མ་འགྲིག་པ་མེད་པར་སྣང་།
ང་ཚོ་གཞོན་རབས་པ་དག་གིས་ཁྱེད་རང་ལྟ་བུའི་རྩོམ་པ་པོ་རྒན་རབས་པ་དག་ལ་ཁ་མིག་ཡར་བལྟ་བྱེད་དགོས་ལ། ཁྱེད་རང་འགྲིམ་མྱོང་བའི་རྩོམ་རིག་གི་ཞིང་ས་དག་ལ་ཤེད་ཤུགས་ཅི་ཡོད་ཀྱི་བགྲོད་ཐབས་བྱེད་དགོས་དུས། ཁྱེད་ཀྱིས་ཨ་ཐང་ཆད་པའི་དབུགས་རིང་དང་སེམས་ལ་ཟུག་པའི་ན་ཟུག་དེ་དག་གི་བྲོ་བ་དངོས་སུ་ཤེས་དགོས་ལ། དེ་དག་ཤེས་པའི་སྟེང་ནས་ང་ཚོས་དཀའ་ངལ་ལ་གདོང་ལེན་བྱེད་ཐབས་ཀྱི་ཉམས་མྱོང་ལེན་དགོས་པ་ཡིན།
མ་གཞི་འཇིག་རྟེན་ནི་ཆ་མི་སྙོམས་པ་ཞིག་ཡིན་པ་ཉིད་ཀྱིས་སྔ་ས་ནས་གསུངས་མྱོང་ལ། གསུངས་མྱོང་བའི་ཚིག་འབྲི་དེ་དག་བསམ་ཞོར་དུ་རྩོམ་ཡིག་རེ་འབྲི་རོགས། ང་དང་ང་ལྟ་བུ་གྲངས་ཀྱི་མི་ལོངས་པ་ཞིག་གིས་ཁྱེད་ཀྱི་རྩོམ་ཡིག་ལ་ལྟོགས་པའི་ཟས་ལ་སྒུག་པ་བཞིན་ཆགས་ཡོད། དེ་ཡིན་དུས་ཁྱེད་ཀྱི་རྩོམ་ཡིག་རེ་བྲིས་པ་ནི་ལེགས་པ་ལས་ཉེས་པ་མེད་ལ། བཟང་ཆ་ལས་སྐྱོན་ཆ་ཞིག་གཏན་ནས་མེད། དེའི་ཕྱིར་ཁྱེད་རང་ལ་སྡང་མཁན་ལས་དགའ་མཁན་མང་ལ། ཁྱེད་རང་མི་ཤེས་མཁན་ལས་ཁྱེད་རང་ཤེས་མཁན་མང་། ཁྱེད་རང་མི་བརྩི་མཁན་ལས་ཁྱེད་རང་ལ་བརྩི་བཀུར་བྱེད་མཁན་མང་བ་ཡོད་པ་ཐུགས་སུ་འཛིན་རོགས་ཞུ།
ཁྱེད་རང་གིས་བསམ་གཞིགས་རྒྱ་ཆེ་ས་ནས་གནང་བཞིན་ཡོད་པ་བདག་གིས་ཡིད་ཆེས་བྱེད་ཀྱི་ཡོད་ལ། ཡིད་ཆེས་དེ་ཡི་ཆེད་དུ་ཁྱེད་རང་ལ་ཁོམ་པ་རེ་བྱུང་དུས། རྩོམ་རིག་གི་རྒྱལ་ས་ནས་རྒྱལ་ས་དེར་བདག་པོ་བྱེད་མཁན་གྱི་རྩོམ་རིག་གི་རྒྱལ་བོ་ཁྱེད་རང་། རྒྱལ་བོའི་ཕོ་བྲང་དུ་ཡང་ཡང་ཕེབས་རོགས་ཞུ། ང་ཚོས་ཁྱེད་རང་ལ་སྒུག་ནས་ཡོད། ང་ཚོར་ཁྱེད་ཀྱི་རྩོམ་ཡིག་འཁོ། ང་ཚོ་ལ་ཁྱེད་ཀྱི་ལྗགས་ཕྱེ་དྲོན་པོ་ཉན་འདོད་ཡོད། ངའི་སྐད་ཆ་འདི་དག་དོན་དག་ཆུང་ཆུང་ཡིན་ཡང་། མེ་ཏོག་ཆུང་ཡང་ལྷ་རྫས་ཀྱི་ཚུལ་དུ་བཞེས་ཤིག་ལགས།
ཁྱེད་ཀྱི་སྐད་ཆ་ཁ་ཤས་ཀྱི་ངའི་སེམས་ལ་རྨ་ཁ་བཟོས་སྟབས། ངས་ཐད་ཀར་དྲ་ངོས་ནས་ཁྱེད་རང་ལ་ཞུ་བ་འདི་ཕུལ་བ་ཡིན། ཞུ་སྟངས་འདི་ཡང་སེམས་དང་རུས་པའི་གསེང་ནས་ཤོར་བ་ཞིག་ཡིན་ལགས།
ཅོ་རི་ཉི་མ་ལགས། ཧོར་གཙང་་དུས་བབ་ནང་དུ་ཕེབས་པར་ཁྱེད་ཧང་སང་པ་ཅི་ཡིན། ངས་ཁོ་དུས་བབ་དུ་ཕེབས་པ་ཡག་པོ་རེད་དྲན་གྱི་ཡོད།
སྤུན་ཟླ་ཁྱེད་ཅག་རེ་རེ་བཞིན་ཕེབས་པ་དགའ་ནས་ཡོད། བསམ་ཚུལ་གསུངས་པ་དེར་ཐུགས་རྗེ་ཆེ་ལགས།
ཧཧཧཧ་་་་་་་་་་སུ་ལ་ལབ་ཀྱི་ཡོད་དམ། ཧོར་གཙང་ནི་དུས་བབ་བསམ་ཚུལ་ནང་དུ་ཕེབས་ཚར་འདུག ལྷ་མོ་སྐྱབས་ཡོང་རྒྱུར་ལྷག་བསྡད་འདུག
བེ་རི་འཇིགས་མེད་ནི་ཡིན་མི་སྲིད། ལུང་རིག་རྒྱལ་གྱིས་ནི་ཁ་ཕྱིར་འཁོར་ཨ་རི་ལ་མ་ཡོང་ཨ་ཞེས་གསུངས་བཞིན་པ་རེད་འདུག
བཙན་བྱོལ་སྤྱི་ཚོགས་ནང་དུ་དོན་ལ་གནས་པའི་མི་བུ་རྣམ་དཔྱོད་ཅན་གཉིས་ཡོད་པ་ནི་རྨིག་རུ་དཀོན་རྒྱམ་དང་སྡེ་དགེ་བ་འཇིགས་མེད་ཡེ་ཤེས་བློ་གྲོས་ལགས་རྣམ་པ་གཉིས་ཡིན། འདིར་གཉིས་འབོད་ན་འབོད་རིན་ཆོག་པ་ཡོད།
དེ་དེ་བཞིན་ནོ།
ངས་ཀྱང་ཁྱེད་དང་ལྷན་དུ་༼ཁྱེད་ལ་སྡང་མཁན་ལས་དགའ་མཁན་མང་གི་རེད།༽ཅེས་ཤུགས་ཀྱི་སྒྲོག་ན་འདོད།
དངོས་གནས་ཡག་པོ་འདུག་
རང་རང་བདེན་པའི་འབོད་སྒྲ། །
ཀུན་གྱི་ཕྱོགས་སུ་འབོད་པ་རེད། །
མི་ནོར་དོན་ལ་ཡང་བརྟན་ནས། །
མདུན་གྱི་ཕྱོགས་སུ་སྐྱོད་དགོས་སོ། །
སུ་ལ་བྲིས་པ་ཡིན་ན་ཁ་གསལ་ན་ལེགས། ཧོར་འཇིགས་ལ་ཡིན་པ་འདྲ་བོ་ཞིག་འདུག་སྙམ།
ཉིན་འདི་ཚོའི་རིང་ལ་ཁྱེད་རང་གི་སྒང་ལ་ཁྱེད་རང་བཞག་ཁྱེད་རང་གི་ནང་ལ་ཁྱེད་རང་བཅུག་ནས་བསྡད་ཡོད་ནོ་ཅི་ཡིན། སྔ་བྱས་ལས་ལ་འགྱོད་པ་ཞེ་དྲག་མ་བྱེད་དེ་ལས་ཕྱི་མའི་༼འདི་ཚེ་ཕྱི་མའི་དོན་མིན༽ལམ་ལ་བསམ་བློ་མང་ཙན་གཏོང་ཐུབ་ན་ཕན་པར་འདོད། དེ་ཙམ་བྱ།