རང་རྒྱུས་རང་ལ་ཡོད་པའི་དོ་སྣང་མེད།།
གཞན་རྒྱུས་རང་ལ་མེད་པའི་དོ་སྣང་བྱུང་།།
འདི་གཉིས་ས་མཚམས་ཤིག་དུ་ལུས་པ་ཡི།།
རང་རིགས་སྐྱེ་བོ་རྣམས་ལ་སེམས་རེ་སྡུག།
རང་གི་སྐད་ཡིག་སྤྱོང་ལ་ཧུར་བརྩོན་མེད།།
གཞན་གྱི་སྐད་ཡིག་སྤྱོད་པར་སྤྲོ་སྣང་ཆེ།།
བར་མཚམས་འདི་ན་འཚོ་བའི་མི་ཐོག་འདི།།
གནའ་བོ་བོད་ཀྱི་ཤུལ་འཛིན་ཡིན་པ་སྡུག།
རང་གི་སྐད་ཡིག་དྲ་བར་སུན་སྣང་སླེབས།།
གཞན་སྐད་དྲ་བར་འཛུལ་ནས་ཤེས་འདོག་སྟོན།།
འདི་འདྲའི་གོམ་གཤིས་ངན་པའི་སྤྱོད་པ་འདི།།
གཤིས་ལ་འཇག་པར་ཕྱོགས་པའི་ཡིད་རེ་སྐྱོ།།
སྤྱིར་ན་རང་སྐད་ཤེས་ནས་གཞན་སྐད་དག།
ཤེས་པ་ཀུན་གྱི་མཆོག་དུ་ལོས་ཀྱང་བཀུར།།
དུས་རབས་ཉེར་གཅིག་འཁོ་བ་དེ་ཡིན་ཡང་།།
རང་ཡིག་མི་ཤེས་གཞན་ཡིག་སྤྱོད་པ་མཚང་།།
དམར་ཁ་ཚ་ལགས། ཁྱེད་ཀྱིས་སུ་ལ་གོ་རྒྱུ་བཏང་བ་ཡིན།
རྩོམ་འདི་ཡག་པོ་བྲིས་འདུག རྗེས་མ་་ཁྱེད་རང་གི་རྩོམ་ཡིག་མུ་མཐུད་བཀློག་གི་ཡིན།།
གནས་ཚང་ལ།སྐད་ཆ་དྲང་པོ་མ་རེད།ཁྱེད་ཀྱིས་ཨམ་སྐད་ཀྱི་ཐ་སྙད་དང་ཞེ་སའི་སྐོར་དེ་ཙམ་ཤེས་ཀྱིན་མེད་པ་འདྲ།བླ་རྒན་ཞེས་པ་ནི་གྲྭ་བ་ཚོ་ལ་མ་འདོད་པའི་རྣམ་འགྱུར་སྟོན་པའི་འབོད་སྒྲ་ཞིག་རེད།
དེང་སང་བོད་ཕྱི་ནང་གི་སློབ་མ་གྲྭ་བ་ལ་མི་དགའ་མཁན་ཚང་མས་གྲྭ་བ་ལ་དགེ་འདུན་པ་དང་།གྲྭ་བ་ཞེས་པའི་ཐ་སྙད་ཀྱིས་མི་འབོད་པར་བན་རྒན་དང་བླ་རྒན་ཞིག་གིས་ཞེས་འབོད་པ་ལྟ་བུ་རེད།
༸གོང་ས་མཆོག་ལ་བླ་རྒན་ཞེས་པ་ཞེ་ས་རེད་ཟེར་བ་ནི་སྐུ་ངོ་ཀླུ་མཁར་གྱི་ཉེས་པ་འགེབ་སྲུང་བྱས་པའི་ཁུལ་ཡིན་ཀྱང་།ཉི་འོད་སྦར་མོས་འགོག་ཐབས་བྲལ་བ་བཞིན་ཀླུ་མཁར་བྱམས་ཀྱི་ཐལ་ཆ་ཆེ་བའི་སྐད་ཆ་མང་པོ་ཞིག་རྡ་ས་མདོ་སྨད་ས་གནས་རྒྱུན་ལས་ཀྱིས་བཀའ་ཤག་དང་།སྤྱི་འཐུས།མདོ་སྨད་དབུས་རྒྱུན་ལས་སོགས་སུ་ཕུལ་ཚར་འདུག་པས་སྐུ་ངོ་ཀླུ་མཁར་དང་དགུ་བཅུ་གསུམ་གྱིས་དཀའ་རྒྱུ་རེད།
གལ་སྲིད་ཁྱེད་རང་ཀླུ་མཁར་བྱམས་ཀྱི་གྲོགས་པོ་ཞིག་ཡིན་པའི་དབང་དུ་བཏང་ན་ཀླུ་མཁར་ལ་ཉེས་པ་བསགས་སུ་བཅུག་སྟེ་རྒྱང་ནས་ལྟད་མོ་ལྟ་དགོས་པ་ག་རེ་རེད།
ཁོ་ལ་དོན་དངོས་ཀྱི་བོད་མི་རིགས་འཐབ་རྩོད་བྱེད་པའི་འགན་འཁུར་ལ་སྐུལ་སློང་མི་བྱེད་པར་།༸གོང་ས་མཆོག་དང་བོད་གཞུང་དགྲ་ཕྱོགས་སུ་བཟུང་དེ་རྒྱ་གུང་ཁྲན་དང་མཉམ་དུ་བོད་ལ་རྒོལ་བ་འདིའི་དམིགས་ཡུལ་དང་རྒྱབ་ལྗོངས་ངོ་མ་ག་རེད།
ཁྱེད་ཚོས་མཁྱེན་འདོད་ན་རྡ་ས་མདོ་སྨད་རྒྱུན་ལས་ཀྱིས་ཕྱོགས་བསྒྲིགས་བྱས་པའི་ཀླུ་མཁར་བྱམས་ཀྱིས་༸གོང་ས་མཆོག་དང་བོད་གཞུང་ལ་རྒོལ་བའི་བསྒྲགས་གཏམ་དེ་དྲ་ཐོག་ཏུ་འགོད་ངེས་ཡིན།
སྤྱིར་ང་རང་ཡང་གྲྭ་ཆས་དམར་པོ་མཐོང་ན་སེམས་ལ་ཟུག་རྒྱག་མཁན་གྱི་དངོས་ཐོག་བདེན་འཚོལ་བ་ཞིག་ཡིན་མོད།༸གོང་ས་མཆོག་ལ་སྐུར་འདེབས་དང་སྒྲོ་འདོགས།དགྲ་ཁ་གཏད་ཀྱི་བསམ་བློ་གཏོང་མཁན་བྱུང་ན་བོད་མི་ཡིན་དང་རྒྱ་མི་ཡིན་ཁྱད་པར་མེད་པས་ང་ཚོས་ཆུ་མ་ཡོང་གོང་གི་རགས་ཞིག་ལ་བསམ་བློ་བཏང་ན་དགའ་སེ་རེད།