ཇི་ལྟར ན་ཟུག་རྒོད་ཀྱང་
དེ་ལྟར་དུ་ཚུར་ལ་འཁོར་ནས་འོང་
ནམ་རྒྱུན་དུ གུས་བརྩི་དང་དགའ་ཞེན་མོད་ཀྱང་
མ་བསམ་ས་ནས
ཀུ་རེ་ཞིག་གིས གློ་བུར་དུ་ངོ་འདོག་དཀར་པོ་ནས་ནག་པོར་བཏང་
ཚིག བཤད་མི་ཤེས་པའི་སྐབས་སུ
ཁ་རོག་གེར་བསྡད་ན་འོས་ཀྱང་
ཤོར་ཟིན་པའི་ཚིག་དེ་ཕྱིར་ལེན་ཐབས་བྲལ
ཆུང་དུས་ནས་འདྲིས་པ་མེད་ཀྱང་
ཤ་དང་རུས་པའི་འདང་བརྩེ་མེད་པའི་སྔ་ནུབ་དུ
རང་ཉིད་གང་དུ་བསྡད་ཀྱང་མགྲོན་པོ་བཞིན
གཟབ་གཟབ་ཀྱིས འགྲོ་བསྡོད་ཀྱི་བར་གསེང་དུ
ཚིག རང་གི་བདེ་བ་དང་སྡུག་བསྔལ་ཡིན
ཚེར་མ་ལྟ་བུའི་སྐད་ཆ་ཞིག
བཤད་མེད་ཀྱང་ ཉན་མཁན་གྱི་རྣ་བུར
ས་མཐའ་ནས་སྡེ་མཐའ་ཞིག་དུ
རང་ཁྱིམ་ནས་གཞན་ཁྱིམ་ཞིག་དུ
རང་ཚིག་ནས་གཞན་ཚིག་ཞིག་ལ
གདངས་མི་གཅིག་པའི་ལན་པ་ཡོད་ཚད
ནམ་དུས་ཤིག་གི་འགྱུར་བ་ལྟར
གང་ལྟར སེམས་ཁོང་ནས་སུ་ལ་འགྱོད་གཤེགས་བྱེད་འོས
ཤོར་ཚར་བའི་ཚིག་དེར
སྐད་ཆ་དམར་དམར་བོ་བཤད་པ་དེ་སེམས་ལ་བཟུང་ཡོད།
ངས་ཀྱང་ཐ་ཧྭར་ནང་བཞིན་དུ་བཤད་ཡོད་དོ།།
མཚམས་རེ་གཅིག་གིས་གཅིག་ལ་གོ་བ་ཡག་པོ་ལེན་མ་ཐུབ་པ་དང་བསམ་ཤེས་བྱ་མ་ཐུབ་པ། ཡང་ན་རྩེ་འཚར་གྱི་རྐང་སྣེ་རྡོ་ལ་ཐོག་པའི་དུས་སྐབས་ཡོང་གི་ཡོད་མོད། སེམས་པའི་སྒོ་མོ་རྒྱ་ཆེ་ཙམ་བྱེད་རོགས།