ཉིན་འདི་དག་ནི་ཉིས་སྟོང་བཅུ་ལོའི་བྱ་བ་མཐའ་དག་ལ་མཇུག་སྡོམ་རྒྱག་པ་དང་ཉིས་སྟོང་བཅུ་གཅིག་ལོའི་བྱ་བར་འཆར་འགོད་འཐེན་པའི་དུས་ཡིན་སྟབས། རྒྱ་ནག་མི་རིགས་དོན་གཅོད་ཨུ་ཡོན་ལྷན་ཁང་གིས་ “༢༠༡༠ ལོའི་ཀྲུང་གོའི་གྲངས་ཉུང་མི་རིགས་ཀྱི་གསར་འགྱུར་ཁག་བཅུ་” ཞེས་པ་ཁྱབ་བསྒྲགས་བྱས་འདུག
དེ་རིང་བོད་ལྗོངས་ཆ་འཕྲིན་གྱིས་གནས་ཚུལ་སྤེལ་བའི་ནང་། ད་ལོའི་ཀྲུང་གོའི་གྲངས་ཉུང་མི་རིགས་ཀྱི་གསར་འགྱུར་ཆེ་ཁག་བཅུ་ནི། ༡ ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་རོགས་སྐྱོར་ཆེན་པོ་གནང་སྟེ་ཤིན་ཅིང་མཆོང་སྐྱོད་ལྟ་བུའི་འཕེལ་རྒྱས་ལ་སྐུལ་འདེད་ཐེབས་ཡོད།
༢ ཀྲུང་དབྱང་དྲིལ་བསྒྲགས་སྡེ་ཁག་དང་འཐབ་ཕྱོགས་གཅིག་གྱུར་སྡེ་ཁག རྒྱལ་ཁབ་མི་རིགས་དོན་གཅོད་ཁང་བཅས་ཀྱིས་རྒྱལ་ཡོངས་ནས་མི་རིགས་མཐུན་སྒྲིལ་གོང་འཕེལ་དང་གསར་སྐྲུན་བྱེད་སྒོ་སྤེལ་བ།
༣ མི་རིགས་མཐུན་སྒྲིལ་བརྗོད་གཞི་ཡིན་པའི་དྲིལ་བསྒྲགས་བརྙན་རིས་འཚོལ་བསྡུ་བྱེད་སྒོར་རྒྱལ་ཡོངས་མི་དམངས་ཀྱིས་དོ་སྣང་ཆེན་པོ་བྱུང་བ།
༤ ཡུལ་ཤུལ་དང་འབྲུག་ཆུར་རང་བྱུང་གནོད་འཚེ་ཆེན་པོ་ཐེབས་པར་རྒྱལ་ཡོངས་མི་དམངས་ཀྱིས་དཀའ་ངལ་ལས་རྒྱལ་བའི་རོགས་སྐྱོར་ཆེན་པོ་བྱས་པ།
༥ མི་རིགས་མཐུན་སྒྲིལ་གྱི་མིག་དཔེ་སྟེ་དཀོན་མཆོག་ཚེ་རིང་གི་སྔོན་ཐོན་མཛད་རྗེས་ལ་རྒྱལ་ཡོངས་ཀྱིས་དོ་སྣང་ཆེན་པོ་བྱུང་བ།
༦ རྒྱལ་ཁབ་མི་རིགས་དོན་གཅོད་ཁང་གིས་རྒྱལ་ཡོངས་ལ་པེ་ཅིན་གྲོང་ཁྱེར་ནེའུ་སྲང་ལམ་དུ་མི་རིགས་མང་པོ་འཆམ་མཐུན་ཡོང་བའི་འདུས་སྡེ་ཁུལ་བསྐྲུན་པའི་ཉམས་མྱོང་ཁྱབ་སྤེལ་བྱས་པ།
༧ རྩྭ་ཐང་གི་སྐྱེ་ཁམས་སྲུང་སྐྱོབ་བྱེད་པའི་ཁ་གསབ་བྱ་དགའི་ནང་རྐྱེན་གྱི་ལམ་ལུགས་ཐོག་མར་བཙུགས་པ།
༨ མཐའ་དར་དམངས་ཕྱུག་ལག་བསྟར་བྱས་ནས་ལོ་བཅུ་འགོར་བའི་རིང་ལ། མཐའ་ཁུལ་འཕེལ་རྒྱས་སོང་བའི་གྲུབ་འབྲས་མངོན་གསལ་ཡིན་པ།
༩ གྲངས་ཉུང་མི་རིགས་ཀྱི་གནའ་དཔེ་སྲུང་སྐྱོབ་ལས་དོན་ལ་དགའ་འོས་པའི་གྲུབ་འབྲས་བླངས་པ།
༡༠ བོད་ལྗོངས་དགའ་ལུང་ཕུག་ལམ་བཏོད་པས་མེ་ཏོག་རྫོང་ལ་གཞུང་ལམ་མེད་པའི་ལོ་རྒྱུས་ཡོངས་སུ་མཇུག་བ་སྒྲིལ་བ། བཅས་ཡིན་འདུག
གོང་གསལ་གསར་འགྱུར་དེ་དག་དཔྱད་འདེམས་བྱེད་སྐབས། རྒྱལ་ཁབ་མི་རིགས་དོན་གཅོད་རིག་གནས་དྲིལ་བསྒྲགས་སྡེ་ཁག་དང་། ཆ་འཕྲིན་ལྟེ་གནས་གཉིས་ཀྱིས་གཙོ་སྒྲུབ་བྱས་ཏེ། མི་རིགས་མཐུན་སྒྲིལ་དུས་དེབ་ཁང་དང་། ཀྲུང་གོ་མི་རིགས་ཚགས་པར་ཁང་། མི་རིགས་བརྙན་པར་ཚགས་པར་ཁང་བཅས་ཀྱིས་དཔྱད་འདེམས་བྱས་ཡོད་འདུག
གསར་འགོད་པ། ཨ་རིག་འགྱུར་མེད།
རྫུན་གཏམ་ཁོ་ན་རེད། ཁ་ནས་བཤད་པ་དང་ལག་པའི་ལས་ཀ་གཉིས་རྒྱབ་འགལ་ཡིན།
དགྱ་དམར་ཀླ་ཀློས་ག་དུས་རུང་རྫུན་ཁོ་ན།