ཁ་སང་བོད་གཞུང་དྲ་རྒྱས་གནས་ཚུལ་སྤེལ་བ་ལྟར་ན། ཁ་སང་སྟེ་ཚེས་ ༡༣ ཉིན་ནས་ ༢༤ བར་ཉིན་ ༡༢ རིང་བོད་གཞུང་ནང་སྲིད་ལས་ཁུངས་ཀྱི་དྲུང་ཆེ་དངོས་གྲུབ་རྡོ་རྗེ་ལགས་གཞུང་འབྲེལ་ཐོག་རྒྱ་གར་ཤར་ཕྱོགས་ཏི་ཛུ་དར་རྒྱས་གླིང་དང་། ཨ་རུ་ན་ཅལ་མངའ་སྡེ་བཅས་ཀྱི་དཔོན་རིགས་ཁག་ཅིག་དང་ལྷན་དུ་མཇལ་འཕྲད་གནང་བར་ཕེབས་ཡོད་འདུག
དེ་རིང་སྔ་དྲོར་འདི་གའི་གསར་འགོད་པས་བོད་གཞུང་ནང་སྲིད་ལས་ཁུངས་ཀྱི་དྲུང་འཕར་དོན་གྲུབ་རྡོ་རྗེ་ལགས་སུ་དེའི་སྐོར་བཀའ་འདྲི་ཞུས་པར་ཁོང་གིས་གསུངས་དོན། ད་ལྟ་གཞིས་ཆགས་ཁག་ལས་ཨ་རུ་ན་ཅལ་ས་ཁུལ་གྱི་གཞིས་ཆགས་ཁག་ཅུང་ཙམ་དཀའ་ངལ་ཆེ་བའི་གཞིས་ཆགས་སུ་བརྩི་བཞིན་ཡོད་པ་དང་། སྤྱིར་ས་གནས་རང་དུ་ས་གནས་མགོ་འཛིན་སོགས་ཡོད་ནའང་། བོད་གཞུང་ནང་སྲིད་ལས་ཁུངས་ཀྱིས་སྐབས་དང་དུས་ལ་བསྟུན་ཏེ་ས་གནས་མི་མང་གི་བདེ་སྡུག་ལ་ལྟ་རྟོག་ཆེད་གཟིགས་སྐོར་གནང་གི་ཡོད་པ་ལྟར། ཐེངས་འདིར་དྲུང་ཆེ་མཆོག་གཞུང་འབྲེལ་ཐོག་གཟིགས་སྐོར་དུ་ཕེབས་དོན། ཨ་རུ་ན་ཅལ་ས་ཁུལ་གྱི་གཞིས་ཆགས་ཁག་ཏུ་ཟ་འབྲུའི་ལག་དེབ་བཟོ་ཐུབ་མིན་གྱི་དཀའ་ངལ་ཞིག་དེ་སྔོན་ནས་ཡོད་ཐོག ཐེངས་འདིར་ཟ་འབྲུ་ཉོ་བའི་བཀའ་འཁྲོལ་ཞིག་ཐོབ་ཡོད་སྟབས། དྲུང་ཆེ་མཆོག་ཕར་ཕེབས་ཏེ་སྔོན་མ་ཟ་འབྲུའི་ལག་དེབ་ཡོད་མཁན་ལ་བསྐྱར་བཟོ་བྱ་ཐུབ་མིན་དང་། མེད་མཁན་ལ་གསར་དུ་བཟོ་ཐུབ་མིན། དེ་ལྟ་བུའི་དཀའ་ངལ་རིགས་སེལ་བར་བྱེད་ཐབས་གང་དང་གང་ཡོད་མེད་བཅས་ལ་རྟོག་ཞིབ་གནང་དུ་ཕེབས་པ་རེད་ཅེས་གསུངས།
ཡང་ཁོང་ལ་ཐེངས་འདིར་ནང་སྲུང་དྲུང་ཆེ་མཆོག་ཨ་རི་ན་ཅལ་ཕྱོགས་སུ་ཕེབས་སྐབས། ཉེ་ཆར་ཁེ་ན་ཌར་བོད་མི་ཆིག་སྟོང་ལེན་འཆར་ཡོད་པའི་སྐོར་ལ་བཀའ་མོལ་གནང་རྒྱུ་དང་དེའི་སྐོར་ལ་ལས་འཆར་འདྲ་ཡོད་མེད་དྲིས་པར། ཁོང་གིས་གསུངས་དོན། གནད་དོན་དེའི་ཐད་ད་ལྟའི་ཆར་གཞུང་འབྲེལ་ཐོག་གཏན་ཁེལ་གང་ཡང་བྱུང་མེད་སྟབས། དེའི་སྐོར་ནས་བཀའ་མོལ་གང་ཡང་ཡོང་གི་མ་རེད། དེ་མིན་གྱི་གནས་ཚུལ་གཞན། དཔེར་ན། ས་གནས་མི་མང་གིས་བདེ་སྡུག་དང་དཀའ་ངལ་རིགས་སྙན་གསན་ཞུས་ཚེ་ཕྱིར་འཁོར་མཚམས་ངེས་པར་དུ་གནང་དགོས་རིགས་ལ་ཞོར་དུ་གཟིགས་རྟོག་གནང་གི་རེད། ཅེས་གསུངས།
གང་ལྟར། ཐེངས་འདིར་ནང་སྲིད་དྲུང་ཆེ་མཆོག་གིས་ཨ་རུ་ན་ཅལ་ཕྱོགས་ཀྱི་ས་གནས་མི་མང་གི་བདེ་སྡུག་ལ་རྟོག་ཞིབ་གནང་རྒྱུ་ཙམ་མ་ཟད། ཏི་ཛུ་དར་རྒྱས་གླིང་དང་ཨ་རུ་ན་ཅལ་མངའ་སྡེ་བཅས་ཀྱི་དཔོན་རིགས་ཁག་ཅིག་དང་ལྷན་དུ་མཇལ་འཕྲད་གནང་རྒྱུ་ཡིན་འདུག
གསར་འགོད་པ། ཨ་རིག་འགྱུར་མེད།
ནང་སྲིད་དྲུང་ཆེ་ཨ་རུ་ན་ཅལ་བོད་མིའི་གཞིས་ཆགས་དང་འབྲེལ་རྒྱ་གར་དཔོན་རིགས་མཇལ་ཕྲད་ཀྱི་གཞུང་འབྲེལ་ཕེབས་ཐོན་འདུག་པ་ཧ་ཅང་དགའ་བོ་བྱུང་།
འོན་ཀྱང་།
་་་་་་་ཟམ་གདོང་བླ་མས་འགོ་ཁྲིད་པའི་བཀའ་ཤག་སྐབས་གཉིས་(མི་ལོ་༡༠)ཛོགས་རན་ཡང་ནང་སྲིད་བཀའ་བློན་བཀའ་ཁྲི་བླ་རྒན་ཨ་རུ་ན་ཅལ་གཞིས་ཆགས་་་་ཏི་ཇུ་་་་མེ་ཨོ་་་དང་བུམ་དེ་ལ་་་༣་ལ་འགྲོ་ཐུབ་མེད་།
རྒྱ་མཚན་གཤམ་འོག་ལ་བྲིས་པའི་དོན་ཚན་འགའ་ཤས་མིན་པ་ཐེ་ཚོམ་མེད།
་་་་་༡་་་་ཨ་རུ་ན་ཅལ་དེ་བཞིན་ལུང་ཁུག་དང་མཐའ་མཚམས།
་་་་་༢་་་་་གནམ་ཐོག་འགྲོ་ས་མེད་པ།
་་་་་༣་་་་་དགེ་ལུགས་ཆོས་གྲ་ཉུང་ཤས་ལས་མེད་པ་དང་བླ་མ་(ཁྲི་བྱང་)གྱི་བཀའ་དགོངས་སྒྲུབ་རྒྱུའི་གནས་ཡུལ་མིན་པ།
་་་་་༤་་་་་་སོགས།།
སྐོར་བསྐྱོད་དུ་ཕེབས་པར་ཐུགས་རྗེ་ཆེ། ཡིན་ནའང་དེའི་ཁུལ་དུ་ཆགས་པའི་བོད་རིགས་སྤུན་ཟླ་རྣམས་ཀྱི་འཚོ་བའི་དཀའ་ངལ་དང་དེ་བཞིན་གསར་སྐྱེས་བུ་ཕྲུག་རྣམས་ཀྱི་ཤེས་ཡོན་གྱི་ཐོག་ལ་དམིགས་བསལ་གྱི་དོ་སྣང་དང་ཡིད་གཟབ་བྱེད་དགོས་པ་ཡིན།
དྷ་ས་ནས་ཆེས་རྒྱང་རིང་དུ་ཡོད་པའི་བོད་པའི་གཞིས་ཆགས་ཁག་ཏུ་དམིགས་བསལ་གྱི་དོ་སྣང་བྱེད་དགོས་པ་ལས། དེ་མིན་དེའི་ཁུལ་གྱི་གཞིས་ཆགས་ཁག་ཏུ་བསྐྱོད་སྐབས་མི་ཆེ་ཆེ་མདོག་དང། མ་འཇོན་འཇོན་མདོག་གི་གཏམ་བཤད་བྱེད་པ་སོགས་མི་བྱེད་པར། ངོ་མ་སྐོར་བསྐྱོད་རྣམས་དོན་ཐོག་ཏུ་དགོས་པ་ཤིན་ཏུ་གལ་ཆེ།
བཙན་བྱོལ་བའི་བོད་མིའི་འཚོ་བ་དང་ཤེས་ཡོན་གྱི་ཐཽག་ལ་འཐུས་ཤོར་འགྲོ་གྱིན་ཡོད་པ་དེ་ཚོ་ནི། གཙོ་བོ་བོད་རིགས་གནས་སྡོད་གཞིས་ཆགས་ཁག་གི་ནང་དུ་མཐུན་རྐྱེན་བསྐྲུན་ཐུབ་ཀྱི་མེད་པ་རྣམས་རེད། ལྷག་པར་ཤེས་ཡོན་གྱི་ཐོག་ལ་ཧ་ལས་པའི་མཐུན་རྐྱེན་སྐྱོ་བོ་ཞེ་དྲགས་རེད། དེ་ཚོར་དོ་སྣང་བྱེད་པ་ཡིན་ན། དོན་དངོས་ཐོག་འཛིན་སྐྱོང་གི་ནང་དུ་བཞུགས་ནས་གོ་གནས་འཛིན་པ་རྣམས་འགྲིག་པ་ཡིན། དེ་མིན་མ་འཇོན་འཇོན་མདོག་དང། མི་ཤེས་ཤེས་མདོག མ་ཐུབ་ཐུབ་མདོག་བྱེད་པས་མི་ཕན།་
གོང་དུ་བཤད་པ་རྣམས་བོད་རིགས་གནས་སྡོད་གཞིས་ཆགས་གཅིག་ཏུ་སྐྱེས་ནས་ཚར་ལོངས་བྱུང་བའི་བུ་ཕྲུག་ཞིག་ཡིན་པ་ལས། གོ་བ་དང་ཐོས་པ་སོགས་ཀྱིས་བྲིས་པ་ཞིག་རྩ་བ་ནས་མིན།
རང་ལ་གཞན་གྱིས་བཀུར་འདོད་ན།།
གཞན་གྱི་ཆེད་དུ་རང་བློས་དགོས།།