ཐོངས་མཆན་དེར་ངོས་ལེན་མེད།

ཉེ་སྔོན་ཨ་རུ་ན་ཅལ་མངའ་སྡེ་ཡི་ལུས་རྩལ་པ་ཞིག་དང་ཁོང་གི་ལུས་རྩལ་སློབ་སྟོན་པ་བཅས་རྒྱ་གར་ཡུལ་མི་གཉིས་ཀྱིས་རྒྱ་ནག་ལ་ཕྱི་སྐྱོད་ཐོངས་མཆན་ཞུས་སྐབས།  རྒྱ་ནག་གིས་ཁོང་གཉིས་ཀྱི་ཕྱི་སྐྱོད་ལག་འཁྱེར་སྟེང་ཐོངས་མཆན་སྤྲད་མེད་པར། ཤོག་ལྷེ་གཞན་ཞིག་གི་སྟེང་དུ་རྒྱ་ནག་ནང་བསྐྱོད་ཆོག་པའི་ཆོག་མཆན་ཡི་གེ་བྲིས་ཏེ་སྤྲད་ཡོད་འདུག ཕྱི་ཚེས་ ༡༣ ཉིན་རྒྱ་གར་ཕྱི་འབྲེལ་མགྲིན་ཚབ་པས། ང་ཚོའི་ངོས་ནས་རྒྱ་ནག་གཞུང་གིས་རྒྱ་གར་མངའ་ཁུལ་གྱི་མི་རིགས་དང་ས་ཁུལ་ལ་དབྱེ་བཀར་མེད་པར། རྒྱ་གར་ཡུལ་མི་རྣམས་ལ་གཅིག་གྱུར་ཚན་ལྡན་གྱི་ཐོངས་མཆན་སྤྲོད་དགོས་པ་གསལ་འདོན་བྱེད་རྒྱུ་ཡིན། ཞེས་དང་། རྒྱ་གར་ཡུལ་མི་རྣམས་ལའང་རྒྱ་ནག་གིས་ཤོག་ཐོག་ཏུ་སྤྲོད་བཞིན་པའི་ཕྱོགས་བསྐྱོད་ཐོངས་མཆན་དེ་ངོས་ལེན་གནང་གི་མིན་པའི་གསལ་བསྒྲགས་ཀྱང་བྱས་འདུག

གསར་འགོད་པ། ཚེ་རིང་རྒྱལ།