ཁྱོད་ཀྱིས་ཉོན་དང་། དོ་ནུབ་བཤད་འདོད་པ་ཞིག་ཡོད་ཀི

གནམ་དང་སྤྲིན་པའི་བར་ནས་ཁྱེད་ལ་བོས།།
ས་དང་རྩི་ཤིང་ཁྲོད་ནས་ཁྱེད་ལ་བལྟས།།
གླུ་དང་རོལ་དབྱངས་གསེང་ནས་ཁྱེད་ལ་ཉན།།
ལྷིང་འཇག་སྐར་ཚོགས་ཤིག་གི་འདར་ཞིག་བསླེངས།།

མི་སེམས་ཤ་ཡི་གྲུབ་པ་བདེན་དུ་འཆི།།
ཤ་འདི་སྙི་ཞིང་སྲ་བའི་བར་རོལ་ན།།
གཅིག་ལ་སྙི་ཞིང་གཅིག་ལ་་སྲ་བ་འདིས།།
མི་སེམས་ཁྲིམས་ལ་བཅུགས་པའི་གནད་འདི་བྱུང་།།

རི་བོ་སྟོང་ཕྲག་མང་བོའི་ཕར་ཚུར་དུ།།
སྐད་ཆ་ཡག་ཉེས་ཁྲི་ཡི་འཇིག་རྟེན་ནས།།
དཀྲོགས་གཏམ་རླུང་ཁར་འཁུར་བའི་སྔ་གཞུག་ན།།
གཅིག་གི་དྲན་པ་བཟི་ནས་ཡོད་འདི་སྡུག།

སེམས་དང་བསམ་པའི་སྐད་ཆ་མང་བོ་ཞིག།
ཁྱེད་ཀྱི་བྲང་ཁར་ལག་པ་འཇོག་ཞོར་དུ།།
ཡུན་རིང་སྤས་པའི་སེམས་ཀྱི་སྡུག་བསྔལ་དག།
ཞིབ་མོར་ཐེངས་ཤིག་བཤད་ཉིན་འགྲུབ་པ་ཡིན།།

ཚེ་ཡི་རྒྱུན་ཐག་རྟ་སྔ་འདྲ་བོ་འདི།།
འཆི་བདག་སྤུ་གྲིའི་ནམ་གཅོད་སུ་ཡིས་ཤེས།།
སྐྱེ་མཐར་འཆི་བ་འགྱོད་པ་གཏན་མེད་ཀྱང་།།
ཐེངས་ཤིག་མ་འཕྲད་ཤི་དུས་ཅུང་རེ་འགྱོད།།