བོད་ཀྱི་དགུ་བཅུ་གསུམ་ཚོགས་པའི་གོ་སྒྲིག་འོག་དེ་རིང་ཕྱི་ཚེས་ ༡༥ ཉིན་གྱི་སྔ་དྲོར་གངས་སྐྱིད་དཔེ་མཛོད་ཚོགས་ཁང་དུ་དམངས་གཙོའི་འཕེལ་རིམ་དང་འགྲོ་བ་མིའི་ཐོབ་ཐང་སྐོར་གྱི་ཟབ་སྦྱོང་ཞིག་ཚོགས་ཡོད་ཅིང་། ཚོགས་འདུ་དེར་ས་རཱ་བོད་ཀྱི་མཐོ་རིམ་སློབ་གཉེར་ཁང་དང་། ནོར་གླིང་མཐོ་སློབ། ཤེས་རབ་དགའ་ཚལ་སློབ་གླིང་། དེ་བཞིན་དགུ་བཅུ་གསུམ་ཚོགས་པའི་སློབ་གཉེར་བ་ཁྱོན་ ༨༠ ལྷག་མཉམ་ཞུགས་བྱས་འདུག
ཐོག་མར་དགུ་བཅུ་གསུམ་ཚོགས་པའི་ཚོགས་གཞོན་ཨ་ཚོགས་ཀླུ་མཁར་བྱམས་ལགས་ཀྱིས་ཟབ་སྦྱོང་ངོ་སྤྲོད་གནང་དོན། དགུ་བཅུ་གསུམ་གྱིས་ལོ་ལྟར་བོད་དོན་གོ་རྟོགས་སྤེལ་རྒྱུའི་ལས་རིམ་ཞིག་གོ་སྒྲིག་ཞུ་བཞིན་ཡོད་པ་ལྟར། ད་ལོར་ཡང་བོད་རིགས་སློབ་ཕྲུག་ཚོར་བོད་ཀྱི་འདས་མ་ད་གསུམ་གྱི་ཆབ་སྲིད་དང་དཔལ་འབྱོར། རིག་གཞུང་སྐོར་ཤེས་རྟོགས་ཡོང་སླད་ཟབ་སྦྱོང་འདི་གོ་སྒྲིག་ཞུས་པ་ཡིན་ཞེས་བརྗོད་བྱུང་།
བགྲོ་གླེང་དེར་དབུས་བོད་ཀྱི་གཞོན་ནུ་ལྷན་ནུ་ལྷན་ཚོགས་ཀྱི་དྲུང་ཆེ་བསྟན་འཛིན་ཆོས་སྐྱིད་ལགས་ཀྱིས་༼རྒྱལ་སྤྱིའི་སྤྱི་ཆིངས་དང་མནར་གཅོད་གཏུགས་བཤེར༽ཞེས་པ་དང་། འོས་བསྡུའི་འགན་འཛིན་ལས་རོགས་བཅུད་པར་གཡང་མཁོ་རྒྱལ་ལགས་ཀྱིས་༼འོས་བསྡུ་དང་དམངས་གཅོའི་དགེ་སྐྱོན༽ དྲུང་འཕར་ཚེ་རིང་དབང་ཕྱུག་ལགས་ཀྱིས་༼རྒྱ་ནག་གི་དེ་རིང་དང་སང་ཉིན༽། ས་རཱ་བོད་དགེ་གཙང་ཕྲུག་སྟོབས་ལགས་ཀྱིས་༼༧པཎ་ཆེན་སྐུ་གོང་མ་དང་བཙོན་པ༽ཞེས་པའི་བརྗོད་གཞིའི་ཐོག་གཏམ་བཤད་གནང་རྒྱུ་ཡིན་འདུག
གསར་འགོད་པ། དཔལ་ལྡན།
བོད་ཀྱི་དགུ་བཅུ་གསུམ་ཚོགས་པའི་ལས་དོན་འདི་ཧ་ཅང་ཡག་པོ་འདུག་བཀའ་དྲིན་ཆེ།
གསར་འགོད་ལགས། འདི་ལས་རྒྱས་ཙམ་ཞིག་འདོན་སྤེལ་གནང་ཐུབ་ན་ཡག་པོ་འདུག