ཚར་གོས་མེར་བསྲེག་གི་ལས་འགུལ།

ཡང་སྐྱར་གཅིག་ཞུ་རྒྱར་ འབྲོག་པ་རྣམས་ཀྱི་ཤ་དང་པགས་པ་མ་སྤང་པའི་སྔོན་ལ་བླ་མ་དང་གྲ་པ་ཚང་མས་ཤ་དང་པགས་པ་སྤང་དགོས་ཀྱི་འདུག་ དེ་ཡིན་དང་མིན་དྲ་གྲོགས་ཚོས་གསུང་རོགས་གནང་

དེ་ཚོ་ལ་བཏག་དཔྱད་གཏང་ན་བཟང་ངམ་སྙམ།

ལས་འགལ་འདི་ལྟ་བུ་རྒྱ་ནག་དགའ་དགོས་པ་ཞིག་རེད།དྲག་གནོན་ཞིག་ཡོངས་དོན་མེད་གང་ཡིན་ཟེར་ན་བོད་ལྭ་གྱོན་གྱི་མིན་ཞེས་པ་ལས་གཞན་གང་ཡང་མེད་པས་དེ་ཙམ་ཞིག་རེད།བོད་མི་ཞིག་གི་ལས་འགན་གཙོ་བོ་ནི་ཤེས་ཡོན་ཐོག་ཤུགས་རྒྱག་དེ་རེད།སྤྱིར་གོང༌༌༸ས་མཆོག་གི་གསུང་མ་གསུང་ལ་རེག་ལས་མེད་ཤེས་ཡོན་ཡར་རྒྱས་གཏོང་ཕྱོགས་སུ་བསམ་བློ་གཏོང་ཐུབ་ན་དེ་དོན་དངོས་རེད།དེ་མིན་ཁྱབ་སྲིད་ལས་འགལ་སྤེལ་ཤེས་མ་ཤེས་བྱས་ན་གནོད་ཉིན་ཆེ།

ངས་ཀྱང་ཚིག་འགའ་བཤད་ན་འདོད་བྱུང་། ངའི་ཕ་ཡུལ་དུ་ལུག་ནག་ར་བ་ཞེས་པའི་ཚོ་བ་ཆུང་ཆུང་ཞིག་ཡོད། བོད་ཡུལ་སྤྱི་ན་མཐོང་དཀོན་པ་ཞིག་ལ་ཚོ་བ་དེའི་ལུག་བརྒྱ་ཆའི་གོ་དགུ་དང་གྲངས་ཆུང་དགུ་ཡི་ཁ་དོག་ནག་པོ་ནག་རྐྱང་རེད། རྒྱ་དང་ཁ་ཆེ་བ་ཚོས་ལུ་གུ་ནག་ནག་གི་ཚ་རུའི་སྟོད་ཐུང་བཟོ་རྒྱུར་དགའ་་མོས་ཆེན་པོ་བྱེད་པས། ལོ་རེ་རེའི་དབྱར་ཁར་ལུ་གུ་ཚོ་ཟླ་བ་གསུམ་དང་ཡང་ན་གཉིས་ལས་སོན་མེད་པ་སྟོང་ཕྲག་དུ་མ་ཚ་རུ་གཅིག་པོའི་ཆེད་དུ་གསོད་བཞིན་པ་ངས་མངོན་སུམ་མིག་གིས་མཐོང་མྱོང་ལ། མཐོང་ཐེངས་རེ་རེར་ང་རང་བྱིས་པ་ཆུང་ཆུང་ཞིག་དང་འདྲ་བར་ངུ་མྱོང་བ་ཡང་ཐེངས་གཅིག་མིན། ལུ་གུ་ཆུང་ཆུང་དེ་ཚོ་གསོད་དུས་ཀྱི་འབའ་རྒྱངས་དེ་དག་ད་དུང་ངའི་རྣ་ལམ་དུ་ཞགས་འདུག དེ་ནི་བྱིས་པ་ཆུང་ཆུང་ཚོ་ངུ་བའི་སྐད་དང་གཅིག་པ་འདྲ་ཞིག་རེད། འདི་ལ་བསམས་ན་བོད་ཡུལ་དུ་ཚ་རུའི་ཆེད་དུ་ལུ་གུ་གསོད་མཁན་ཡོད་ལ། ལུ་གུ་དེ་ཚོའི་པགས་པས་བཟོས་པའི་ཚར་ལྭ་དང་ཚར་ཞྭ་གྱོན་ནས་འཕྱོར་ཉམས་དང་བཅས་འགྲོ་མཁན་ཡང་ཡོད་པས། གལ་སྲིད་བསད་ཚར་མི་གྱོན་པའི་དམ་བཅའ་འཇོག་མཁན་རེ་ཡོད་ན་ཧ་ཅང་བཟང་།

སྤྱིར་བཏང་ན་གྲྭ་ཅན་ལྤགས་རིགས་མེར་བསྲེགས་ཀྱི་ལས་འགུལ་འདི་ཡག་པོ་ཞིག་ཡིན་ཡང་ལྤགས་རིགས་ཡོད་ཚད་༸གོས་ས་མཆོག་གིས་བསྲེགས་ཤོག་ཞེས་བཀའ་གནང་མེད་པར་བརྟེན་ད་ལྟའི་ལས་འགུལ་འདི་ཕྱོགས་གཅིག་ནས་བལྟས་ན་ཅུང་ཐལ་ཆེ་བའི་སྐྱོན་ཆེན་པོ་འདུག་པས་ཚར་གོས་མེར་བསྲེག་ལ་ཡི་རང་ཆེན་པོ་ཞིག་མི་འདུག་ཡིན་ན་ཡང་ཚར་བའི་ལས་ཚར་ཟིན་པས་ཕྱིས་འབྱུང་ཐུགས་བསམ་ཡག་པོ་བཞེས་རོག་ཞེས་ཞུ་གི་ཡོད། རང་གི་རང་ལ་གནོད་པའི་ལས་བྱས་པ་དེ་ནི་ཆོས་སྲིད་གང་ཐད་ནས་དེ་སྐྱོན་ཡིན་གྱི། ས་མཐོར་གནས་སྡོད་བྱ་དགོས་པའི་མི་རིགས་འདི་ལ་ཚར་གོས་མེར་བསྲེག་གྱིས་མི་རིགས་དང་རིག་གཞུང་ལ་ཕན་པའི་ལས་འགུལ་ག་ཚོད་ཙམ་སྤེལ་ཐུབ་པ་ཡིན་ནམ??????

རྩ་བའི་༸གོང་ས་མཆོག་གི་དགོངས་གཞི་ཡིན་ཟེར་ནས་ཆ་ཚང་མེར་བསྲེགས་བཏང་ནའང་ཁྱད་མཚར་ཞིག་ཡིན་ལ། བོད་ནང་གི་བོད་མི་ཚོར་རྗེས་སུ་ཡི་རང་ལོས་བྱེད། གཙ་བོོ་གནའ་དེང་གི་ཤེས་ཡོན་ཐད་ལ་ཤུགས་བརྒྱབ་ན་དགོངས་གཞི་རྨ་མེད་དང་། རླབས་ཆེན་དེ་ཡིན་ནོ།།

ལུ་གུ་རང་ཉིད་གསོད་མཁན་མེད་པར་ཤུ་བའི་ཚ་རི་བཟོའི་བ་ཡིན་པས་སྡིག་ལས་ཞིག་གང་དུ་འོང་པགས་པའི་གྱོན་ཆས་གྱོན་མཁན་ནང་སྡུག་ལས་ཀྱི་གྱོན་ཆས་རི་དྭག་དང་གཅན་འཛིན་ལས་གཞན་སྡིག་ལས་ཀྱི་གྱོན་ཆས་མེད་ཟེར་ནས་ཁ་མཚམ་གཅོད་ཐུབ། རྒྱས་མེད་པ་དང་མ་ཤེས་པ་ཡིན་ན་་་་་་་་་་་་་་་་་་་་་་་་་་་་་་་་་་་་་་་་་་་

སླར་ཡང་རླབས་ཆེ་བའི་ལས་འགུལ་འདི་ལ་ཧ་ཅང་ཡིད་རངས་རྒྱབ་སྐྱོར་བསྔགས་བསྟོད་ཡོད། ང་ཚོ་བཙན་བྱོལ་དུ་བཞུགས་མཁན་རྣམས་ནས་ཀྱང་འདི་དང་འདི་འདྲ་བའི་གོམས་ངན་མང་དག་ཅིག་ཡོད་པས་ཡང་བསྐྱར་ང་ཚོ་བསམ་བློ་ཞིག་གཏོང་དུ་རན་པར་སེམས། ཐུགས་རྗེ་ཆེ།

ཆོས་འཇིག་རྟེན་གཉིས་ཀར་ཕན་གྱི་འདུག་པས་རྗེས་སུ་ཡི་རང་ཞུ།
དགེ་རྩ་རྣམས་བྱང་ཆུབ་ཐོབ་པའི་རྒྱུ་རུ་འགྱུར་ཅིག

སྡིག་ལས་ལ་ངེས་པ་དོན་གྱིས་འཛེམས་ཀྱིན་ཡོད་ན་འཇིག་རྟེན་ལ་འཚོ་སྟངས་མེད། འཇིག་རྟེན་འདིར་སྡིག་ལས་མ་ཡིན་པ་ཞིག་གིས་འཚོ་བ་རོལ་ཐབས་མེད། དེ་ཕྱིར་འདི་ནི་བསམ་མེད་ཀྱི་ལས་འགལ་དང་། ཅོལ་ཆུང་གི་རྩེད་མོ། རྨོངས་འཐོམ་གྱི་འུར་འདྲོག་ཅིག་ལས་མ་འདས། མི་རིགས་ཤིག་གནས་པ་ལ་དངོས་ཤུགས་རྒྱུད་གསུམ་ནས་སྡིག་ལས་མཐའ་དག་སྤོང་ཐབས་མེད་པས་ལས་འགལ་འདི་འདྲ་མི་སྤེལ་རོགས། དེ་ལས་རྒྱལ་འཇོག་དུད་འཐེན། ཆིང་འཐུང་རྐུ་འཕྲོག་དང་། གཡུ་བྱུར་གསེར་འདོག་གི་འགྲན་བསྡུར་སོགས་མཚམས་འཇོག་པའི་ལས་འགུལ་སྤེལ་ཐུབ་ན་ཁ་ཚ་དགོས་གཏུགས་ཤིག་རེད། གཞིས་བྱེས་ཀུན་ཏུ་བོད་མི་ནི་རྒྱལ་འཇོག་གི་ཕུ་བོར་གྲགས་བཞིན་པ་མ་བརྗེད་རོགས།

རྒྱབ་སྐྱོར་ཞུ་བཟང་སྤྱོད་ཀྱི་བྱ་བ་ཞིག་རེད། ཡིན་ན་ཡོང་ང་འབྲོག་པ་ཞིག་ཡིན་ཡོང་ལུ་གུ་གསད་ནས་་ཚར་ལྭ་བཟོ་བ་མཐོང་མྱུང་མེད། ཚར་ལྭ་བཟོ་བར་ལུ་གུ་གསོད་ཀྱི་མ་རེད། ལུ་གུ་ཟེར་ནོ་དཔྱིད་ཀྱི་དུས་སུ་རྩེབ་ཀྱི་ཡོད་པས་མང་པོ་རང་བཞིན་གྱི་ཤི་འགྲོ་གི་རེད། དེ་ནི་འབྲོག་པའི་ཡོང་འབབས་ཡག་ཤོད་ཞིག་ཡིན་པས་མི་མང་ཕན་གནོད་ལ་གཟིགས་རྒྱུ་དགོས་གལ་ཆེ་པོ་འདུག་སྙམ

ཁམས་རྟེས་འུ་དང་མེ་ཉག་ཕྱོགས་ལ་དགའ་བསུ་ཞུ་་་་་་་གང་ཞེ་ན་སྡིག་གསོག་པའི་ལས་ལ་མི་གསོག་བའི་ཆེད་དུ་ལས་འགུལ་དེ་སྤེལ་བ་རེད་
ང་ཚོ་འཆོལ་གསུམ་ཚངས་མས་དེ་འདྲ་བྱས་ན་ཡག་པོ་འདུག་
མུ་འཐུད་ནས་དེ་འདྲ་བྱེད་རོགས་ཐུགས་རྗེ་ཆེ་ཞུ་།

གནས་ལུགས་དང་རྒྱུ་མཚན་ཤེས་པའི་བོད་པའི་མོ་རྒོད་རེད་རྒྱབ་སྐྱོར་ཞུ་དང་ཞུ།
གནམ་གཤིས་དང་གང་གི་བབས་ལ་བཤད་ཀྱང་ཡར་རྒྱས་ཀྱིས་རྣམ་པ་ཤུགས་ཆེ་སྟབས་གྱོན་གོས་ཐད་དཀའ་ངལ་མི་ཡོང་རྒྱུར་གདོན་མི་ཟ་བས་བསམ་མེད་འགས་རང་སེམས་ལ་གུ་ཡངས་མེད་པ་དང་། སེམས་རྒྱ་ཆུང་བས་རྒྱབ་སྐྱོར་མེད་ལུགས་ཀྱི་རྒྱུ་མཚན་འབྲེལ་མེད་འདྲ་གླེང་གིན་འདུག་པ་བློ་ཁ ནང་དུ་ཕྱོགས་ནས་བསམ་བློ་མཐོང་།

རྒྱབ་སྐྱོར་ཡོད།སྡིག་སྤོང་དགེ་སྒྲུབ་བྱེད་པར།
ལོ་རྗེས་མར་འབུ་རས་ཀྱི་གོས་བསྲེགས་རོགས།
ལོ་གཉིས་པར་ཀོ་བའི་གོས་རིགས་བསྲེགས་རོགས།
ལོ་གསུམ་པར་ཞིང་ལས་བྱེད་རྒྱུ་མཚམས་འཇོགས་རོགས།
ལོ་བཞི་པར་ཚོང་ལས་བྱེད་རྒྱུ་མཚམས་འཇོག་རོགས།
ལོ་ལྔ་པར་ཆང་འཐུང་རྒྱུ་མཚམས་འཇོག་རོགས།
ལོ་དྲུག་པར་ཇ་འཐུང་རྒྱུ་མཚམས་འཇོགས་རོགས།
ལོ་བདུན་པར་ཟས་ཀྱི་རིགས་བཟའ་རྒྱུ་མཚམས་འཇོག་རོགས།
ལོ་བརྒྱད་པར་སེམས་ཅན་ལ་བཀོལ་སྤྱོད་བྱེད་རྒྱུ་མཚམས་འཇོག་རོགས།
ལོ་དགུ་པར་དཀའ་ཐུབ་ལ་གནས་པ་བྱེད་རོགས།
དེ་ནས་མངོན་སངས་རྒྱས་པའོ།
ཐམས་ཅད་ཀྱི་སྔོན་དུ་བོད་ཀྱི་ཆོས་ལུགས་དང་གྲུབ་མཐའ་ནང་ཕན་ཚུན་དབར་ལ་ཕྱོགས་རིས་ཀྱི་ནད་ངན་ཐམས་ཅད་མཚམ་འཇོག་རོགས།

སྤྱིར་ལས་འགུལ་འདིར་རྒྱབ་སྐྱོར་དང་རྗེས་སུ་ཡི་རངས་ཡོད་ལ། སྒོས་སུ་གསལ་བཤད་ཀྱི་ཚུལ་དུ་བརྗོད་དགོས་ཤིང་ཤེས་ཀྱང་དགོས་པ་ཞིག་ནི་ཚར་ལྭའི་ཕྱིར་དུ་ལུ་གུ་གསོད་པའི་གོམས་སྲོལ་ནི་ད་སྔ་བོད་པ་བྱུང་མྱོང་མེད་པ་ཞིག་ཡིན། ལུ་གུ་ཤི་བ་ལས་ཚར་ལྭའི་རྒྱུ་ཆ་འབྱུང་བཞིན་པ་ནི་འབྲོག་པ་ཚོས་གསལ་བོར་ཤེས་པ་ཞིག་རེད། དེའི་ཕྱིར་ཚར་ལྭའི་ཁོར་ཡུག་དང་ཐད་ཀར་འབྲེལ་བ་མེད་པ་ཚོས་གནས་ཚུལ་འདི་གསལ་བོ་མི་ཤེས་པ་ཡང་ཁག་མི་འདུག་སྙམ། དོན་དངོས་སུ་ཚར་ལྭ་ནི་ལུ་གུ་བསད་པའི་པགས་པ་མིན་པར་ཤི་བའི་པགས་པ་ཡིན་པ་དེ་རེད།

སྤྱིར་ལྤགས་རིགས་ཀྱི་ལྭ་བ་གང་ཉུང་ཉུང་བྱས་ན་བཟང་མོད། ཡོད་ཚད་མེར་བསྲེག་གཏོང་བའི་བསམ་བློ་དེ་ལ་འཐད་པ་མེད་དོ།། ང་ཚོས་གནམ་གཤིས་ཀྱི་བབ་དང་བསྟུན་ནས་ལྭ་བ་གྱོན་དགོས་པས། ད་རེས་ཀྱི་བྱེད་སྟངས་འདི་ཅི་འདྲའི་གུ་དོག་པོ་ཞིག་རེད། ནོར་ལུག་འཚོ་དགོས་ན་ལྤགས་རིགས་ཡོད་ཡོད་པ་རེད།
ང་འབྲོག་རྒན་ཞིག་ཡིན་པའི་ཆ་ནས་བཤད་ན་ཚར་ལྭ་ཆེད་དུ་ལུ་གུ་མང་པོ་གསོད་དགོས་པ་རེད་ཟེར་བའི་སྐད་ཆ་དེ་ངའི་མིད་པ་ནང་ལ་འགྲོ་མ་སོང་། དགོངས་དག

བསམ་བློ་འདིར་རྒྱབ་སྐྱོར་ལོས་ཞུ། ཡིན་ན་ཡང་ཚར་གོས་མེ་བསྲེགས་པ་ལས། རྗེས་སུ་ཚར་གོས་མི་བཟོ་བའི་ལས་འགུལ་སྤེལ་ན་བཟང། ཚར་གོས་ཡོད་ཡོད་པ་དེ་ཚོ་ལོ་ལོན་ཚོར་སྦྱིན་ནས་གོན་བཅུག་ན་བཟང་ག ཡང་མིན་ན་སྤྲང་པོར་སྦྱིན་པ་བཏང་ན་ཆོག་ག ཡིན་གཅིག་མིན་གཅིག་བསྲེགས་དགོས་དོན་མེད་ཀ དེ་བཞིན་པགས་རིགས་ཀྱི་གོན་པ་ཡང་གང་ཐུབ་ཅི་ཐུབ་ཀྱིས་ཇེ་ཉུང་ལ་གཏོང་ཨེ་ཐུབ་བལྟ་བ་དང། དམར་ཟས་རིགས་ཀྱང་ཇེ་ཉུང་ལ་གཏོང་ཨེ་ཐུབ་བལྟ་དགོས། འདི་ཚང་མ་སྡིག་པ་དང་འབྲེལ་བ་ཁོ་ནའི་གནད་དོན་ཙམ་མིན།
མི་གཙང་ཕྱི་དངོས་བསྲེགས་པ་ལོས་བཟང་མོད། སེམས་ཀྱི་དྲི་ངན་འཁྲུད་པ་དེ་བས་བཟང།
སེམས་ཐག་གཙང་བཅད་ལས་གཞིར་ཕན་ནུས་ཆེ། ཡིན་ཡང་ཐབས་མཁས་ལས་འགུལ་སྤེལ་ཐབས་གལ།

འོ་རེ་རེ་བསམ་གཏོང་སྟངས་ཡག་པོ་ཞིག་རེད། སྙིང་སྟོབས་ཞིག་དང་ཡེད་ཆེས་ཞིག་ཡང་ན་ཤར་བསྐྱོད་ཀྱི་རྣམ་པ་ཞིག ཡིན་ན་ཡང་ཚ་རུའི་ཆེད་ལུ་གུ་གསོད་ཀྱིན་ཡོད་དམ།ཚར་ལྭ་མེར་བསྲེག་པ་རེད་མ་གཏོག་གོས་ལྭ་མེར་བསྲེག་ན་གླེན་རྟགས་རེད་སྙམ།