ཉེ་ཆར་རྒྱ་གར་སྲིད་བློན་ཟུར་པ་ལྕམ་སྐུ་ཨིན་ངྷ་ར་གྷན་ངྷི་སློབ་གཉེར་ཁང་གིས། མི་འགྱངས་བར་༧གོང་ས་མཆོག་ལ་མཁས་པའི་ཕྱག་འཁྱེར་ཞིག་འབུལ་རྒྱུ་ཐག་གཅོད་བྱུང་ཡོད་འདུག་ལ། སྐབས་དེའི་མཛད་སྒོའི་སྟེང་རྒྱ་གར་ལྷོ་ཕྱོགས་མངའ་སྡེ་ཀེ་ར་ལར་དམར་པོའི་གཞུང་གི་བློན་ཆེན་གནང་མྱོང་བའི་ཁྲིམས་ཁང་གོང་མའི་ཁྲིམས་དཔོན་ཟུར་པ། སྐུ་ཞབས་ཝི་ཊི་ཁ་ཤི་ནཱ་ཨཱ་ཡཱ་མཆོག་ལའང་མཁས་པའི་ཕྱག་འཁྱེར་ཞིག་འབུལ་རྒྱུ་ཡིན་འདུག
སྤྱིར་གཙུག་ལག་སློབ་གཉེར་ཁང་དེའི་མཐར་ཕྱིན་མཛད་སྒོ་ཕྱི་ཟླ་ ༤ ནང་འཚོགས་གཏན་འཁེལ་ཡོད་ཀྱང་། གནས་སྟངས་གཞན་ཞིག་གི་དབང་གིས་མཐོ་སློབ་ཀྱི་མཛད་སྒོའི་དུས་ཚོད་སྔ་སྣུར་བྱེད་དགོས་བྱུང་ཡོད། ཉེ་དུས་མཐོ་སློབ་དེའི་སློབ་ཚན་ཁོངས་སུ་བོད་རིག་པའི་སློབ་ཚན་ཁག་ཅིག་གསར་དུ་ཁ་སྣོན་བྱ་རྒྱུར་གཏན་འབེབས་བྱུང་ཡོད་ལ། ལས་འཆར་དེར་༧གོང་ས་མཆོག་གིས་ཧིན་སྒོར་འབུམ་ ༥ ཙམ་ཞལ་འདེབས་སུ་ཕུལ་ཡོད་ཅིང་། སློབ་གཉེར་ཁང་དེ་ནི། རྒྱ་གར་ནང་ཡིག་འགྲུལ་གྱི་ལམ་ནས་སློབ་སྦྱོང་བྱེད་སའི་གཙུག་ལག་སློབ་གྲྭ་ཆེ་ཤོས་ཡིན་པར་མ་ཟད། ད་ཆར་སློབ་གྲྭ་དེར་སློབ་མ་འབུམ་གསུམ་ ༣༠༠༠༠༠ ཙམ་གྱིས་ཡིག་འབྲེལ་བརྒྱུད་སློབ་སྦྱོང་བྱེད་ཀྱིན་ཡོད་འདུག
དཔལ་ལྡན་གྱིས་བསྡུ་སྒྲིག་བྱས།
༧གོང་ས་མཆོག་ལ་ཡང་བསྐྱར་དོན་སྙིང་ལྡན་པའི་གཟེངས་རྟགས་ཞིག་བཞེས་བར་བཀྲ་ཤིས་བདེ་ལེགས་གྲངས་མེད་ཞུ།།
དངོས་གནས་དགའ་འོས་པའི་གསར་འགྱུར་ཡག་པོ་ཞིག་རེད།༧གོང་ས་མཆོག་གི་ཐུགས་དགོངས་བཞིན་ལམ་སློང་ཡོང་བའི་སྨོན་འདུན་ཞུ།།