ཕྱིར་དྲན་འཇོལ་མོའི་སྐྱོ་གླུ།
མདང་ནུབ་མགོ་བོ་སྔས་ལ་བཞག་ནས། །སྐྱིད་པོ་གཉིད་ལ་རོལ་ན་བསམ་སྐབས། །
དྲན་ཤེས་གསལ་བོའི་མེ་ལོང་ངོས་སུ། །གྲྭ་སའི་དུས་ཐུང་འཚོ་བ་ཤར་བྱུང་། །
དབང་ཕྱོགས་སྐྱ་རེངས་དང་པོ་ཤར་དུས། །ཐར་འདོད་ངང་མོ་བརྒྱ་སྟོང་ཚོགས་ཀྱིས། །
རྒྱན་འཇུག་ལ་སོགས་རྒྱ་བོད་གཞུང་ལུགས། །བློ་འཛིན་མགྲིན་རྔ་བརྡུངས་བ་དྲན་བྱུང་། །
ཆོས་ཀྱི་མདུན་སའི་ཡང་ཐོག་སྟེང་ནས། །ཆོས་ཀྱི་གན་ཊི་ཕྱོགས་བཞིར་རྡུང་སྐབས། །
ཆོས་གོས་རྣམ་གསུམ་སྐུ་ལ་གསོལ་བའི། །ཆོས་པ་གྲལ་དུ་འཁོད་པ་དྲན་བྱུང་། །
གང་གིས་གསུང་བའི་མདོ་ཚིག་ཟབ་མོ། །སྙན་འཇེབས་གདངས་ཀྱི་རྟ་ལ་སྐྱོན་དུས། །
ཉམས་མེད་ཤཱཀྱ་ཉན་ཐོས་འཁོར་བཅས། །གྲལ་ལ་བཞུགས་འདྲའི་འདུས་ཚོགས་དྲན་བྱུང་། །
མ་ཧེའི་འོ་མ་མར་ལ་བསྲེས་ཏེ། །བཟོས་པའི་དཀྲུགས་ཇ་བག་ལེབ་ཞིམ་པོ། །
མཆོད་བཞིན་ཕན་ཚུན་སྣ་ཚོགས་གླེང་བའི། །གྲལ་འཁོད་འདུས་པ་རྒྱ་མཚོ་དྲན་བྱུང་། །
བཤེས་གཉེན་ལྷག་བསམ་དུང་གི་ཟླ་བས། །གཞུང་ལུགས་གནད་ལ་དོགས་པ་གཅོད་དུས། །
རྣམ་རིག་བཀྲ་བ་རི་དྭགས་འདྲ་བའི། །ཆོས་ཀྱི་གྲོགས་ཚོའི་ངང་ཚུལ་དྲན་བྱུང་། །
གྲ་ཇ་མང་ཇའི་འཁར་རྔ་རྡུང་སྐབས། །ཉོབ་སྣང་ལྕི་མོས་ཚོགས་ལ་ཆས་ཀྱང་། །
ཟབ་དོན་ཆོས་ཚིག་དབྱངས་ལ་གྱར་ཚེ། །དད་པས་ཡིད་སེམས་མཁའ་ལ་དྲངས་སོང་། །
དགོང་མོ་རྩོད་པའི་གྲྭ་ལ་མཛོམས་ཏེ། །རྒྱ་བོད་གཞུང་གི་གནད་ལ་དཔྱོད་སྐབས།།
ལུང་རིགས་གནམ་ལྕགས་ཐོག་ལས་རྒོད་པའི། །ཕྱོགས་གླང་ལྟ་བུའི་རྩོད་གྲོགས་དྲན་བྱུང་།།
མཚན་ཚོགས་གྲོལ་ཏེ་ཤག་ཏུ་ལོག་ཁར། །མྱུར་མོར་ཟ་ཁང་ཕྱོགས་སུ་བསྐྱོད་དེ། །
ཧིན་སྒོར་གསུམ་གྱིས་འཐེན་ཐུག་འཐུང་རྗེས། །ཡིད་ཚིམས་གྲྭ་རྐྱང་གྲོགས་ཚོ་དྲན་བྱུང་། །
རེ་གཟའ་ཟླ་བའི་གུང་གསེང་ཉིན་མོར། །མི་རེར་ཧིན་སྒོར་བཅུ་རེ་བསྡུས་ཏེ། །
ཤ་དང་གྲོ་ཞིབ་ཚོད་མ་ཉོས་ནས། །བྲོ་ལྡན་འཐེན་ཐུག་སྐོལ་བ་དྲན་བྱུང་། །
དགྱེ་སྒུར་དཀའ་བ་འདྲ་ཞིག་འཐུང་རྗེས། །ག་ལེར་གཞུང་ལམ་འགྲམ་ངོགས་བརྒྱུད་དེ། །
ཕ་ཡུལ་ཕྱོགས་ཀྱི་གཏམ་ཚོགས་གླེང་བཞིན། །འཆམ་འཆམ་གནང་བའི་གྲོགས་ཚོ་དྲན་བྱུང་། །
ནམ་ཞིག་གཟུགས་མེད་སྙིང་ལ་ཞུགས་ཏེ། །ཡིད་ཀྱི་ལྷིང་འཇགས་གཏིང་ནས་དཀྲིགས་ཐལ། །
འབྲལ་དཀའི་ཆོས་གྲོགས་ཕངས་མེད་བསྐྱུར་ནས། །གཏད་སོ་མེད་པའི་གནས་འདིར་བསྐྱལ་སོང་། །
ལོ་གཅིག་ལོ་གཉིས་རིམ་ཀྱིས་འདས་དུས། །ཡག་ཡག་འདྲ་བའི་གྲོགས་དེར་འགྲོགས་པས། །
རང་ལ་ཡོད་པའི་གསེར་གྱི་བུམ་པ། །ཇི་ལྟར་ས་རུ་ལྷུང་བའང་མ་ཤེས། །
ཨ་ཧོ་ཐར་ལམ་བགྲོད་པའི་ཐེམ་སྐས། །གློ་བུར་མི་འདོད་བདུད་ཀྱིས་གཤིག་སོང་། །
དེ་འདྲའི་གྲོགས་ཀྱི་ལམ་སྟོན་དེ་ལ། །བསམ་ཞིང་བསམ་ན་སྐྱོ་བའི་རྒྱུ་རེད། །
གནས་འདིར་ཐོས་བརྩོན་སློབ་བུ་མང་གི །གསར་རྙིང་ལ་རྒྱའི་རྩོད་པ་ཆེ་གི །
འདི་འདྲའི་དོན་མེད་རྩོད་པའི་ཁྲོད་ན། །ཕན་ཚུན་ཁ་བསྲེ་མེད་པའང་ཡོད་སྐད། །
ལ་ལས་ཐུན་མིན་ནང་ཆོས་ཟབ་ཟེར། །འགའ་རེས་སྙན་ངག་ལོ་རྒྱུས་གལ་ཟེར། །
དེ་ལྟའི་གཏམ་ཚོགས་ཉིན་མཚན་རྩོད་བཞིན། །སློབ་དུས་བཟང་པོ་རྫོགས་པའང་མང་གི །
འདི་འདྲའི་ཟློས་གར་འབའ་ཞིག་མཐོང་དུས། །ད་ལྟ་ཉིད་དུ་བྲལ་ན་བསམས་ཀྱང་། །
ལོ་བཞི་བཤེས་གཉེན་བཀའ་དྲིན་བཟང་པོ། །བསམ་ཞིང་དུང་བ་ཇེ་ཆེ་ཇེ་ཆེ། །
ཁ་ཕྱོགས་མེད་པའི་བསམ་གཞིགས་ཤིག་གིས། །གོ་རྒྱུ་མེད་པའི་རྩོམ་ཞིག་བྲིས་པ། །
ལེགས་སྙན་ཆ་ལག་ཚང་བ་མིན་ཡང་། །སེམས་དོན་མཚོན་པའི་རི་མོ་བྱས་ཆོག །
༢༠༠༣ ལོའི་སྤྱི་ཟླ་༤ བའི་ཚེས་༢༧ ཉིན་བྲིས་ཏེ་དྲ་བར་སྤེལ།
གྲོགས་པོ་ཚོས་བགྲོ་གླེང་གི་མཆན་བུ་བཏབ་པ་འགའ།
༡) སྐར་ཁྲི་བཙན། ༢༠༠༩/༡༡/༢༢
གྲྭ་
སྐྱ་
འཇིག་
མཚམས་
༢) བོད། ཤ་ཁྲག་རུས་གསུམ། ༢༠༠༩/༡༡/༢༢
འཁོར་
ཤོར་
ཕྱིར་
སེམས་
༣) ཀླུ་སྨོན། ༢༠༠༩/༡༡/༢༣
ཐར་
གྲྭ་
རྒྱ་
མང་
ལིང་
བྷ་
ཉིན་
ཐར་
འདོད་
གསང་
འདོད་
ཉན་
ཉོན་
ཐར་
གོས་
ཐར་
༤) གཅན་བཟོད་རྒྱམ། ༢༠༠༩/༡༡/༢༣
གྲྭ་
མཇེ་
དར་
ཤམས་
སྐྱ་
མཇེ་
ཤར་
ཨེ་
ཉན་
མདོ་
ཐར་
མི་
ཆུང་
མཇེ་
རིག་
ར་
གྲྭ་
ཆོས་
སྐྱ་
འཛག་
ལྷོ་ཕྱོགས་ཉི་ཟླ་དང་ཏཱ་ན་བློ་བཟང་གཉིས་ཀ་ཕེབས་ཏེ་དགོངས་ཚུལ་གསུངས་པར་དགའ་ནས་ཡོད།
གྲྭ་སར་སྡོད་དུས་གྲྭ་སའི་ཁྱད་ཆོས་མ་ཤེས།།
གྲྭ་སར་བྲལ་དུས་གྲྭ་སའི་སྐྱིད་སྣང་ཚོར་བྱུང་།།
གྲྭ་ས་རྒྱ་མཚོའི་དཀྱིལ་གྱི་འཚོ་བ་དྲན་དུས།།
གྲྭ་སར་ཕྱིར་ལོག་བྱས་ཏེ་འདུག་ན་བསམ་བྱུང་།།
བཀླགས་ནས་སོང་ཡོད། ཟིང་ཆ་ཆེ་ཀི
གྲྭ་སར་འདུག་འདོད་ལོས་ཡོད།། བཅོས་རོགས།
གྲྭ་བའི་ལོ་རྒྱུས་ཤེས་ན།།
གྲྭ་སར་འདུག་ལོས་ཡོད།།
གྲྭ་རྐྱང་འཚོ་བ་བསམ་ན།།
གྲྭ་བ་ལོག་ནེ་ཁག་མེད།།
གྲྭ་བའི་མི་ཚེ་གང་པོ།།
གྲྭ་ས་རང་ནས་ལྷག་འགྲོ
གྲྭ་བས་གཞན་དོན་བསམ་ནས།།
གྲྭ་བའི་རང་དོན་ཤོར་འགྲོ