བོད་མིའི་རང་དབང་སྒེར་ལངས་ཀྱི་དུས་དྲན་ཐེངས་ང་གཉིས་པའི་སྟེང་། བོད་པའི་བློས་ཐུབ་ཀྱི་གྲོགས་མོ་ཨ་རིའི་གྲོས་ཚོགས་འཐུས་མི་ལྕམ་ནན་སེ་པེ་ལོ་སི་ (Nancy Pelosi)མཆོག་གིས་བོད་དོན་ལ་ཐུགས་འཁུར་མཚོན་པའི་ཕྱག་འཕྲིན་ཞིག་བསྩལ་འདུག
ཕྱག་འཕྲིན་དེར་བསྟན་དོན། བོད་ཀྱི་རང་དབང་འཐབ་རྩོད་ཆེད་རང་སྲོག་ཤོར་བའི་རྒྱལ་གཅེས་དཔའ་བོ་དཔའ་མོ་རྣམས་ལ་ངས་གུས་བཀུར་ཞུ་བཞིན་ཡོད། བོད་རིགས་མི་མང་དང་༸གོང་ས་ཏཱ་ལའི་བླ་མ་གཉིས་བར་གྱི་འབྲེལ་བ་དེ་ཁ་བྲལ་ཐབས་མེད་པ་ཞིག་རེད། རྒྱ་གཞུང་གིས་བོད་པའི་ཆོས་ལུགས་ལས་དོན་ཐོག་སྟངས་འཛིན་བྱས་ཏེ། བོད་མི་དང་༧གོང་ས་ཏཱ་ལའི་བླ་མའི་བར་འགལ་ཟླ་བཟོ་བཞིན་ཡོད་པ་དེས་རྒྱ་ནག་གཞུང་རང་ཉིད་ལའང་དཀའ་ངལ་བཟོ་བཞིན་ཡོད།
རྒྱ་ནག་གཞུང་གི་བོད་ནང་གི་དཔལ་འབྱོར་སྲིད་བྱུས་དང་། བོད་མིའི་ཆོས་དད་རང་དབང་། སྨྲ་བརྗོད་རང་དབང་བཅས་ལ་དམ་དྲག་བྱེད་ཀྱི་ཡོད་པ་མ་ཟད། ཐ་ན་༧གོང་ས་ཏཱ་ལའི་བླའི་སྐུ་པར་ཙམ་ཡང་ཉར་དབང་མེད་པར་བཙོན་འཇུག་མནར་གཅོད་གཏོང་གི་ཡོད། དེར་བརྟེན་བོད་མིའི་རང་དབང་སྒེར་ལངས་ཀྱི་ཉིན་མོ་འདིར་ང་ཚོས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གི་དགོངས་གཞི་འཚེ་མེད་ཞི་བའི་ཐབས་ལམ་ལྟར། བོད་མི་མང་གི་འཐབ་རྩོད་ལ་དཔུང་པ་མཉམ་གཤིབ་ཀྱི་རོགས་རམ་བྱ་དགོས། ཞེས་བཀོད་འདུག
བོད་དོན་ལ་རྒྱབ་སྐྱོར་གནང་བ་བཀའ་དྲིན་ཧ་ཅང་ཆེ། མུ་མཐུད་དུ་ཕྱོགས་ཡོང་ནས་རྒྱབ་སྐྱོར་གནང་རྒྱུ་མཁྱེེན།
ཁོང་ནི་དུས་ཡུན་རིང་པོར་ང་ཚོར་རྒྱབ་སྐྱོར་གནང་མཁན་ཞིག་རེད། ད་ཐེངས་ཡང་རྒྱབ་སྐྱོར་གྱི་འབོད་ཚིག་བསྒྲགས་པར་ཐུགས་རྗེ་ཆེ་ཞུ་རྒྱུ་ཡིན། ང་ཚོས་གཙོ་ཆེར་རང་གི་ནུས་པ་གསོག་པར་འབད་འབུང་དང་ཤུགས་སྣོན་རྒྱག་དགོས་པ་ཡིན། ཕྱི་རོལ་གྱི་རྒྱབ་སྐྱོར་ནི་ཨང་ཀི་གཉིས་པ་རེད། འདིའི་ཐོག་ནས་ཕྱི་རོལ་གྱི་ནུས་པ་དེ་དག་རང་ཉིད་ཀྱི་སྟོབས་ཤུགས་ཀྱི་མཐུན་རྐྱེན་དུ་བསྒྱུར་ཐུབ་པ་བྱ་རྒྱུ་ང་ཚོ་ཚང་མས་སེམས་སུ་ངེས་དགོས་སོ།།
ལྕམ་ནན་སེ་ཕེ་ལོ་སཱི་ལ་སྙིང་ཁོང་རུས་པའི་གཏིང་ནས་བཀའ་དྲིན་ཆེ་ཞུ་བཞིན་ཡོད། རང་རེའི་བུད་མེད་ཚོའི་གྲོས་སུ་འདི་འདྲའི་བོད་དོན་ལ་ཐུགས་ཁུར་གནང་མཁན་ཞིག་མཐོང་ཐུབ་མ་སོང་།