ཉེ་སྔོན་ལེ་བྷེ་ཡའི་ཤར་ཕྱོགས་ཀྱི་བྷི་རཱེ་གྷ་Bregaགྲོང་ཁྱེར་དེ་གསར་བརྗེ་ཕྱོགས་གཏོགས་པས་དབང་འཛིན་བྱས་ཡོད་སྟབས།སྲིད་འཛིན་གྷ་ཌ་ཧྥེ་གཞུང་གིས་གྲོང་ཁྱེར་དེའི་གསར་བརྗེ་བ་རྩ་མེད་བཟོ་ཕྱིར་སྲིད་གཞུང་གི་དམག་དཔུང་བཏང་སྟེ། ད་ལྟ་གཞུང་དམག་དང་གསར་བརྗེ་བའི་བར་དྲག་འཐབ་འཁྲུག་འཛིང་བྱུང་ཡོད་འདུག
དེ་བཞིན་ཨ་ཇིཌ་བྷེ་ཡཱ་Ajdabiyaགྲོང་ཁྱེར་ཀྱང་གསར་བརྗེ་བས་དབང་འཛིན་བྱས་ཡོད་པའི་ས་ཁུལ་ཞིག་ཆགས་ཡོད་སྟབས།དྲག་དམག་གཞུང་གིས་གྲོང་ཁྱེར་དེར་མེ་སྒྱོགས་འཕེན་རྒྱུར་གྲ་སྒྲིག་བྱེད་བཞིན་ཡོད་པ་དེར།གནད་དོན་དེའི་ཐད་དབྱིན་ཇི་དང་ཧྥ་རན་སིའི་གཞུང་གིས་ངོ་རྒོལ་བྱས་ཡོད་པར་མ་ཟད། མཉམ་འབྲེལ་རྒྱལ་ཚོགས་ཀྱི་བདེ་འཇགས་ཚོགས་ཆུང་ལ་རྒྱལ་ཚོགས་ཀྱི་རོགས་དམག་གཏོང་དགོས་པའི་འབོད་སྐུལ་ཀྱང་ཞུས་ཡོད་འདུག ཡིན་ནའང་། གནད་དོན་དེའི་ཐད་ཨ་རིའི་གཞུང་གིས་སྐད་ཆ་གང་ཡང་བཤད་མི་འདུག་ལ།རྒྱ་ནག་དང་ར་ཤི་ཡ་སོགས་ཀྱིས་རྒྱལ་ཚོགས་ཀྱི་རོགས་དམག་གཏོང་རྒྱུའི་ཐད་མོས་མཐུན་བྱས་མི་འདུགད་ལྟའི་ཆར་ལེ་བྷེ་ཡའི་གཞུང་གི་མགོ་ཁྲིད་རིམ་པའི་ནང་ཕྱོགས་ཁག་འདྲ་མིན་བྱུང་ཡོད་པར་མ་ཟད། གཞུང་དམག་མང་པོ་ཞིག་གིས་ཀྱང་མི་སེར་ལ་དྲག་གནོན་བྱ་འདོད་མེད་པའི་རྣམ་འགྱུར་ཤུགས་ཆེན་པོ་ཐོན་བཞིན་ཡོད་འདུག
གསར་འགོད་པ། བནྡེ་སྐྱབས།
དུས་བབ་ཛ་དྲག་རེད། དོན་མེད་མི་སེར་གྱི་ཚེ་སྲོག་མང་པོ་ཤོར་རྒྱུ་རེད། རྒྱལ་ཁབ་གང་ཡང་རྒྱལ་ཁབ་དེའི་མི་མང་ལ་དབང་བའི་གནད་དོན་འདི་ལ་སུས་ཀྱང་འགྱུར་བ་གཏོང་མི་ཐུབ་བོ།།
དུས་བབ་ཚང་གིས་དྲ་སྒོར་ཞུགས་མི་ཐུབ་ཀི་ཞེས་སྐད་རྒྱག་མཁན་དེ་ཚོར་གསལ་བཤད་རེ་གནང་ན་མི་བཟང་ངམ།
ཡག་པོ་རེད་དུས་རབས་ཉེར་གཉིས་ཆར་ལ་ཉེ་ཡང་ད་དུང་དམར་པོ་རིང་ལུགས་དང་དབང་འཛིན་རིང་ལུགས་འགས་མི་དམངས་ལ་རང་དབང་མ་སྤྲས་ན་ཡོང་རྒྱུ་དེ་ལས་མེད་ང་ཡིན་ན་ཡང་ཡུལ་དེའི་མི་དམངས་ལྟར་ས་ཆ་དང་གོ་ཚོན་ཡོད་ན་རྒྱ་དམར་ལ་དེ་ལྟར་རྒོལ་ལན་སློག་ངེས་ཡིན་མི་དམངས་ལ་རྒྱལ་ཁ་ཐོབ་ངེས་རེད་