ཟླ་འདིའི་ཕྱི་ཚེས་ ༡༣ ཉིན་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པཱ་རག་ཏུ། དུས་ཡུན་ཉིན་གསུམ་རིང་གི་བོད་ཀྱི་གློག་བརྙན་དུས་སྟོན་ཞིག་མགོ་འཛུགས་བྱས་ཡོད་ཅིང་། དུས་སྟོན་གྱི་སྐབས་སུ་བོད་ཀྱི་ཆབ་སྲིད་བཙོན་པ་དང་མཁན་ཟུར་རིན་པོ་ཆེ། དེ་བཞིན་བོད་ཀྱི་སྤྲུལ་སྐུ་ངོས་འཛིན་བྱེད་ཕྱོགས་སྐོར་གྱི་གློག་བརྙན་མི་འདྲ་བ་ ༢༠ ཙམ་མང་ཚོགས་ལ་གཟིགས་འབུལ་ཞུས་ཡོད་འདུག དེའི་ཐད་གོ་སྒྲིག་ཚོགས་ཆུང་གི་སྐུ་ཞབས་མཱ་ཁ་སི་ལགས་ཀྱིས་བརྗོད་ན། བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་དེ་འཛམ་གླིང་ཡུལ་གྲུ་གཞན་ཁག་ལ་ཁྱབ་སྤེལ་གཏོང་ཐུབ་ཡོད་སྟབས། ད་ཆར་བོད་ཀྱི་ཆོས་རིག་གསོན་པོར་གནས་ཐུབ་པ་མཐོང་ཆོས་སུ་གྱུར་ཡོད། དེ་ལྟ་ནའང་། བོད་ནང་དུ་རྒྱ་གཞུང་གིས་མུ་མཐུད་བོད་ཀྱི་རིག་གཞུང་རྩ་མེད་གཏོང་བཞིན་ཡོད་དུས། ང་ཚོས་བོད་ཀྱི་རྩ་ཆེའི་རིག་གཞུང་སྲུང་སྐྱོབ་དང་རྒྱ་གཞུང་གི་བྱ་སྤྱོད་ལ་ཁ་གཏད་གཅོག་ཆེད་གློག་བརྙན་དུས་སྟོན་གྱི་མཚོན་པའི་བོད་པའི་རིག་གཞུང་ངོ་སྤྲོད་ལས་འགུལ་འདི་སྤེལ་བ་ཡིན། ཞེས་བརྗོད་ཡོིད།
གསར་འགོད་པ། དཔལ་ལྡན།
ལས་འགུལ་དེར་རྒྱབ་བསྐྱོར་དང་འབྲེལ། བོད་མི་རིགས་ཞེས་པ་དེ་ཡང་གོ་ལ་འདིའི་ནང་འཚོ་གནས་བྱེད་པའི་མི་རིགས་ཞིག་ཡིན་པ་དང་མི་རིགས་དེར་མཐུན་མོངས་མ་ཡིན་པའི་ཆོས་དང་རིགས་གཞུང་ཞིག་ཡོད་པ་ཉིད་ཀྱིས་མཁྱེན་ཡོད་པ་དགའ་པོ་བྱུང་། ཐུགས་རྗེ་ཆེ།